გამჭვირვალობა იურიდიულ საკითხთა კომიტეტის სხდომიდან ჟურნალისტების გაძევებას ეხმიანება
თბილისი. „საერთაშორისო გამჭვირვალობა-საქართველო” ეხმიანება პარლამენტის იურიდიულ საკითხთა კომიტეტის სხდომიდან ჟურნალისტების ძალის გამოყენებით გაძევების ფაქტს.
„კატეგორიულად მიუღებელია ხელისუფლების და განსაკუთრებით უმაღლესი საკანონმდებლო ორგანოს მხრიდან, რომელიც გამჭვირვალობის და ანგარიშვალდებულების მაღალი ხარისხით უნდა გამოირჩეოდეს, ჟურნალისტურ საქმიანობაში ხელის შეშლა და მედიის წარმომადგენლების დაუსაბუთებლად და ძალის გამოყენებით სხდომათა დარბაზიდან გაძევება. მოვუწოდებთ საქართველოს პარლამენტის „ქართული ოცნების“ წევრებს, უზრუნველყონ ჟურნალისტებისთვის კანონმდებლობით გათვალისწინებული უფლების განხორციელება”, ნათქვამია ორგანიზაციის განცხადებაში.
წყარო: ორგანიზაციის გვერდი სოციალურ ქსელში
