EMC და TDI ბათუმში ახალი მეჩეთის მშენებლობის საქმის გაჭიანურებაზე უთითებენ
აჭარა. ადამიანის უფლებების სწავლებისა და მონიტორინგის ცენტრი (EMC) და ტოლერანტობისა და მრავალფეროვნების ინსტიტუტი (TDI) ბათუმში ახალი მეჩეთის მშენებლობის საქმესთან დაკავშირებით მიმდინარე სასამართლო დავაში, ბათუმის საქალაქო სასამართლოს საქმის დროული განხილვისა და სამართლიანი სასამართლოს ბაზისური სტანდარტების დაცვისკენ მოუწოდებენ.
„სასამართლოებში გადატვირთულობის სისტემური პრობლემის აღიარების მიუხედავად, მიგვაჩნია, რომ განსახილველ საქმეში სასამართლომ საქმის განხილვის ყველა გონივრული ვადა დაარღვია, რაც სამართლიანი სასამართლოს მნიშვნელოვან ელემენტს წარმოადგენს", - აცხადებენ EMC და TDI, რომლებიც სასამართლოში მუსლიმი თემის ინტერესებს წარმოადგენენ.
წყარო: https://emc.org.ge
