თბილისი. ამომრჩევლების ინფორმირების მიზნით „საერთაშორისო გამჭვირვალობა - საქართველო“ ამჯერად წარმოგიდგენთ 2020 წლის საპარლამენტო არჩევნებზე ოპოზიციური ბლოკის „ერთიანი ნაციონალური მოძრაობა - გაერთიანებული ოპოზიცია „ძალა ერთობაშია“ მიერ წარდგენილი მაჟორიტარი კანდიდატების სამეწარმეო საქმიანობასა და პოლიტიკურ შემოწირულობებს. „„გაერთიანებული ოპოზიცია - ძალა ერთობაშიას“ მიერ წარდგენილი 25 მაჟორიტარი დეპუტატობის კანდიდატიდან 16 ჩართულია სამეწარმეო საქმიანობაში (13 – თავად, ხოლო 3-ის მხოლოდ ოჯახის წევრი). ეს 16 კანდიდატი, მთლიანობაში, სხვადასხვა ფორმით, დაკავშირებულია 113 კომპანიასთან. თუმცა, ამ კომპანიების ნახევარი (56) დაკავშირებულია მხოლოდ 2 მაჟორიტარ კანდიდატთან: კახაბერ ოქრიაშვილთან და ცეზარ ჩოჩელთან“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. საზოგადოებრივი ორგანიზაციები საქართველოს საგამოძიებო და უსაფრთხოების უწყებებს, ასევე, აუდიტის სამსახურს, „პატრიოტთა ალიანსის“ შესახებ „დოსიეს“ მიერ გასაჯაროვებულ ინფორმაციაზე ადეკვატური რეაგირებისკენ მოუწოდებენ. „საგამოძიებო ჟურნალისტურმა პლატფორმამ, „დოსიე“, რომლის მიზანიც კრემლის კრიმინალური ჯგუფების მხილებაა, 24 და 31 აგვისტოს ორი ანგარიში გამოაქვეყნა. ანგარიშებში „საქართველოს პატრიოტთა ალიანსის“ კრემლთან კავშირებსა და ფინანსურ ურთიერთობებზეა საუბარი. „დოსიეს“ მტკიცებით, ანგარიშები, რუსეთის პრეზიდენტის ადმინისტრაციის უცხოეთის ქვეყნებთან რეგიონთაშორისი და კულტურული კავშირების სამმართველოს უფროსის, ვლადიმირ ჩერნოვის სამდივნოდან მოპოვებულ დოკუმენტებს ეფუძნება და მათში კრემლთან დაახლოებული ის ქსელია გამოაშკარავებული, რომელიც „პატრიოტთა ალიანსთან“ ურთიერთობებს კურირებს“, ნათქვამია განცხადებაში. სრულად... წყარო: gyla.ge

თბილისი. ადამიანის უფლებათა ცენტრი პროექტის - „2020 წლის საპარლამენტო მონიტორინგი საქართველოში“ ფარგლებში აქვეყნებს სტატიას: ბიზნესმენი დეპუტატობის კანდიდატების შემოწირულობები - ინვესტიცია მომავალი ტენდერებისთვის. „2020 წლის არჩევნებში მნიშვნელოვანი ტენდენცია გამოიკვეთა. პარტიების მიერ დასახელებული მაჟორიტარი კანდიდატებიდან უმრავლესობა მსხვილი ბიზნესმენი ან პარტიის შემომწირველია.  „საერთაშორისო გამჭვირვალობა - საქართველოს“ მიერ 2020 წლის 11 სექტემბერს გამოქვეყნებული კვლევის თანახმად, „ქართული ოცნების“ მიერ დასახელებული მაჟორიტარი კანდიდატების ნახევარზე მეტი - 30-დან 19 კანდიდატი, ჩართულია სამეწარმეო საქმიანობაში. ეს კანდიდატები კი, თავის მხრივ, დაკავშირებულნი არიან 186 კომპანიასთან. მსხვილი შემომწირველები არიან მაჟორიტარი კანდიდატების ოჯახის წევრები და პარტნიორებიც. მაჟორიტარობის 30 კანდიდატიდან 14 პირადად იყო „ქართული ოცნების“ შემომწირველი“, ნათქვამია სტატიაში. სრულად... წყარო: humanrights.ge

თბილისი. სამართლიანი არჩევნებისა და დემოკრატიის საერთაშორისო საზოგადოებამ (ISFED) 2020 წლის საპარლამენტო არჩევნების ჭრილში, სოციალური მედიის წინასაარჩევნო მონიტორინგის I შუალედური ანგარიში წარმოადგინა. „საანგარიშო პერიოდისთვის ISFED-მა გამოავლინა 10 ცრუ მედია გვერდი, რომლებიც პროსახელისუფლებო და ოპოზიციის საწინააღმდეგო გზავნილებს ავრცელებენ. დაკვირვების შედეგად აღმოჩნდა, რომ ცრუ მედია გვერდები საკუთარ პოსტებს ინტენსიურად ასპონსორებენ, თუმცა პოლიტიკური რეკლამის ხარჯების სათანადო დეკლარირებას არ ახდენენ და Facebook-ის რეგულაციებისთვის თავის არიდებას ცდილობენ. ღიად დისკრედიტაციული Facebook ჯგუფები, ძირითადად, ორი პოლიტიკური პარტიის, „ქართული ოცნების“ და „ერთიანი ნაციონალური მოძრაობის“ წინააღმდეგ მოქმედებენ“, ნათქვამია ორგანიზაციის ვებგვერდზე. სრულად... წყარო: isfed.ge

თბილისი. ინფორმაციის თავისუფლების განვითარების ინსტიტუტი (IDFI) გიწვევთ საერთაშორისო კონფერენციაზე კარგი მმართველობის ფორუმი 2020 (GG Forum 2020). კონფერენციის მიზანია პოლიტიკური გამჭვირვალობის უზრუნველყოფის ინოვაციური და ეფექტური მიდგომების განხილვა, განსაკუთრებით 2020 წლის ოქტომბერში დაგეგმილი საქართველოს საპარლამენტო არჩევნების ფონზე. სრულად... წყარო: idfi.ge

თბილისი. სამართლიანი არჩევნების ინფორმაციით, ორგანიზაციის გრძელვადიან დამკვირვებელს სამიქნაობაში ხელი შეუშალეს. „29 სექტემბერს, დაახლოებით 17:00 საათზე, „სამართლიანი არჩევნების“ გრძელვადიანი დამკვირვებელი წინასაარჩევნო მონიტორინგის ფარგლებში აკვირდებოდა პ/გ „ლელო საქართველოსთვის“ კანდიდატის შეხვედრას დედოფლისწყაროს სოფელ საბათლოში. პარტიის ავტომობილი გააჩერეს მათთვის უცნობმა პირებმა და ხელს უშლიდნენ თავისუფლად გადაადგილებაში. „სამართლიანი არჩევნების“ დამკვირვებელი შეეცადა აღნიშნული ვიდეოთი გადაეღო, რაშიც მერის წარმომადგენლის ძმამ და ადგილობრივი მაღაზიის გამყიდველმა ხელი შეუშალეს - მოსთხოვეს გაურკვეველი დოკუმენტაცია, რითაც ის დაადასტურებდა საჯარო სივრცეში ვიდეოგადაღების უფლებას. ამასთან საქმის გარჩევის მიზნით, დაიბარეს სოფლის ცენტრში და უთხრეს, რომ სოფლიდან ვერ გავიდოდა“.  ორგანიზაცია მოუწოდებს პოლიტიკურ პარტიებს, ყველა ზომა მიიღონ, რომ მათმა მხარდამჭერებმა იმოქმედონ კანონის ფარგლებში და ხელი არ შეუშალონ დამკვირვებლებს საქმიანობის განხორციელებაში. სრულად... წყარო: isfed.ge

თბილისი. საქართველოს მედია წელს უფრო მრავალფეროვნად აშუქებს არჩევნებს, თუმცა მედია-გაშუქებაში კვლავ შეიმჩნევა საარჩევნო პროცესის სიღრმისეული ანალიზის ნაკლებობა, გენდერული სტერეოტიპები და დისკრიმინაციული ენის გამოყენება. ასეთია საარჩევნო მედიამონიტორინგის პირველი 11 კვირის შედეგები, რომლებიც ევროკავშირმა (EU) და გაეროს განვითარების პროგრამამ (UNDP) 2020 წლის საპარლამენტო არჩევნებამდე ერთი თვით ადრე გამოაქვეყნეს. სრულად... წყარო: internews.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, გლობალური ინოვაციების ინდექსი (GII) 130-მდე ქვეყანას აფასებს ინოვაციური შესაძლებლობების მიხედვით. 7 კატეგორიაში დაჯგუფებული 80-მდე ინდიკატორის მეშვეობით, GII მიზნად ისახავს ინოვაციურობის ყოვლისმომცველ შესწავლას ინოვაციური დანახარჯების (inputs) და პროდუქტების (outputs) განზომილებაში. „2020 წლის GII კვლევამ საერთო ჯამში დადებითად შეაფასა საქართველოში ინოვაციური განვითარების ტენდენცია, თუმცა ასევე გამოიკვეთა პროგრესის შენელება. კერძოდ, გასულ წელთან შედარებით, 5 კატეგორიაში გაუარესდა შედეგები, რაც საბოლოო ჯამში ნეგატიურად აისახა ქვეყნის საერთო რეიტინგზე. ინოვაციის გლობალური ინდექსის 2020 წლის შედეგები თვალსაჩინოს ხდის კონკრეტულ სფეროებში ეკონომიკური და ინოვაციური განვითარების თვალსაზრისით არსებულ სტაგნაციას“. სრულად... წყარო: idfi.ge

თბილისი. საერთაშორისო გამჭვირვალობა-საქართველომ დღეიდან დაიწყო წინასაარჩევნო პერიოდში გამოვლენილი დარღვევების შესახებ ორენოვანი განახლებადი ცნობების გამოქვეყნება. მუდმივი განახლების რეჟიმში ხელმისაწვდომი იქნება: ორგანიზაციის სადამკვირვებლო მისიის მიერ გამოვლენილი და ასევე, მედიის მიერ გაშუქებული საარჩევნო დარღვევები; მათი სამართლებრივი კვალიფიკაცია; რეკომენდაციები იმის შესახებ, თუ რა ტიპის რეაგირება უნდა მოყვეს კონკრეტულ დარღვევას. სრულად... წყარო: transparency.ge

თბილისი. 29 სექტემბერს, „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) საქართველოს პარლამენტის 2020 წლის არჩევნების წინასაარჩევნო მონიტორინგის მეოთხე შუალედური ანგარიში წარმოადგინა. "მთავარ გამოწვევად ამომრჩეველზე, აქტივისტებზე, ოპოზიციონერ პოლიტიკოსებზე განხორციელებული ზეწოლის, მუქარისა და ხელის შეშლის ფაქტები წარმოადგენს. ამგვარი შემთხვეევბის რაოდენობის მკვეთრი ზრდა, კენჭისყრის დღის მოახლოებასთან ერთად, მნიშვნელოვან გამოწვევას წარმოადგენს და აზიანებს საარჩევნო პროცესის მიმდინარეობას", ნათქვამია ანგარიშში. სრულად... წყარო: isfed.ge

თბილისი. „საერთაშორისო გამჭვირვალობა - საქართველომ” შეისწავლა თანამდებობის პირთა ქონებრივი მდგომარეობის დეკლარაციების მონიტორინგის სისტემა, რომელიც 2017 წელს ამოქმედდა. "პირველი 3 წლის შედეგების ანალიზი აჩვენებს, რომ მონიტორინგის მექანიზმი ასრულებს მასზე ოფიციალურად დაკისრებული ფუნქციის მხოლოდ ნახევარს – იგი მთლიანად მიმართულია დეკლარირებული ინფორმაციის სისწორისა და სისრულის შემოწმებისკენ და არ მოიცავს ინტერესთა შეუთავსებლობისა და კორუფციული დარღვევების გამოვლენის კომპონენტს", ნათქვამია ორგანიზაციის ვებგვერდზე. სრულად... წყარო: transparency.ge

თბილისი. ინფორმაციის თავისუფლების განვითარების ინსტიტუტის კორუფციასთან ბრძოლის სასერტიფიკატო პროგრამა დაიწყო. კონკურსში მონაწილე 300-მდე განმცხადებლიდან შერჩეული 44 სტუდენტი, საჯარო, კერძო და არასამთავრობო სექტორის წარმომადგენელი გაიღრმავებს ცოდნას ანტიკორუფციულ თემატიკასთან დაკავშირებით და შეიძენს კორუფციის ფაქტებზე ეფექტური რეაგირების უნარ-ჩვევებს. პროგრამას IDFI-ი უკვე მეორე წელია ილიას სახელმწიფო უნივერსიტეტთან ერთად, ღია საზოგადოების ინსტიტუტის ბუდაპეშტის ფონდის (OSI) და ღია საზოგადოების ფონდის (OSGF) ფინანსური მხარდაჭერით ახორციელებს. სრულად... წყარო: ორგანიზაციის გვერდი სოციალურ ქსელში

თბილისი. განვითარებისა და დემოკრატიის ცენტრი (CDD) ერთ-ერთი ორგანიზაციაა, რომელმაც საქართველოს პარლამენტის 2020 წლის 31 ოქტომბრის არჩევნების სამართლიანად და გამჭვირვალედ ჩატარების ხელშეწყობის მიზნით, ქცევის (ეთიკის) კოდექსს მოაწერა ხელი. "ქცევის (ეთიკის) კოდექსის სახელმძღვანელო პრინციპებია: პოლიტიკური ნეიტრალობა და მიუკერძოებლობა, გამჭვირვალობა და ანგარიშვალდებულება, თავისუფალი და სამართლიანი საარჩევნო გარემოს ხელშეწყობა, პროაქტიული თანამშრომლობა და რეაგირება და პანდემიის პირობებში ჯანმრთელობისთვის უსაფრთხო საარჩევნო გარემოს უზრუნველყოფა". სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველოს ინფორმაციით, მიმდინარე კვირიდან, განახლებადი ბლოგი ამოქმედდება, სადაც გაშუქდება 2020 წლის საპარლამენტო არჩევნებზე გამოვლენილი დარღვევები. "დარღვევების შესახებ დაგვირეკეთ ცხელ ხაზზე : +995 322 921403 კონფიდენციალობა დაცული იქნება", ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ვიზუალიზაციას: საჯარო ინფორმაციის ხელმისაწვდომობა საქართველოში 2010-2019. ბოლო ათი წლის განმავლობაში ყველაზე დახურული ტიპის ინფორმაციებია: შიდა აუდიტის ანგარიშები, პრემიები და სახელფასო დანამატები, ელექტრონული ფოსტიდან მიმოწერა, მრჩევლების ხელშეკრულებები და CV, საწვავის მოხმარების ლიმიტები და ხარჯები... სრულად... წყარო: idfi.ge

თბილისი. „მედიის განვითარების ფონდი“ და „საფარი“ წინასაარჩევნო პერიოდში სექსისტური განცხადებების მონიტორინგისა და სექსისტური სიძულვილის ენის ინდიკატორების შემუშავებაზე მუშაობენ.  პროექტი „გენდერ ბარომეტრი“, რომელიც გაეროს განვითარების პროგრამის - UNDP ფინანსური მხარდაჭერით ხორციელდება, მიზანად ისახავს, საჯარო მოხელეების მიმართ გენდერული ნიშნით დისკრიმინაციის შემთხვევების მხილებას, ამ მიმართულებით ცნობიერების ამაღლებასა და მათი უფლებების ადვოკატირებას.  სრულად...  წყარო: გვერდი სოციალურ ქსელში

თბილისი. საქართველოს მედია წელს უფრო მრავალფეროვნად აშუქებს არჩევნებს, თუმცა მედია-გაშუქებაში კვლავ შეიმჩნევა საარჩევნო პროცესის სიღრმისეული ანალიზის ნაკლებობა, გენდერული სტერეოტიპები და დისკრიმინაციული ენის გამოყენება. ასეთია საარჩევნო მედიამონიტორინგის პირველი 11 კვირის შედეგები, რომლებიც ევროკავშირმა (EU) და გაეროს განვითარების პროგრამამ (UNDP) 2020 წლის საპარლამენტო არჩევნებამდე ერთი თვით ადრე გამოაქვეყნეს. მედიამონიტორინგი ხორცილდება სამ არასამთავრობო ორგანიზაციასთან თანამშრომლობით - საქართველოს ჟურნალისტური ეთიკის ქარტიასთან, ინტერნიუს საქართველოსთან და CRRC-საქართველოსთან, და მოიცავს 43 მედია საშუალებას - 12 ტელევიზიას, 10 რადიოს, 8 გაზეთსა და 13 ონლაინ გამოცემას. ტრადიციულ საარჩევნო მედიამონიტორინგთან ერთად, წლევანდელი კვლევა ასევე შეისწავლის, თუ როგორ იყენებენ ქართული მედია-საშუალებები სოციალურ მედიას, კერძოდ, ფეისბუკს, აუდიტორიასთან დასაკავშირებლად, და რა სახის მედია-კონტენტი ზიარდება ფეისბუკის გვერდებსა და ჯგუფებში, მათ შორის პოლიტიკური პარტიებისა და პოლიტიკოსების გვერდებზე. წლევანდელი მედიამონიტორინგის კიდევ ერთი დამატებითი თემაა საქართველოს არჩევნებზე უცხოური გავლენის გაშუქება ქართულ მედიაში. დღეს გამოქვეყნებულ შუალედურ ანგარიშებში შესულია მედიამონიტორინგის შედეგები წინასაარჩევნო პერიოდის პირველი 11 კვირის მიხედვით, 15 ივნისიდან 31 აგვისტომდე. სრულად...  წყარო: https://eeas.europa.eu/

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ანალიტიკურ მასალას: კიბერუსაფრთხოების რეფორმა საქართველოში: არსებული გამოწვევები, საერთაშორისო პრაქტიკა და რეკომენდაციები. „საქართველოს პარლამენტის წევრის, ირაკლი სესიაშვილის მიერ ინიცირებული საკანონმდებლო ცვლილებები სრულიად ცვლის ქვეყნის კიბერუსაფრთხოების არქიტექტურას და ახლებურად აწესრიგებს კრიტიკული ინფრასტრუქტურის მართვის საკითხებს. საერთაშორისო სტანდარტებისა და პრაქტიკის კვლევის საფუძველზე, გამოვყოფთ იმ საკითხებს, რაც საჭიროებს დახვეწას და რომელთა გათვალისწინებაც ხელს შეუწყობს მეტად დაცული კიბერსივრცის უზრუნველყოფას“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. მითების დეტექტორის ინფორმაციის თააანახმად, 18 სექტმებერს, ფეისბუკ გვერდ „ალტ-ინფოს“ გადაცემაში ერთ-ერთმა წამყვანმა, ზურაბ მახარაძემ ამერიკის მომდევნო საპრეზიდენტო არჩევნების შესახებ ისაუბრა. „მისი განცხადებით, აშშ-ის საპრეზიდენტო არჩევნებში დონალდ ტრამპის მოგება აღშფოთებას გამოიწვევს საერთაშორისო მოძრაობა „ანტიფაში“, რომელსაც, მისივე თქმით, „ღია საზოგადოების ფონდი“ (ე.წ. სოროსის ფონდი) აფინანსებს. „ალტ-ინფოს“ მტკიცება, თითქოს „ღია საზოგადოების ფონდი“ მოძრაობა ანტიფას აფინანსებს დეზინფორმაციაა. მემარცხენე იდეოლოგიის მატარებელი, ანტიფაშისტური მოძრაობა ანტიფა აშშ-ში მიმდინარე პოლიტიკური პროცესების აქტიური მონაწილე და ორგანიზატორია. ფაქტების გადამოწმების ორგანიზაციების politifact-ის და snopes-ის, ასევე New York Times-ის, Forbes-ის თანახმად არ არსებობს დადასტურებული მტკიცებულება, რომ ჯორჯ სოროსი ან/და მისი ორგანიზაცია აშშ-ში პროტესტის/არეულობის ორგანიზატორებს აფინანსებს“, ნათქვამია მითების დეტექტორის მასალაში. სრულად... წყარო: www.mythdetector.ge

თბილისი. „საერთაშორისო გამჭვირვალობა - საქართველო“ გთავაზობთ კორუფციის ლექსიკონს. „იმისთვის, რომ ვიყოთ მეტად გათვიცნობიერებულები, მნიშვნელოვანია ვიცოდეთ ტერმინების ზუსტი განმარტება ნეპოტიზმი არის სახელმწიფო ან კერძო სექტორში თანამდებობის პირის მიერ ოჯახის წევრის, ნათესავის ან მეგობრის სამსახურში დაუმსახურებლად აყვანა ან დაწინაურება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში ანტიკორუფციული

თბილისი. 17 აგვისტოს, ადამიანის უფლებების სწავლებისა და მონიტორინგის ცენტრმა (EMC) და საქართველოს ახალგაზრდა იურისტთა ასოციაციამ (GYLA), გაეროს ადამიანის უფლებათა კომიტეტს, სამოქალაქო და პოლიტიკურ უფლებათა საერთაშორისო პაქტის შესრულებასთან დაკავშირებით, კოალიციური ალტერნატიული ანგარიში წარუდგინეს. ალტერნატიული ანგარიში მომზადებულია საქართველოს მიერ სამოქალაქო და პოლიტიკურ უფლებათა პაქტის შესრულების განხილვის მეხუთე ციკლის ფარგლებში. ანგარიში აფასებს პაქტში წარმოდგენილ ყველა სამოქალაქო და პოლიტიკურ უფლებასთან მიმართებაში ბოლო 6 წლის მანძილზე განვითარებულ ძირითად მოვლენებს, ასევე შეფასებულია წინა, მეოთხე ციკლის ფარგლებში კომიტეტის მიერ გაცემული რეკომენდაციების შესრულების მდგომარეობა. სრულად...  წყარო: www.gyla.ge

თბილისი. ინფორმაციის თავისუფლების განვითარების ინსტიტუტი (IDFI) საქართველოში ფარული მიყურადების კანონმდებლობის და პრაქტიკის ანალიზს აქვეყნებს. „არსებული საკანონმდებლო მოწესრიგების პირობებში, სამწუხაროდ, არ არსებობს განცდა, რომ ფარული საგამოძიებო მოქმედებებით პირადი ხელშეუხებლობის უფლებაში ჩარევა ლეგიტიმური მიზნის პროპორციულად ხორციელდება. ხელისუფლების მიმართ ნდობის ნაკლებობა განპირობებულია მისივე უმოქმედობით აღმოფხვრას არსებული ხარვეზები, რის აუცილებლობაზეც არაერთი ადგილობრივი თუ საერთაშორისო ორგანიზაცია მიუთითებს“, ნათქვამია ორგანიზაციის ანალიტიკური მასალის დასკვნით ნაწილში. სრულად... წყარო: idfi.ge