„აჩუქე წიგნი პატიმარს”
აჭარა. 11 ოქტომბერს, კიდევ ერთ სოციალურ პროექტს ჩაეყარა საფუძველი ბათუმში - „აჩუქე წიგნი პატიმარს". სასჯელაღსრულების #3 დაწესებულების პატიმრებისთვის წიგნების შეგროვების აქცია ახალგაზრდებმა დაიწყეს. იგი არასამთვარობო ორგანიზაცია „თავისუფალ ჟურნალისტთა სახლისა" და ბათუმის ახალგაზრდული ცენტრის ორგანიზებით იმართება. წიგნებს მოხალისეები აგროვებენ. აქციაში ჩართვის მსურველებმა წიგნები „თავისუფალ ჟურნალისტთა სახლში", პრესკაფეში და სახალხო დამცველის ოფისში უნდა მიიტანონ. აქცია დაახლოებით ორ კვირას გაგრძელდება, რის შემდეგაც წიგნები პატიმრებს გადაეცემათ.
