თბილისი. „საერთაშორისო გამჭვირვალობა - საქართველოს" (TI) დასკვნით, იმერეთის მუნიციპალიტეტები საჯარო ინფორმაციას კანონმდებლობით დადგენილ ვადებში არ გასცემენ, ხშირ შემთხვევაში კი, მათ მიერ გაცემული ინფორმაცია არასრულია. „საერთაშორისო გამჭვირვალობა-საქართველო", კვლევებისა და სტატიების მომზადებისას, ხშირად მუნიციპალიტეტებიდან მიღებულ საჯარო ინფორმაციას ეყრდნობა. იმერეთის მუნიციპალიტეტების შემთხვევაში, ამ კუთხით პრობლემები არაერთხელ შეგვქმნია", - ვკითხულობთ TI-ის მიერ გავრცელებულ ინფორმაციაში, - „საჯარო ინფორმაციის გაცემის პროცესის მონიტორინგის მიზნით, ჩვენმა ორგანიზაციამ, 2018 წლის სექტემბერში საჯარო ინფორმაცია იმერეთის მხარის ყველა მუნიციპალიტეტის მერიიდან და საკრებულოდან გამოითხოვა. ინფორმაცია ეხებოდა საშტატო ნუსხას, შრომის ანაზღაურებას, მივლინებებზე, საწვავსა და სატელეკომუნიკაციო საშუალებებზე დახარჯულ საბიუჯეტო თანხებს". სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს" (TI) ინფორმაციით, იმერეთის 2017 წლის მოწვევის საკრებულოებში შექმნილი 61 ფრაქციიდან 43-ს, რეგისტრაციის დღიდან 2018 წლის 1 ნოემბრის ჩათვლით, არც,ერთი საკითხის ინიცირება არ მოუხდენია. „საკრებულოს წევრებისათვის ფრაქციის შექმნა ხელფასის მიღების საშუალებაა, რადგან საკრებულოს წევრობა არაანაზღაურებადი საქმიანობაა. ჯამში, ფრაქციების თანამდებობის პირების შრომის ანაზღაურებისა და სხვა ხარჯებისთვის 1 მილიონ 800 ათას ლარზე მეტი დაიხარჯა", - ვკითხულობთ TI-ის მიერ გავრცელებულ ინფორმაციაში.  სრულად  წყარო: ორგანიზაციის ვებგვერდი

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველო" (TI) აქვეყნებს საბოლოო ანგარიშს „ადმინისტრაციული რესურსების გამოყენება 2018 წლის საქართველოს საპრეზიდენტო არჩევნებისთვის".</div> <div style="text-align: justify;">„საქართველოს პრეზიდენტის არჩევნების პერიოდში, 2018 წლის 1 აგვისტოდან 16 დეკემბერის ჩათვლით, ადმინისტრაციული რესურსების გამოყენების საკითხების მონიტორინგის შედეგად, შემდეგი ძირითადი მიგნებები გამოიკვეთა: პირველი ტურის წინასაარჩევნო პერიოდთან შედარებით, მეორე ტურისთვის საარჩევნოდ ადმინისტრაციული რესურსების გამოყენების მასშტაბები მნიშვნელოვნად გაიზარდა, რასაც შესაძლოა მოეხდინა არსებითი გავლენა არჩევნების შედეგებზე", - ნათქვამია TI-ის ანგარიშში.</div> <div style="text-align: justify;"><a href="http://www.transparency.ge/ge/post/administraciuli-resursebis-gamoqeneba-2018-clis-sakartvelos-saprezidento-archevnebistvis-0" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>„საერთაშორისო გამჭვირვალობა - საქართველომ" (TI) ხელვაჩაურის მუნიციპალიტეტის თანამდებობის პირების ქონებრივ დეკლარაციებში დარღვევები აღმოაჩინა.</div> <div style="text-align: justify;">„ხელვაჩაურის მუნიციპალიტეტის ექვსმა თანამდებობის პირმა ქონებრივი დეკლარაცია არასრულად შეავსო. დარღვევებიდან 3 შემთხვევაში თანამდებობის პირებმა ოჯახის წევრების სამეწარმეო საქმიანობა არ მიუთითეს; 2 შემთხვევაში გამოვლინდა უზუსტობები თანამდებობის პირებისა და მათი ოჯახის წევრების უძრავ ქონებასთან დაკავშირებით, 1 შემთხვევაში კი, თანამდებობის პირს კუთვნილი წილების მართვის უფლება სხვა პირისთვის არ გადაუცია, როგორც ამას კანონი მოითხოვს", - ვკითხულობთ TI-ის მიერ გავრცელებულ ინფორმაციაში.</div> <div style="text-align: justify;"><a href="http://www.transparency.ge/ge/blog/dargvevebi-xelvachauris-municipalitetis-tanamdebobis-pirebis-konebriv-deklaraciebshi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> "ინფორმაციის თავისუფლების განვითარების ინსტიტუტმა” (IDFI) ევრაზიის რეგიონის ქვეყნებში სახელმწიფო შესყიდვების კანონმდებლობის და პრაქტიკის შედარებითი ანალიზი გააკეთა.</div> <div style="text-align: justify;">„IDFI-ის მიერ მომზადებული შედარებითი ანალიზის მიზანია ევრაზიის რეგიონის ქვეყნებში სახელმწიფო შესყიდვების სისტემების პარალელური ტენდენციებისა და საერთო მახასიათებლების, მათ შორის, საუკეთესო პრაქტიკის განსაზღვრა. პირველ ყოვლისა, კვლევა აღწერს თითოეული ქვეყანის სახელმწიფო შესყიდვების სისტემას, შემდგომ კი, განიხილავს ამ კანონების საერთო დადებით და უარყოფით მხარეებს, ხარვეზებს, ასევე, მათი განხორციელების შესაძლო პრობლემებს", - აღნიშნულია დოკუმენტის შესავალ ნაწილში.</div> <div style="text-align: justify;"><a href="http://idfi.ge/ge/comparative_analyses_tppr" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი. </span>„საერთაშორისო გამჭვირვალობა-საქართველო” (TI) ავრცელებს ინფორმაციას ქედის მუნიციპალიტეტის თანამდებობის პირების ქონებრივი დეკლარაციების შესახებ.</div> <div style="text-align: justify;">„კვლევის ფარგლებში, 20-ზე მეტი დეკლარაცია იქნა შესწავლილი, რომელთაგან 8 შემთხვევაში თანამდებობის პირებს არასრულად აქვთ ინფორმაცია მითითებული. გარდა ამისა, გამოვლინდა თანამდებობასთან შეუთავსებელი საქმიანობის ერთი შემთხვევა, რაც შესაძლო კანონდარღვევაა და საჯარო სამსახურის ბიუროს მხრიდან შესაბამის რეაგირებას</div> <div style="text-align: justify;">საჭიროებს", - აღნიშნულია ინფორმაციაში.</div> <div style="text-align: justify;"><a href="http://www.transparency.ge/ge/blog/tanamdebobis-pirta-arasrulad-shevsebuli-deklaraciebi-kedis-municipalitetshi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

<div style="text-align: justify;"><span style="font-weight: bold;">თბილისი.</span> „საერთაშორისო გამჭვირვალობა - საქართველოს" (TI) დასკვნით, ქობულეთის მუნიციპალიტეტის თანამდებობის 10 პირს ქონებრივი დეკლარაცია არასწორად აქვს შევსებული, რითაც კანონმდებლობის მოთხოვნები ირღვევა.</div> <div style="text-align: justify;">„საერთაშორისო გამჭვირვალობა - საქართველომ” 26-30 ნოემბერს ქობულეთის მერიისა და საკრებულოს თანამდებობის 30-მდე პირის დეკლარაცია შეისწავლა. დარღვევებს შორის ყველაზე მეტია შემთხვევები, როცა თანამდებობის პირებმა არ მიუთითეს ან არასწორად აღნიშნეს ოჯახის წევრების ქონება და სამეწარმეო საქმიანობა. ასეთი 6 ფაქტი გამოვლინდა. 3 შემთხვევაში პირებმა კომპანიებში კუთვნილი წილების მართვის უფლება სხვა პირებს არ გადასცეს, როგორც ამას საჯარო დაწესებულებაში ინტერესთა შეუთავსებლობისა და კორუფციის შესახებ კანონი მოითხოვს. ასევე, გამოვლინდა თანამდებობრივი შეუთავსებლობის 2 და კომპანიაში კუთვნილი წილების მიუთითებლობის 2 ფაქტი", - ვკითხულობთ TI-ის მიერ გავრცელებულ ინფორმაციაში.</div> <div style="text-align: justify;"><a href="http://www.transparency.ge/ge/blog/arasruli-monacemebi-kobuletis-municipalitetis-tanamdebobis-pirebis-konebriv-deklaraciebshi" target="_blank" style="font-weight: bold;">სრულად </a></div> <div style="text-align: justify;">წყარო: ორგანიზაციის ვებგვერდი</div> <div style="text-align: justify;"><br /> </div>

თბილისი. „ადამიანის უფლებების სწავლებისა და მონიტორინგის ცენტრმა" (EMC) მოამზადა ანგარიში „სასამართლო სისტემის სტრატეგიისა და სამოქმედო გეგმის შესრულების მდგომარეობა". ანგარიშში წარმოდგენილია, საქართველო-ევროკავშირის ასოცირების დღის წესრიგით გათვალისწინებული, სასამართლო სისტემის სტრატეგიისა და სამოქმედო გეგმის იმ აქტივობების შესრულების შეფასება, რომლებიც მართლმსაჯულების სისტემის რეფორმის ყველაზე მწვავე და აქტუალურ საკითხებს ეხება: (1) იუსტიციის უმაღლესი სკოლის რეფორმა; (2) მოსამართლეთა შერჩევა-დანიშვნა და სხვა საკადრო საკითხები; (3) მოსამართლეთა პასუხისმგებლობის სისტემის რეფორმა; (4) იუსტიციის უმაღლესი საბჭოს საქმიანობა და ინსტიტუციური მოწყობა; (5) სასამართლო სისტემის გამჭვირვალობა. სრულად  წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტის (IDFI) და ადამიანის უფლებების სწავლებისა და მონიტორინგის ცენტრის (EMC) მიერ მომზადებულ ანგარიშში წარმოდგენილია, საქართველო-ევროკავშირის ასოცირების დღის წესრიგით გათვალისწინებული, სასამართლო სისტემის სტრატეგიისა და სამოქმედო გეგმის აქტივობების შესრულების შეფასება. აქტივობები მართლმსაჯულების სისტემის რეფორმის ყველაზე მწვავე და აქტუალურ საკითხებს ეხება: (1) იუსტიციის უმაღლესი სკოლის რეფორმა; (2) მოსამართლეთა შერჩევა-დანიშვნა და სხვა საკადრო საკითხები; (3) მოსამართლეთა პასუხისმგებლობის სისტემის რეფორმა; (4) იუსტიციის უმაღლესი საბჭოს საქმიანობა და ინსტიტუციური მოწყობა; (5) სასამართლო სისტემის გამჭვირვალობა. სრულად... წყარო: idfi.ge

თბილისი. „სამართლიანი არჩევნებისა და დემოკრატიის საერთაშორისო საზოგადოებამ" (ISFED) დღეს საზოგადოებას 2018 წლის საპრეზიდენტო არჩევნებზე სოციალური მედიის მონიტორინგის მეორე შუალედური ანგარიში წარუდგინა. „მიმდინარე ანგარიში ძირითადად ეხება საარჩევნო კამპანიურ აქტივობებს „ფეისბუქზე" მეორე ტურის წინასაარჩევნო პერიოდში, თუმცა, ასევე, შეიცავს პირველი ტურის წინასაარჩევნო კამპანიის ბოლო პერიოდზე დაკვირვების მონაცემებს. მონიტორინგის შედეგები ადასტურებს, რომ წინასაარჩევნო პერიოდში „ფეისბუქი" არა მხოლოდ პოლიტიკური დისკუსიისთვის, არამედ ორგანიზებული და მიზანმიმართული დისკრედიტაციული კამპანიებისათვის გამოიყენებოდა. ISFED-ის დაკვირვებით, სოციალურ მედიაში პოლიტიკური ჯგუფების აქტივობამ და ნეგატიურმა კამპანიამ უფრო მეტად აგრესიული სახე მიიღო", - ნათქვამია ანგარიშის წინასიტყვაობაში. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობ - საქართველოს" (TI) განცხადებით, ზუგდიდში ტენდერებს მერიის ზედამხედველობის სამსახურის უფროსის ყოფილი კომპანია იგებს. „ზუგდიდის მერიის ზედამხედველობისა და არქიტექტურის სამსახურის უფროსის ყოფილმა კომპანიამ შპს „ევრომშენი 999”, 2016-2018 წლებში, 70-ზე მეტ ტენდერში მიიღო მონაწილეობა, რომელთაგან 39 შემთხვევაში გაიმარჯვა", - ვკითხულობთ TI-ის მიერ გავრცელებულ ინფორმაციაში, - „საერთაშორისო გამჭვირვალობა-საქართველოს” შეფასებით, შპს „ევრომშენი 999”-ის მიერ ტენდერებში გამარჯვება და ზემოთ მოყვანილი გარემოებები წარმოშობს ეჭვს და აჩენს კითხვებს სავარაუდო კორუფციულ გარიგებასთან დაკავშირებით, რაზეც ზუგდიდის მუნიციპალიტეტმა უნდა გასცეს სრულყოფილი და ამომწურავი პასუხი. ასევე, მოვუწოდებთ სახელმწიფო აუდიტის სამსახურს, შეისწავლოს შპს „ევრომშენი 999”-ის მიერ ზუგდიდის გამგეობისა და ზუგდიდის მერიის მიერ გამოცხადებულ ტენდერებში გამარჯვების კანონიერების საკითხი". სრულად  წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ბლოგპოსტს: თავდაცვის მინისტრის სახლების მშენებლობის არადეკლარირებული ხარჯები. „თავდაცვის მინისტრმა ლევან იზორიამ 2013-2018 წლებში 2 ინდივიდუალური საცხოვრებელი სახლი აიშენა, თუმცა ამავე პერიოდში შევსებულ ქონებრივ დეკლარაციებში მათ მშენებლობაზე გაწეული ხარჯები არ მიუთითა. „საჯარო დაწესებულებაში ინტერესთა შეუთავსებლობისა და კორუფციის შესახებ” კანონის თანახმად, თანამდებობის პირი ვალდებულია, სხვა ინფორმაციასთან ერთად, ქონებრივ დეკლარაციაში მიუთითოს ნებისმიერი შემოსავალი ან გასავალი, რომელიც 1500 ლარს აღემატება", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. საერთაშორისო გამჭვირვალობა-საქართველო აქვეყნებს კვლევას 2017 წლის სარეკლამო ბაზრის გამოწვევებისა და პრობლემების შესახებ. იგი მიმოიხილავს ტელევიზიისა და რადიოს 2018 წლის 3 კვარტლის მონაცემებსაც. ანგარიში შეისწავლის ონლაინ გამოცემების და გარე სარეკლამო ბაზარზე არსებულ მდგომარეობას და 2017 წლის თვითმმართველობის არჩევნების დროს წინასაარჩევნოდ პოლიტიკური რეკლამის ტელევიზიების მიხედვით გადანაწილების საკითხს. სრულად... წყარო: www.transparency.ge

თბილისი. საქართველოს ახალგაზრდა იურისტთა ასოციაცია (საია) ადამიანის უფლებათა დაცვის მდგომარეობას აჯამებს. „2018 წელს საიას უფასო სამართლებრივი დახმარებით 36 500-ზე მეტმა პირმა ისარგებლა, 4700-ზე მეტ პირს მოუმზადდა სამართლებრივი დოკუმენტი (სარჩელი, საჩივარი, განცხადება და ა.შ.), 120 საქმე დასრულდა წარმატებით. საიას მიერ სტრატეგიულმა სამართალწარმოებამ და ადვოკატირებამ მნიშვნელოვანი გავლენა მოახდინა ადამიანის უფლებების სხვადასხვა სფეროში კანონმდებლობისა და პრაქტიკის გაუმჯობესებაზე," ნათქვამია ორგანიზაციის ვებგვერდზე. იხ. დოკუმენტი... წყარო: gyla.ge

თბილისი. „საერთაშორისო გამჭვირვალობა - საქართველო" თვლის, რომ საქართველოს ხელისუფლებამ ქმედითი ნაბიჯები უნდა გადადგას მაღალი დონის კორუფციის გამოწვევის დასაძლევად. „მაღალი დონის კორუფციის გამოწვევის დაძლევა საქართველოში დემოკრატიული მმართველობის და კანონის უზენაესობის განმტკიცების და ევროპული ინტეგრაციის წარმატებით გაგრძელების აუცილებელი პირობაა. ამდენად მნიშვნელოვანია, რომ ხელისუფლებამ წამოიწყოს ფართო დისკუსია ანტიკორუფციული პოლიტიკის საკვანძო საკითხებზე და გამოავლინოს გაბედული რეფორმების განხორციელების პოლიტიკური ნება," ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. „საერთაშორისო გამჭვირვალობა - საქართველოს" (TI) ინფორმაციით, მუნიციპალური იურიდიული პირების შენახვა ზუგდიდს, წელიწადში, 14 მილიონ ლარამდე უჯდება. „საერთაშორისო გამჭვირვალობა-საქართველოს” არაერთი კვლევა აქვს გამოქვეყნებული მუნიციპალურ ა(ა)იპებსა და შპს-ებში დასაქმებულების შრომის ანაზღაურებისა და ამ ორგანიზაციებში დასაქმების გაუმჭვირვალე პრაქტიკის შესახებ. სრულად  წყარო: ორგანიზაციის ვებგვერდი

აჭარა. „საერთაშორისო გამჭვირვალობა - საქართველომ" ბათუმის მუნიციპალიტეტის 30 თანამდებობის პირის ქონებრივი მდგომარეობის ამსახველი დეკლარაცია შეისწავლა. აღმოჩენილი დარღვევებიდან 6 შემთხვევა ეხება თანამდებობის პირებისა და მათი ოჯახის წევრების კუთვნილი ქონების არასრულ ასახვას, 2 შემთხევაში კი ინტერესთა შეუთავსებლობა დამტკიცდა. სრულად... წყარო: www.transparency.ge

იმერეთი. „საერთაშორისო გამჭვირვალობა - საქართველოს" (TI) დასკვნით, შ.პ.ს. „პარკინგსერვისი" ქუთაისის მერიის წინაშე აღებულ ვალდებულებებს კვლავ არ ასრულებს. „პირველი კვლევა ამ საკითხზე "საერთაშორისო გამჭვირვალობა - საქართველომ” 2017 წელს ჩაატარა და მერიას რეკომენდაციებით მიმართა, თუმცა მდგომარეობა ამ დრომდე უცვლელია. ჩვენი მიგნებებით, სახეზეა როგორც კომპანიის არაეფექტური მართვა, ასევე არაეფექტური ზედამხედველობა მერიის მხრიდან, რაც შესაძლოა დანაშაულის ნიშნებსაც შეიცავდეს. მიგვაჩნია, ასევე, რომ კიდევ ერთხელ უნდა გაანალიზდეს იმ გადაწყვეტილების ადექვატურობა, რომლითაც ქუთაისში პარკინგის მოწესრიგებისთვის სახელმწიფო კომპანია შეიქმნა და არ შეირჩა კერძო კომპანია", - აღნიშნულია TI-ის მიერ გავრცელებულ ინფორმაციაში. სრულად  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია აფასებს 2018 წლის 28 ნოემბრის საპრეზიდენტო არჩევნების მეორე ტურის კენჭისყრის დღეს, რომელსაც, თბილისისა და 9 რეგიონის 28 საარჩევნო ოლქში 300 - მდე დამკვირვებლით აკვირდებოდა. საიას შეფასებით, კენჭისყრის დღე ძირითადად მშვიდ ვითარებაში წარიმართა, თუმცა, დაფიქსირდა არსებითი დარღვევები და სხვა მნიშვნელოვანი ტენდენციები: სავარაუდო გაყალბების, ამომრჩევლის მოსყიდვისა და მუქარის ფაქტები; არჩევნების ძირითადი პრინციპების - ხმის მიცემის ფარულობის დარღვევის ცალკეული შემთხვევები და ამომრჩევლის ნების კონტროლის ფაქტები; ცალკეულ უბნებზე საიას დამკვირვებლებს შეეზღუდათ დამკვირვებლის უფლებების განხორციელების შესაძლებლობა, დაფიქსირდა საიას დამკვირვებლების მიმართ აგრესიის და ფიზიკური შეურაცხყოფის მუქარის ფაქტები, როგორც ხმის მიცემის პროცესში, ასევე შედეგების შეჯამებისას; შედეგების შეჯამებისას ცალკეულ უბნებზე დაფიქსირდა პროცედურული დარღვევები. სრულად  წყარო: ორგანიზაციის ვებგვერდი

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) 2018 წლის საპრეზიდენტო არჩევნების მეორე ტურის ხმების პარალელური დათვლის შედეგებს აქვეყნებს. საპრეზიდენტო არჩევნების მეორე ტურს ISFED, მთელი ქვეყნის მასშტაბით, ხმების პარალელური დათვლის (PVT) მეთოდოლოგიით აკვირდებოდა. ეს მეთოდოლოგია იძლევა საშუალებას, დროულად იქნას აღმოჩენილი დარღვევები, სისტემურად შეფასდეს არჩევნების დღის პროცესი და გადამოწმდეს ოფიციალური შედეგების სიზუსტე. სრულად  წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველოს” (TI) დაკვირვებით საპრეზიდენტო არჩევნების მეორე ტურმა ძირითადად მშვიდ გარემოში, მნიშვნელოვანი ძალადობრივი ინციდენტების გარეშე ჩაიარა. ეს დასკვნა ორგანიზაციის მიერ გამოქვეყნებულ საბოლოო შეფასებაშია მოცემული. ამასთან, TI გამოკვეთს რამდენიმე პრობლემურ ტენდენციას, რომელიც ამომრჩეველთა შესაძლო მოსყიდვას, კენჭისყრის ფარულობის დარღვევისა და ამომრჩევლის მიუღებელი ხერხებით აღრიცხვას ეხებოდა. „საერთაშორისო გამჭვირვალობა – საქართველომ" 2018 წლის 28 ნოემბერს საპრეზიდენტო არჩევნებს მეორე ტურს 350 ადგილობრივი დამკვირვებლით გაუწია მონიტორინგი. ორგანიზაციის სტაციონარული დამკვირვებლები მთელი ქვეყნის მასშტაბით 300 საარჩევნო უბანზე იყვნენ გადანაწილებულნი. გარდა ამისა, საარჩევნო პროცესებს 45 მობილური ჯგუფიც ადევნებდა თვალს. სრულად  წყარო: ორგანიზაციის ვებგვერდი

თბილისი. საერთაშორისო გამჭვირვალობა - საქართველო ავრცელებს ბლოგპოსტს: სიძულვილის ენა და პოლარიზაცია წინასაარჩევნო პერიოდში. ორგანიზაცია წარმოგიდგენთ „იმ საჯარო განცხადებებს, რომლებიც 29 აგვისტოს საპრეზიდენტო არჩევნების კამპანიის დაწყებიდან დღემდე საჯაროდ გაკეთდა და წარმოაჩენს ქვეყანაში პოლიტიკური დისკუსიის კულტურასთან დაკავშირებულ პრობლემებს." სრულად... წყარო: www.transparency.ge