აჭარა. 2 სექტემბერს, ბათუმის დემოკრატიული ჩართულობის ცენტრში საინფორმაციო შეხვედრა გაიმართა. რა ტერმინები უნდა გამოვიყენოთ შეზღუდული შესაძლებლობის მქონე პირთა საკითხებზე მომზადებულ საეთერო მასალებში - ამ თემაზე  საზოგადოებრივი მაუწყებლის აჭარის ტელევიზიის ჟურნალისტებთან და ოპერატორებთან  უშუალოდ შშმ პირებმა ისაუბრეს.  სემინარი ორგანიზაციების „მოძრაობა ხელმისაწვდომი გარემოსთვის", „ცვლილებები თანაბარი უფლებებისათვის" და კოალიცია „დამოუკიდებელი ცხოვრებისთვის" ინიციატივით შედგა. მსგავსი შეხვედრა მასმედიის სხვა საშუალებების წარმომადგენლებთანაც იგეგმება.