<div style="text-align: justify;"><span style="font-weight: bold;">თბილისი.</span> "საერთაშორისო გამჭვირვალობა-საქართველო” (TI) ეხმაურება ბოლო პერიოდში გავრცელებულ ინფორმაციას "თიბისი ბანკის” წინააღმდეგ განხორციელებულ კიბერშეტევასა და სახელისუფლებო პარტიის სავარაუდო კავშირზე აღნიშნულ თავდასხმასთან.</div> <div style="text-align: justify;">"წინა გამოცდილების გათვალისწინებით, რადგანაც პოლიტიკურად მგრძნობიარე საქმეებთან მიმართებაში საგამოძიებო ორგანოების უმოქმედობის გამო კითხვის ნიშნები ჩნდებოდა, მოვუწოდებთ საქართველოს პარლამენტს შექმნას დროებითი საგამოძიებო კომისია, სადაც საჯარო სხდომებზე მოხდება "თიბისი ბანკის” საქმის დეტალური შესწავლა, მათ შორის ბანკზე შესაძლო კიბერთავდასხმის საკითხისაც. ასევე აუცილებელია, რომ პარლამენტმა გამოძიების მიმდინარეობაზე ეფექტური მონიტორინგი აწარმოოს”, - აღნიშნულია TI-ის მიერ გავრცელებულ განცხადებაში.</div> <div style="text-align: justify;"><a href="http://www.transparency.ge/ge/post/tibisi-bankzekibertavdasxmastan-dakavshirebit-gamoziebis-dumili-kitxvis-nishnebs-achens" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საერთაშორისო გამჭვირვალობა - საქართველოს ინფორმაციით, ზუგდიდის მუნიციპალიტეტი ცენტრალური ხელისუფლების უფლებამოსილებების შესასრულებლად საკუთარ ბიუჯეტს ხარჯავს.</div> <div style="text-align: justify;">„იმ პირობებში, როდესაც მუნიციპალიტეტების, მათ შორის ზუგდიდის ბიუჯეტი მწირია და არ არის საკმარისი თვითმმართველობის საკუთარი უფლებამოსილებების ჯეროვნად განხორცილებისათვის, დელეგირებული უფლებამოსილებების განხორცილება მერიას დამატებით ფინანსურ ტვირთად არ უნდა აწვებოდეს", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/zugdidis-municipalitets-centraluri-xelisuplebis-uplebamosilebebis-shesasruleblad-sakutari" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საქართველოს ახალგაზრდა იურისტთა ასოციაცია, 2016 წლიდან თბილისის საკონცერტო დარბაზის (ფილარმონიის) ირგვლივ განვითარებულ პროცესებს ადევნებს თვალს და საზოგადებას პერიოდულად აწვდის ინფორმაციას. საუბარია, სახელმწიფოსა და შპს ინტერნეიშენალ ივენთს შორის 2007 წელს გაფორმებული ხელშეკრულების შესრულების დეტალებზე, რომელიც შპს "თბილისის სახელმწიფო საკონცერტო დარბაზის", 100%-იანი წილის მართვის უფლებით 49 წლით გადაცემას გულისხმობს.</div> <div style="text-align: justify;">„მიმდინარე წლის თებერვალში საიამ განცხადებით მიმართა სახელმწიფო ქონების ეროვნული სააგენტოს და კომპანიის მხრიდან, სახელწიფოს წინაშე არსებული დავალიანების შესახებ ინფორმაცია მოითხოვა. სააგენტოს მიერ მოწოდებული ოფიციალური ინფორმაციის თანხმად, 2019 წლის თებერვლის მონაცემებით, შპს "ინტერნეიშენალ ივენთს" სახელმწიფოს მიმართ, მართვის საზღაურის და პირგასამტეხლოს სახით 3,115,146 ლარის და 177,102 აშშ დოლარის დავალიანება ერიცხება. აღნიშნული დავალიანება მოიცავს პერიოდს 2010 წლის 1 იანვრიდან დღემდე. საიას ხელთ არსებული ოფიციალური ინფორმაციის თანახმად, 2019 წლის 4 იანვარს, სახელმწიფო ქონების ეროვნულმა სააგენტომ, წერილობით მიმართა შპს „ინტერნეიშენალ ივენთს" და აცნობა, რომ სააგენტო იყენებდა მხარეებს შორის გაფორმებული ხელშეკრულების „6.2." პუნქტს და კომპანიასთან გაფორმებულ ხელშეკრულებას ცალმხრივად წყვეტდა. შესაბამისად, კომპანიისთვის განცხადების ჩაბარების მომენტიდან, მხარეებს შორის ხელშეკრულება შეწყვეტილად ითვლება", - ვკითხულობთ საია-ს მიერ გავრცელებულ ინფორმაციაში.</div> <div style="text-align: justify;"><a href="http://gyla.ge/ge/post/tbilisis-sakoncerto-darbazi-sakhelmtsifos-martvashi-unda-dabrundes#sthash.nYBfiP8s.dpbs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">აჭარა.</span> „საერთაშორისო გამჭვირვალობა - საქართველოს" (TI) ინფორმაციით, აჭარაში მუნიციპალური იურიდიული პირების ხელმძღვანელთა ნაწილს ქონებრივი დეკლარაცია არასრულად აქვს შევსებული. ორგანიზაციამ აჭარის რეგიონის 6 მუნიციპალიტეტის მიერ სხვადასხვა დროს დაფუძნებული შეზღუდული პასუხისმგებლობის საზოგადოებების (შპს) ხელმძღვანელი პირების 21 დეკლარაცია შეისწავლა.</div> <div style="text-align: justify;">„შედეგად, დეკლარაციის არასრულად შევსების 8 ფაქტი გამოვლინდა, რომელთაგან 2 ეხება საკუთარი და ოჯახის წევრების მფლობელობაში არსებული წილების მიუთითებლობას, 3 შემთხვევაში თანამდებობის პირებს საკუთარი წილის მართვის უფლება სხვა პირებისთვის მინდობით არ გადაუციათ, 3 შემთხვევაში კი დეკლარაციაში არ აქვთ შეტანილი ოჯახის წევრების მფლობელობაში არსებული ქონება. სამივე გარემოება არღვევს საჯარო დაწესებულებაში ინტერესთა შეუთავსებლობისა და კორუფციის შესახებ კანონის მოთხოვნებს", - ვკითხულობთ TI-ის მიერ გავრცელებულ ინფორმაციაში.</div> <div style="text-align: justify;"><a href="http://www.transparency.ge/ge/blog/acharis-municipaluri-iuridiuli-pirebis-direktorebis-arasrulad-shevsebuli-deklaraciebi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „ადამიანის უფლებების სწავლებისა და მონიტორინგის ცენტრი" (EMC) და "ინფორმაციის თავისუფლების განვითარების ინსტიტუტი" (IDFI) წარმოადგენენ ახალ კვლევას - „სასამართლო რეფორმის შედეგების შეფასება".</div> <div style="text-align: justify;">კვლევა აღწერს და აფასებს, „მესამე ტალღის" რეფორმის შედეგად, სასამართლო სისტემაში დანერგილ ორ სიახლეს: საქმეთა ელექტრონულად განაწილების პროგრამასა და დამოუკიდებელი ინსპექტორის ინსტიტუტის ამოქმედების პირობებში, მოსამართლეთა დისციპლინური სამართალწარმოების პროცესს.</div> <div style="text-align: justify;"><a href="http://emc.org.ge/ka/products/sasamartlo-reformis-shedegebis-shefaseba" target="_blank" style="font-weight: bold;">სრულად</a></div> <div style="text-align: justify;">წყარო: https://emc.org.ge </div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> საქართველოს ახალგაზრდა იურისტთა ასოციაციის დასკვნით, სამინისტროებსა და სახელმწიფო მინისტრის აპარატში, საჯარო სამსახურის რეფორმით გათვალისწინებული სიახლეების დანერგვა ხარვეზებით, რიგ შემთხვევებში კი, კანონით დადგენილი მოთხოვნების დარღვევებით მიმდინარეობს. ამ დასკვნას საია შესაბამისი კვლევის შემდეგ აკეთებს.</div> <div style="text-align: justify;">„კვლევის შედეგად გამოვლენილი პრობლემები უკავშირდება ისეთ საკითხებს, როგორიცაა: სამინისტროებში შრომითი ხელშეკრულების საფუძველზე პირების უკონკურსოდ დანიშვნის ზრდის ტენდენცია, პროფესიული საჯარო მოხელის შეფასების სისტემის დაგვიანებით ამოქმედება და საჯარო მოხელეებს შორის შეფასების შედეგების არაპროპორციული გადანაწილება, ასევე რეორგანიზაციის საფუძველზე გათავისუფლებული საჯარო მოხელეების სხვა სამინისტროებში მობილობის დაბალი მაჩვენებელი და სამინისტროების მიერ გათავისუფლებული საჯარო მოხელეებისათვის გადახდილი კომპენსაციის დიდი ოდენობა", - აღნიშნულია საია-ს მიერ გავრცელებულ ინფორმაციაში.</div> <div style="text-align: justify;"><a href="http://gyla.ge/ge/post/sajaro-samsakhuris-reforma-kharvezebit-mimdinareobs#sthash.0HY4ClEV.dpbs" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>„საერთაშორისო გამჭვირვალობა-საქართველოს” მიერ გამოქვეყნებული რეკომენდაციების შემდეგ იმერეთის მუნიციპალიტეტების მნიშვნელოვანმა ნაწილმა ვებ-გვერდების გამჭვირვალობის ხარისხი გაზარდა, თუმცა ამ დრომდე რჩება ხარვეზები.</div> <div style="text-align: justify;">„2017 წლის თებერვალში გამოქვეყნებულმა კვლევამ აჩვენა, რომ იმერეთის მუნიციპალიტეტები ჯეროვნად არ ასრულებდნენ ინფორმაციის პროაქტიულად გამოქვეყნების ვალდებულებას, 2018 წელს კი ორგანიზაციამ კიდევ ერთხელ შეისწავლა თორმეტივე მუნიციპალიტეტის ვებ-გვერდები და ადმინისტრაციულ ორგანოებს წერილობითი მოსაზრებები წარუდგინა გამჭვირვალობის ხარისხის გასაუმჯობესებლად", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/imeretis-municipalitetebma-veb-gverdebi-gaaumjobeses-tumca-xarvezebi-rcheba" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველოს" ინფორმაციით, საახალწლო ღონისძიებებთან დაკავშირებული სახელმწიფო შესყიდვები ტენდერების გარეშე ან დაბალი კონკურენციით ტარდება.</div> <div style="text-align: justify;">„საახალწლო ღონისძიებებთან დაკავშირებული სახელმწიფო შესყიდვები, როგორც წესი, გამოირჩევა იმით, რომ მაღალია უტენდერო, პირდაპირი შესყიდვების წილი. პირდაპირი შესყიდვის საფუძვლად კი ძირითადად გადაუდებელი აუცილებლობა ან სახელმწიფოებრივი და საზოგადოებრივი მნიშვნელობის ღონისძიება სახელდება. მიუხედავად იმისა, რომ ახალი წელი ყოველთვის 1 იანვარს არის, მუნიციპალიტეტები ვერ ახერხებენ დროულად დაიწყონ ახალი წლის ღონისძიებებისთვის მზადება და წლის ბოლოს დაჩქარებულად და მითუმეტეს, პირდაპირი შესყიდვებით არ დახარჯონ ბიუჯეტის ფული. ეს მიანიშნებს ტენდერების დაგეგმვის არასათანადო პრაქტიკაზე, რაც მნიშვნელოვან პრობლემად რჩება და რაზეც „საერთაშორისო გამჭვირვალობა - საქართველო" ადრეც წერდა", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/saaxalclo-gonisziebebtan-dakavshirebuli-saxelmcipo-shesqidvebi-tenderebis-gareshe-dabali" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div>

<div style="text-align: justify;">დემოკრატ მესხთა კავშირში, პროეექტ „სამოქალაქო საზოგადოების განვითარების ინიციატივა”-ს, ფარგლებში ჩატარებული კვლევის პრეზენტაცია გაიმართა.</div> <div style="text-align: justify;">„მოსახლეობის დამოკიდებულება არასამთავრობო ორგანიზაციებისა და ბიზნესკომპანიების მიმართ წინააღმდეგობრივია. მათი ცოდნის დონე ორგანიზაციების შესახებ საკმაოდ დაბალია - მხოლოდ 16% შეიძლება ჩაითვალოს კარგად ინფორმირებულად არასამთავორობო ორგანიზაციების შესახებ, 90%-ს არაფერი სმენია კორპორაციული სოციალური პასუხისმგებლობის შესახებ.</div> <div style="text-align: justify;">მოსახლეობა სკეპტიკურადაა განწყობილი არასამთავრობო ორგანიზაციების დაფინანსების წყაროების და მათში მომუშვე ადამიანების მოტივების მიმართ", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.facebook.com/UDMGeorgia/posts/2604222609607720?__tn__=-UC-R" target="_blank" style="font-weight: bold;">სრულად...</a></div> <div style="text-align: justify;">წყარო: ორგანიზაციის გვერდი სოციალურ ქსელში</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>ინფორმაციის თავისუფლების განვითარების ინსტიტუტი (IDFI) ეკონომიკური თანამშრომლობისა და განვითარების ორგანიზაციის ანტიკორუფციული ქსელის (OECD-ACN) 2019 წლის თებერვალში გამოქვეყნებულ მეორე პროგრესის ანგარიშს მიმოიხილავს.</div> <div style="text-align: justify;">„22 გაცემული რეკომენდაციიდან არც ერთი „მნიშვნელოვანი პროგრესი" არ დაფიქსირებულა, 17 მათგანი „პროგრესად" შეფასდა, ოთხში „პროგრესის არარსებობა" დაფიქსირდა, ხოლო ერთი მათგანი არ შეფასდა", ნათქვამია ორგანიზაციის ვებგვერდზე.</div> <div style="text-align: justify;"><a href="http://idfi.ge/ge/government_of_georgia_reduces_its_efforts_to_implement_oecd_acn_recommendations" target="_blank" style="font-weight: bold;">სრულად...</a></div> <div style="text-align: justify;">წყარო: idfi.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>საერთაშორისო გამჭვირვალობა - საქართველოს ინფორმაციით, ქონებრივ დეკლარაციებში არაარსებითი დარღვევის კრიტერიუმი კანონის ნაცვლად, შესაძლოა მთავრობამ განსაზღვროს.</div> <div style="text-align: justify;">საქართველოს პარლამენტი განიხილავს „საჯარო დაწესებულებაში ინტერესთა შეუთავსებლობისა და კორუფციის შესახებ" კანონში ცვლილებებს, რომელიც დეკლარაციაში არსებული დარღვევის კრიტერიუმებს და დეკლარაციაში შესატანი ქონების ღირებულების ზღვრების შეცვლას შეეხება.</div> <div style="text-align: justify;">თანამდებობის პირთა დეკლარაციის არაარსებითი დარღვევის კრიტერიუმების კანონიდან ამოღება და მთავრობის დადგენილების სახით მიღება მნიშვნელოვნად გააუარესებს პროცესის გამჭვირვალობას, გაზრდის კორუფციის რისკებს და უარყოფითად იმოქმედებს დეკლარირების სისტემის ეფექტურობაზე, გაამარტივებს მომავალში კრიტერიუმების ხშირ ცვლილებას, მათ შორის არსებითად გაფართოვებას", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/konebriv-deklaraciebshi-araarsebiti-dargvevis-kriteriumi-kanonis-nacvlad-shesazloa-mtavrobam" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div>

<div style="text-align: justify;"><span style="font-weight: bold;">თბილისი.</span> საერთაშორისო გამჭვირვალობა - საქართველო აქვეყნებს ბლოგპოსტს: ოცნების სასამართლოს ანატომია.</div> <div style="text-align: justify;">„2012 წლის საპარლამენტო არჩევნების შემდეგ გამარჯვებული პოლიტიკური ძალის ერთ-ერთი მთავარი დაპირება სწორედ სამართლიანი სასამართლოს შექმნა იყო, თუმცა დღემდე განვითარებული მოვლენების ქრონოლოგია მოწმობს, რომ „ქართულმა ოცნებამ” სასამართლოს გაჯანსაღების ძლიერი პოლიტიკური ნება ვერ გამოავლინა. ხელისუფლების ცვლილებიდან 7 წლის შემდეგ სასამართლო ხელისუფლების სადავეებთან კვლავაც ის მოსამართლეები არიან, რომლებიც წლების მანძილზე უსამართლო და მორჩილ სასამართლო სისტემასთან ასოცირდებოდნენ. უზენაეს სასამართლოში მოსამართლეების კანდიდატების წარდგენის არაჯანსაღმა პროცესმა თვალნათლივ გამოაჩინა, რომ სასამართლო სისტემა ღრმა კრიზისშია", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/ocnebis-sasamartlos-anatomia" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div><br /> </div>

<div style="text-align: justify;"><span style="font-weight: bold;">თბილისი. </span>ევროკავშირი-საქართველოს ასოცირების საბჭოს სხდომამდე 2 კვირით ადრე, ღია საზოგადოების ფონდის ორგანიზებით არასამთავრობო ორგანიზაციები ბრიუსელში ევროპარლამენტარებს და ევროკომისიის წარმომადგენლებს ევროკავშირთან ასოცირების დღის წესრიგის შესრულების ანგარიშს გააცნობენ.</div> <div style="text-align: justify;"><a href="http://osgf.ge/evrokavshirtan-asocirebis-dghis-wesrigis-shesrulebis-monitoringis-shedegebis-wardgena-briuselshi/?fbclid=IwAR0TxdxYFj450adcXXw21tTGxBdQpHLxIn0Sia_u7CiXAlefPkwwSVqRy5A" target="_blank" style="font-weight: bold;">სრულად...</a></div> <div style="text-align: justify;">წყარო: osgf.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საერთაშორისო გამჭვირვალობა - საქართველოს აქვეყნებს ბლოგპოსტს: რატომ ტოვებენ მერები თანამდებობებს?</div> <div style="text-align: justify;"><span style="font-family: Sylfaen, serif; font-size: 11pt;">„</span>2017 წლის თვითმმართველობის არჩევნებიდან წელიწადნახევარში 5 მუნიციპალიტეტი მერის გარეშე დარჩა. ზუგდიდის, მარნეულის, ჭიათურისა და ხულოს შემდეგ უმაღლესი აღმასრულებელი პირის გარეშე მუშაობს ზესტაფონის მუნიციპალიტეტიც - 2019 წლის 12 თებერვალს კახაბერ მახათაძემ თანამდებობა დატოვა.</div> <div style="text-align: justify;">ამავე დღეს უფლებამოსილების შეწყვეტის განცხადებით საკრებულოს მიმართა მარნეულის მერმა თემურ აბაზოვმა, რომელიც მოქალაქის მიმართ არაადამიანური მოპყრობის ბრალდებით 2018 წლის 13 ივნისს დააკავეს და 7 თვიანი წინასწარი პატიმრობის შემდეგ 2018 წლის დეკემბერში გირაოთი გაათავისუფლეს.</div> <div style="text-align: justify;">ამ დრომდე წინასწარ პატიმრობაში რჩება კორუფციის ბრალდებით დაკავებული ზუგდიდის ყოფილი მერი ლაშა გოგიაც.</div> <div style="text-align: justify;">„საერთაშორისო გამჭვირვალობა - საქართველომ” ზუგდიდის, მარნეულის, ჭიათურის, ხულოს და ზესტაფონის მერებთან დაკავშირებული ცნობები შეკრიბა", ნათქვამია ორგანიზაციის ვებგვერდზე.</div> <div style="text-align: justify;"><a href="http://www.transparency.ge/ge/blog/ratom-toveben-merebi-tanamdebobebs" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველო” წარმოგიდგენთ საერთაშორისო ავტორიტეტული ორგანიზაციების რეიტინგების, ყოველწლიური ანგარიშების მიმოხილვას და საერთაშორისო პარტნიორების შეფასებებს.</div> <div style="text-align: justify;">„The Heritage Foundation-მა 2019 წლის ეკონომიკური თავისუფლების ინდექსი გამოქვეყნა, სადაც წინა წელთან შედარებით საქართველოში სასამართლოს ეფექტიანობის მდგომარეობა 9.6%-ით შემცირდა. ამ მაჩვენებლით 2019 წელს საქართველომ მეტწილად არათავისუფალი ქვეყნების რიგში გადაინაცვლა", ნათქვამია ბლოგპოსტში.</div> <div style="text-align: justify;"><a href="http://www.transparency.ge/ge/blog/saertashoriso-reitingebit-sasamartlos-mdgomareoba-uaresdeba" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> აღმოსავლეთ-დასავლეთის მართვის ინსტიტუტის (EWMI) ACCESS-ის მიერ მხარდაჭერილი პროექტის - „თბილისში კულტურული მემკვიდრეობის დაცვა" - ფარგლებში, საინფორმაციო კვირეული იმართება.</div> <div style="text-align: justify;">პროექტის მიზანია თბილისში კულტურული მემკვიდრეობის დაცვისა და მართვის გაუმჯობესება და ააიპ „თბილისის განვითარების ფონდის საქმიანობაში" შესაძლო კორუფციის და საჯარო ფინანსების არარაციონალური ხარჯვის შემცირება. ამ თემების ირგვლივ, საქართველოს ახალგაზრდა იურისტთა ასოციაციისა და „ტფილისის ჰამქრის" წარმომადგენლები 26, 28 თებერვალსა და 1 მარტს ისაუბრებენ, ასევე, მოაწყობენ „ტურს გუდიაშვილზე".</div> <div style="text-align: justify;">კვირეულზე დასწრების მსურველებმა, 2019 წლის 22 თებერვლამდე, რეგისტრაციის ელექტრონული ფორმა უნდა შეავსონ.</div> <div style="text-align: justify;"><a href="http://gyla.ge/ge/post/sainformacio-kvireuli-kulturuli-memkvidreobis-shesakheb#sthash.OdfOfRDY.dpbs" target="_blank" style="font-weight: bold;">სრულად </a></div> <div style="text-align: justify;">წყარო: https://gyla.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>„საერთაშორისო გამჭვირვალობა - საქართველოს" (TI) ინფორმაციით, „ზუგდიდის მუნიციპალური ტრანსპორტის” დირექტორის, ბადრი ნემსაძისა და მისი მეუღლის, ეკატერინე ქებურიას წილობრივ მფლობელობაში არსებული კომპანიები - „ზუგდიდავტოტრანსჯორჯია”, „ზუგდიდავტოტრანსი” და „სუფთა ქალაქი” ზუგდიდის მუნიციპალიტეტის ტენდერებში იმარჯვებენ.</div> <div style="text-align: justify;">„საერთაშორისო გამჭვირვალობა-საქართველოს” შეფასებით, ბადრი ნემსაძისა და მისი მეუღლის წილობრივ მფლობელობაში არსებული კომპანიების მიერ ტენდერებში გამარჯვება და ზემოთ მოყვანილი გარემოებები წარმოშობს ეჭვს პროცესის გამჭვირვალობასთან და შემსყიდველი ორგანიზაციების მიუკერძოებელ მიდგომასთან დაკავშირებით.</div> <div style="text-align: justify;">შესაბამისად მოვუწოდებთ: ზუგდიდის მუნიციპალიტეტის შიდა აუდიტისა და ინსპექტირებისა და სახელმწიფო აუდიტის სამსახურებს, დროულად შეისწავლონ ზემოხსენებული კომპანიების მიერ ტენდერებში გამარჯვების საკითხი; საჯარო სამსახურის ბიუროს, შეისწავლოს ბადრი ნემსაძის ქონებრივი დეკლარაცია და შესაბამისი რეაგირება მოახდინოს", - აღნიშნულია ინფორმაციაში.</div> <div style="text-align: justify;"><a href="http://www.transparency.ge/ge/post/zugdidis-municipaluri-kompaniis-direktori-da-misi-meugle-adgilobriv-tenderebs-igeben" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> სამოქალაქო განვითარების სააგენტოში 2019 წლის იანვრის ბოლოს თანამშრომლის მომართვის საფუძველზე, დაფიქსირდა ფინანსური გადაცდომის რამდენიმე ფაქტი, რაც მიუთითებს ფინანსური რესურსების შესაძლო არასწორ ან არამიზნობრივ განკარგვაზე.</div> <div style="text-align: justify;">„შიდა მოკვლევის წინასწარი შედეგებით შესაძლო ფინანსური დარღვევები მოიცავს 2015 წლის ბოლოდან 2018 წლის დასაწყისამდე პერიოდს. კერძოდ, ჩემი, როგორც ორგანიზაციის აღმასრულებელი დირექტორის, კონკურსის წესით დანიშვნის ეტაპამდე. აღნიშნული ინფორმაციის მიღებისთანავე, მე, არასამთავრობო ორგანიზაციის აღმასრულებელმა დირექტორმა, სალომე ზურაბიშვილმა დაუყოვნებლივ ვაცნობე ორგანიზაციის სხვა თანამშრომლებს, გამგეობას და დონორი ორგანიზაციის წარმომადგენლებს. არსებული ფინანსური გადაცდომის სახით დანაშაულებრივი ქმედების გამორიცხვის მიზნით, მივმართე საგამოძიებო ორგანოებს, კერძოდ, კი საქართველოს პროკურატურას, მივაწოდეთ ამჟამად არსებული ინფორმაცია, რათა ამ უკანასკნელმა, შეხედულებისამებრ, საჭიროების შემთხვევაში, განახორციელოს გამოძიებისა და მოკვლევის წარმოება", ამბობს ორგანიზაციის ამჟამინდელი დირექტორი.</div> <div style="text-align: justify;"><a href="http://www.cida.ge/news/statement_cida_?fbclid=IwAR3Q8NSa43lFu9CVPxwTDlH4eq8ITPgSkXMPQPaKdt6KfjyHDU_A_xIvaks" target="_blank" style="font-weight: bold;">სრულად...</a></div> <div style="text-align: justify;">წყარო: www.cida.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> „ჯანმრთელობას გისურვებთ, განსაკუთრებით საქართველოში" - ღია საზოგადოების ფონდების ქსელური პროგრამის მხარდაჭერით მომზადებული დოკუმენტური ფილმია, რომელიც თავისუფლების მონიტორმა და სტუდია „მონიტორმა” ჯანდაცვის თემაზე მოამზადეს.</div> <div style="text-align: justify;">ფილმის მიზანია ჯანდაცვის პოლიტიკაში, დაფინანსებასა და სისტემაში არსებული პრობლემების გააზრება და დისკუსიის დაწყება. „თავისუფლების მონიტორი” საგამოძიებო რეპორტაჟების სერიაა, რომელსაც „რადიო თავისუფლება" სტუდია „მონიტორთან” ერთად ქმნის.</div> <div style="text-align: justify;"><a href="http://osgf.ge/janmrtelobas-gisurvebt-gansakutrebit-saqartveloshi/" target="_blank" style="font-weight: bold;">სრულად </a></div> <div style="text-align: justify;">წყარო: osgf.ge</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> ღია საზოგადოების ფონდი (OSGF) აქვეყნებს ახალ ანგარიშს საქართველო-ევროკავშირის 2017-2020 წლების ასოცირების დღის წესრიგით განსაზღვრული ამოცანების შესრულების შესახებ. მონიტორინგი და ანალიზი არასამთავრობოთა არაფორმალურმა კოალიციამ ღია საზოგადოების ფონდის მხარდაჭერით განახორციელა.</div> <div style="text-align: justify;">„ანგარიშში შეფასებულია 2017 წლიდან დღემდე დღის წესრიგში განსაზღვრული მოკლევადიანი პრიორიტეტების შესრულება და მათი ხარისხი. ასახულია მიღწევები და ხარვეზები ბავშვთა და ქალთა უფლებების, გარემოს დაცვის, ანტიკორუფციული სისტემის და საჯარო სამსახურის რეფორმის, მართლმსაჯულების რეფორმის, შრომითი სტანდარტებისა და პროფესიული კავშირების უფლებების, სოციალური პოლიტიკის მიმართულებით", ნათქვამია ორგანიზაციის ვებგვერდზე.</div> <div style="text-align: justify;"><a href="http://osgf.ge/akhali-angarishi-saqartvelo-evrokavshiris-dghis-wesrigis-amocanebis-shesrulebis-shesakheb/" target="_blank" style="font-weight: bold;">სრულად...</a></div> <div style="text-align: justify;">წყარო: osgf.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> საერთაშორისო გამჭვირვალობა - საქართველოს ინფორმაციით, იმერეთში მუნიციპალური იურიდიული პირების ხელმძღვანელთა ნაწილს ქონებრივი დეკლარაციები არასრულად აქვს შევსებული.</div> <div style="text-align: justify;">„საერთაშორისო გამჭვირვალობა - საქართველომ" მუნიციპალური არასამეწარმეო არაკომერციული იურიდიული პირებისა (ა(ა)იპების) და შეზღუდული პასუხისმგებლობის საზოგადოების ხელმძღვანელი პირების 45 დეკლარაცია შეისწავლა. შედეგად დეკლარაციის არასრულად შევსების 16 ფაქტი გამოვლინდა, რომელთაგან 7 შემთხვევა ეხება საკუთარი და ოჯახის წევრების მფლობელობაში არსებული წილების მიუთითებლობას, 6 შემთხვევაში თანამდებობის პირებს საკუთარი წილი სხვა პირებისთვის მინდობით არ გადაუციათ, ხოლო 3 შემთხვევაში არ აღუნიშნავთ ოჯახის წევრების მფლობელობაში არსებული უძრავი ქონება.</div> <div style="text-align: justify;"><a href="http://www.transparency.ge/ge/blog/municipaluri-iuridiuli-pirebis-xelmzgvanelta-arasrulad-shevsebuli-deklaraciebi-imeretshi" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div><br /> </div>

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველო" აქვეყნებს ინფორმაციას აჭარის მთავრობის თანამდებობის პირთა და უმაღლეს საბჭოს წევრთა დეკლარაციებში აღმოჩენილ ხარვეზებზე.</div> <div style="text-align: justify;">„საერთაშორისო გამჭვირვალობა-საქართველომ” თანამდებობის პირთა 30-ზე მეტი დეკლარაცია შეისწავლა. შედეგად, დეკლარაციების არასრულად შევსების 5 ფაქტი და კუთვნილი წილების სხვა პირებზე მინდობით გადაუცემლობის 3 შემთხვევა გამოვლინდა.</div> <div style="text-align: justify;"><a href="http://www.transparency.ge/ge/blog/xarvezebi-acharis-mtavrobis-tanamdebobis-pirta-da-umagles-sabchos-cevrta-deklaraciebshi" target="_blank" style="font-weight: bold;">სრულად...</a></div> <div style="text-align: justify;">წყარო: www.transparency.ge</div> <div style="text-align: justify;"><br /> </div>