„შშმ პირთა ეკონომიკური გაძლიერების ხელშეწყობა გურიისა და აჭარის რეგიონებში”
აჭარა. 15-17 დეკემბერს, „შშმ პირთა ეკონომიკური გაძლიერების ხელშეწყობა გურიისა და აჭარის რეგიონებში” პროექტის ფარგლებში „კოალიციამ დამოუკიდებელი ცხოვრებისათვის” შშმ პირებს ტრენინგები ჩაუტარა. ტრენინგს გურიასა და აჭარაში მცხოვრები აქტიური შშმ პირები ესწრებოდნენ. აღნიშნული ტრენინგი უკვე ბიზნეს გეგმების სწავლების მეორე ეტაპია, რომლის დასრულების შემდეგ მათ შესაძლებლობა ექნებათ დამოუკიდებლად შექმნან ბიზნეს პროექტი და ხელი შეუწყონ შშმ პირთა თემის ფინანსურ გაძლიერებას. აჭარისა და გურიის მასშტაბით, სულ 15-მდე ახალგაზრდა გადამზადდა. ტრენინგის მონაწილეებს პროექტის ფარგლებში მიღებული ცოდნის საფუძველზე შესაძლებლობა აქვთ მონაწილეობა მიიღონ საგრანტო კონკურსში, სადაც მხოლოდ საუკეთესოდ დაწერილი ბიზნეს გეგმა გაიმარჯვებს.
