თბილისი. გაეროს ქალთა ფონდის ცნობით, გაეროს ქალთა გაძლიერების პრინციპებზე ხელმომწერი კომპანიები ტექნოლოგიებში გოგოების ჩართულობისთვის გაერთიანდნენ. „ქართულ-ამერიკული უნივერსიტეტი გაუ, კანტის აკადემია და ჯეოლაბი ქალებისთვის ახალ, 6-თვიან საგანმანათლებლო პლატფორმას WE-Tech -ს ქმნიან. პროგრამა მონაწილეებს ტექნოლოგიური და სამეწარმეო უნარების განვითარებაში ეხმარება“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

გურია. სოფელ ლაითურის მოსახლეობას გაეროს მუდმივი კოორდინატორი საქართველოში საბინე მახლი, გაეროს ქალთა ორგანიზაციის წარმომადგენელი საქართველოში კაორი იშიკავა და მწერალი ეკატერინე ტოგონიძე ესტუმრნენ. „გაეროს ქალთა ორგანიზაციისა და ნორვეგიის მთავრობის მხარდაჭერით, 2018 წლიდან ადგილობრივმა ქალებმა ლაითურში პირველი საცხობი, კაფე და სოკოების საწარმო გახსნეს და სოფელს ახალი სიცოცხლე შესძინეს. ახლა მათ უკვე ადგილობრივი არასამთავრობო ორგანიზაცია აქვთ და თემის საკეთილდღეოდ არაერთი ინიციატივის განხორციელებას აპირებენ. ინიციატივა განხორციელდა გაეროს ერთობლივი პროგრამის „გენდერული თანასწორობისთვის საქართველოში“ ფარგლებში შვედეთის მთავრობის დაფინანსებით. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ორგანიზაცია და საქართველოს ჟურნალისტური ეთიკის ქარტია ქალთა უფლებებისა და გენდერული თანასწორობის ეთიკური გაშუქების გასაძლიერებლად თანამშრომლობას იწყებენ. მემორანდუმს უკვე მოაწერა ხელი გაეროს ქალთა ორგანიზაციის წარმომადგენელმა საქართველოში, კაორი იშიკავამ და საქართველოს ჟურნალისტური ეთიკის ქარტიის დირექტორმა, მარიამ გოგოსაშვილმა მოაწერეს. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი თვლის, რომ საქართველოს მოპოვებით მრეწველობაში გენდერული თანასწორობის განმტკიცებისთვის აუცილებელია შესაბამის საერთაშორისო ორგანიზაციებსა და ინიციატივებთან აქტიური თანამშრომლობა და საერთაშორისო სტანდარტების ეროვნულ დონეზე დანერგვა.: ცენტრალურ დონეზე სათანადო პოლიტიკის არსებობა; შესაბამისი საკანონმდებლო ცვლილებების განხორციელება; ადგილობრივი თემის ცნობიერების ამაღლებაზე ზრუნვა. სრულად... წყარო: idfi.ge

თბილისი. ორგანიზაციია „საფარი“ ინფორმაციით, ხანუმ ჯეირანოვას საქმის შესახებ გაეროს ქალთა კომიტეტმა გადაწყვეტილება გამოაქვეყნა. ჯეირანოვას ნათესავები ქმრის ღალატში ადანაშაულებდნენ. 2014 წლის 16 სექტემბერს მას თავს დაესხა ქმრის სამი ნათესავი, რომლებმაც იგი მთელ სოფელში ათრიეს და სასტიკად სცემეს. ქალს ოჯახის წევრებიც აიძულებდნენ ვირთხის საწამლავით მოეკლა თავი. დედამ ჯეირანოვა მეორე დღეს, ფარდულში გარდაცვლილი იპოვა: ცხედარი თოკზე ეკიდა. მოლებმა, რომლებმაც ქალის ცხედარი მოამზადეს აღნიშნეს, რომ ტანისამოსი სისხლით იყო გაჟღენთილი, მოწმის ჩვენებით, ის „სიკვდილამდე ნაცემი“ იყო. „გაეროს ქალთა უფლებების კომიტეტმა დაადგინა, რომ საქართველომ ვერ უზრუნველყო გამოძიება და სამართლებრივი დევნა ქალის მიმართ გენდერული ნიშნით და ღირსების სახელით ჩადენილ ძალადობასთან დაკავშირებით, რომელიც სასტიკად სცემეს ოჯახის წევრებმა მცირეწლოვანი შვილების თვალწინ, რამაც მისი სიკვდილი გამოიწვია. კანონდარღვევის შესახებ დღეს გამოქვეყნებულ მოსაზრებებში, ქალთა დისკრიმინაციის აღმოფხვრის კომიტეტი (CEDAW) გამოხატავს წუხილს იმ ფაქტის გამო, რომ საქართველოს ხელისუფლებამ ვერ უზრუნველყო მსხვერპლი ხანუმ ჯეირანოვას ოჯახის წევრების დაკავება და პასუხისგებაში მიცემა, რომლებმაც იგი უგონო მდგომარეობამდე სცემეს და ასევე მისი ნათესავებთან დაბრუნების გადაწყვეტილების გამო, რის შემდეგაც ქალი გარდაცვლილი იპოვეს“. კომიტეტმა სახელმწიფოს დამოუკიდებელი გამოძიების დაწყება და დამნაშავეთა დასჯა დაავალა. სრულად... წყარო: sapari.ge

თბილისი. ბიოლის ფონდი აქვეყნებს თათა ვერულაშვილის სტატიას: მარტოხელა დედობის საფასური. „მარტოხელა დედებისთვის მთავარი საკითხი უსახსრობა და ფინანსური სირთულეებია. ეს დაკავშირებულია დაბალ შემოსავალთან, შრომის გაუზიარებლობასთან - არ არსებობს ის, ვინც ბავშვს დაიტოვებს და დედისთვის თავისუფალ დროს გამოათავისუფლებს. მუდმივი დაკავებულობის პირობებში მათ არ აქვთ გადამზადების ან კვალიფიკაციის ამაღლების შესაძლებლობა. ამასთან, როგორც ზემოთ ვნახეთ, შრომის ბაზარი მარტოხელა დედის საჭიროებაზე მორგებული არ არის - ნახევარ განაკვეთზე დასაქმების შესაძლებლობა მათ არ აქვთ, ბაღის და სკოლის განრიგის შეთავსება შრომის ბაზართან შეუძლებელია - ჩატარებული ინტერვიუების საფუძველზე, ქალებისთვის მომავალი მხოლოდ ემიგრაციაზე საუბრის დროსაა იმედიანი. საქართველოში მათი მდგომარეობა ყოველდღიურად უარესდება, ყოველ მომდევნო დღეს მეტია საჭიროება და ნაკლებია შესაძლებლობა“. სრულად... წყარო: feminism-boell.org

თბილისი. 5 ნოემბერს ღია კარის დღე გაიმართა ქალების, მშვიდობისა და უსაფრთხოების შესახებ. 2021 წლის ღია კარის დღის ღონისძიებაში ქალთა საკითხებზე მომუშავე სამოქალაქო და სათემო ორგანიზაციების წარმომადგენლები, დევნილები და კონფლიქტის შედეგად დაზარალებული ქალები და ახალგაზრდები მონაწილეობდნენ. „შეხვედრაზე ქალთა სამოქალაქო საზოგადოების ორგანიზაციების წარმომადგენლებმა და დევნილმა და კონფლიქტის შედეგად დაზარალებულმა ქალებმა პანდემიის პირობებში მდგარ მწვავე პრობლემებზე გააკეთეს აქცენტი“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ორგანიზაციამ, საქართველოს პროკურატურასთან თანამშრომლობით, სამუშაო შეხვედრა გაიმართა. შეხვედრის მიზანი იყო სექსუალურ შევიწროებაზე რეაგირების მექანიზმისა და უწყების გენდერული მეინსტრიმინგის პრიორიტეტების შესახებ მსჯელობა.  მონაწილეებმა განიხილეს ისეთი საკითხები, როგორებიცაა 2021 წელს საქართველოს პროკურატურაში ჩატარებული თანამონაწილეობითი გენდერული აუდიტის რეკომენდაციების შესრულების სტატუსი, სექსუალურ შევწროებაზე რეაგირების მექანიზმის დანერგვა და მისი ეფექტიანი აღსრულება.  სრულად... წყარო: ორგანიზაციის გვერდი სოციალურ ქსელში

თბილისი. ჰაინრიხ ბიოლის ფონდის ინფორმაციით, 2021 წლის 6 და 8 ნოემბერს „დინამო არენაზე” ყველა დროის 15 საუკეთესო პიესაში შესული, თანამედროვე ბრიტანელი დრამატურგი ქალის - კერილ ჩერჩილის პიესის „ყველაზე მაგარი გოგოების“ პრემიერა გაიმართება, დამოუკიდებელი თეატრალური პროექტის ფარგლებში. სრულად... წყარო: ge.boell.org

იმერეთი. სოციალური სამართლიანობის ცენტრი აქვეყნებს ახალ კვლევას: „ექსტრაქტივიზმი და ქალთა ეკომონიკური მონაწილეობა ტყიბულში“. ორგანიზაციის კვლევა აჩვენებს, რომ ტყიბულელი ქალები სიღარიბის გამო სახლებს ტოვებენ და სამუშაოდ სხვა ქალაქებსა და ქვეყნებში მიემგზავრებიან, რის გამოც სოციალური ქსოვილი ირღვევა. „სოციალური უპერსპექტივობის გარდა, ადგილობრივი ქალები, შესაძლოა, ოჯახში ძალადობის რისკის წინაშეც იდგნენ. როგორც ერთ-ერთი რესპონდენტი ამბობს, რადგან შახტაში მუშაობა ძირითადად კაცურ საქმიანობად აღიქმება და ტყიბულელი ქალები ძირითადად დიასახლისები არიან, ეს ყოფა თავისთავად მოიაზრებს სხვაზე ფინანსურად და ემოციურად დამოკიდებულებას, რაც მნიშვნელოვანწილად ამცირებს ძალადობისაგან თავის დაღწევის ალბათობას“.  ექსტრაქტივიზმი და ქალთა ეკომონიკური მონაწილეობა ტყიბულში... კვლევა მომზადდა პროგრამის ფარგლებში „ევროკავშირი გენდერული თანასწორობისთვის: ერთად გენდერული სტერეოტიპებისა და გენდერული ძალადობის დასაძლევად“, რომელიც ერთობლივად ხორციელდება გარეოს ქალთა ორგანიზაციის (UN Women) და გაეროს მოსახლეობის ფონდის (UNFPA) მიერ, ევროკავშირის მხარდაჭერით“. სრულად... წყარო: socialjustice.org.ge

თბილისი. ორგანიზაციამ „პარტნიორობა ადამიანის უფლებებისთვის“ (PHR), პროექტ „ქალთა მიმართ სექსუალური შევიწროება სპორტში“ ფარგლებში, სხვადასხვა სპორტის სახეობაში მოღვაწე სპორტსმენებთან დაიწყო შეხვედრების სერია, რომლის მიზანია ცნობიერების ამაღლების და პრევენციის მიზნით ახალგაზრდა სპორტსმენებისთვის ძალადობის ფორმებზე და სექსუალურ შევიწროებაზე ინფორმაციის მიწოდება. სრულად... წყარო: phr.ge

თბილისი. ორგანიზაცია მწვანე ნაბიჯი - Green Step ახორციელებს პროექტს “WIN” და ამ პროექტში 50-ზე მეტი ქალის ჩართვას გეგმავს.  პროექტი დაფინანსებულია პოლონეთის საგარეო საქმეთა სამინისტროს Polish Aid - „Polska Pomoc Rozwojowa 2021“-ის მიერ. პროექტის მიზანია დაეხმაროს ქალებს სხვადასხვა ბიზნეს შესაძლებლობების გაღრმავებაში და საერთაშორისო ქსელში ჩართვაში. სემინარების სერიის ძირითადი თემები იქნება: - საქართველოში შრომის ბაზრის ტენდენციები; - ბიზნესის დაფინანსების წყაროები და მათი მოძიების გზები; - საკუთარი ბრენდის შექმნა; - ეფექტური რეზიუმეს შედგენა და სხვა. სემინარები უფასოა, ონლაინ რეჟიმში გაიმართება და მასში მონაწილეობა ნებისმიერი ასაკის და პროფესიის ქალს შეუძლია. დამატებითი ინფორმაციისთვის მისწერეთ ორგანიზაციას მეილზე: greenstepngo@gmail.com ან ფეისბუქის გვერდზე Women Innovation Network - WIN in Georgia რეგისტრაციის ბმული... წყარო: ორგანიზაციის გვერდი სოციალურ ქსელში

თბილისი. PHR-მა რეგიონალური მედიის წარმომადგენლებისთვის შეზღუდული შესაძლებლობის მქონე ქალთა უფლებებზე და მათი საჭიროებების გაშუქების ფორმებზე სამუშაო შეხვედრები ჩაატარა.  „შეხვედრაზე ჟურნალისტები გაეცნენ შეზღუდული შესაძლებლობის მქონე ქალთა უფლებებზე საერთაშორისო პრაქტიკებს, ასევე ადგილობრივ მიმდინარე და დასრულებულ საქმეებს, დეტალურად განიხილეს მედიაში გასული სიუჟეტები შშმ პირთა უფლებებზე და შემოგვთავაზეს საკუთარი ხედვა ამ საკითხების გაშუქებასთან დაკავშირებით“. სრულად... წყარო: phr.ge

შიდა ქართლი. სოციალური სამართლიანობის ცენტრმა სამუშაო შეხვედრა გამართა გამყოფ ხაზთან მდებარე სოფლებში მცხოვრებ ქალებთან. „შეხვედრის მიზანი იყო ქალებში ჯანმრთელობის კუთხით არსებული პრობლემების და საჭიროებების გამოვლენა და მათთვის პირდაპირ მხარდაჭერის შეთავაზება. კერძოდ, შეხვედრის ფორმატი ითვალისწინებდა ექიმის ვიზიტს და ქალების ადგილზე გამოკვლევას, ასევე სპეციალისტის მიერ ონკოლოგიური დაავადებების პრევენციისა და დროული გამოკვლევების მნიშვნელობის საკითხებზე საინფორმაციო შეხვედრის გამართვას“. სრულად... წყარო: ორგანიზაციის გვერდი სოციალურ ქსელში

თბილისი. ქალთა საინფორმაციო ცენტრის ინფორმაციით, 2017 წელს საქართველოში „სტამბოლის კონვენცია“ რატიფიცირდა. ნაკისრი ვალდებულებების შესრულების მონიტორინგს კი ევროსაბჭოს ქალთა მიმართ ძალადობისა და ოჯახში ძალადობის წინააღმდეგ მიმართულ ქმედებებზე მომუშავე ექსპერტთა ჯგუფი (GREVIO) ახორციელებს. არასამთავრობო ორგანიზაციებმა, GREVIO-ს წარუდგინეს ჩრდილოვანი ანგარიში საქართველოში არსებული მდგომარეობის, კერძოთ კი სექსუალური ძალადობის პრობლემის შეფასების ფარგლებში.  სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის (PHR) ადვოკატები ქალაქ თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის თანამშრომლებს შეხვდნენ და საინფორმაციო შეხვედრა გამართეს თემაზე: „ქალთა მიმართ სექსუალური ძალადობა სპორტში“. „შეხვედრის მსვლელობისას ორგანიზაციის წარმომადგენლებმა მონაწილეებს გააცნეს პროექტ „ქალთა მიმართ სექსუალური ძალადობა სპორტში“ ფარგლებში ჩატარებული ორი კვლევის რეკომენდაციები და მიგნებები. ასევე, ცნობიერების ამაღლების მიზნით ისაუბრეს სექსუალური შევიწროების სხვადასხვა ფორმებზე“. სრულად... წყარო: phr.ge

თბილისი. ევროკავშირი საქართველოში აქვეყნებს ფოტოგრაფ დინა ოგანოვას ფოტოპროექტს „გოგონა დაიბადა“, რომელიც ევროკავშირისა და UNFPA Georgia-ს მხარდაჭერით მომზადდა. „ფოტოპროექტი მიზნად ისახავს აამაღლოს ცნობიერება გენდერული ნიშნით სქესის შერჩევის საზიანო პრაქტიკის შესახებ და ხაზი გაუსვას გოგონებისა და ვაჟების თანასწორ უფლებებს“. სრულად... წყარო: ორგანიზაციის გვერდი სოციალურ ქსელში

სამეგრელო. სამეგრელოში მცხოვრები მეწარმე ქალები საკუთარი გამოცდილებისა და გამოწვევების შესახებ,ზუგდიდში, აუდიტორიის წინაშე PechaKucha ფორმატით წარდგნენ. მსოფლიოში პოპულარული პლატფორმა PechaKucha Night ზუგდიდში პირველად ჩატარდა და იგი სოფლად მცხოვრები ქალების საერთაშორისო დღეს მიეძღვნა. ღონისძიებაში მონაწილე ექვსმა მეწარმე ქალმა საკუთარი საქმიანობის გაცნობასთან ერთად, იმ მნიშვნელოვან როლზეც ისაუბრეს, რომელსაც სოფლად მცხოვრები მეწარმე ქალები საკუთარი თემებისა და რეგიონების განვითარებაში ასრულებენ. სრულად... წყარო: ორგანიზაციის გვერდი სოციალურ ქსელში

გურია. ქალთა საინფორმაციო ცენტრის ცნობით, გაეროს ქალთა ორგანიზაციის წარმომადგენელი საქართველოში, კაორი იშიკავა, ოზურგეთში, ქალთა მიმართ ძალადობის შესახებ ტრენინგის მიმდინარეობას გაეცნო. „ტრენინგების ციკლი, რომელსაც გაეროს ქალთა ორგანიზაციის მხარდაჭერით, ქალთა საინფორმაციო ცენტრი გურიასა და ქვემო ქართლში ახორციელებს, ცნობილი სახელმძღვანელოს In Her Shoes-ის მიხედვითაა შექმნილი. იგი ინტერაქტიულ როლურ თამაშებსა და ძალადობაგამოვლილი ქალებისა და გოგოების ების რეალურ ისტორიებს ეფუძნება“. სრულად... წყარო: ორგანიზაციის გვერდი სოციალურ ქსელში

თბილისი. 15 ოქტომბერი სოფლად მცხოვრები ქალების საერთაშორისო დღეა. ამ დღესთან დაკავშირებით, გაეროს განვითარების პროგრამამ (UNDP) შეაჯამა ქალ მეწარმეთა ბიზნეს იდეების კონკურსის შედეგები, რომელშიც 600-ზე მეტმა სოფლად მცხოვრებმა ქალმა მიიღო მონაწილეობა. „გამარჯვებულ იდეებს შორისაა მზის ენერგიაზე მომუშავე წყლის გამათბობლების წარმოება მარტვილიდან, ეკო-ტურიზმის განვითარება ნატანებიდან, ქსოვილისგან დამზადებული საბავშვო წიგნების გამოცემა რუსთავიდან და 24 სხვა პროექტი, რომელიც ადგილობრივ ეკონომიკურ განვითარებასა და ქალთა ჩართულობას ემსახურება. თითოეული გამარჯვებული მიიღებს 5,000 ლარამდე დაფინანსებასა და საკონსულტაციო დახმარებას ეკონომიკური საქმიანობის გაფართოებისა და ბიზნეს პროექტების განხორციელებისათვის“. სრულად... წყარო: www.ge.undp.org ფოტოს ავტორი: ნანა (ნაკუ) გამყრელიძე

გურია. გაეროს ქალთა ორგანიზაციის წარმომადგენელი საქართველოში, კაორი იშიკავა, ოზურგეთში, გოგო სკაუტების ასოციაციის „დიას“ წარმომადგენლებს შეხვდა. „გაეროს ქალთა ორგანიზაციის მხარდაჭერით, გურიაში, ქვემო ქართლსა და თბილისში საქართველოს გოგო სკაუტების ასოციაცია „დია“ ახალგაზრდებისთვის ძალადობის შესახებ სწავლებას ატარებს. სესიები სექსუალური შევიწროებისა და ბულინგის, ადრეული და იძულებითი ქორწინების, ოჯახში ძალადობისა და სხვა საკითხებს მოიცავს. სულ ინიციატივის ფარგლებში სწავლებას 400 გოგო და 200 ბიჭი გაივლის“.  სრულად... წყარო: ორგანიზაციის გვერდი სოციალურ ქსელში

შიდა ქართლი. განათლების განვითარების და დასაქმების ცენტრი (EDEC) 21 წლის თამუნა მაისურაძეზე ბლოგპოსტს აქვეყნებს. „თამუნა თანატოლთა განათლების ტრენინგებს დაესწრო, გაიღრმავა ცოდნა ისეთ საკითხებზე, როგორიცაა გენდერული თანასწორობა, ადამიანის უფლებები და COVID-19 ვირუსის პრევენცია. მიღებული ცოდნა თანატოლგანმანათლებლებმა სხვადასხვა ღონისძებების, მათ შორის საინფორმაციო შეხვედრების გზით საზღვრისპირა სოფლებში მცხოვრებ ახალგაზრდებს გაუზიარეს. ამჟამად მომავალი არქიტექტორი კომპანია „ანაგის” სამშენებლო ობიექტებზე სტაჟირებას გადის, სამშენებლო ტექნოლოგიას და ხარისხის კონტროლს სწავლობს და საკუთარი წარმატების ისტორიით წვლილი შეაქვს გენდერული სტერეოტიპების ნგრევაში“. სრულად... წყარო: edec.ge