თბილისი. ყოველწლიურ კონფერენციაზე „ქალის როლი ეკონომიკის ზრდასა და რეფორმების შემუშავებაში", როგორც წლის ლიდერი ქალი მთავრობაში – საქართველოს სახალხო დამცველი, ნინო ლომჯარია დააჯილდოვეს.

ნინო ლომჯარია სპეციალურმა კომიტეტმა შეარჩია, რომელშიც ბიზნესის მხარდამჭერი, კვლევითი და არასამთავრობო 70 ორგანიზაციის წარმომადგენლები არიან გაერთიანებული.

ღონისძიება ამერიკის საერთაშორისო განვითარების სააგენტოს (USAID) პროექტის „მმართველობა განვითარებისათვის" (G4G) საქართველოში და „მეწარმე ქალთა საბჭოს" (WBCG) ერთობლივი ორგანიზებითა და თბილისის მერიის, საქართველოს ბანკის და ევროპის განვითარების და რეკონსტრუქციის ბანკის მხარდაჭერით გაიმართა.

წყარო: ორგანიზაციის ვებგვერდი