იმერეთი. სამეცნიერო-ინტელექტუალური კლუბი „თაობათა დიალოგი" ახორციელებს პროექტს სახელწოდებით „ანტი-ბეთი", რომელიც ითვალისწინებს აზარტულ თამაშებში არასრულწლოვანთა ჩართულობის მაჩვენებლის პროცენტების შემცირებას და შესაბამის კანონში მუხლობრივი ცვლილებების შესატანად რეკომენდაციების მომზადებას. აღნიშნული პროექტის ფარგლებში მათ აზარტული თამაშების წინააღმდეგ აქცია–პერსფომანსი მოაწყვეს და ვიდეო–რგოლი დაამზადეს. ვიდეო–რგოლი წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა–საქართველო აცხადებს, რომ ვლადიმერ ბედუკაძე პასუხისმგებლოსგან სრულად არ უნდა გათავისუფლებულიყო. „ვლადიმერ ბედუკაძეს ბრალად ედებოდა საქართველოს კანონმდებლობითა და საერთაშორისო სამართლებრივი აქტებით ერთ-ერთი ყველაზე მძიმე დანაშაულად აღიარებული ქმედება. გაეროს კონვენციის, „წამებისა და სხვა სასტიკი, არაადამიანური ან ღირსების შემლახავი მოპყრობისა  და დასჯის წინააღმდეგ”, მეორე მუხლი ნათლად კრძალავას წამების ნებისმიერი ფორმით გამართლებას. გარდა ამისა, კონვენციის მეორე მუხლის მესამე ნაწილის მიხედვით, დაუშვებელია უმაღლესი თანამდებობის პირის ან სახელმწიფო ორგანოს მიერ გამოცემული დოკუმენტი გახდეს წამების გამართლების საფუძველი", ნათქვამია ორგანიზაციის მიერ გავრცელებულ განცხადებაში.    სრულად  წყარო: transparency.ge

თბილისი. აშშ–ის საელჩომ უსინათლოთა კავშირის გამოფენას უმასპინძლა. გამოფენამ კავშირის წევრებს საშუალება მისცა დაეთვალიერებინათ საელჩო და საკუთარი ხელთნაკეთი ნივთების შექმნის, ხატვის და მუსიკალური ნიჭი წარმოეჩინათ. ზოგიერთი ნამუშევარი წარმოადგინეს ხელოვანებმა, რომლებიც მთელი სიცოცხლის მანძილზე უსინათლონი არიან. უსინათლოთა კავშირის ძირითადი მიზნებია უსინათლოთა უფლებების დაცვა, საზოგადოებაში მათი ჩართულობის გაადვილება, საქართველოში უსინათლოთა საკითხებზე ცნობიერების ამაღლება და უსინათლოთათვის მეტი შესაძლებლობის შექმნა. წყარო:აშშ–ს საელჩოს გვერდი სოციალურ ქსელში

თბილისი. მშვიდობის, დემოკრატიის და განვითარების კავკასიური ინსტიტუტის რეგიონული განვითარებისა და ადგილობრივი თვითმმართველობის  რესურს ცენტრში შესაძლებლობა გეძლევათ გაეცნოთ ახალ სახელმძღვანელოებს. კერძოდ, კონსტიტუციონალიზმის კვლევისა და ხელმშეწყობის რეგიონალური ცენტრის მიერ გამოცემულ ორ სახელმძღვანელოს – საქართველოს კოსტიტუცია და 2009/2010 წლის კონსტიტუციური რეფორმა საქართველოში. წყარო: participate.ge

თბილისი.14 ივნისს მედიის განვითარების ფონდისა (MDF)  და საქართველოს დემოკრატიული ინიციატივის (GDI)  ერთობლივი პრესკონფერენცია გაიმართა. „ქსენოფობიურმა განცხადებებმა და შეფასებებმა საქართველოს პოლიტიკურ დისკურსში სახიფათო მასშტაბი შეიძინა, რითაც აგრეთვე გაჯერებულია ქართული მედია, რასაც აჩვენებს შესაბამისი მიმართულებით განხორციელებული არაერთი კვლევის შედეგი", განაცხადეს ორგანიზაციების წარმომადგენლებმა. სრულად წყარო: media.ge

თბილისი.15 ივნისს გაიმართება დევნილთა საკითხებზე მომუშავე არასამთავრობო ორგანიზაციები სამუშაო შეხვედრა გაეროს სპეციალურ მომხსენებლთან ჩალოკა ბენიანისთან. შეხვედრაზე განიხილება დევნილთა და ადმინისტრაციულ საზღვართან მცხოვრები მოსახლეობის ადამიანური უსაფრთხოების საკითხები, ასევე იძულებით გადაადგილებულ ქალთა მდგომარეობა და მათი უფლებები. შეხვედრა ტარდება პროექტის – „კონფლიქტის შედეგად დაზარალებული მოსახლეობის ადამიანური უსაფრთხოების გაზრდა უკეთესი მმართველობით, თემის მობილიზაციითა და ქალთა და ახალგაზრდების გაძლიერების გზით" – ფარგლებში. პროექტს ახორციელებს იძულებით გადაადგილებულ ქალთა ასოციაცია „თანხმობა"  „Brot fur die Welt /EED-ს. ფინანსური მხარდაჭერით. შეხვედრა გაიმართება 15 ივნისს 10:30 საათზე სასტუმრო „ამბასადორში". დამატებითი ინფორმაციისთვის დაუკავშირდით ასოციაცია „თანხმობის" ოფისში მისამართზე: თბილისი, თამარ მეფის გამზ, 20, ტელეფონი 2344982, 599570798 წყარო: ორგანიზაცია „თანხმობა"

იმერეთი. საქართვლოს ახალგაზრდული პარლამენტი, 13 ივნისს, საქართველოს პარლამენტის ოფიციალური მიწვევით ქუთაისში იმყოფებოდა. ახალგაზრდული პარლმენტის ადმინისტრაცია ოფიციალურად იქნა მიწვეული სპორტისა და ახალგაზრდობის საქმეთა კომიტეტის სხდომაზე, რომელსაც უმრავლესობის და უმცირესობის წევრები ესწრებოდნენ. აგრეთვე, გამოსვლაზე სპეციალური მოწვევით სპორტისა და ახალგაზრდობის საქმეთა სამინისტრო იმყოფებოდა. ახალგაზრდული პარლამენტის ხელმძღვანელმა, თეონა ლავრელაშვილმა დეპუტატებისა და სტუმრების წინაშე ორგანიზაციის მიერ განხორციელებული პროგრამები წარმოადგინა, მათი მიზნები და შედეგები შეფასება. მან ძირითადი აქცენტი 2013 წლის მოწვევის ახალგაზრდული პარლამენტის პროგრამაზე გააკეთა, მის მნიშვნელობაზე სახელმწიფოებრივი განვითარების კუთხით და მის როლზე ქვეყანაში დემოკრატიული პროცესების განვითარების მიმართულებით. წყარო: ორგანიზაციის გვერდი სოციალურ ქსელში

თბილისი. საბჭოთა წარსულის კვლევის ლაბორატორიამ ზეპირი ისტორიების მორიგი ფილმი გამოაქვეყნა. რიგით მეთერთმეტე ფილმში გია ბეგიაშვილი საკუთარი ისტორიის შესახებ ყვება.  ისტორია ჩაიწერა საბჭოთა წარსულის კვლევის ლაბორატორიის პროექტის „ვირტუალური პლატფორმა: საბჭოთა წარსულის გააზრების" ფარგლებში. პროექტი დაფინანსებულია ფონდი „ღია საზოგადოება - საქართველოს" მიერ. წყარო:ორგანიზაციის გვერდი სოციალურ ქსელში

თბილისი. 15 ივნისს საქართველოს დემოკრატიული ინიციატივა (GDI) გამართავს დისკუსიას: რელიგიის თავისუფლება- რელიგიურ ნიადაგზე არსებული დაპირისპირება სამთაწყაროში. დისკუსიაში მონაწილეობის მიღება შეუძლია ადამიანის უფლებებით დაინტერესებულ ნებისმიერ პირს. სრულად წყარო:ორგანიზაციის გვერდი სოციალურ ქსელში

თბილისი. კავკასიურმა სახლმა ინტერნეტ დღიურის მორიგი გამოშვება გამოაქვეყნა. 12 ივნისის გადაცემაში წარმოდგენილია გამოკითხვის შედეგები, რომელიც კავკასიური სახლის სტუდენტებმა ჩაატარეს თემაზე – „თანამედროვე ოჯახი ტრადიციულ კავკასიაში". კავკასიური დღიური წყარო:ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა საქართველომ სასამართლოს მიერ გადაწყვეტილების მომზადების ვადის დარღვევასთან დაკავშირებით განცხადება გაავრცელა. „2013 წლის 27 მაისს თბილისის საქალაქო სასამართლომ დააკმაყოფილა „საერთაშორისო გამჭვირვალობა – საქართველოს" სარჩელი, რომლითაც ორგანიზაცია ფინანსთა მინისტრის, ნოდარ ხადურის მიერ 2013 წლის 25 იანვარს გამოცემული #30 ბრძანების გაუქმებას ითხოვდა. სასამართლოს დასაბუთებული გადაწყვეტილება, მოქმედი კანონმდებლობის თანახმად, მხარეებს 14 დღეში უნდა ჩაბარებოდათ. ეს ვადა 9 ივნისს ამოიწურა.  ...აღსანიშნავია, რომ სასამართლო პროცესის გაჭიანურებით მნიშვნელოვანი ზიანი ადგება გადამზიდველების კანონიერ ინტერესებს, ვინაიდან ყოველდღიურად იზრდება მათი მატერიალური ზარალი და მცირდება ბაზარზე დაბრუნების შანსი", ნათქვამია ორგანიზაციის გვერდზე სოციალურ ქსელში. სრულად წყარო:ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის ქარტიამ ეროვნულ ბიბლიოთეკასთან თანამშრომლობის მემორანდუმი გააფორმა. მემორანდუმის მიზანია ერთობლივი პროექტების განხორციელება, კონფერენციების, დისკუსიებისა, სემინარების მოწყობა. „ქარტია იმედოვნებს, რომ ბიბლიოთეკასთან დადებული შეთანხება სამომავლოდ აქტიური თანაშმრომლობის საფუძველი გახდება. მემორანდუმი საშუალებას მისცემს ეთიკის ქარტიას გამოიყენოს ეროვნული ბიბლიოთეკის დარბაზები საგანმანათლებლო საქმიანობის განხორციელებისას, თავის მხრივ კი მაქსიმალური მხარდაჭერა გაუწიოს ბიბლიოთეკის იმ პროექტებს, რომელთა მიზანი და ინტერესებიც თანხვედრაშია ქარტიის საქმიანობასთან", ნათქვამია ორგანიზაციის გვერდზე. ჟურნალისტური ეთიკის ქარტიამ ბიბლიოთეკის სამოქალაქო განათლების განყოფილებას რამდენიმე მედია სახელმძღვანელო გადასცა. წყარო:ორგანიზაციის გვერდი სოციალურ ქსელში

თბილისი. 10-14 ივნისს საქართველოს ეწვევა გაერთიანებული ერების ორგანიზაციის სპეციალური მომხსენებლი ჩალოკა ბეიანი. ვიზიტის მიზანია იძულებით გადაადგილებულ პირთა მდგომარეობის შეფასება  და შესაბამისი ინფორმაციის მოპოვება პირველწყაროდან. ვიზიტის ფარგლებში დაგეგმილია სპეციალური მომხსენებლის შეხვედრები  მთავრობისა და ადგილობრივი ხელისუფლების წარმომადგენლებთან, სამოქალაქო საზოგადოებასა და გაეროს სააგენტოებთან. ის ასევე ეწვევა იძულებით გადაადგილებულ პირთა განსახლების ადგილებს. სრულად წყარო: პორტალი GINSC

თბილისი. საერთაშორისო გამჭვირვალობა საქართველო თავდაცვის სამინისტროს განცხადებას გამოეხმაურა. „მოხარულები ვართ, რომ თავდაცვის სამინისტრო მზად არის, გადადგას კონკრეტული ნაბიჯები თავდაცვის საბიუჯეტო პროცესის ანგარიშვალდებულების ხარისხის ასამაღლებლად და ხელი შეუწყოს სამინისტროს ხარჯებზე გაზრდილ სამოქალაქო კონტროლს. ჩვენი ორგანიზაცია მომავალშიც გააგრძელებს თავდაცვის სამინისტროს ბიუჯეტის მართვით დაინტერესებას", ნათქვამია ორგანიზაციის გვერდზე სოციალურ ქსელში. თავდაცვის სამინისტრომ განცხადება გამჭვირვალობის 27 მაისის ბლოგპოსტზე – „თავდაცვის ბიუჯეტი: 7 წელი კონტროლის გარეშე" –  გააკეთა. საერთაშორისო გამჭვირვალობა საქართველოს 27 მაისის განცხადება თავდაცვის სამინისტროს განცხადება წყარო:ორგანიზაციის გვერდი სოციალურ ქსელში www.mod.gov.ge

4–7 ივნისს საქართველოს ახალგაზრდა ეკონომისტთა ასოციაციის და პოლონურ უკრაინული თანამშრომლობის ფონდის ორგანიზებით (PAUCI) სასწავლო ვიზიტით პოლონეთში იმყოფებოდნენ ქუთაისის ბინის მესაკუთრეთა ამხანაგობების თავმჯდომარეები და ქუთაისის მერიისა და საკრებულოს წარმომადგენლები. სასწავლო ვიზიტი მიზნად ისახავდა პოლონეთში ბინის მესაკუთრეთა ამხანაგობების შესახებ არსებული მდგომარეობის შესწავლასა და პოლონური გამოცდილების გაზიერებას ქართველი დელეგაციისთვის. ქართულმა დელეგაციამ ადგილზე მოინახულა და შეისწავლა ბინის მესაკუთრეთა ამხანაგობები, გაეცნო საბინაო ინფრასტრუქტურის მართვისა და საყოფაცხოვრებო ნარჩენების მართვის საკითხებს, თერმო მოდერნიზაციის და ენერგიის მართვის ტექნიკური ასპექტები, განიხილა საბინაო ამხანაგობების მუნიციპალიტეტთან და თვითმმართველობასთან ურთიერთოების პრობლემები და მათი გადაჭრის გზები. სასწავლო ვიზიტი განხორციელდა პროექტის - „პარტნიორობისა და დიალოგის მექანიზმი საბინაო ამხანაგობებსა და მუნიციპალურ ადმინისტრაციას შორის თანამშრომლობისთვის საქართველოში" ფარგლებში. პროექტი თანადაფინანსებულია დემოკრატიის მხარდაჭერის პროგრამის ფარგლებში, რომელსაც ახორციელებს საერთაშორისო სოლიდარობის ფონდი პოლონეთის საგარეო საქმეთა სამინისტროს ფინანსური მხარდაჭერით. წყარო:ორგანიზაციის გვერდი სოციალურ ქსელში

Fundsforngos არასამთავრობო ორგანიზაციებს, რომლებიც მუშაობენ ქალთა და გენრეულ საკითხებზე  ონლაინ სემინარს სთავაზობს. დონორების მოზიდვა, დაფინანსების გაზრდა, წარმატებული სტრატეგიის შემუშავება, ამ  და სხვა საკითხების შესახებ 6 ივნისს  ტრენერი ონლაინ რეჟიმში ერთი საათის განმავლობაში ისაუბრებს. სრულად

თბილისი. გოუ ჯგუფმა ახალი ფილმი ცხინვალიდან – „მამის გარეშე" – გამოაქვეყნა. ფილმში მადინა ცხოვრებოვა თავისი ოჯახის ისტორიას ყვება.  წყარო:ორგანიზაციის გვერდი სოციალურ ქსელში

თბილისი. აისეკ საქართველო აცხადებს აპლიკაციების მიღებას უცხოელი ლიდერების მასპინძლობის მსურველთათვის. იმისთვის, რომ გახდეთ მასპინძელი ოჯახი საჭიროა საცხოვრებელი პირობებით უზრუნველყოთ ერთი ადამიანი 4–დან 8 კვირამდე.  სრულად  წყარო:ორგანიზაციის გვერდი სოციალურ ქსელში

თბილისი.  3 ივნისს თბილისის ადამიანის უფლებათა სახლი ოფიციალურად გაიხსნა. ცერემონია თბილისის ადამიანის უფლებათა სახლის გამგეობის თავმჯდომარემ გახსნა.  სიტყვით გამოვიდა „სახლის" გამგეობის ყოფილი თავმჯდომარე, საქართველოს სახალხო დამცველი - უჩა ნანუაშვილი, სიტყვა წარმოთქვეს სტუმრებმა ნორვეგიიდან, ნიდერლანდებიდან და ჩეხეთიდან. გახსნაზე აჩვენეს დოკუმენტური ფილმი „სახლის" შესახებ. წყარო:ორგანიზაციის გვერდი სოციალურ ქსელში

ქვემო ქართლი. 3 ივნისს „სიდამ" და საქართველოს გაეროს ასოციაციამ ხელი მოაწერეს ურთიერთთანამშრომლობის მემორანდუმს. მისი მიზანია ურთიერთთანამშრომლობის გაღრმავება „სიდას" პროექტ „არასრულწლოვანთა მართლმსაჯულების რეფორმის მხარდაჭერა ქვემო ქართლისა და სამცხე-ჯავახეთის ეროვნული უმცირესობების თემებში" და გაეროს ასოციაციის პროექტს "ჩემი უფროსი მეგობარი" შორის.  მემორანდუმის გაფორმების შემდეგ, თბილისელ და რუსთაველ უფროს და უმცროს მეგობრებს შორის გაცნობითი ხასიათის შეხვედრა გაიმართა, სადაც ერთმანეთს პროექტში მიღებული გამოცდილება გაუზიარეს.  წყარო:ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციამ საოკუპაციო ხაზის გასწვრივ განვითარებულ მოვლენებთან დაკავშირებით განცხადება გააკეთა. „საია მოუწოდებს რუსეთის ხელისუფლებას, შეწყვიტოს საქართველოს ტერიტორიული მთლიანობის ხელყოფა, ადამიანის უფლებების უხეში დარღვევა და დაიცვას 2008 წლის ცეცხლის შეწყვეტის ხელშეკრულების პირობები. ... საქართველოს ხელისუფლებას, გამოიყენოს ყველა შესაძლო დიპლომატიური თუ სამართლებრივი ბერკეტები საქართველოს მოქალაქეების უფლებების დასაცავად ... საერთაშორისო ორგანიზაციებისა და დიპლომატიური კორპუსის წარმომადგენლებს, მოსთხოვონ რუსეთის ფედერაციას ნაკისრი საერთაშორისო ვალდებულებების შესრულება, რათა არ გაგრძელდეს საქართველოს ტერიტორიის ანექსია და ოკუპირებული ხაზის გასწვრივ მცხოვრები მოსახლეობის უფლებების დარღვევა". სრულად  წყარო: gyla.ge

თბილისი. საბჭოთა წარსულის კვლევის ლაბორატორიამ ზეპირი ისტორიების მეათე ფილმი გამოაქვეყნა. 23 წუთიანი ფილმი ისმაილ ბარდაჩიძის ისტორიას ასახავს.   ისტორია ჩაიწერა საბჭოთა წარსულის კვლევის ლაბორატორიის პროექტის – „თავისუფალი წვდომა ინფორმაციასა და სამართალზე" – ფარგლებში. პროექტი განხორციელდა დემოკრატიის მხარდამჭერი ფონდის დაფინანსებით. ფილმი  წყარო: ორგანიზაციის გვერდი სოციალურ ქსელში