თბილისი. 5 მარტს თბილისის განვითარების ფონდმა ქალაქის ისტორიული ნაწილის ურბანული განვითარების კონცეფციის შემუშავებაზე კონკურსი გამოაცხადა. საკონკურსო წინადადებებს ფონდი ხუთი დღის განმავლობაში, 9 მარტიდან 13 მარტის ჩათვლით იღებდა. საერთაშორისო გამჭვირვალობა – საქართველოს ინფორმაციით, როგორც 13 მარტის სხდომის ოქმშია აღნიშნული „კონკურსში წარმოდგენილ იქნა ერთადერთი კონკურსანტის, შპს „დისტანციური ზონდირებისა და გეოგრაფიული ინფორმაციული სისტემების საკონსულტაციო ცენტრ გეოგრაფიკის" საკონკურსო წინადადება. ეს კომპანია საკონკურსო კომისიამ გამარჯვებულად 20 მარტს გამოაცხადა".
ორგანიზაცია მიიჩნევს, რომ საკონკურსო ვადები „საეჭვოდ მოკლე იყო იმისთვის, რომ მონაწილეებს სრულყოფილად შეესრულებინათ... თბილისის ისტორიული ნაწილის განვითარების კონცეპტუალური ხედვის ჩამოყალიბება....". გარდა ამისა ორგანიზაციის ინფორმაციის საკონკურსო განაცხადი მხოლოდ ქართულ ენაზე იყო და შესაბამისად „კონკურსში ვერ მიიღებდნენ მონაწილეობას უცხოელები".
ორგანიზაცია მიიჩნევს, „რომ კონკურსი არ ჩატარებულა ჯანსაღი კონკურენციის პირობებში და ის ვერ უზრუნველყოფდა სახელმწიფო სახსრების რაციონალურ ხარჯვას. ამგვარად, ჩნდება ეჭვი, რომ „თბილისის განვითარების ფონდს" წინასწარ ჰყავდა შერჩეული კომპანია ამ სამუშაოების შესასრულებლად და კონკურსის ჩატარება მხოლოდ ფორმალობა იყო".
სრულად...
წყარო: transparency.ge