თბილისი. მედიის განვითარების ფონდმა, 6 ნოემბერს, სახელმწიფო ბიუჯეტიდან დაფინანსებული მედიის შესახებ კვლევის წინასწარი შედეგები წარადგინა. როგორც media.ge იუწყება ფონდის შეფასებით, „სახელმწიფოს მიერ რვა საინფორმაციო სააგენტოს ბიუჯეტიდან დაფინანსება და ინფორმაციით მათი წინმსწრებად უზრუნველყოფა არათანაბარ პირობებში აყენებს სხვა საინფორმაციო სააგენტოებს, მით უფრო, რომ საქმე საჯარო ინფორმაციას შეეხება, რომელიც ყველასთვის თანაბრად უნდა იყოს ხელმისაწვდომი". სრულად... წყარო: media.ge

თბილისი. ჰაინრიჰ ბიოლის ფონდი რადიო „შოკოლადის" და პარტნიორი რეგიონული რადიოების (ჰერეთი, ძველი ქალაქი. აჭარის რადიო) ეთერის საშუალებით, პროექტის „50 ქალი საქართველოდან" რადიოპროექტს სთავაზობს მსმენელებს. მსმენელები მოისმენენ იმ ქალების შესახებ, რომლებიც მეცხრამეტე–მეოცე საუკუნეში ცხოვრობდნენ და ქმნიდნენ ქართულ კულტურას, ქართულ პოლიტიკას. გადაცემა „50 ქალი საქართველოდან" – ყოველდღე რადიო „შოკოლადის" ეთერში გადაიცემა. წყარო: ჰაინრიჰ ბიოლის ფონდის ვებგვერდი სოციალურ ქსელში

თბილისი. მაუწყებლებმა და არასამთავრობო ორგანიზაციებმა განცხადება გაავრცელეს. ტელეკომპანია რუსთავი2, ტელეკომპანია მაესტრო, პალიტრა მედია, ტელეკომპანია ტაბულა; საერთაშორისო გამჭვირვალობა – საქართველო; ჟურნალისტური ეთიკის ქარტია და საქართველოს რეგიონულ მაუწყებელთა ასოციაცია პრეზიდენტს მოუწოდებენ, სოციალურ რეკლამასთან დაკავშირებულ კანონს ვეტო დაადოს. „ხელმომწერი ორგანიზაციები მოუწოდებს საქართველოს პრეზიდენტს ისარგებლოს საქართველოს კონსტიტუციით მინიჭებული უფლებამოსილებით და ვეტო დაადოს პარლამენტის მიერ მიღებულ საკანომდებლო პაკეტს, რომელიც  სოციალური რეკლამის საკითხს არეგულირებს. მოვუწოდებთ საქართველოს პარლამენტს და აღმასრულებელ ხელისუფლების შესაბამის ორგანოებს მედიის სექტორის შესახებ მარეგულირებელი ნორმების მიღებისას გაითვალისწინონ, რომ მათ მნიშვნელოვანი გავლენა შეიძლება მოახდონონ საქართველოში მედიაგარემოზე. ყოველივე ამის გამო, მნიშვნელოვანია, ამ პროცესში მედიის წარმომადგენელთა აქტიური ჩართულობა. კიდევ ერთხელ გამოვხატავთ ჩვენს მზადყოფნას შევხვდეთ საქართველოს პარლამენტის თავმჯდომარეს მედიის სამომავლო მარეგულირებელი ნორმების განხილვის მიზნით", ნათქვამია განცხადებაში. სრულად... წყარო:   transparency.ge

თბილისი. გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით გამოიცა სახელმძღვანელო– „მედიასამართალი". სახელმძღვანელო, რომლის ავტორებით არიან სერგი ჯორბენაძე, უშანგი ბახტაძე, ზურაბ მაჭარაძე – განკუთვნილი იურისტებისთვის, ჟურნალისტებისა და მედიასამართლის კვლევით დაინტერესებული პირებისთვის. სახელმძღვანელო „მედიასამართალი" ... წყარო: GIZ–ის ვებგვერდი სოციალურ ქსელში

თბილისი. ორგანიზაცია „საზოგადოება და ბანკების" ეკონომიკურ მედია სკოლას თიბისი ბანკის გენერალური დირექტორის პირველი მოადგილე, პაატა ღაძაძე ესტუმრა. შეხვედრის თემა ფინანსური ინსტიტუტები და ბაზრები იყო. პაატა ღაძაძემ ჟურნალისტების შეკითხვებსაც უპასუხა. მედია სკოლის მიზანია ჟურნალისტებისთვის ფინანსური განათლების ამაღლება. სკოლის მეორე ნაკადი 20 ჟურნალისტისგან შედგება, რომლებიც საქართველოში მოქმედ 19 მედია საშუალებას წარმოადგენენ. მედია სკოლა, სასწავლო კურსის განმავლობაში, სხვა მოწვეულ ექსპერტებსაც უმასპინძლებს. წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა პუბლიკაცია - „საქართველოს ციფრულ საეთერო მაუწყებლობაზე მიგრაციის პროცესი - არსებული მიღწევები და პრობლემები" - გამოაქვეყნა. „საქართველოს ციფრულ საეთერო პლატფორმაზე გადასვლა, სხვადასხვა სუბიექტური და ობიექტური ფაქტორების გამო, მაქსიმალურად მცირე დროში უნდა განხორციელდეს. სწორედ დროის სიმცირე არის ამ პროცესის უმთავრესი გამოწვევა. ახალ სამაუწყებლო პლატფორმაზე გადასვლის გრაფიკი, რომელიც დამტკიცდა საქართველოს მთავრობის მიერ, საქართველოს ეკონომიკისა და მდგრადი განვითარების სამინისტროს წარდგინებით, მოითხოვდა ზუსტ შესრულებას და მაქსიმალურად გაწერილი დროის შუალედის დაცვას", ნათქვამია პუბლიკაციაში. სრულად... წყარო: idfi.ge

თბილისი. ჟურნალისტური ეთიკის ქარტიის საბჭო განცხადებას ავრცელებს, სადაც იგი „გმობს გაზეთ „ასავალ–დასავალის" ჟურნალისტ, ზაზა დავითაიაზე თავდასხმას და მიიჩნევს, რომ არცერთი მედიასაშუალების წარმომადგენელი და არცერთი მოქალაქე ქვეყანაში არ შეიძლება იყოს ფსიქოლოგიური ან ფიზიკური ზეწოლის ობიექტი სიტყვის, აზრის პროფესიული მოღვაწეობის ან საზოგადოებრივ პოლიტიკური შეხედულებების გამო". საბჭო ასევე მიესალმება ფაქტს, რომ შსს ოპერატიულად შეძლო თავდამსხმელის დაკავება. ქარტიის საბჭო მიმართავს სამართალდამცველ სტრუქტურებს „დაიწყონ ჟურნალისტებთან დაკავშირებული სხვა საქმეების გამოძიებაც..." სრულად... წყარო: media.ge

თბილისი. საქართველოს ახალგაზრდა იურისტთა ასოციაცია სოფლის მეურნეობის სამინისტროს განცხადების მიმართავს. ორგანიზაცია სოფლის მეურნეობის მინისტრს მიმართავს „კახეთის საინფორმაციო ცენტრისთვის საჯაროდ გამოქვეყნებული განცხადების თაობაზე სამინისტროს თანამდებობის პირის მიმართ დისციპლინური წარმოების დაწყების მოთხოვნით", ნათქვამია ორგანიზაციის ვებგვერდზე სოციალურ ქსელში. სრულად... წყარო: საიას ვებგვერდი სოციალურ ქსელში

თბილისი. ფონდ ,,ღია საზოგადოება - საქართველოს” ოფისში ონლაინ რადიოს შექმნის მსურველი ახალგაზრდებისათვის 3-დღიანი ტრენინგი იმართება. ახალგაზრდებს ტრენინგს Microwav.fm-ის წარმომადგენლები უტარებენ. პროექტი შვედეთის საერთაშორისო განვითარების სააგენტოს (SIDA) ფინანსური მხარდაჭერით ხორციელდება. საქართველოში პროექტის პარტნიორია ფონდი „ღია საზოგადოება - საქართველო". „პროექტში 3 ქვეყანაა ჩართული: საქართველო, სომხეთი და აზერბაიჯანი. მთავარი მიზანი სამხრეთ კავკასიის ქვეყნებში (საქართველო, სომხეთი და აზერბაიჯანი) ახალგაზრდული ონლაინ რადიოს შექმნაა. პროექტი რამდენიმე ეტაპისაგან შედგება, ყველაზე დიდი ინტერესი საქართველოში გამოხატეს, ამიტომ დამატებით მეორე ტრენინგის ჩატარებას ვგეგმავთ", აღნიშნავს პროგრამის კოორდინატორი. პროექტის ორგანიზატორების თქმით, ონლაინრადიო საქართველოში მაუწყებლობას 2015 წლიდან დაიწყებს. სრულად... წყარო: tavisupali.ge

თბილისი. 20 ოქტომბერს გაიმართა ჟურნალისტური ეთიკის ქარტიის საბჭოს მორიგი სხდომა, სადაც განიხილეს ზურაბ ჯაფარიძისა და ირმა ნადირაშვილის განცხადება „ინტერპრესსნიუსის" წინააღმდეგ. როგორც „ლიბერალი" აცხადებს „ნაციონალური მოძრაობის" წევრების, ირმა ნადირაშვილისა და ზურაბ ჯაფარიძის განცხადება ნაწილობრივ დააკმაყოფილა და სააგენტოს მიერ ეთიკის ქარტიის პირველი პრინციპის დარღვევა დაადგინა". სრულად... წყარო: liberali.ge

თბილისი. საქართველოს დემოკრატიული ინიციატივა და მედიის განვითარების ფონდი ერთობლივ განცხადებას ავრცელებენ. იგი ტელეკომპანია რუსთავი2–ის „გენერალური დირექტორის ნიკა გვარამიას პირადი მიმოწერის ხელშეუხებლობის დარღვევის" საკითხს ეხება, ნათქვამია ორგანიზაციის ვებგვერდზე. სრულად... წყარო: gdi.ge

თბილისი. გამოქვეყნდა კვლევა: „მედია ეთიკის საკითხები სომხეთში: პრაქტიკა და გამოწვევები". კვლევა მედიის განვითარების ფონდის წარმომადგენელმა 4 ოქტომბერს ილიას სახელმწიფო უნივერსიტეტში გამართულ საერთაშორისო კონფერენციაზე წარადგინა. იგი მომზადდა პროექტის „საზღვრის ორივე მხარეს: ქართველი და სომეხი ექსპერტების ქსელის შექმნა" – ფარგლებში. პროექტი 2014 წელს შვიდი თვის მანძილზე მიმდინარეობდა და ის დაფინანსებული იყო აშშ-ის გერმანიის მარშალის ფონდის პროექტის „შავი ზღვის ფონდი რეგიონული თანამშრომლობისთვის" მიერ და მას ერთობლივად ახორციელებდნენ არასამთავრობო ორგანიზაცია „ბთკკ-პოლიტიკის კვლევის ჯგუფი" (თბილისი, საქართველო) და „სომხეთის ტრანსატლანტიკური ინიციატივების ცენტრი" (ერევანი, სომხეთი). სრულად... წყარო: media.ge

თბილისი. „ინფორმაციის თავისუფლების განვითარების ინსტიტუტმა" და საქართველოს იუსტიციის სამინისტრომ ღია მმართველობის პარტნიორობის შესახებ თბილისში მომუშავე მედია საშუალებებისთვის სემინარი გამართა. IDFI-იმ მონაწილეებს პარტნიორობის ფარგლებში განხორციელებულ და დაგეგმილ აქტივობაზე ინფორმაცია მიაწოდა. შეხვედრის მონაწილეებმა დეტალურად განიხილეს სამოქმედო გეგმით გათვალისწინებული ყველა ვალდებულება, ვრცლად ისაუბრეს პეტიციების პორტალის შექმნასა და ზოგადად მოქალაქეთა ჩართულობაზე მიმდინარე პროცესებში. სრულად... წყარო: ogpgeoblog.wordpress.com

თბილისი. საქართველოს ჟურნალისტური ეთიკის ქარტიამ გამოსცა კრებული, სადაც თავმოყრილია ქარტიის საბჭოს მიერ 2011–2014 წლებში განხილული 12 საქმე და მათზე მიღებული გადაწყვეტილებები. სრულად... წყარო: www.media.ge

თბილისი. უკრაინელი ჟურნალისტები და მედიის წარმომადგენლები აშშ-ის პროგრამის ფარგლებში ერთი კვირით საქართველოს ესტუმრნენ. ვიზიტისას პროგრამის მონაწილეები ადგილობრივ და საერთაშორისო სამოქალაქო საზოგადოებისა და მედია ორგანიზაციებს შეხვდნენ. უკრაინელი ჟურალისები ელჩ ნორლანდს ესაუბრნენ. ელჩმა ნორლანდმა აშშ-ის მთავრობის სახელით სოლიდარობა აღუთქვა ჟურნალისტებს, რომლებმაც რუსეთის მიერ ყირიმის ანექსიასთან და უკრაინაში სეპარატისტების მიმდინარე მხარდაჭერასთან დაკავშირებულ პირად ისტორიებსა და პროფესიულ საკითხებზე ისაუბრეს. პროგრამას ორგანიზება IREX-მა გაუწია. წყარო: ამერიკის საელჩოს გვერდი სოციალურ ქსელში

თბილისი. „ინტერნიუსი-საქართველომ" ახალგაზრდა ჟურნალისტებისა და ჟურნალისტიკის ფაკულტეტის დამამთავრებელი კურსის სტუდენტებისთვის სამდღიანი ტრენინგი გამართა. ტრენინგის თემა იყო ინფორმაციის გადამოწმება და ბალანსი. სემინარს უძღვებოდა ირაკლი ბერულავა, „ინტერნიუსი-საქართველოს" წარმოების მენეჯერი. ღონისძიება ჩატარდა პროექტის - „კონფლიქტების სენსიტიური გაშუქების ხელშეწყობა სამხრეთ კავკასიაში" - ფარგლებში. ეს არის საქართველოს, აზერბაიჯანის და სომხეთის ერთობლივი პროექტი, რომელიც ასევე მოიცავს კონფლიქტურ რეგიონებს (ყარაბაღი, აფხაზეთი, სამხრეთ ოსეთი). პროექტის ფარგლებში ჩატარდება კიდევ ერთი სემინარი კონფლიქტების გაშუქების თემაზე. ყოველი თემატური სემინარის ბოლოს მონაწილეები იღებენ სერთიფიკატებს და მეთოდურ მითითებებს. წყარო: media.ge

კახეთი. თელავის მედია კაფეში, კახეთის ადგილობრივი მედიის ჟურნალისტებს რუსეთის ANRI-Media დამოუკიდებელი რეგიონული გამოცემების ალიანსის (Airp) - რეგიონული პრესის გამომცემლები, რედაქტორები და მენეჯერები შეხვდნენ. შეხვედრის მხარდამჭერია შვედეთის მედია ინსტიტუტი FOJO, რომელიც აღმოსავლეთ ევროპისა და პოსტსაბჭოთა ქვეყნების დამოუკიდებელი მედიის განვითარებას უწყობს ხელს. ვიზიტის მიზანი რუსეთისა და საქართველოს რეგიონულ მედია საშუალებებს შორის ინფორმაციის გაცვლა, კოლეგებს შორის ურთიერთთანამშრომლობის ხელშეწყობაა. „Airp წევრები დაინტერესებულნი არიან უცხოელ კოლეგებთან გამოცდილების გაზიარებით. შედგა დისკუსია, სადაც თანამედროვე პრესისა და მედიის სფეროში ტენდენციების შესახებ ვისაუბრეთ. ვაპირებთ, გავეცნოთ ადგილობრივი მედიის მუშაობას თბილისის მიმდებარე ქალაქებში. ამ ვიზიტების მიზანი არ არის მხოლოდ უცხოელი კოლეგების გაცნობა, არამედ გვსურს, ერთმანეთთან დისკუსიაში კომუნიკაციის რედაქტორებმა, დეპარტამენტების უფროსებმა და მედია მენეჯერებმა უკეთ გაიგონ საქართველოში მედიის მდგომარეობა და ასევე გაუზიარონ გამოცდილება რუსული მედიის წარმომადგენლებს", - აცხადებს დამოუკიდებელი რეგიონული გამოცემების ალიანსის გენერალური დირექტიორი ვიქტორია ჩიკირევა. ღონისძიების ორგანიზატორია არასამთავრობო ორგანიზაცია ,,მედია ცენტრი კახეთი".

თბილისი. 6 ოქტომბერს საქართველოს ახალგაზრდა იურისტთა ასოციაციამ კვლევის - ,,სასამართლო პროცესების ფოტო-ვიდეო-აუდიო ჩაწერის მარეგულირებელი კანონმდებლობისა და პრაქტიკის ანალიზი 2013 წელს განხორციელებული საკანონმდებლო ცვლილებების ფონზე" - პრეზენტაცია  გამართა.  კვლევა მიზნად ისახავს შეაფასოს „საერთო სასამართლოების შესახებ" საქართველოს ორგანულ კანონში 2013 წელს განხორციელებული ცვლილება, რომლის საფუძველზეც, საერთო მაუწყებლობის ლიცენზიის მფლობელ მედია საშუალებებს სასამართლო პროცესების ფოტო-ვიდეო- აუდიო ჩაწერის უფლება მიენიჭათ; გააანალიზოს თუ როგორ მუშაობს აღნიშნული ცვლილებები პრაქტიკაში,  რა ხარვეზები და გამოწვევები ახლავს თან ამ პროცესს და როგორ აისახება ეს ყოველივე მედიის და, შესაბამისად, საზოგადოებისთვის მართლმსაჯულების განხორციელების შესახებ ინფორმაციის მისაწვდომობაზე.    საიას მიერ განხორციელებული კვლევა ეფუძნება როგორც მოქმედი საკანონმდებლო რეგულაციებისა და საერთაშორისო სტანდარტების ანალიზს, ასევე საჯარო ინფორმაციის გამოთხოვის გზით მოპოვებული ინფორმაციისა და ჟურნალისტებთან გასაუბრებების დროს იდენტიფიცირებული კარგი პრაქტიკის მაგალითებისა და პრობლემების განხილვას. სრულად… წყარო: gyla.ge

თბილისი. არასამთავრობო ორგანიზაცია „საზოგადოება და ბანკებმა" ეკონომიკური მედია სკოლა, ჟურნალისტების მეორე ნაკადისთვის გახსნა. პროექტი საერთაშორისო ორგანიზაცია „ჯუნიორ ეჩივმენთთან" (Junior Achievement) ერთად ხორციელდება. მედია სკოლის მიზანია ჟურნალისტებისთვის ფინანსური განათლების ამაღლება. სკოლის მეორე ნაკადი 20 ჟურნალისტისგან შედგება, რომლებიც საქართველოში მოქმედ 19 მედია საშუალებას წარმოადგენენ. ჟურნალისტები ეკონომიკის საფუძვლებს სპეციალური კურსისა და სახელმძღვანელოების მიხედვით შეისწავლიან. ტრენინგებს „ჯუნიორ ეჩივმენთის" (Junior Achievement) ტრენერები და მოწვეული ლექტორები ჩაატარებენ. სასწავლო კურსი, რომელიც 3 თვის განმავლობაში გაგრძელდება, უფასოა და მისი დასრულების შემდეგ, წარმატებულ კურსდამთავრებულებს სერტიფიკატები გადაეცემათ. წყარო: ორგანიზაციის ვებგვერდი სოციალურ ქსელში

თბილისი. მედიის თავისუფლების ინდექსის მიხედვით საქართველო რჩება ლიდერ სახელმწიფოდ აღმოსავლეთ პარტნიორობის ქვეყნებს შორის, 2014 წლის პირველ ნახევარში. მეორე ადგილზეა მოლოდოვა, ხოლო მესამეზე – უკრაინა. ინდექსი გამოითვლება პროექტის „მედიის თავისუფლების ხარისხის კვლევა აღმოსავლეთ პარტნიორობის ქვეყნებში" – ფარგლებში. პროექტი ევროკავშირის ფინანსური მხარდაჭერით ხორციელდება ,,ინტერნიუს უკრაინას" (უკრაინა) მიერ, ერევნის პრეს კლუბის (სომხეთი), ჟურნალისტთა კავშირის (აზერბაიჯანი), ასოციაციის „მწვანე ტალღა" (საქართველო) დამოუკიდებელი ჟურნალისტიკის ცენტრისა (მოლდოვა) და ბელორუსიის ჟურნალისტთა ასოციაციის (ბელორუსი) მონაწილეობით. სრულად... წყარო: media.ge

თბილისი. საერთაშორისო გამჭვირვალობა – საქართველომ გამოაქვეყნა ბლოგი: „საპატრიარქოს რადიო – კანონით გაუთვალისწინებელი შეღავათები". ორგანიზაცია პერიოდულად სწავლობს მედიის სფეროში მოქმედ სხვადასხვა მაუწყელებთა მფლობელებისა თუ მათი საქმიანობის საკითხს. „... დღეისათვის საქართველოში სამოცზე მეტი მაუწყებელი ფუნქციონირებს, რომელთა საქმიანობა ლიცენზირების ან/და ავტორიზაციის საფუძველზე ხორციელდება. რადიოსიხშირული სპექტრის სარგებლობა შესაძლებელია ლიცენზიის საფუძველზე, რომელსაც საქართველოს კომუნიკაციების ეროვნული კომისია კონკურსის საფუძველზე შერჩეულ პირებს გადასცემს... საპატრიარქოს... აქვს საკუთარი რადიო – „ივერია". კომუნიკაციების ეროვნული კომისიის მიერ მოწოდებული ინფორმაციის მიხედვით, „ივერია" თბილისში და საქართველოს რამდენიმე სხვა ქალაქში მაუწყებლობს და სამაუწყებლო ლიცენზიის მფლობელთა რეესტრში არ ფიქსირდება ანუ საპატრიარქოს რადიო „ივერია" ლიცენზიის გარეშე მაუწყებლობს....კომუნიკაციების ეროვნულმა კომისიამ წარსულში არაერთ კომპანიას დააკისრა ფულადი სანქცია ულიცენზიოდ საქმიანობის გამო... მიუხედავად იმისა, რომ მარეგულირებლისათვის რამდენიმე წელია ცნობილი არის საპატრიარქოს რადიო „ივერიის" ულიცენზიო მაუწყებლობის შესახებ, კომისია არ რეაგირებს კანონის დარღვევის ფაქტზე", ნათქვამია ბლოგპოსტში. სრულად... წყარო: transparency.ge

თბილისი. ფონდი „ღია საზოგადოება – საქართველო" წელს 20 წლის ხდება. ფონდმა მიიღო გადაწყვეტილება 20–წლიანი საქმიანობა ინფოგრაფიკებში ასახოს. პირველი ასეთი ინფოგრაფიკა მედიის პროგრამების შესახებ მომზადდა. სრულად... წყარო: www.osgf.ge