დისკუსია – „შესახლებულთა და თავშესაფრის გარეშე დარჩენილი ოჯახების მდგომარეობა“
აჭარა. 20 მაისს, ბათუმის დემოკრატიული ჩართულობის ცენტრში გაიმართა დისკუსია: „შესახლებულების და თავშესაფრის გარეშე დარჩენილი ოჯახების მდგომარეობა''. დემოკრატიის ინსტიტუტის ორგანიზებით აღნიშნული შეხვედრა სამოქალაქო კვირეულის ფარგლებში მოეწყო. შეხვედრის მიზანი ყოფილი 25-ე და 53-ე ბატალიონების ტერიტორიაზე შესახლებულების მიმართ ხელისუფლების დამოკიდებულების და პრობლემების მოგვარების გზებზე მსჯელობა იყო. სამთავრობო კომისიამ მათი მდგომარეობის შესწავლა უკვე დაასრულა და შედეგები მალე გახდება ცნობილი, რომლის შედეგაც გადაწყდება შესახლებულების საცხოვრებლით დაკმაყოფილების საკითხი. დისკუსიაში შესახლებულები, ამ თემაზე მომუშავე არასამთავრობო ორგანიზაციებისა და ხელისუფლების წარმომადგენლები მონაწილეობდნენ.
