გამჭვირვალობა: კომპანია „არალი” მილიონიან ტენდერებს უკონკურენტოდ იგებს
სამცხე-ჯავახეთი. საერთაშორისო გამჭვირვალობა - საქართველოს ინფორმაციით, „ქართული ოცნების“ შემწირველმა სამშენებლო კომპანია „არალმა“ 2011-2021 წლებში სახელმწიფო შესყიდვებიდან 181 923 427 ლარი მიიღო, აქედან 25,816,009 ლარი უკონკურენტოდ, ხოლო 17,447,628 ლარი - მისი კონკურენტების დისკვალიფიკაციის ხარჯზე.
"მოვუწოდებთ სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს შპს „არალის“ სახელმწიფო შესყიდვები და გამოარკვიოს, ხომ არ ჰქონდა ადგილი შესაძლო კორუფციულ გარიგებებს მასსა და შემსყიდველ ორგანიზაციებს შორის“, ნათქვამია ორგანიზაციის ვებგვერდზე.
წყარო: transparency.ge
