თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: „გამჭვირვალე სახელმწიფო შესყიდვების რეიტინგის“ წარმატება - კოსტა რიკაში შესყიდვების მნიშვნელოვანი რეფორმა მიმდინარეობს.  „2019 წლის აგვისტოში კოსტა რიკამ მნიშვნელოვანი ნაბიჯი გადადგა სახელმწიფო შესყიდვების სისტემის გაუმჯობესებაში. ქვეყნის გენერალური მაკონტროლებლის ოფისმა რამდენიმე კანონმდებლის მხარდაჭერით წარმოადგინა კანონპროექტი, რომელიც მოიცავს ადმინისტრაციული ხელშეკრულების შესახებ კანონის სრულყოფილ რეფორმას. კანონპროექტი ყოვლისმომცველია და მნიშვნელოვან პოზიტიურ ცვლილებებს შეიცავს სახელმწიფო შესყიდვების ადმინისტრირების მინიმუმ 10 სფეროში, რომელთაგან 5 ცვლილება „გამჭვირვალე სახელმწიფო შესყიდვების რეიტინგის“ (TPPR) ფარგლებში IDFI-ის ადგილობრივი პარტნიორი ორგანიზაციის (ACCESA) მიერ იქნა შემუშავებული“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. საქართველოს ახალგაზრდა იურისტთა ასოციაცია (საია) მერის წარმომადგენლებისათვის პროფესიული საჯარო მოხელის სტატუსის ჩამორთმევის ინიციატივას კრიტიკულად აფასებს. „მიგვაჩნია, რომ მუნიციპალიტეტის მერის წარმომადგენლებს უნდა შეუნარჩუნდეთ პროფესიული საჯარო მოხელის სტატუსი, რადგან მათ მიერ შესრულებული ფუნქციები პროფესიული ხასიათისაა, არ უკავშირდება მერის პოლიტიკის ადგილობრივ დონეზე გატარებას და მათი განხორციელებისათვის მერის პოლიტიკურ ხედვებთან თანხვედრა საჭირო არ არის“, ნათქვამია ორგანიზაციის განცხადებაში.  სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: გაეროს მდგრადი განვითარების მიზნების (SDGs) ინტეგრაცია საქართველოს ეროვნულ საჯარო პოლიტიკის სისტემაში.  „მოცემული ანალიზის მიზანს წარმოადგენდა სწორედ იმის დადგენა თუ რამდენად მოიცავენ არსებული ეროვნული პოლიტიკის დოკუმენტები მდგრადი განვითარების მიზნების ამოცანათა შესაბამის ინდიკატორებს. არსებული სურათის სწორი შეფასება დაეხმარება საქართველოს მთავრობას მოახდინოს პრობლემური მიმართულებების იდენტიფიცირება და გადადგას ეფექტური ნაბიჯები შესაბამისი მდგრადი განვითარების მიზნების ნაციონალიზაციის მიმართულებით“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. 19 სექტემბერს, სასტუმრო თბილისი რუმსში გაიმართა პრეზენტაცია თემაზე-სახელმწიფო საგრანტო დაფინანსება-არსებული სიტუაცია და პერსპექტივები. შეხვედრა ორგანიზებული იყო ა(ა)იპ „დემოკრატიული ჩართულობის ცენტრების ქსელის მიერ“, პროექტის - „სამოქალაქო საზოგადოების განვითარების ინიციატივის“ - ფარგლებში.  აღნიშნული პროექტის ფარგლებში, სამოქალაქო საზოგადოების ინსტიტუტის მხარდაჭერით, დემოკრატიული ჩართულობის ცენტრების ქსელმა და მწვანე კავკასიამ ჩაატარა გრანტების გამცემი საჯარო ინსტიტუტების მიერ, გრანტის გაცემის პროცესის მონიტორინგი. მონიტორინგის პერიოდი მოიცავდა 2016-2017 წლებში გაცემულ გრანტებს. შეხვედრის მიზანს წარმოადგენდა სახელმწიფო დაფინანსების კუთხით არსებული სიტუაციის გაცნობა, პერსპექტივების გაანალიზება და საჯარო ინსტიტუტების მიერ, 2016-2017 წლებში გაცემული გრანტების პროცესის მონიტორინგის ანგარიშების წარდგენა.  შეხვედრის დასაწყისში აუდიტორიას მიმართეს დემოკრატიული ჩართულობის ცენტრების ქსელის დირექტორმა, ნინა ხატისკაცმა და საქართველოში ევროკავშირის დელეგაციის სამოქალაქო საზოგადოების პროგრამის ოფიცერმა დომენიკა სკუბიდამ. ”აღსანიშნავია ის ფაქტი, რომ საქართველოში, სამოქალაქო საზოგადოების დაფინანსების მასშტაბები ჯერ კიდევ არ არის საკმარისი სექტორის მდგრადობის მნიშვნელოვნად გაუმჯობესებისათვის. ამ მხრივ, ჩვენთვის პრიორიტეტს წარმოადგენს საზოგადოებრივი ორგანიზაციების საარსებო გარემოს გაუმჯობესებისათვის, მათი დაფინანსების წყაროების დივერსიფიკაცია და სახელმწიფო საგრანტო დაფინანსების სისტემის დახვეწა. აქედან გამომდინარე, ჩვენ მივესალმებით საქართველოს მთავრობის მიერ, ღია მმართველობის პარტნიორობის სამოქმედო გემით კონკრეტული ვალდებულების აღებას, რომელიც ითვალისწინებს ეფექტურობის გაზრდას და ადგილობრივი ხელისუფლების მიერ სახელმწიფო საგრანტო დაფინანსების მექანიზმების ამოქმედებას“-განაცხადა დომენიკა სკუბიდამ.  დღის პირველი ნახევარი დაეთმო ორივე ორგანიზაციის მიერ წარმოებული მონიტორინგის ანგარიშის და ძირითადი მიგნებების აუდიტორიისათვის გაცნობას. ყურადღება გამახვილდა, ერთის მხრივ, იმაზე, თუ რამდენად არის განსაზღვრული გრანტის გაცემასთან დაკავშირებული საკითხები წინასწარ და როგორ ასრულებს გრანტის გამცემი საჯარო უწყება მასზე დაკისრებულ ვალდებულებებს, გრანტის გაცემისა და განხორციელების ყველა ეტაპზე, ხოლო მეორეს მხრივ იმაზე, თუ რა გამოცდილება აქვთ საგრანტო კონკურსში მონაწილე და გრანტის მიმღებ ორგანიზაციებს - ა(ა)იპ-ებს სახელმწიფო დაფინანსების ადმინისტრირების მხრივ. უნდა აღინიშნოს, რომ არც მონიტორინგი და არც მისი ანგარიში არ მოიცავს სახელმწიფო გრანტების ფარგლებში განხორციელებული პროექტების შინაარსისა, თუ ხარისხის შეფასების მიმართულებას. შეხვედრის მეორე ნახევარი დაეთმო სახელმწიფო საგრანტო დაფინანსებასთან დაკავშირებული საკანონმდებლო გარემოს მიმოხილვას. სამოქალაქო საზოგადოების ინსტიტუტის წარმომადგენელმა, ლევან ფანიაშვილმა ისაუბრა საზოგადოებრივი ორგანიზაციების ხელმწიფო საგრანტო დაფინანსების რეფორმის კონცეფციის შესახებ, რომელიც სამოქალაქო საზოგადოების ინსტიტუტის ექსპერტთა ჯგუფის მიერ იქნა შემუშავებული. გარდა ამისა, საუბარი შეეხო იმ გამოწვევებს, რაც რეფორმის საჭიროებას განაპირობებს და ასევე იმას, თუ რა ეტაპზეა მოცემულ მომენტში რეფორმის კონცეფცია, მისი ძირითადი მიგნებები და რეკომენდაციები კანონმდებლობაში ასახვის თავლსაზრისით.  შეხვედრას ესწრებოდა გრანტის გამცემი საჯარო დაწესებულებების, საერთაშორისო და ადგილობრივი საზოგადოებრივი ორგანიზაციების, ასევე მედიის წარმომადგენლები. პრეზენტაციების დასრულების შემდეგ გაიმართა დისკუსია, დამსწრე აუდიტორია აქტიურად ჩაერთო კითხვა-პასუხის რეჟიმში. შეხვედრის ბოლოს კი დაანონსდა სახელმწიფო საგრანტო დაფინანსების სისტემის მონიტორინგის მცირე საგრანტო კონკურსის მეორე ეტაპი. მონაწილეებმა მიიღეს დეტალური ინფორმაცია კონკურსის პირობების და შინაარსის შესახებ, მათ ასევე საშუალება მიეცათ დაეზუსტებინათ მათთვის მნიშვნელოვანი ინფორმაცია.  პროექტი „სამოქალაქო საზოგადოების განვითარების ინიციატივა“ ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი და კონრად ადენაუერის ფონდი. მისი მიზანია საქართველოში საზოგადოებრივი ორგანიზაციების სამუშაო გარემოს გაუმჯობესება, ორგანიზაციების გაძლიერება, საზოგადოების მიმართ მათი ანგარიშვალდებულებისა და გამჭვირვალობის გაზრდა და მათი კავშირების გამყარება სხვა აქტორებთან.

თბილისი. „საქართველოს ღია საზოგადოების ფონდმა“ დღეს საქართველოს უზენაესი სასამართლოს მოსამართლეობის კანდიდატთა ინდივიდუალური პორტფოლიოები გამოაქვეყნა.  პორტფოლიოები იუსტიციის უმაღლესი საბჭოს მიერ მოსამართლეობის კანდიდატებთან ზეპირი გასაუბრების შედეგად შერჩეული/ნომინირებული ოცი კანდიდატის პროფილს გვთავაზობს, აერთიანებს საჯარო წყაროებიდან მოძიებულ ფაქტებს და ნაკლებად მოიცავს შეფასებებს.  სრულად  წყარო: ორგანიზაციის ვებგვერდი

თბილისი. „ინფორმაციის თავისუფლების განვითარების ინსტიტუტი“ (IDFI) ავრცელებს განცხადებას სახელმწიფო ავტოპარკის ოპტიმიზაციის აუცილებლობის შესახებ.  “IDFI მოუწოდებს საქართველოს პარლამენტს, სახელმწიფო აუდიტის ანგარიშსა და ინსტიტუტის კვლევებში სახელმწიფო ავტოპარკის განკარგვასთან დაკავშირებით გამოვლენილ სისტემურ ნაკლოვანებებზე განახორციელოს საპარლამენტო კონტროლი და არსებული რეკომენდაციების შესრულების მიზნით უზრუნველყოს არსებული საკანონმდებლო ჩარჩოს გაუმჯობესება. მათ შორის, მნიშვნელოვანია დაიწყოს მსჯელობა, სახელმწიფო ავტოპარკის ცენტრალიზებული სერვისის ჩამოყალიბების შესახებ, რომლის მართვაშიც მოექცევა ყველა სახელმწიფო ავტომანქანა“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის იურიდიული კომიტეტის მიერ სამუშაო ჯგუფის დაკომპლექტების შესახებ შეფასებას აქვეყნებს.  „კოალიცია მოუწოდებს კომიტეტს გადახედოს საკუთარ გადაწყვეტილებას, სამუშაო ჯგუფს იუსტიციის უმაღლესი საბჭოს მიერ წარმოდგენილი კანდიდატების შინაარსობრივი შეფასების ფუნქცია მიანიჭოს, შეამციროს დეპუტატების კვოტა, უზრუნველყოს საზოგადოებრივი ორგანიზაციის წარმომადგენელთა ჩართულობა, ხოლო ექსპერტული ნაწილი კი მეტად წარმომადგენლობითი გახადოს“, ნათქვამია განცხადებაში.  სრულად... წყარო: www.transparency.ge

აჭარა. „საერთაშორისო გამჭვირვალობა-საქართველოს” ორგანიზებით, ანტიკორუფციული სკოლის სემინარები 13-17 სექტემბერს წელსაც ბათუმში მოეწყო. „ანტიკორუფციულ სკოლაში მოწვეული პროფესიონალი სპიკერები პოლიტიკური კორუფციისა და მის წინააღმდეგ ბრძოლის, საქართველოს საგარეო პოლიტიკის პრიორიტეტების, სასამართლო სისტემაში, ეკონომიკასა და მედიაში არსებული გამოწვევების შესახებ ესაუბრნენ მსმენელებს, რომლებიც საჯარო სამსახურში, არასამთავრობო სექტორში, ბიზნესსა და მედიაში დასაქმებულ შერეულ ჯგუფს წარმოადგენდნენ. კურსის დასრულების შემდეგ მონაწილეებს სკოლის დამამთავრებელი სერთიფიკატები გადაეცათ”, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი.  დღეს, „საქართველოს ახალგაზრდა იურისტთა ასოციაციამ“ და „საერთაშორისო გამჭვირვალობა - საქართველომ“ საზოგადოებას საქართველოს იუსტიციის უმაღლესი საბჭოს მონიტორინგის მეშვიდე, 2018 წლის საქმიანობის ანგარიში წარუდგინეს.  ანგარიშში საბჭოს საქმიანობის მარეგულირებელი კანონმდებლობა და საბჭოს საქმიანობა შეფასებულია მოსამართლეთა შერჩევა/დანიშვნის, საბჭოს საქმიანობის გამჭვირვალობის, სასამართლოს თავმჯდომარის დანიშვნის წესისა და პრაქტიკის, მოსამართლეთა დისციპლინური პასუხისმგებლობის და სხვა მიმართულებებით.  სრულად  წყარო: https://www.transparency.ge

თბილისი. კოალიცია დამოუკიდებელი და გამჭვირვალე მართლმსაჯულებისთვის იუსტიციის უმაღლეს საბჭოში უზენაესი სასამართლოს მოსამართლეობის კანდიდატთა შერჩევის პროცესს აფასებს. „გასაუბრების პროცესის ღიაობა და საჯაროობა ცალსახად დადებითად უნდა შეფასდეს, რადგან ფართო საზოგადოებისათვის შესაძლებელი გახდა სასამართლო სისტემაში არსებული რეალური სიტუაციის ნათლად დაენახვა. როგორც მოქმედ მოსამართლეთა, ასევე იუსტიციის უმაღლესი საბჭოს წევრთა კომპეტენციისა და მათი კეთილსინდისიერების შეფასება. თავად კონკურსი არ იყო წარმომადგენლობითი იურიდიული პროფესიების მონაწილეობის თვალსაზრისით. განსაკუთრებით შეიმჩნეოდა პასიურობა ადვოკატთა კორპუსისა და აკადემიური წრეების მხრიდან. აღნიშნული სავარაუდოდ განპირობებული იქნა სასამართლო სისტემის კორპორატივიზმით, ჩაკეტილობით, კეთილსინდისიერი იურისტებისთვის სასამართლოში არსებული არასახარბიელო ვითარებით, კონკურსის პროცედურების მიმართ (დაუსაბუთებელი გადაწყვეტილება, დახურული კენჭისყრა) ასევე შემრჩევი ორგანოს (იუსტიციის უმაღლესი საბჭოს) მიმართ უნდობლობით“, ნათქვამია შეფასებაში.  სრულად... წყარო: coalition.ge

თბილისი. საერთაშორისო გამჭვირვალობა - საქართველო აქვეყნებს 2019 წლის სახელმწიფო ბიუჯეტის 6 თვის შესრულების მოკლე ანალიზს.  „ბიუჯეტის შემოსულობების გადაჭარბებით შესრულების და დაგეგმილზე ნაკლების დახარჯვის გამო ბიუჯეტის ნაშთი დაგეგმილზე მაღალ ნიშნულზე შენარჩუნდა, რომელიც არ უნდა დაიხარჯოს წლის დარჩენილ თვეებში. ფასების დონის და ლარის კურსის სტაბილურობისთვის მნიშვნელოვანია, მთავრობამ წლის მე-4 კვარტალში დაბალდეფიციტური ხარჯვა შეინარჩუნოს“, ნათქვამია ორგანიზაციის ვებგვერდზე.  სრულად... წყარო: www.transparency.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციის თანახმად, 2019 წელს (იანვარი-ივლისი) დანაშაულის რიცხვი 17,23%-ით გაიზარდა.  „2019 წელს ასევე, უარყოფითი ტენდენციაა დანაშაულის გახსნის თვალსაზრისით, რომლის მაჩვენებელი 2018 წელთან შედარებით, დაახლოებით 4%-ით გაუარესდა. შესაბამისად, თანაბარი მეთოდოლოგიის და აღრიცხვიანობის პირობებშიც დანაშაულის რიცხვი კვლავ ზრდას განაგრძობს, ხოლო მისი გახსნის მაჩვენებლები შემცირებას“, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. საერთაშორისო გამჭვირვალობა - საქართველო აქვეყნებს ბლოგპოსტს, რომლის თანახმადაც, გორის მაჟორიტარ კანდიდატად დასახელების შემდეგ იოსებ მაკრახიძესთან დაკავშირებულმა კომპანიებმა ტენდერებიდან 91.8 მილიონ ლარზე მეტი მიიღეს.  „გორის მაჟორიტარი დეპუტატობის კანდიდატად დასახელების შემდეგ იოსებ მაკრახიძისა და მისი ოჯახის წევრების კომპანიებმა სახელმწიფო შესყიდვებიდან 91.8 მილიონ ლარზე მეტი მიიღეს. ტენდერებში მაკრახიძესთან და მისი ოჯახის წევრებთან დაკავშირებული კომპანიები ძირითადად უკონკურენტოდ იმარჯვებდნენ, შემსყიდველები კი უმრავლეს შემთხვევაში გორი და შიდა ქართლის სხვა მუნიციპალიტეტები იყვნენ“, ნათქვამია ორგანიზაციის ვებგვერდზე.  სრულად... წყარო: www.transparency.ge

თბილისი. 2 აგვისტოს, 10:00 საათიდან 17:30 საათამდე, ბათუმის დემოკრატიული ჩართულობის ცენტრი, ინფორმაციის თავისუფლების განვითარების ინსტიტუტი (IDFI) რეგიონული ჟურნალისტებისა და აქტივისტებისთვის მართავს პრაქტიკულ ტრენინგს თემაზე: საჯარო მონაცემებთან მუშაობა ხელისუფლების საქმიანობის ეფექტური კონტროლისთვის. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა (IDFI) საქართველოს ჭიდაობის ეროვნულ ფედერაციაში არსებული კორუფციული რისკების შესახებ კვლევა გაასაჯაროვა. „ჭიდაობის სახელმწიფო პროგრამის ფინანსური ანგარიშები, არ არის თანხვედრაში სამინისტროს ბიუჯეტის შესრულების ანგარიშებთან. მაგ. 2017 წელს მოწოდებულია მხოლოდ 782,785.38 ლარის ოდენობის ფაქტიური ხარჯების შესახებ ინფორმაცია, მაშინ როდესაც სამინისტროს 2017 წლის ბიუჯეტის მიხედვით ჭიდაობის სახელმწიფო მხარდაჭერის პროგრამისთვის გამოყოფილი იყო 3,500,000 ლარი”, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. საერთაშორისო გამჭვირვალობა - საქართველო თვლის, რომ სახელმწიფოს მხრიდან სპორტული ფედერაციების დაფინანსების პოლიტიკა გადახედვას საჭიროებს და ჭიდაობის ფედერაციის მაგალითს განიხილავს. „ჭიდაობის ფედერაციაში მიმდინარე პროცესებით უნდა დაინტერესდეს პროკურატურა. ამ ეტაპზე შესაძლებელია იმის თქმა, რომ სახელმწიფო ბიუჯეტით გათვალისწინებული ჭიდაობის განვითარების პროგრამის მიზნებისთვის ა(ა)იპ „ჭიდაობის ეროვნული ფედერაციის“ დაფინანსება შეიცავს ამ სახსრების არამიზნობრივად ხარჯვის მაღალ რისკებს, ხოლო წარსული ტრანზაქციები შესაძლოა დანაშაულის ნიშნებს შეიცავდეს“, ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. „ადამიანის უფლებების სწავლებისა და მონიტორინგის ცენტრმა“ (EMC) საზოგადოებას წარუდგინა კვლევა “ნარკოპოლიტიკა საქართველოში - შეჩერებული რეფორმა და ახალი ტენდენციები“.  „ნარკოპოლიტიკა საქართველოში - შეჩერებული რეფორმა და ახალი ტენდენციები კვლევაში მიმოხილულია ნარკოტიკულ დანაშაულებთან დაკავშირებით სახელმწიფოს პოლიტიკის, საკანონმდებლო ჩარჩოს და სისხლისსამართლებრივი პრაქტიკის ძირითადი ტენდენციები“, - აღნიშნულია კვლევის შესავალში.  სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს“ (TI) ინფორმაციით, ახალციხის მერის, ზაზა მელიქიძის კუთვნილი და ყოფილი კომპანიების მიერ სახელმწიფო შესყიდვებიდან მიღებული თანხების ოდენობა მელიქიძის ახალციხის გამგებლად, შემდეგ კი მერად არჩევის შემდეგ 124 793 ლარიდან 546 044 ლარამდე გაიზარდა, მათ შორის, 524 902 ლარი კომპანიებმა ახალციხის მუნიციპალიტეტიდან მიიღეს.  „მელიქიძესთან დაკავშირებული კომპანიები ახალციხის მუნიციპალიტეტის ტენდერებში მის გამგებლად არჩევამდე არ მონაწილეობდნენ. 2015 წელს, არჩევის შემდეგ კი 15 ტენდერი მოიგეს. გაიზარდა ამ კომპანიებთან გაფორმებული პირდაპირი შესყიდვების რაოდენობაც - 21 შესყიდვიდან 11-ში კონტრაქტორები სწორედ ახალციხის მუნიციპალიტეტის იურიდიული პირები არიან“, - ვკითხულობთ TI-ის მიერ გავრცელებულ ინფორმაციაში.  სრულად...  წყარო: ორგანიზაციის ვებგვერდი

თბილისი. „ინფორმაციის თავისუფლების განვითარების ინსტიტუტმა“ (IDFI) მოამზადა ვიზუალური მასალა, რომელიც საპროკურორო საბჭოში განხორციელებულ ცვლილებებს ეხება.  იხილეთ მასალა  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველომ” (TI), პარლამენტის მონიტორინგის ფარგლებში, დღეს წარმოადგინა IX მოწვევის პარლამენტის საქმიანობის შეფასების კვლევა, რომელიც 2018 წლის 1 იანვრიდან 2018 წლის 31 დეკემბრამდე პერიოდს მოიცავს. „პარლამენტის საქმიანობის კონკრეტული მიმართულებით არსებული ცალკეული გამოწვევების გარდა, აღსანიშნავია პარლამენტისა და სამოქალაქო სექტორის ურთიერთთანამშრომლობის პრობლემა, კერძოდ, უმრავლესობის ზოგიერთი წევრის მხრიდან აგრესიული ტონი სამოქალაქო სექტორის წარმომადგენლების მიმართ. სამოქალაქო სექტორზე აგრესიული თავდასხმები და არაკონსტრუქციული დამოკიდებულება ზიანს აყენებს ქვეყნის დემოკრატიულ განვითარებას. ეს პრობლემა ამერიკის შეერთებული შტატების სახელმწიფო დეპარტამენტმაც აღნიშნა 2018 წელს გამოქვეყნებულ საქართველოში ადამიანის უფლებების მდგომარეობის შესახებ ანგარიშში“, - აღნიშნულია კვლევაში.  სრულად...   წყარო: ორგანიზაციის ვებგვერდი

თბილისი. „საქართველოს მიერ კორუფციის პრევენციასთან დაკავშირებით მიღებული რეკომენდაციების 70% სრულად შეუსრულებელია“, - ინფორმაციას ამის შესახებ „ინფორმაციის თავისუფლების განვითარების ინსტიტუტი“ (IDFI) ავრცელებს.  „2019 წლის 2 ივლისს ევროსაბჭოს კორუფციის წინაღმდეგ სახელმწიფოთა ჯგუფმა (GRECO) შეფასების მეოთხე რაუნდის ფარგლებში გამოაქვეყნა საქართველოს შესაბამისობის ანგარიში, სადაც აფასებს ქვეყნის მიერ 2016 წელს მიღებული რეკომენდაციების შესრულების მდგომარეობას“, - აღნიშნულია IDFI-ის მიერ გავრცელებულ ინფორმაციაში, - „GRECO-ს პროცედურების თანახმად, საქართველოს მთავრობას შემდეგი ორი წლის განმავლობაში უნდა უზრუნველეყო მიღებული რეკომენდაციების პრაქტიკაში დანერგვა და აღნიშნულის შესახებ GRECO-ს სამდივნოსთვის ინფორმაციის მიწოდება. 2019 წლის დასაწყისში, საქართველოს ხელისუფლებისგან მიღებულ ინფორმაციაზე დაყრდნობით, GRECO-მ შეაფასა 2016 წელს გაცემული რეკომენდაციების შესრულების მდგომარეობა შესაბამისობის ანგარიშში, რომელიც 2 ივლისს თავის ოფიციალურ ვებგვერდზე გამოაქვეყნა. ანგარიშის მიხედვით, კორუფციის პრევენციასთან დაკავშირებული 16 რეკომენდაციიდან საქართველომ ორი წლის განმავლობაში სრულყოფილად მხოლოდ ხუთი რეკომენდაცია შეასრულა, საერთოდ არ შეასრულა სამი, ხოლო ნაწილობრივ შეასრულა რვა რეკომენდაცია“.  სრულად…  წყარო: https://idfi.ge

თბილისი. „საერთაშორისო გამჭვირვალობა - საქართველომ’’ (TI) სს „საპარტნიორო ფონდის” მიერ მხარდაჭერილი პროექტები შეისწავლა. შედეგად, „საპარტნიორო ფონდის” სტაბილური საინვესტიციო საქმიანობისთვის, TI-ის მიზანშეწონილად მიაჩნია: „ფონდი” არ იყოს დამოკიდებული სახელმწიფო კომპანიების მოგებაზე და გარკვეულ ზღვრებში სახელმწიფო ბიუჯეტიდან გამოეყოს დაფინანსება; პირველი რეკომენდაციის გათვალისწინების შემთხვევაში, „საპარტნიორო ფონდმა”, როგორც სახელმწიფო ბიუჯეტის მხარჯავმა დაწესებულებამ, ყოველ საბიუჯეტო წელს უნდა წარუდგინოს მთავრობას და პარლამენტს მიმდინარე და მომავალი საინვესტიციო პროექტების დეტალური ანგარიში, რის საფუძველზეც დაუმტკიცდება მომავალი წლის ბიუჯეტი. ეს მნიშვნელოვნად გაზრდის „ფონდზე” საპარლამენტო ზედამხედველობას და მის ანგარიშვალდებულებას; „ფონდის” მიერ დაფინანსებული პროექტების გამჭვირვალობის უზრუნველყოფის კუთხით უმჯობესი იქნება, თუ კანონის დონეზე აიკრძალება „საპარტნიორო ფონდის” სახსრების ისეთ იურიდიულ პირებზე გაცემა, რომლებიც რეგისტრირებული არიან ოფშორულ ზონაში, ასევე, იმ იურიდიულ პირებზე, რომელთა წილს ან აქციებს პირდაპირ ან ირიბად ფლობს ოფშორულ ზონაში რეგისტრირებული პირი; „საპარტნიორო ფონდმა” საკუთარ ვებგვერდზე უფრო მეტი ინფორმაცია უნდა განათავსოს დასრულებული და მიმდინარე პროექტების შესახებ“.  სრულად...  წყარო: ორგანიზაციის ვებგვერდი