თბილისი. 23 ივნისს, სახალხო დამცველმა ნინო ლომჯარიამ, პარლამენტის პლენარულ სხდომაზე 2020 წელს საქართველოში ადამიანის უფლებათა მდგომარეობის შესახებ ანგარიში წარადგინა და მოკლედ მიმოიხილა ანგარიშში შესული თემატური მიმართულებები. სრულად... წყარო: ombudsman.ge

თბილისი. საქართველოს ახალგაზრდა იურისტთა ასოციაცია (საია) კვლევას „მთავრობა ორდინარულ და საგანგებო მდგომარეობაში - გაუმჭვირვალობა, მოუმზადებლობა და რეცეპტები“. „დოკუმენტზე მუშაობისას გამოიკვეთა ხარვეზები არა მხოლოდ მთავრობის ფუნქციონირების ოპერაციულ, არამედ ნორმატიულ დონეზეც. როგორც აღმოჩნდა, საგანგებო მდგომარეობის გამოცხადებას საქართველო მოუმზადებლად შეხვდა არა მხოლოდ კანონმდებლობის, არამედ ეპიდემიოლოგიური თვალსაზრისითაც, რამაც საგანგებო მდგომარეობის გამოცხადება და ადამიანის უფლებებში ინტენსიური და არასასურველი ფორმით ჩარევა გარდაუვალი გახადა“. სრულად... წყარო: gyla.ge

თბილისი. „საერთაშორისო გამჭვირვალობა-საქართველო“ საარჩევნო კოდექსში შესატანი ცვლილებების არსს მიმოიხილავს და ადარებს ამჟამად მოქმედ კანონს. დეტალურად გაეცანით ორგანიზაციის შეფასებებსა და რეკომენდაციებს: ცესკოს დაკომპლექტების წესზე; ცესკოს წევრების დასანიშნად დაგეგმილ დროებით რეგულაციაზე; ცესკოს თავმჯდომარის მოადგილეების რაოდენობის ზრდაზე; საოლქო და საუბნო კომისიების ფორმირების წესზე; შემაჯამებელი ოქმების შესწორების საკითხზე; არჩევნების შედეგების გადათვლის რეგულაციებზე; საკრებულოებში მანდატების განაწილებისა და საარჩევნო ბარიერის შესახებ; საარჩევნო აგიტაციის შეზღუდვასა და სხვა მნიშვნელოვან საკითხებზე; სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტმა (IDFI) მოამზადა კვლევა: ადგილობრივი თვითმმართველობების სარეზერვო ფონდების ხარჯვა 2020 წელს. „2020 წელს, 54 მუნიციპალიტეტის სარეზერვო ფონდიდან გაწეულია 14.7 მილიონი ლარის ხარჯი. ამავე წლის სარეზერვო ფონდებიდან გაწეული ხარჯების ანალიზმა აჩვენა, რომ სხვადასხვა მუნიციპალიტეტში, სარეზერვო ფონდების ოდენობის განსაზღვრის და მისი ათვისების პრაქტიკა განსხვავებულია. ცალკეული მუნიციპალიტეტები გაწევენ ისეთ ხარჯებს, რომელთა სარეზერვო ფონდიდან დაფინანსების აუცილებლობა კითხვის ნიშნებს აჩენს, ხოლო ცალკეული მუნიციპალიტეტები საერთოდ ვერ ახდენენ სარეზერვო ფონდში გათვალისწინებული სახსრების ათვისებას. სარეზერვო ფონდის მინიმალური ათვისება, განსაკუთრებით პრობლემურად შესაძლებელია შეფასდეს 2020 წელს, კორონავირუსის პანდემიით შექმნილი მდგომარეობის პირობებში“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საერთაშორისო გამჭვირვალობა - საქართველოს ინფორმაციით, სამცხე-ჯავახეთის სახელმწიფო შესყიდვებში გამოვლენილი დარღვევებისა და ბიუჯეტის თანხების მითვისებისთვის გასამართლებულმა ოთხმა პირმა, 2014-2021 წლებში, 80 სახელმწიფო შესყიდვიდან 7 442 197 ლარი მიიღო. „კორუფციისთვის გასამართლებული პირების მიერ სახელმწიფო შესყიდვებით მილიონობით ლარის მიღება ეწინააღმდეგება როგორც შესყიდვების სფეროს რეგულირების საუკეთესო საერთაშორისო პრაქტიკას, ისე საქართველოს პარტნიორი საერთაშორისო ორგანიზაციების რეკომენდაციებს. ჩვენი რეკომენდაციით: რაც შეიძლება სწრაფად უნდა შევიდეს ცვლილება საქართველოს სახელმწიფო შესყიდვების კანონმდებლობაში, რომელიც კორუფციაში და სახელმწიფო შესყიდვებთან დაკავშირებულ თაღლითობაში გამოვლენილ კომპანიებს და მის მესაკუთრეებს სახელმწიფო შესყიდვებში მონაწილეობას შეუზღუდავს მინიმუმ იმ ვადით, სანამ მათი ნასამართლეობა არ გაქარწყლდება.  სახელმწიფო შესყიდვებში კონტრაქტორ კომპანიებს უნდა აეკრძალოთ, ისეთი კომპანიის ქვეკონტრაქტორად გამოყენება, რომელთა მფლობელებიც კორუფციაში ან თაღლითობაში იყვნენ მხილებული“, ნათქვამია ორგანიზაციის განცხადებაში. სრულად... წყარო: transparency.ge

თბილისი. საზოგადოებრივი ორგანიზაციების ნაწილი ავრცელებს განცხადებას: იუსტიციის უმაღლესი საბჭო აგრძელებს მართლმსაჯულებისთვის დამაზიანებელი ნაბიჯების გადადგმას. „17 ივნისს იუსტიციის უმაღლესი საბჭოს სხდომა მიმდინარეობს, სადაც მოსამართლის 100-მდე ვაკანსიის შესახებ მიიღება გადაწყვეტილება, მათ შორის დღესვე, პარლამენტს უზენაესი სასამართლოს მოსამართლეობის 9 კანდიდატი წარედგინება. სასამართლოს სიღრმისეული რეფორმების განხორციელების გარეშე, ამგვარი მნიშვნელობის საკადრო გადაწყვეტილებების დაჩქარებულ ტემპში მიღება, უკიდურესად აზიანებს მართლმსაჯულების ინტერესებს. ვფიქრობთ, რომ საბჭოს ქმედებებმა მომავალში შესაძლებელია ლეგიტიმურობის საკითხი წარმოშვას ამ პირობებში დანიშნული მოსამართლეების მიმართ“, ნათქვამია განცხადებაში. სრულად... წყარო: transparency.ge

თბილისი. პრევენციის ეროვნული მექანიზმის 2020 წლის ანგარიშში წაიკითხავთ ინფორმაციას პენიტენციური ჯანდაცვის კუთხით არსებულ მდგომარეობაზე. სრულად... წყარო: ombudsman.ge

თბილისი. „საერთაშორისო გამჭვირვალობა - საქართველომ”, აშშ-ის საერთაშორისო განვითარების სააგენტოს (USAID) დემოკრატიული მმართველობის ინიციატივის (GGI) გრანტის „საპარლამენტო ზედამხედველობის შეფასება საქართველოში“ ფარგლებში, მოამზადა კვლევა საპარლამენტო კონტროლის განხორციელების შესახებ. კვლევაში შეფასებულია 2019 წლის 1 იანვრიდან 2020 წლის 1 ოქტომბრამდე პერიოდში განხორციელებული საპარლამენტო კონტროლი და მისი შედეგები. „პარლამენტის ახალი რეგლამენტი პროგრესული ნაბიჯი იყო საპარლამენტო კონტროლის გაძლიერების მიმართულებით, რაც დადებითად აისახა საპარლამენტო ზედამხედველობის კონკრეტული მექანიზმების გამოყენების სტატისტიკაზეც. მიუხედავად ამისა, საპარლამენტო კონტროლი სუსტია და კვლავ მნიშვნელოვან გამოწვევად რჩება პარლამენტისა და მთავრობის წევრთა ანგარიშვალდებულება საპარლამენტო კონტროლის პროცესში, ასევე, პრობლემად რჩება ოპოზიციის უფლებრივი მდგომარეობის გაუმჯობესებისათვის მყარი საკანონმდებლო გარანტიების არ არსებობა“. სრულად... წყარო: transparency.ge

თბილისი. სოციალური სამართლიანობის ცენტრმა (ყოფილი EMC) გაეროს ადამიანის უფლებათა უმაღლეს კომისარს წარუდგინა რიგით მესამე, ყოველწლიური ანგარიში კონფლიქტის რეგიონებში არსებულ უფლებრივ და ჰუმანიტარულ მდგომარეობასთან დაკავშირებით. ორგანიზაციის მიწოდებული ინფორმაცია ყურადღებას ამახვილებს 2020-2021 წლებში ადამიანის უფლებათა დარღვევების განგრძობად პრაქტიკებზე, მათ შორის, უკანონო დაკავებების და გადაადგილების თავისუფლების შეზღუდვის შემთხვევებზე, რასაც არაერთი ტრაგიკული შემთხვევა მოჰყვა, ეთნიკური ნიშნით ქართველების შევიწროებასა და დევნაზე გალის და ახალგორის რეგიონებში, პანდემიის პირობებში მძიმე სოციალურ და ჯანდაცვის მდგომარეობაზე, ასევე წამების და არაადამიანური მოპყრობის სავარაუდო პრაქტიკებზე ცხინვალის რეგიონში არსებულ სასჯელაღსრულების დაწესებულებებში. სრულად... წყარო: socialjustice.org.ge

აჭარა. საერთაშორისო გამჭვირვალობა - საქართველოს ინფორმაციით, ბათუმის საკრებულოს ყოფილი წევრის, ნუკრი დოლიძის კომპანიებმა „ბონდი 2009”-მ და „მონოლითი 2005”-მა ბოლო 10 წელიწადში სახელმწიფო შესყიდვებიდან 130 მილიონამდე ლარი მიიღეს. „2 შემთხვევაში შემსყიდველი ბათუმის მერია და მერიის საქალაქო ინფრასტრუქტურის ა(ა)იპი, 55 შემთხვევაში კი აჭარის საავტომობილო გზების დეპარტამენტია ნუკრი დოლიძე ძმასთან, მერაბ დოლიძესთან და შვილთან, ლევან დოლიძესთან ერთად ბათუმსა და ხელვაჩაურში 61 000 კვადრატულ მეტრზე მეტ უძრავ ქონებას ფლობს. მოვუწოდებთ: სახელმწიფო უსაფრთხოების სამსახურს, დაიწყოს მოკვლევა იმ უკონკურენტო ტენდერებთან დაკავშირებით, რომლის შედეგად აღნიშნულ კომპანიებს მრავალმილიონიანი სახელმწიფო ხელშეკრულებები გაუფორმდათ; ბათუმის მერიას, ა(ა)იპ საქალაქო ინფრასტრუქტურისა და კეთილმოწყობის სამმართველოს, ასევე, აჭარის საავტომობილო გზების დეპარტამენტს, მაქსიმალურად უზრუნველყონ კონკურენტული გარემო სახელმწიფო შესყიდვების განხორციელებისას; საჯარო სამსახურის ბიუროს, შეისწავლოს ლევან დოლიძის მიერ 2021 წელს წარდგენილი ქონებრივი დეკლარაცია და მოკვლევის შედეგები საზოგადოებას გააცნოს“. სრულად... წყარო: transparency.ge

თბილისი. პროგრამა „ევროკავშირის გარემოსთვის“ რუსთავსა და ზესტაფონში საწარმოო ნარჩენების მონიტორინგს იწყებს. „მონიტორინგის მიზანია განსაზღვროს, შეაფასოს და აღრიცხოს ადგილობრივი სამრეწველო საწარმოების ნარჩენების ნაკადები. პროექტი ნარჩენების გადამუშავების ეფექტიანი მეთოდების დანერგვისა და ცირკულარული ეკონომიკის პრინციპების და პრაქტიკის განხორციელებისთვის მოამზადებს ნიადაგს“. სრულად... წყარო: www.eu4environment.org

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, საქართველოს პარლამენტმა, 77 ხმით 2-ის წინააღმდეგ, მესამე მოსმენით დაამტკიცა ცვლილებები „ინფორმაციული უსაფრთხოების შესახებ” კანონში, რომელიც წინააღმდეგობაში მოდის ევრო დირექტივის (ქსელებისა და ინფორმაციული სისტემების (Network and Information Systems (NIS)) დირექტივა) ცალკეულ მოთხოვნებთან. „ინიცირებული ცვლილებები, დარეგისტრირების დღიდან, ფართო მსჯელობისა და კრიტიკის საგანია სამოქალაქო საზოგადოების, კერძო სექტორისა და სფეროს ექსპერტების მხრიდან. IDFI აქტიურად მონაწილეობდა კანონპროექტის განხილვის, ცვლილებებთან დაკავშირებული რისკების შესწავლისა და ანალიზის პროცესში. პარლამენტის მიერ მიღებული ცვლილებები კარდინალურად ცვლის საქართველოს კიბერუსაფრთხოების სისტემას და შეიცავს მნიშვნელოვან რისკებს“, ნათქვამია განცხადებაში. სრულად... წყარო: idfi.ge

თბილისი. „საერთაშორისო გამჭვირვალობა - საქართველო“ გთავაზობთ კორუფციის ლექსიკონის მორიგ განმარტებას. „იმისთვის რომ ვიყოთ მეტად გათვიცნობიერებულები, მნიშვნელოვანია ვიცოდეთ ტერმინების ზუსტი განმარტება რას ნიშნავს ე.წ #ატკატი? - თანხა, რომელსაც თანამდებობის პირი იღებს კომპანიისგან ან პირისგან, რომელსაც წინასწარი შეთანხმებით უკანონოდ ან უსამართლოდ გადასცა საბიუჯეტო თანხები“. წყარო: ორგანიზაციის გვერდი სოციალურ ქსელში

თბილისი. 8 ივნისს, კორუფციასთან მებრძოლთა საგანმანათლებლო სასერტიფიკატო პროგრამის მონაწილეებისთვის ლექცია ჩაატარა ილიას სახელმწიფო უნივერსიტეტის ასოცირებულმა პროფესორმა და სამაგისტრო პროგრამის ხელმძღვანელმა არჩილ აბაშიძემ. ლექცია შეეხებოდა კორუფციის კვლევის სფეროში არსებულ გამოწვევებს, კორუფციის კვლევის ძირითად მეთოდებს და მკვლევარისთვის პოტენციურად მნიშვნელოვან მიგნებებს. სრულად... წყარო: idfi.ge

თბილისი. საერთაშორისო გამჭვირვალობა - საქართველოს ინფორმაციით, საქართველოში ოფშორებთან დაკავშირებული 3, 200-მდე კომპანიაა რეგისტრირებული. „კვლევის ფარგლებში მოხერხდა ისეთი 10 ოფშორული კომპანიის იდენტიფიცირება, რომელიც ბიძინა ივანიშვილთან არის დაკავშირებული. 2012-2020 წლებში 6 ოფშორულ კომპანიას პირდაპირი პრივატიზაციის წესით გადაეცა სახელმწიფო ქონება, მათ შორის სამს, სიმბოლურ ფასად, ერთ ლარად. 15-მა ოფშორულმა კომპანიამ კი 77 მილიონი ლარის ქონება აუქციონით მიიღო. თანამდებობის პირებს ოფშორული კომპანიებით ფარული მონაწილეობა შეუძლიათ სახელმწიფო პროექტებში, შესყიდვებში და პრივატიზაციაში, რაც „ელიტური კორუფციის“ ხელშემწყობი ფაქტორია. ჩვენი რეკომენდაციით, აუცილებელია საქართველომ შეასრულოს ეკონომიკური თანამშრომლობისა და განვითარების ორგანიზაციის (OECD) ანტიკორუფციული ქსელის რეკომენდაციები და ოფშორული კომპანიების რეალურ მფლობელთა გამჟღავნება მოითხოვოს მინიმუმ იმ შემთხვევაში, როდესაც ეს კომპანიები ან მათი შვილობილი კომპანიები სახელმწიფო ქონების პრივატიზაციაში, სახელმწიფო შესყიდვებში ან სახელმწიფოს დაფინანსებულ ნებისმიერ სხვა პროგრამაში მიიღებენ მონაწილეობას“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. სოციალური სამართლიანობის ცენტრი გთავაზობთ თორნიკე გერლიანის ანალიტიკურ დოკუმენტს: „საპარლამენტო კონტროლის ძირითადი მექანიზმები საქართველოში“. „საპარლამენტო ზედამხედველობა არსებითად ორ დონეზე - პლენარულსა და საკომიტეტოზე - მიმდინარეობს. საკომიტეტო კონტროლი უფრო მეტად საკითხების საგნობრივ და სიღრმისეულ შესწავლას გულისხმობს. მისი მიზანი არა იმდენად პოლიტიკური ამინდის შექმნა, არამედ საკითხების სპეციფიკურ მახასიათებლებში გარკვევა და მისი დეტალური ანალიზია, რაც შემდგომ, შესაძლოა, უფრო ფართო პოლიტიკური პროცესების წინაპირობა გახდეს. საპირისპიროდ, პლენარულ სხდომაზე მიმდინარე პროცედურების დიდი ნაწილი, სხვა ფუნქციებთან ერთად, უფრო მეტად ემსახურება პოლიტიკური დღის წესრიგის ჩამოყალიბებისა და პოლიტიკური იძულების მიზნებს“. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაციამ (საია) პარლამენტს საარჩევნო კოდექსში შესატან ცვლილებებზე დასკვნა წარუდგინა. ორგანიზაცია მიესალმება საარჩევნო კანონმდებლობის გაუმჯობესებას და მასში ევროპული საბჭოს პრეზიდენტის, შარლ მიშელის 19 აპრილის დოკუმენტის დიდი ნაწილის ასახვას, თუმცა საიას კანონპროექტის მიმართ შენიშვნები შემდეგ საკითხებზე აქვს: საოლქო კომისიების დაკომპლექტება; ამომრჩევლის ნების კონტროლი; ადგილობრივი თვითმმართველობის საარჩევნო სისტემა; საარჩევნო დავების გასაჩივრების ვადები; სავალდებულო გადათვლა; სრულად... წყარო: gyla.ge

თბილისი. კოალიცია „დამოუკიდებელი და გამჭვირვალე მართლმსაჯულებისთვის” უზენაესი სასამართლოს მოსამართლეთა კონკურსს ეხმიანება. კოალიცია მოუწოდებს ხელისუფლებას, უზენაესი სასამართლოს მოსამართლეების არჩევის პროცესი წარმართოს საპარლამენტო უმრავლესობასა და ოპოზიციას შორის პოლიტიკური კონსენსუსის საფუძველზე. წინააღმდეგ შემთხვევაში არ მიიღოს ამ საკითხზე გადაწყვეტილება მართლმსაჯულების ფუნდამენტური რეფორმის გატარებამდე. სრულად... წყარო: socialjustice.org.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის მიიჩნევს, რომ საკონსტიტუციო სასამართლოს ახალი მოსამართლე ინკლუზიური პროცესით უნდა შეირჩეს.  კოალიცია დამოუკიდებელი და გამჭვირვალე მართლმსაჯულებისთვის მოუწოდებს საქართველოს პრეზიდენტს, გაითვალისწინოს სასამართლო ხელისუფლების წინაშე არსებული გამოწვევები, საკონსტიტუციო სასამართლოს განსაკუთრებული როლი და იმოქმედოს საქართველოს კონსტიტუციის სულისკვეთებით. „26 ივლისს საქართველოს საკონსტიტუციო სასამართლოს მოსამართლეს, თამაზ ცაბუტაშვილს, უფლებამოსილების ვადა ეწურება. სასამართლოს ახალი წევრი საქართველოს პრეზიდენტმა უნდა დანიშნოს და კანონმდებლობის თანახმად, ახალი წევრი თანამდებობაზე 26 ივნისიდან 16 ივლისამდე შუალედში უნდა გამწესდეს. მნიშვნელოვანია, პრეზიდენტმა უზრუნველყოს საკონსტიტუციო სასამართლოს წევრის შერჩევის გამჭვირვალე და ინკლუზიური პროცესი, რათა საზოგადოებას ჰქონდეს ნდობა როგორც პროცესის, ისე მის შედეგად შერჩეული კანდიდატის მიმართ“. სრულად... წყარო: www.coalition.ge

თბილისი. საერთაშორისო გამჭვირვალობა - საქართველო აგრძელებს ინფორმაციის სისტემატიზებულ შეგროვებას მაღალი დონის შესაძლო კორუფციულ დარღვევებზე, რომელთა შესახებ ბოლო წლებში გახდა ცნობილი და რომლებზეც შესაბამისი რეაგირება არ მომხდარა. „ჩამონათვალს დაემატა ჩვენ მიერ მოკვლეული, ასევე, ჟურნალისტური გამოძიებების შედეგად გამოვლენილი კორუფციის შესაძლო შემთხვევები“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. ქეთი ხუციშვილის სტატიიდან გაიგებთ არის თუ არა კონკორდატში ჩანაწერი, რომელიც სახალხო დამცველს რომელიმე დაწესებულებაში ბავშვთა უფლებების დაცვას უკრძალავს და რატომ სპეკულირებს პრიმაკოვის სახელობის ქართულ-რუსული საზოგადოებრივი ცენტრის ხელმძღვანელი კონკორდატით?. „ლორთქიფანიძის განცხადება იმის თაობაზე, თითქოს კონკორდატი ეკლესიას მის დაქვემდებარებაში მყოფ ბავშვთა სახლებში სახალხო დამცველის არშეშვების დისკრეციას ანიჭებს, მანიპულაციურია და სიმართლეს არ შეესაბამება. კონკორდატში ამ მტკიცების შესაბამისი მუხლი არ არის. გარდა ამისა, ნინოწმინდის ბავშვთა სახლი არასამეწარმეო (არაკომერციული) იურიდიული პირის სტატუსითაა რეგისტრირებული, სახალხო დამცველის შესახებ ორგანული კანონი და ბავშვის უფლებათა კოდექსი ამ ტიპის დაწესებულებებში სახალხო დამცველის მიერ მონიტორიგნის განხორციელების უფლებას ითვალისწინებს“. სრულად... წყარო: www.mythdetector.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ანგარიშს: საჯარო ინფორმაციის ხელმისაწვდომობა საქართველოში 2020. „ორგანიზაციის მიერ, 2020 წელს ყველაზე დახურულ საჯარო დაწესებულებად შეფასდა საქართველოს მთავრობის ადმინისტრაცია და მთლიანად იუსტიციის სამინისტროს სისტემა. 2020 წელს 285 საჯარო დაწესებულებაში გაგზავნილი 6 258 მოთხოვნიდან IDFI-იმ პასუხი მიიღო 5,000 განცხადებაზე (80%). საჯარო დაწესებულებების ყველაზე დიდმა ნაწილმა (30%) უპასუხოდ დატოვა ან უარი განაცხადა მრჩევლის, ექსპერტის და კონსულტანტის პოზიციებზე დასაქმებული პირებთან გაფორმებული ხელშეკრულებების მოწოდებაზე. 2020 წელს საჯარო ინფორმაცია სრულყოფილი სახით და 10 დღიანი ვადის დაცვით 19-მა საჯარო დაწესებულებამ გასცა. მათ შორის: სახელმწიფო ინსპექტორის სამსახური, სახალხო დამცველის აპარატი, სტატისტიკის ეროვნული სამსახური, საავტომობილო გზების დეპარტამენტი“, ნათქვამია ორგანიზაციის ვებგვერდზე. სრულად... წყარო: idfi.ge