გურია. ადამიანის უფლებების სწავლებისადა მონიტორინგის ცენტრმა საჯარო დისკუსიების ციკლის ფარგლებში 3 სექტემბერს დისკუსია ოზურგეთში ჩაატარა. ღონისძიების მიზანია მოსახლეობის ცნობიერების ამაღლება,ასევე მათი ჩართვა სისხლის სამართლის რეფორმაში. დისკუსიის თემა სასამართლო რეფორმას და მისი დამოუკიდებლობის გარანტიებს შეეხო: „მოსამართლის დამოუკიდებლობის გაძლიერება გრძელვადიანი სასამართლო რეფორმის ფარგლებში". დისკუსიას დაესწრენენ როგორც ადგილობრივი მაცხოვრებლები, ასევე სხვადასხვა ორგანიზაციის თუ გაერთიანებების წარმომადგენლები. წყარო:ორგანიზაციის გვერდი სოციალურ ქსელში 

თბილისი. 6 სექტემბერს, არასამთავრობო ორგანიზაცია „ჰელფინგ ჰენდის" ორგანიზებით მოხალისეობის საკითხებთან დაკავშირებით ღონისძიება გაიმართა. შეხვედრას დედაქალაქსა და რეგიონებში მოქმედი 32 არასამთავრობო ორგანიზაციის წარმომადგენელი დაესწრო. ღონისძიების ფარგლებში გაიმართა სახელმძღვანელოს – „მოხალისეთა ეფექტური მართვისა და მობილიზაციის მეთოდები" – პრეზენტაცია, მოხალისეთა სამართლებრივი ასპექტების განხილვა, ტრენინგი მოხალისეთა რეკრუტირებისა და მართვის შესახებ, კვლევის –„ახალგაზრდების დამოკიდებულება მოხალისეობისადმი" – შედეგების პრეზენტაცია.  ღონისძიება გაიმართა პროექტის – „მოხალისეობის განვითარება სამოქალაქო ცვლიბებისათვის" – ფარგლებში ევრაზიის თანამშრომლობის ფონდის მხარდაჭერით.

იმერეთი.8 სექტემბერს ჰაინრიჰ ბიოლის ფონდის სამხრეთ კავკასიის რეგიონალური ბიურო გამართავს მესამე ღია ლექციას – „ევა თუ მარიამი?". ლექციას  თათა ცოფურაშვილი, ილიას სახელმწიფო უნივერსიტეტის ასოცირებული პროფესორი, წაიკითხავს. ლექცია ჩატარდება ჰაინრიჰ ბიოლის ფონდის სამხრეთ კავკასიის რეგიონალური ბიუროს 2013 წლის პროექტის – „ვის ეშინია ფემინიზმის?" – ფარგლებში.  ლექციის შემდეგ მონაწილეებს საშუალება ექნებათ დისკუსია გამართონ. სრულად  წყარო:ორგანიზაციის გვერდი სოციალურ ქსელში

თბილისი. „მოდულის შენობაში მოქალაქეთა პირადი ცხოვრების ამსახველი, უკანონოდ მოპოვებული და შინაგან საქმეთა სამინისტროში დაცული ვიდეოარქივი, რომელიც 110 კომპაქტური დისკისგან შედგებოდა, საბოლოოდ განადგურდა", ინფორმაცია საერთაშორისო გამჭვირვალობა საქართველომ სოციალურ ქსელში გაავრცელა. სრულად:ორგანიზაციის გვერდი სოციალურ ქსელში

ევროკავშირის სამეზობლოს საინფორმაციო ცენტრმა ბროშურა გამოაქვეყნა, რომელშიც პრიორიტეტად განხილულია რეგიონალური თანამშრომლობა. ბროშურა  წყარო:cenn

თბილისი. წამების მსხვერპლთა ფსიქოსოციალური და სამედიცინო რეაბილიტაციის ცენტრმა –GCRT და ფონდმა „მოლოდინი" უგზო–უკვლოდ დაკარგულთა საერთაშორისო დღესთან დაკავშირებით ღონისძიება გამართეს. შეხვედრას დაესწრნენ უგზო–უკვლოდ გაუჩინარებული პირთა ოჯახის წევრები, სტუმრები სამთავრობო და არასამთავრობო სექტორიდან. ღონისძიების მიზანია თანადგომა გაუწიოს ოჯახებს და ხელიშეუწყოს იმ ადამიანების ხსოვნას, ვისი ბედიც გაურკვეველია. ღონისძიება განხორციელდა წითელი ჯვრის საერთაშორისო კომიტეტის ხელშეწყობითა და საქართველოს წითელი ჯვრის მოხალისეებიის დახმარებით. წყარო:წამების მსხვერპლთა ფსიქოსოციალური და სამედიცინო რეაბილიტაციის ცენტრის გვერდი სოციალურ ქსელში

თბილისი. 2013 წლის 1 სექტემბერს ძალაში შევიდა, საქართველოს მთავრობის  26 აგვისტოს №219 დადგენილება ,,საჯარო ინფორმაციის ელექტრონული ფორმით მოთხოვნისა და პროაქტიულად გამოქვეყნების შესახებ", რომელსაც პრემიერ-მინისტრმა ბიძინა ივანიშვილმა მოაწერა ხელი. ამის შესახებ ინფორმაცია ინფორმაციის თავისუფლების განვითარების ინსტიტუტმა გაავრცელა.  „დადგენილებაში ასახულია, IDFI-ის კოორდინირებით არასამთავრობო ორგანიზაციებისა და იუსტიციის სამინისტროს ანალიტიკური დეპარტამენტთან ერთად შემუშავებული მნიშვნელოვანი ინიციატივები.  დადგენილება შვიდი მუხლისგან შედგება, რომელიც განსაზღვრავს საჯარო ინფორმაციის გამოქვეყნების სტანდარტებს, საჯარო ინფორმაციის ელექტრონული ფორმით მოთხოვნის წესსა და პროაქტიულად გამოსაქვეყნებელი საჯარო ინფორმაციის ნუსხას". სრულად წყარო:ogpgeoblog.wordpress.com

თბილისი. ადამიანის უფლებათა ცენტრის ვიდეო პორტალმა – www.hridc.tv – ფილმი – „ანია, ლენონი და ვიზა" – გაავრცელა. ფილმში ფოტოგრაფი ანია გოგუაძე საკუთარი ცხოვრების, გატაცებებისა და ოცნების შესახებ საუბრობს.  ფილმი   წყარო: hridc.tv

სამეგრელო. საქართველო  27-30  აგვისტოს  USAID-ის პროგრამამ  „INRMW" წყალშემკრები აუზების  მართვის გეგმის პრეზენტაცია-განხილვა  ხობისა და სენაკის მუნიციპალიტეტების  დაინტერესებული მხარეებისთვის მოაწყო. პრეზენტაცია მოეწყო GLOWS-ის კონსორციუმის წევრების,  ფლორიდის საერთაშორისო უნივერსიტეტის წარმომადგენლობის (ROFIU-GE), CARE საერთაშორისოს, ვინროკ საერთაშორისოსა და CENN მიერ. წყარო:CENN

თბილისი. 29 აგვისტოს ინფორმაციის  თავისუფლების განვითარების ინსტიტუტმა (IDFI) მორიგი საჯარო დისკუსია გამართა. დისკუსიაზე წარმოდგენილ იქნა USAID "G-3" პროგრამის ფარგლებში მიმდინარე კოალიციური პროექტის კონსორციუმის წევრების მიერ მომზადებული რეკომენდაციების პრეზენტაცია: „საჯარო ინფორმაციის ხელმისაწვდომობის საკანონმდებლო მექანიზმების გაუმჯობესების შესახებ." აღნიული რეკომენდაციების პაკეტის შემუშავება ,,ინფორმაციის თავისუფლების განვითარების ინსტიტუტის" (IDFI), ,,ადამიანის უფლებების სწავლებისა და მონიტორინგის ცენტრის" (EMC), ,,საერთაშორისო გამჭვირვალობა საქართველოსა" (TI-G) და  დამოუკიდებელი ექსპერტების აქტიური ჩართულობით მიმდინარეობს.  რეკომენდაციების შემუშავების მიზანია საქართველოში ინფორმაციის თავისუფლების საკანონმდებლო სტანდარტების სრულყოფა. სარეკომენდაციო პაკეტში განსაზღვრულია სპეციალური საზედამხედველო ორგანოს შექმნა, რომლის ფუნქციებში გაწერილი  იქნება როგორც საზედამხედვლო და საჯარიმო უფლებამოსილებები, ისე საგანმანათლებლო მიზნები.  სრულად წყარო: www.idfi.ge

თბილისი. ორგანიზაცია მარიანი აგრძელებს პროექტს – „აუდიწიგნები უსინათლო ბავშვებისათვის". 2 სექტემბრიდან ორგანიზაცია იწყებს მეტყველების ტრენინგის მეორე ეტაპს. 1 სექტემბერს მოეწყო სამუშაო შეხვედრა პროექტის მონაწილეებთან ეთნოგრაფიულ მუზეუმში, რომელზეც მონაწილეებმა თავიანთი გამოცდილებისა და შთაბეჭდილებების შესახებ ისაუბრეს. შეხვედრაზე ტრენერმა მონაწილეებს გააცნო ტრენინგის და მუშაობის სპეციფიკა, წყარო:ორგანიზაციის გვერდი სოციალურ ქსელში

თბილისი. ორგანიზაცია „იდენტობამ" ვიდეო–რეპორტაჟი –„სანამ მინარეთი დაუბრუნებიათ" –გაავრცელა. რეპორტაჟში აღწერილია ქართველ მუსლიმთა აქციები ახალციხეში. ვიდეო რეპორტაჟი წყარო:ორგანიზაციის გვერდი სოციალურ ქსელში

თბილისი. ევროკავშირის წარმომადგენლობამ საქართველოში ევროკავშირის ქვეყნების მისიების ხელმძღვანელებთან შეთანხმებით განცხადებას გააკეთა. „საქართველოში ევროკავშირის წარმომადგენლობა შეშფოთებით აღნიშნავს, რომ რუსეთის ფედერაციის პრეზიდენტი პუტინი სულ ახლახანს ეწვია საქართველოს აფხაზეთის რეგიონს. ევროკავშირის წარმომადგენლობა მიიჩნევს, რომ ეს ვიზიტები არშეესაბამება სახელმწიფოების სუვერენობისა და ტერიტორიული მთლიანობის პრინციპებს", ნათქვამია განცხადებაში. სრულად  წყარო:eeas.europa.eu

თბილისი. ადამიანის უფლებების სწავლებისა და მონიტორინგის ცენტრმა სოციალურ ქსელში სოფელ ჭელაში მიმდინარე მოვლენებთან დაკავშირებით განცხადება გაავრცელა. „EMC უკიდურესად შეშფოთებულია სოფელ ჭელაში მიმდინარე მოვლენებით. ჩვენ განსაკუთრებული ყურადღებით შევისწავლით ამ საქმეს. EMC-ის აქტივისტები ამ წუთებში გზაში არიან და ინცინდენტის ადგილზე გასაცნობად მიემართებიან. ისინი დღის განმავლობაში პირველადი შესწავლის მიზნით შეხვდებიან ადგილობრივ ხელისუფლებას და მოსახლეობას". წყარო:ორგანიზაციის გვერდი სოციალურ ქსელში

თბილისი. ფონდი „ღია საზოგადოება – საქართველო" ინფორმაციას აჩვრცელებს, რომ საზაფხულოდ ფონდი იხურება 26 აგვისტოდან 9 სექტემბრამდე. წყარო: osgf.ge

თბილისი. „საქართველოს ახალგაზრდა კონსტიტუციონალისტთა ასოციაციამ" გამართა შეხვედრა საქართველოში ნიდერლანდების სამეფოს საელჩოს წარმომადგენლებთან. მხარეებმა გაუზიარეს ერთმანეთს შეხედულებები საკონსტიტუციო ცვლილებებთან დაკავშირებით. აგრეთვე, ისაუბრეს სამომავლო გეგმებზე. ასოციაცია მომავალშიც აქტიურად გააგრძელებს საქართველოში აკრედიტებულ დიპლომატიურ კორპუსთან თანამშრომლობას. წყარო: ორგანიზაციის გვერდი სოციალურ ქსელში

თბილისი.ორგანიზაცია „რადარამის" მორიგი გამოცემა „სირთულეები" სექტემბრიდან ბიბლუსის წიგნების მაღაზიებში გაიყიდება. ამერიკელი ქირურგის, ათეულ გვანდეს წიგნი ჩანაწერებს განეკუთვნება და პაციენტების ანონიმურობის დაცვით, გულახდილად და ემოციურად აწერს სხვადასხვა ექიმის პრაქტიკაში მომხდარ კუროზებსა და დაშვებულ სამედიცინო შეცდომებს. წიგნი განკუთვნილია სამედიცინო სფეროს, ასევე მკითხველთა ფართო წრისთვის. წყარო: ორგანიზაციის გვერდი სოციალურ ქსელში

იმერეთი. 12-14 აგვისტოს და 16-18 აგვისტოს CENN-ის რეგიონული ინიციატივის სამხრეთ კავკასიის ქვეყნებში სოფლად მცხოვრებ ქალთა გაძლიერება და მათი ჩართვა ბუნებრივი რესურსების მდგრად მართვაში ფარგლებში ჭიათურისა და ტყიბულის მუნიციპალიტეტებში ჩატარდა ტრენინგები. ტრენინგების თემა იყო გარემოს დაცვა და წიაღის მოპოვება. შეხვედრებს ესწრებოდნენ პროექტის ფარგლებში დაარსებული დარკვეთისა და გელათის ქალთა საბჭოების წარმომადგენლები, ადგილობრივი მოსახლეობა, აქტიური ქალები, პედაგოგები. ტრენინგის მონაწილეების გაეცნენ ისეთ საკითხებს, როგორიცაა სასარგებლო წიაღირსეულის მოპოვების საკანონმდებლო და ადმინისტრაციული რეგულირება, ამ კუთხით სხვადასხვა ქვეყნებში არსებული კანონმდებლობა, ასევე ადგილობრივი მაცხოვლებლების უფლებები და სხვა. ტრენინგის ბოლოს მოეწყო მოკლემეტრაჟიანი ფილმების ჩვენება ქალთა გაძლიერებასა და ჩართულობაზე, ასევე გაიმართა დისკუსია. ინიციატივა ხორციელდება გერმანული ფონდის EED-ის ფინანსური მხარდაჭერით. წყარო: cenn

თბილისი. „საქართველოს ახალგაზრდა კონსტიტუციონალისტთა ასოციაციის" წარმომადგენლები შეხვდნენ დიასპორის საკითხებში სახელმწიფო მინისტრის პირველ მოადგილეს - ზაალ სარაჯიშვილს. შეხვედრაზე მხარეებმა მიმოიხილეს საზღვარგარეთ მცხოვრები ქართველების პრობლემები, ისაუბრეს მათი გადაჭრის გზებზე და, შესაბამისად, განსაზღვრეს სამომავლო თანამშრომლობის ფარგლები. წყარო: ორგანიზაციის გვერდი სოციალურ ქსელში

თბილისი. 20 აგვისტოს,  ნიდერლანდების სამეფოს ახლადდანიშნული ელჩი საქართველოში, ჰანს ჰორბახი, „სამართალიან არჩევნებს" ესტუმრა. ორგანიზაციის აღმასრულებელმა დირექტორმა, ელჩს ორგანიზაციის საქმიანობა გააცნო. ჰორბახი დაინტერესდა ქვეყანაში წინასაარჩევნო პერიოდის მიმდინარეობით და ასევე მედია გარემოს მდგომარეობით. წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა კონსტიტუციონალისტთა ასოციაციამ გამართა შეხვედრა საქართველოში შვეიცარიის ელჩის მოადგილესთან, ბატონ ფლორიან გუბლერთან. ასოციაციამ შეხვედრაზე წარადგინა თავისი პოზიცია კონსტიტუციურ რეფორმებთან დაკავშირებით. თავის მხრივ, ბატონმა გუბლერმა გააცნო ასოციაციას წარმომადგენლობის შეხედულება აღნიშნულ ცვლილებებზე და, შვეიცარული მხარის სახელით, გამოთქვა სურვილი საქართველოს ახალგაზრდა კონსტიტუციონალისტთა ასოციაციასთან სამომავლო ურთიერთთანამშრომლობის შესახებ. წყარო: ორგანიზაციის გვერდი სოციალურ ქსელში

ქვემო ქართლი. ორგანიზაცია „ძეგლის მეგობრის" ინიციატივით 17 აგვისტოს საყდრისის ოქროს საბადოს ისტორიული მემკვიდრეობის სტატუსის აღდგენის მოთხოვნით აქცია გამართა. ორგანიზაციის ვებგვერდზე აღნიშნულია, რომ დაახლოებით ერთი თვის წინათ „კულტურისა და ძეგლთა დაცვის სამინისტრომ საყდრისის ოქროს საბადოს გაუუქმა ისტორიული მემკვიდრეობის სატუსი, რის შემდეგაც ის ადგილი გადაეცა ერ ჯი ემ გოლდს". წყარო: ორგანიზაციის გვერდი სოციალურ ქსელში