საქართველოს სახალხო დამცველის განცხადება აპარატში მიმდინარე ცვლილებების შესახებ
თბილისი. 2017 წლის 27 დეკემბერს საქართველოს ახალმა სახალხო დამცველმა წლის შემაჯამებელი პრესკონფერენცია გამართა.
სახალხო დამცველმა საზოგადოებას გააცნო მის მიერ გადადგმული პირველი ნაბიჯები, ისაუბრა ინსტიტუციური განვითარების სტრატეგიასა და სამომავლო გეგმების შესახებ, ხაზი გაუსვა აპარატის საქმიანობის პრიორიტეტულ მიმართულებებს. ასევე აღნიშნა, რომ იგეგმება დაიხვეწოს ადამიანის უფლებებათა და თავისუფლებათა დაცვის მდგომარეობის შესახებ ყოველწლიური საპარლამენტო ანგარიშების სტრუქტურა, რათა ანგარიშები გახდეს უფრო მარტივად აღქმადი და გამოყენებადი დაინტერესებული პირებისთვის.
წყარო: ორგანიზაციის ვებგვერდი
