მრგვალი მაგიდა: იძულებით გადაადგილებულ პირთა პრობლემები
იმერეთი. 27 მარტს, ქუთაისის ახალგაზრდა იურისტთა ასოციაციის წარმომადგენლებმა მრგვალი მაგიდა გამართეს. შეხვედრის მთავარი თემა იძულებით გადაადგილებულ პირთა პრობლემები იყო. მრგვალ მაგიდაში მონაწილეობას იღებდნენ აფხაზეთის მთავრობის წარმომადგენლები და იმერეთის მხარეში მოქმედი არასამთავრობო ორგანიზაციები.
მათი თქმით, დევნილთა განსახლების პროცესში უპირატესობა უნდა მიენიჭოს არა მათი რეგისტრაციის ადგილს, არამედ იმ ფაქტობრივ ადგილს, სადაც ისინი წლების განმავლობაში ცხოვრობენ და უკვე ინტეგრირებულნი არიან.
მრგვალ მაგიდაზე ასევე ისაუბრეს „საქართველოს ოკუპირებული ტერიტორიებიდან იძულებით გადაადგილებულ პირთა-დევნილთა შესახებ" კანონში შესულ ცვლილებებზე.
