თბილისი. საზოგადოებრივი ორგანიზაციები უკიდურეს შეშფოთებას გამოთქვამენ მმართველი პარტიის, „ქართული ოცნების“ აღმასრულებელი მდივნის, ირაკლი კობახიძის მიერ საქართველოს სახალხო დამცველის, ნინო ლომჯარიას მიმართ განხორციელებული მორიგი თავდასხმის გამო. "სამწუხაროდ, როგორც ქართული ოცნების წევრების, ასევე საკანონმდებლო თუ აღმასრულებელი ხელისუფლების წარმომადგენელთათვის, უკვე ჩვევად იქცა სახალხო დამცველის შესახებ დაუსაბუთებელი და შეურაცხმყოფელი განცხადებებები. ამ განცხადებების ერთადერთი მიზანია, უმნიშვნელოვანესი კონსტიტუციური ინსტიტუტის დისკრედიტაცია, ადამიანის უფლებების სფეროში არსებული რეალური პრობლემებისა და გამოწვევებისგან ყურადღების გადატანა. ხელმომწერი ორგანიზაციები, მოვუწოდებთ ქართული ოცნების პოლიტიკურ გუნდს, თავი შეიკავონ სახალხო დამცველის მიმართ გამოთქმული შეურაცხმყოფელი განცხადებებისგან პირდაპირი თუ ირიბი გზებით, შეწყვიტონ ამ ინსტიტუტის საქმიანობისთვის ხელის შეშლის მცდელობები", ნათქვამია ერთობლივ განცხადებაში. სრულად... წყარო: isfed.ge

თბილისი. საზოგადოებრივი ორგანიზაციები ეხმაურებიან პროკურატურის მიერ მტკიცებულებათა ფალსიფიციცირების ფაქტზე დაწყებული გამოძიების ფარგლებში, თამარ ბაჩალიაშვილის ოჯახის ადვოკატების მაგისტრ მოსამართლესთან დაკითხვის, ასევე მიხეილ რამიშვილის პირადი მობილური ტელეფონის ამოღების ფაქტს. სსო-ები მიიჩნევენ, რომ შესაძლებელია, ეს ქმედებები ჩაითვალოს მიზანმიმართულ მცდელობად, მართლმსაჯულება გამოიყენონ სხვა მიზნებით, კერძოდ - ბაჩალიაშვილის ოჯახისა და მისი უფლებადამცველების პოზიციაზე გავლენის მოსახდენად. "მოვუწოდებთ საქართველოს პროკურატურას დარჩეს სამართლებრივ სივრცეში, დაუყოვნებლივ შეწყვიტოს ადვოკატთა საქმიანობაში ნებისმიერი სახის ჩარევა და პატივი სცეს მათ პროფესიულ დამოუკიდებლობას", ნათქვამია ერთობლივ განცხადებაში. სრულად... წყარო: gdi.ge

თბილისი. 2020 წლის 25 სექტემბერს საქართველოს სახალხო დამცველმა და სახალხო დამცველთან არსებულმა ეროვნულ უმცირესობათა საბჭომ ეროვნული უმცირესობების უფლებების დაცვისა და სამოქალაქო ინტეგრაციის შესახებ შემუშავებული რეკომენდაციები წარადგინეს. ეროვნულ უმცირესობათა საბჭოს რეკომენდაციები შემდეგ საკითხებს მოიცავს: სამოქალაქო ინტეგრაციის მნიშვნელობისა და აუცილებლობის შესახებ საზოგადოებაში ცნობიერების ამაღლება; ეროვნული უმცირესობების სრულფასოვანი მონაწილეობა გადაწყვეტილების მიღების პროცესში; განათლება - სკოლამდელი, სასკოლო და უმაღლესი განათლების ხელმისაწვდომობა; კულტურული თვითმყოფადობის დაცვა და განვითარება მედიისა და ინფორმაციის ხელმისაწვდომობა, ანტიდასავლური პროპაგანდის აღმოფხვრის ხელშეწყობა; გენდერული თანასწორობა და სხვა საკითხები. ღონისძიების ორგანიზატორია სახალხო დამცველთან არსებული ტოლერანტობის ცენტრი. მხარდამჭერია აშშ–ს საერთაშორისო განვითარების სააგენტოს (USAID) მიერ დაფინანსებული, საქართველოს გაეროს ასოციაციის (UNAG) „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამა“ (PITA). სრულად...  წყარო: ორგანზიაციის ვებგვერდი

თბილისი. „ქმედუნარიანობის ინსტიტუტის დანერგვის ხელშეწყობა საქართველოში“ პროექტის პრაქტიკანტები „ხელი ხელს“ სერვისით მოსარგებლეებსა და პერსონალს შეხვდნენ. პრაქტიკანტებმა მონაწილეებთან ერთად განიხილეს ისეთი მნიშვნელოვანი საკითხები, როგორიცაა: შშმ პირთა უფლებების კონვენციის ძირითადი პრინციპების შინაარსი, თანასწორუფლებიანობა და დისკრიმინაციის დაუშვებლობა, მისაწვდომობა და შშმ ბავშვთა უფლებები. პროექტი ხორციელდება ღია საზოგადოების ფონდების (OSF) მხარდაჭერით, ორგანიზაციების - ადამიანის უფლებების სწავლებისა და მონიტორინგის ცენტრი (EMC), პარტნიორობა ადამიანის უფლებებისთვის (PHR), საქართველოს სოციალურ მუშაკთა ასოციაცია (GASW) და გლობალური ინიციატივა ფსიქიატრიაში - თბილისი (GIP-Tbilisi) - მიერ. სრულად...  წყარო: გვერდი სოციალურ ქსელში

თბილისი. 2020 წლის 24 სექტემბერს საქართველოს სახალხო დამცველმა და სახალხო დამცველთან არსებულმა რელიგიათა საბჭომ რელიგიური უმცირესობების წარმომადგენელთა და რელიგიის თავისუფლების გამოწვევებთან დაკავშირებით 2020 წელს შემუშავებული რეკომენდაციები წარმოადგინეს.  ღონისძიება „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის“ (PITA) დახმარებით გაიმართა, რომელსაც ახორციელებს საქართველოს გაეროს ასოციაცია (UNAG), აშშ-ს საერთაშორისო განვითარების სააგენტოს (USAID) ფინანსური მხარდაჭერით.  სრულად...   წყარო: ორგანიზაციის ვებგვერდი

ადამიანის უფლებათა ცენტრმა, პროექტის „ადამიანის უფლებათა მონიტორინგი და ადვოკატირება პანდემიის შემდეგ“ გასვლითი ვიზიტები გამართა იმერეთის, და ქვემო ქართლის რეგიონებში.  პროექტის იურისტები ამ რეგიონებში შეხვდნენ ადგილობრივ მოქალაქეებს და გაესაუბრნენ პროექტის ფარგლებში გათვალისწინებული უფასო იურიდიული დახმარების თემებზე.  სრულად...   წყარო: გვერდი სოციალურ ქსელში

თბილისი. USAID/PROLoG-ის მხარდაჭერით, დაიწყო ახალ სახელმძღვანელოზე მუშაობა სტუდენტებისთვის ქალთა მიმართ და ოჯახში ძალადობის სამართლებრივ საკითხებზე. „სახელმძღვანელოს შექმნის მიზანია ქალთა მიმართ და ოჯახში ძალადობის სფეროში არსებული კანონებისა და მათი განმარტებების თავმოყრა, რაც დაეხმარება სამართლის, სოციალური და ჰუმანიტარული მეცნიერების ფაკულტეტის სტუდენტებს ოჯახში ძალადობასთან დაკავშირებული საგნების შესწავლაში“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველის აპარატმა მოამზადა საინფორმაციო ბიულეტენი - „შშმ პირთა უფლებები ახალი კორონა ვირუსის პანდემიის პირობებში და მის მიღმა“. დოკუმენტი შშმ პირთა უფლებების დაცვის მიმართულებით ადამიანის უფლებათა ეროვნული ინსტიტუტების, სხვადასხვა საერთაშორისო ორგანიზაციის და ქსელის მიერ განხორციელებულ აქტივობებს მოიცავს. საინფორმაციო ბიულეტენი (ინგ) სრულად...  წყარო: ორგანიზაციის ვებგვერდი

თბილისი. 17 აგვისტოს, ადამიანის უფლებების სწავლებისა და მონიტორინგის ცენტრმა (EMC) და საქართველოს ახალგაზრდა იურისტთა ასოციაციამ (GYLA), გაეროს ადამიანის უფლებათა კომიტეტს, სამოქალაქო და პოლიტიკურ უფლებათა საერთაშორისო პაქტის შესრულებასთან დაკავშირებით, კოალიციური ალტერნატიული ანგარიში წარუდგინეს. ალტერნატიული ანგარიში მომზადებულია საქართველოს მიერ სამოქალაქო და პოლიტიკურ უფლებათა პაქტის შესრულების განხილვის მეხუთე ციკლის ფარგლებში. ანგარიში აფასებს პაქტში წარმოდგენილ ყველა სამოქალაქო და პოლიტიკურ უფლებასთან მიმართებაში ბოლო 6 წლის მანძილზე განვითარებულ ძირითად მოვლენებს, ასევე შეფასებულია წინა, მეოთხე ციკლის ფარგლებში კომიტეტის მიერ გაცემული რეკომენდაციების შესრულების მდგომარეობა. სრულად...  წყარო: www.gyla.ge

თბილისი. 17 სექტემბერს ქალაქ ქუთაისში, მაღალი ძაბვის გადამცემი ხაზის საყრდენი კონსტრუქციის დემონტაჟის დროს, სს „საქართველოს რკინიგზაში“ დასაქმებული ორი ელექტრომონტიორი გარდაიცვალებასა და ერთის დაშავებასთან დაკავშირებით, ღირსეული შრომის პლათფრმა განცხადებას ავრცელებს.  „ქვეყანაში კვლავ პრობლემურია და მწვავედ დგას მომეტებული საფრთხის მქონე სამუშაო ადგილებზე, დასაქმებულთა შრომითი პირობების საკითხი. საკანონმდებლო დონეზე გატარებული გარკვეული ცვლილებების მიუხედავად, სახელმწიფო დღემდე ვერ ახერხებს მომეტებული საფრთხის მქონე სამუშაო ადგილებზე დასაქმებული მუშებისთვის ღირსეული და უსაფრთხო სამუშაო პირობების შექმნას. მსგავს ობიექტებზე დასაქმებულთა შრომა უკიდურესად მოწყვლადი და სიცოცხლისა და ჯანმრთელობისათვის სახიფათოა“, - ვკითხულობთ განცხადებაში.  სრულად...  წყარო: www.gyla.ge

თბილისი. ინფორმაციის თავისუფლების განვითარების ინსტიტუტი (IDFI) საქართველოში ფარული მიყურადების კანონმდებლობის და პრაქტიკის ანალიზს აქვეყნებს. „არსებული საკანონმდებლო მოწესრიგების პირობებში, სამწუხაროდ, არ არსებობს განცდა, რომ ფარული საგამოძიებო მოქმედებებით პირადი ხელშეუხებლობის უფლებაში ჩარევა ლეგიტიმური მიზნის პროპორციულად ხორციელდება. ხელისუფლების მიმართ ნდობის ნაკლებობა განპირობებულია მისივე უმოქმედობით აღმოფხვრას არსებული ხარვეზები, რის აუცილებლობაზეც არაერთი ადგილობრივი თუ საერთაშორისო ორგანიზაცია მიუთითებს“, ნათქვამია ორგანიზაციის ანალიტიკური მასალის დასკვნით ნაწილში. სრულად... წყარო: idfi.ge

თბილისი. „ადამიანის უფლებების სწავლებისა და მონიტორინგის ცენტრი (EMC)“ ეხმიანება ევროპის პარლამენტის მიერ მიმდინარე წლის 16 სექტემბერს დამტკიცებულ რეზოლუციას, ევროპის კავშირთან საქართველოს ასოცირების შეთანხმების შესრულების თაობაზე. რეზოლუციაში შეფასებულია ქვეყნის განვითარება სხვადასხვა მიმართულებით, მათ შორის - კანონის უზენაესობის, ადამიანის უფლებებისა და მართლმსაჯულების საკითხები. სრულად... წყარო: emc.org.ge

თბილისი. საქართველოს ახალგაზრდა იურისტთა ასოციაცია იცავს 2020 წლის 29 იანვარს, რეორგანიზაციის შედეგად სამსახურიდან უკანონოდ გათავისუფლებულ რამდენიმე სოციალურ მუშაკს. „სასამართლოში მიმდინარე დავის დასრულებამდე, მოპასუხე ვეღარ შეძლებს მათ ადგილას ახალი თანამშრომლები განუსაზღვრელი ვადით დანიშნოს. სასამართლომ მოპასუხე სააგენტოს დავის გადაწყვეტამდე აუკრძალა შესაბამისი ვაკანტური პოზიციების ახალი კადრებით შევსება. ამ გადაწყვეტილებით სოციალურ მუშაკებს ეძლევათ გარანტია, რომ შრომითი დავის წარმატებით დასრულების შემთხვევაში, სამსახურში აღდგნენ“. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრის ინფორმაციით, 16 სექტემბერს ევროპარლამენტმა მიიღო რეზოლუცია საქართველოსა და ევროკავშირს შორის გაფორმებული ასოცირების შეთანხმების განხორციელების შესახებ, რომელიც სხვა საკითხებთან ერთად საქართველოში შრომის კანონმდებლობის ხარვეზებს ეხება. EMC კიდევ ერთხელ მოუწოდებს საქართველოს პარლამენტს მხარი დაუჭიროს შრომის კანონმდებლობის ცვლილებათა პაკეტს და სხვა მნიშვნელოვან რეგულაციებთან ერთად უზრუნველყოს სრულფასოვანი შრომის ინსპექციის შექმნა. სრულად... წყარო: emc.org.ge

თბილისი. 15 სექტემბერს, საქართველოს სახალხო დამცველი ნინო ლომჯარია, ევროპის საბჭოს პოლიტიკურ საკითხთა დეპარტამენტის დირექტორის მოადგილეს დანიილ ხოშაბოს, ევროსაბჭოს პოლიტიკურ საკითხთა დეპარტამენტის მრჩეველს მაქსიმ ლონგანგეს და საქართველოში ევროპის საბჭოს ოფისის ხელმძღვანელს ნატალია ვუტოვას შეხვდა. „შეხვედრის მიზანი იყო ევროპის საბჭოს გენერალური მდივნის კონსოლიდირებული ანგარიშისთვის ინფორმაციის გაზიარება, საქართველოს ოკუპირებულ ტერიტორიებზე ადამიანის უფლებების დაცვის კუთხით არსებულ ვითარებასთან დაკავშირებით“. სრულად... წყარო: ombudsman.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს საკონსტიტუციო სამართალწარმოების იურისტის ვასილ ჟიჟიაშვილის ბლოგპოსტს: შეუზღუდო ადამიანს თავისუფლება ნიშნავს შეუზღუდო მას შესაძლებლობა აღმოაჩინოს საკუთარი თავი. „თავისუფლება არის თავისთავადი ღირებულება, თუ ის არის ინსტრუმენტი, რომლის გამოყენებაც სხვა მისგან განსხვავებული მიზნის მისაღწევად გვჭირდება? აღნიშნულ კითხვაზე პასუხის გაცემა იმდენად მნიშვნელოვანი და საინტერესო შეიძლება არ იყოს, რამდენადაც ამ კითხვაზე პასუხის გასაცემად განვითარებული მსჯელობის პროცესი. ამისთვის კი თავისუფლებას ორი პერსპექტივიდან უნდა შევხედოთ. ერთ შემთხვევაში თავისუფლების დანახვა ხდება შიგნიდან გარეთ. ამ დროს ადამიანი აკვირდება იმას, თუ როგორია თავისუფლების მნიშვნელობა კერძო ავტონომიის შიდა პერსპექტივიდან მესამე პირებთან ურთიერთობაში. საუბარი მაქვს იმ საზღვარზე, რომლის შიგნითაც არის ინდივიდის ავტონომიური სივრცე, სადაც მისი ყველა ქმედება ლეგალურია, ხოლო მის გარეთ არის მესამე პირთა ინტერესები, რომელში გადასვლაც დაარღვევს იმ წონასწორობას, რომელსაც ინდივიდის თავისუფლება ჰქვია. მეორე შემთხვევაში თავისუფლება დანახულია შიგნიდან შიგნით - თვითრეფლექსიური დაკვირვების მეთოდის გამოყენებით“, ნათქვამია ბლოგპოსტში. სრულად... წყარო: gyla.ge

თბილისი. 12 სექტემბერს „მასწავლებელთა ქსელის“ პირველი ლექციათა ციკლი გაიმართა. „მოხსენებები წაიკითხეს მასწავლებელთა პროფესიული განვითარების ეროვნული ცენტრის წარმომადგენელმა ნათია ნაცვლიშვილმა, განათლების მკვლევარმა და ექსპერტმა სიმონ ჯანაშიამ და ანთროპოლოგმა მარიამ შალვაშვილმა. ლექციები ეხებოდა დემოკრატიული კულტურის კომპეტენციებს, განათლების სისტემის გამოწვევებსა და მათი გადაჭრის გზებს და ცოდნისა და ძალაუფლების ურთიერთმიმართებას. „მასწავლებელთა ქსელი“ ქვემო ქართლის რეგიონში მომუშავე 18 მასწავლებელს აერთიანებს. ქსელის მიზანია სათემო და სოციალურ ცვლილებებზე ორიენტირებული მასწავლებლების გაძლიერება და უმცირესობების კომპაქტურად დასახლებულ რეგიონებში მასწავლებლებს შორის ინტერეთნიკური და ინტერრელიგიური დიალოგის წახალისება“, ნათქვამია ადამიანის უფლებების სწავლებისა და მონიტორინგის ცენტრის ვებგვერდზე. სრულად... წყარო: emc.org.ge

თბილისი. ღირსეული შრომის პლატფორმა თვლის, რომ შრომის ინსპექციის რეფორმა ჭიანურდება. „შრომის ინსპექციის რეფორმის მიღება გაურკვეველი მიზეზით არის შეჩერებული. ღირსეული შრომის პლატფორმა მოუწოდებს საქართველოს პარლამენტს, დროულად განაახლოს რეფორმის განხილვა და უზრუნველყოს მისი მიღება. საქართველოს პარლამენტმა 2020 წლის გაზაფხულზე წარდგენილ შრომის ინსპექციის რეფორმას პირველი მოსმენით მხარი უკვე დაუჭირა. საკანონმდებლო ცვლილებები ჯანმრთელობის დაცვისა და სოციალურ საკითხთა კომიტეტმა არსებითად მოიწონა, თუმცა კანონპროექტის პლენარულ სხდომაზე მეორე მოსმენით განხილვა დღემდე არ მომხდარა და გაურკვეველი მიზეზითა და ვადით არის შეჩერებული“, ნათქვამია საია-ს ვებგვერდზე. სრულად... წყარო: gyla.ge

თბილისი. „საერთაშორისო გამჭვირვალობა - საქართველო“ შეშფოთებას გამოხატავს გიორგი რურუას საქმის მოსამართლის, ვალერიან ბუგიანიშვილის მიერ ჩვენი ორგანიზაციის დისკრედიტაციის მცდელობის გამო. „მოსამართლემ „საერთაშორისო გამჭვირვალობა - საქართველოს” წარდგენილი დამოუკიდებელი ექსპერტული მოსაზრების (სასამართლოს მეგობრის მოსაზრების) განხილვაზე უარი მისი მიკერძოებულობის მოტივით თქვა. მოსამართლე თავისი ქმედებით აგრძლებს უკიდურესად სახიფათო ტენდენციას, როდესაც სასამართლო სისტემა იმეორებს მმართველი პარტიის გზავნილებს და უფლებადამცველი ორგანიზაციის ავტორიტეტის შელახვას ცდილობს“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. მოძრაობა „ხელმისაწვდომი გარემო ყველასათვის“ ღია საზოგადოების ფონდის მიერ მხარდაჭერილი პროექტის - „შშმ პირთა უფლებების ადვოკატირება საარჩევნო პროცესებში ჩართულობით” ფარგლებში იწვევს შშმ პირთა წარმომადგენლობით ორგანიზაციებს, ადამიანის უფლებებზე მომუშავე ორგანიზაციებს, შშმ პირთა საკითხების ექსპერტებს და აკადემიური წრის წარმომადგენლებს სამუშაო შეხვედრაზე „არჩევნების როლი შშმ პირთა უფლებების კონვენციის განხორციელებაში“. „შეხვედრის მიზანია მომზადდეს შშმ პირთათვის პრიორიტეტულ საკითხთა ნუსხა, რათა შემდგომში მოხდეს პოლიტიკური პარტიებისთვის ინფორმაციის მიწოდება და დასახელებული საკითხების საარჩევნო პროგრამებში ასახვა“. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო" ამიერიდან სისტემატურად შემოგთავაზებთ #კორუფციისლექსიკონს. „იმისთვის რომ ვიყოთ მეტად გათვიცნობიერებულები, მნიშვნელოვანია ვიცოდეთ ტერმინების ზუსტი განმარტება. ქონების მითვისებაა, როცა თანამდებობის პირი უკანონოდ იყენებს მისთვის მინდობილ თანხებსა და ქონებას პირადი სურვილების დასაკმაყოფილებლად. ქონების მითვისება კანონით დასჯადია“. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველოს“ იურისტები, დღეს, თავშესაფრის მაძიებლების, ლტოლვილებისა და ჰუმანიტარული სტატუსის მქონე პირებისათვის საინფორმაციო შეხვედრას მართავენ. „მონაწილეები გაეცნობიან საქართველოში თავშესაფრის მიღების პროცედურას, თავშესაფრის მაძიებელთა და ლტოლვილთა უფლება-მოვალეობებს, მათთვის განკუთვნილ სახელმწიფო სერვისებს და პირის მაინდეტიფიცირებელი დოკუმენტების ტიპებს. შეხვედრაზე ასევე განიხილავენ საქალაქო და სააპელაციო სასამართლოებში თავშესაფრის მაძიებელთა საქმეების განხილვის პროცედურებს”, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში