სახალხო დამცველის ადამიანის უფლებათა აკადემიის ტრენინგი
თელავი. 12-14 დეკემბერს საქართველოს სახალხო დამცველის ადამიანის უფლებათა აკადემიამ თელავში „ქალთა მიმართ და ოჯახში ძალადობის შესახებ სტატისტიკური მონაცემების შეგროვებისა და ანალიზის" თემაზე ტრენინგი გამართა. ტრენინგს უზენაესი, სააპელაციო, საქალაქო სასამართლოებისა და იუსტიციის უმაღლესი საბჭოს თანამშრომლები ესწრებოდნენ.
ტრენინგი მიზნად ისახავდა ქალთა მიმართ და ოჯახში ძალადობის საკითხებზე სტატისტიკური მონაცემების შეგროვებისა და ანალიზის მიმართულებით მონაწილეთა ცნობიერების ამაღლებას, საქართველოში არსებული მდგომარეობის განხილვასა და საერთაშორისო გამოცდილების გაცნობას.
ტრენინგი გაეროს ქალთა ორგანიზაციის (UN Women) ფინანსური მხარდაჭერით გაიმართა.
წყარო: ორგანიზაციის ვებგვერდი
