სამეგრელო. ახალგაზრდების ინიციატივით ზუგდიდში მიმდინარე აქციის– ,,ქარისგან დაუცველების" ფარგლებში ახალგაზრდებმა სოფელ ცაიშში 200-მდე ხე დარგეს.

აქცია „ქარისგან დაუცველები" არასამთავრობო ორგანიზაციის „საუნჯის" პროექტის („საჯარო სივრცე ახალგაზრდებისათვის", ფინანსური მხარდამჭერი ფონდი „ღია საზოგადოება – საქართველო") ფარგლებში გამართული დისკუსიების მონაწილე ახალგაზრდების მიერ დაიგეგმა.
აქციის მიზანია ადგილობრივი თვითმმართველობის პრიორიტეტი გახდეს სოფლებში ქარსაცავი ზონების აღდგენა-გაშენება, ხელი შეეწყოს მოქალაქეების ინფორმირებულობას ქარსაცავი ზონების მნიშვნელობასა და სოფლის რწმუნებულების ორგანიზებით ქარსაცავების გაშენებაში მოსახლეობის ჩართლობას. აღნიშნულის მოთხოვნით შეტანილ წერილს ორასამდე მოქალაქე აწერს ხელს.