21 მაისს, 11:30 საათიდან 15:30 საათამდე, გორის სახელმწიფო სასწავლო უნივერსიტეტში ევროკავშირის მიერ მხარდაჭრილი პროექტის „სამოქალაქო საზოგადოების ინიციატივა“ ფარგლებში, გაიმართება „რეგიონული ფორუმი ახალგაზრდული და მოხალისეობრივი საქმიანობის განვითარებისთვის“. სრულად...

თბილისი. სამართლიანი არჩევნებისა და დემოკრატიის საერთაშორისო ორგანიზაციის (ISFED) ინფორმაციით, ნიკა გვარამიას განაჩენის გამოცხადების შემდგომ, სააგენტომ „Ongo.ge“ „ექსკლუზიური“ ინფორმაცია გაავრცელა, თითქოს სალომე ზურაბიშვილი ნიკა გვარამიას შეიწყალებს, რაც ნაციონალური მოძრაობის ლიდერებთან წინასწარაა შეთანხმებული. აღნიშნული ინფორმაცია რამდენიმეწუთიანი შუალედით გავრცელდა პროსახელისუფლებო მედიასაშუალებების გვერდებსა და ანონიმურ ფეისბუქგვერდებზე, რაც აქამდეც არაერთხელ მომხდარა. სრულად... წყარო: isfed.ge

თბილისი. საქართველოს ახალგაზრდა იურისტთა ასოციაციის ინფორმაციით, ქართული ოცნების დეპუტატების მიერ ინიცირებული კანონპროექტების მიხედვით, შუალედურ არჩევნებში გამარჯვებული საკრებულოს მაჟორიტარი წევრი სადეპუტატო უფლებამოსილების განხორციელებას შეუდგება შესაბამისი არჩევნების საბოლოო შედეგების შემაჯამებელი ოქმის ცესკოს ოფიციალურ ვებგვერდზე გამოქვეყნებიდან მე-11 დღეს. შესაბამისად, საკრებულოს მიერ მისი უფლებამოსილების ცნობა აღარ იქნება საჭირო.  ორგანიზაციის მოსაზრებით, წარმოდგენილი ინიციატივა შეიცავს არაერთ სამართლებრივ ხარვეზს; ის აუარესებს ადგილობრივი დემოკრატიის ხარისხს, დისკრიმინაციული მიდგომების გამოყენებით ხელს უშლის მუნიციპალურ დონეზე პოლიტიკურ კონსენსუსზე დამყარებული წარმომადგენლობითი დემოკრატიის განხორციელებას, ასუსტებს პოლიტიკური დეცენტრალიზაციის სტანდარტს, ამასთან, ემსახურება ცალმხრივი პარტიული მიზნების მიღწევას და კოლეგიური წარმომადგენლობითი ორგანოების წევრთა საქმიანობის დაწყების მხრივ კანონმდებლობაში ამკვიდრებს არაერთგვაროვან მიდგომას. საია მოუწოდებს პარლამენტს, კანონმდებლობის ცვლილებების ინსტრუმენტი არ გამოიყენოს თვითნებურად, მხოლოდ ცალმხრივი პარტიული ინტერესების გათვალისწინებით და არსებული კრიზისი გადაჭრას არა დისკრიმინაციული და დაუსაბუთებელი ინიციატივებით, არამედ ამომრჩეველთა ნების რეალიზაციაზე ორიენტირებული, დროებითი ანტიკრიზისული ნორმებით. სრულად... წყარო: gyla.ge

თბილისი. სოციალური სამართლიანობის ცენტრი აქვეყნებს მარიამ შალვაშვილის ინტერვიუს პროფესორ მათიას პელკმანსთან.  „მათიას პელკმანსი ლონდონის ეკონომიკის სკოლაში (LSE) ანთროპოლოგიის სრული პროფესორია და კავკასიასა და ცენტრალური აზიას იკვლევს. იგი 1990-იანი წლების ბოლოდან 2000-იანი წლების დასაწყისამდე კვლევას აჭარაში აწარმოებდა. მას ეკუთვნის 2006 წელს გამოცემული წიგნი „საზღვრის დაცვა: იდენტობა, რელიგია და მოდერნულობა საქართველოს რესპუბლიკაში“, სადაც სარფის საზღვართან დაკავშირებულ საკითხებზე მუშაობდა. ბოლო რამდენიმე წელია მათიას პელკმანსი დაინტერესებულია ეჭვებისა და შეთქმულების თეორიების ეთნოგრაფიით“, აღნიშნულია ინტერვიუს აღწერაში. სრულად... წყარო: socialjustice.org.ge

თბილისი. არასამთავრობო ორგანიზაციების ნაწილი ეხმაურება სამართალდამცავების მხრიდან მოძრაობა „სირცხვილიას“ აღმასრულებელი დირექტორის, აქტივისტ გიორგი მჟავანაძის, უკანონო დაკავების, მის წინააღმდეგ განხორციელებული არასათანადო მოპყრობისა და ძალადობის  ფაქტის შესახებ გავრცელებულ ინფორმაციას. „გიორგი მჟავანაძის განცხადებით, 2022 წლის 15 მაისს პოლიციის თანამშრომელი დაუკავშირდა და პოლიციის განყოფილებაში დოკუმენტის გადასაცემად დაიბარა. 17 მაისს გიორგი მჟავანაძე თბილისის პოლიციის გლდანი-ნაძალადევის მე-9 განყოფილებაში გამოცხადდა, რა დროსაც, მისი თქმით, იგი დააკავეს და მიაყენეს როგორც სიტყვიერი, ასევე ფიზიკური შეურაცხყოფა. გიორგი მჟავანაძე საუბრობს პოლიციელების მხრიდან მის მიმართ განხორციელებულ არაერთგზის ფიზიკურ და სიტყვიერ ძალადობასა დ მუქარაზე. ხელმომწერი ორგანიზაციები მოვუწოდებთ სპეციალურ საგამოძიებო სამსახურს დროული და ეფექტიანი გამოძიებისკენ. პოლიციაში არასათანადო მოპყრობის ფაქტის გამოვლენა, დამნაშავეთა იდენტიფიცირება და მის ჩამდენთა ადეკვატური დასჯა სახელმწიფოს ერთ-ერთ პრიორიტეტს უნდა წარმოადგენდეს.  სხვა შემთხვევაში ყოველთვის იარსებებს ეჭვი, რომ სამართალდამცავ სისტემაში არასათანადო მოპყრობა არის ხელისუფლების სისტემური პოლიტიკის  ნაწილი“, ნათქვამია განცხადებაში. სრულად... წყარო: gyla.ge

სამოქალაქო საზოგადოების ინსტიტუტის სამოქალაქო აქტივიზმის ონლაინ სასწავლო პროგრამის კიდევ ერთი კურსი წარმატებით დასრულდა.  პროგრამამ, სხვადასხვა იდეის გარშემო გაერთიანებულ და აქტიურ ადამიანებს, სამოქალაქო კამპანიების დაგეგმვის მიმართულებით ახალი ცოდნის და პრაქტიკული უნარების შეძენის საშუალება მისცა.  128 მსურველიდან პროგრამაში მონაწილეობა 30 აქტიურმა ადამიანმა მიიღო, რომელთაც ყველაზე უკეთ დაასაბუთეს როგორ და რა მიმართულებით გამოიყენებდნენ მიღებულ გამოცდილებას.  ახლა ამ ცოდნის პრაქტიკაში გამოყენების ეტაპი აქვთ წარმატებულ მონაწილეებს – ვულოცავთ კურსის დასრულებას და მოუთმენლად ველით რა სტრატეგიას ან ტექნიკებს გამოიყენებენ სამოქალაქო კამპანიების დაგეგმვისას, რათა დადებითი ცვლილებებს შეუწყონ ხელი.  დადებითი ცვლილებების მოლოდინს კი მონაწილეთა მოსაზრებები გვისახავს:  „ჩემი და ჩემი მეგობრების აქტივობები სხვა თვალით შევაფასე, მივხვდი რა გვაქვს დასახვეწი, გამოსასწორებელი კამპანიის მასშტაბის გასაზრდელად და მიზნის მოკლე დროში მისაღწევად“. ... „კამპანიას მომავალში უფრო მიზანმიმართულად და ორგანიზებულად დავგეგმავთ“... „კურსმა, უკვე განხორციელებული კამპანიების მიმოხილვამ და ანალიზმა უკეთ დამანახა როგორ განვახორციელოთ არაძალადობრივი, სამოქალაქო კამპანიები“. კურსი ჩატარდა  პროექტის „სამოქალაქო საზოგადოების ინიციატივის“ ფარგლებში, ევროკავშირისა (EU) და კონრად ადენაუერის ფონდის (KAS) მხარდაჭერით.

იმერეთი. გაეროს ბავშვთა ფონდი და კანტის აკადემია • Kant's Academy აგრძელებენ პროექტს „იმოქმედე ჯანმრთელობისთვის“, რომელიც USAID/Georgia-ს მხარდაჭერით ხორციელდება. საქართველოს 5 რეგიონში იმართება შეხვედრები ახალგაზრდებთან ჯანსაღი ცხოვრებისა და პირადი ჰიგიენის თანამედროვე გაგებასა და მნიშვნელობაზე. ამჯერად გაიმართა შეხვედრა ჭიათურაში, რომელსაც 35 მონაწილე დაესწრო. პროექტის ფარგლებში დაგეგმილია მსგავსი ტიპის ტრენინგები გორის, ახმეტის, მარნეულისა და ახალციხის მუნიციპალიტეტებში. ტრენინგებს 150 მდე მონაწილე დაესწრება.  გაიგეთ მეტი...  წყარო: www.unicef.org

თბილისი. კოალიცია „დამოუკიდებელი და გამჭვირვალე მართლმსაჯულებისთვის“ ეხმიანება ტელეკომპანია „მთავარის“ დირექტორის, ნიკა გვარამიას მიმართ გამოტანილ გამამტყუნებელ განაჩენს. „აღნიშნული გადაწყვეტილება კრიტიკულ მედიაზე ზეწოლის კიდევ ერთი სახიფათო პრეცედენტია, რომელიც კითხვებს აჩენს გადაწყვეტილების კანონიერებასთან დაკავშირებით და შერჩევითი და პოლიტიზირებული მართლმსაჯულების ნიშნებს შეიცავს“, ნათქვამია განცხადებაში. სრულად... წყარო: socialjustice.org.ge

გურია. 16 მაისს, პროექტის „სამოქალაქო საზოგადოების ინიციატივა“ ფარგლებში,  ოზურგეთის მუნიციპალიტეტში, მოეწყო სასაწავლო ვიზიტი ადგილობრივი სამოქალაქო საზოგადოების ორგანიზაციების - „ინოვაციებისა და სამოქალაქო განვითარების ცენტრი - პროგრესის სახლის“ და „ინოვაციების და ცვლილებების ინსტიტუტის“ ოფისში. ადგილობრივი დემოკრატიის სააგენტო საქართველოს ინფორმაციით, სასწავლო ვიზიტში მონაწილეობდნენ იმერეთის მხარის ადგილობრივი არასამთავრობო და სათემო ორგანიზაციის წარმომადგენლები. ამ აქტივობით მათ მიიღეს ინფორმაცია, რჩევები მოსაზღვრე რეგიონებში მოქმედი, წარმატებული სამოქალაქო საზოგადოების ორგანიზაციების მხრიდან ორგანიზაციის სტრუქტურული გაძლიერების, განვითარების და შენარჩუნების მიმართულებით. შეხვედრებზე, აქცენტი გაკეთდა იმ გამოწვევებზე, რომელიც რეგიონულ ორგანიზაციების ჩამოყალიბებისა თუ განვითარების პროცესს თან ახლავს. სასწავლო ვიზიტების მიზანია ერთის მხრივ, გაიზარდოს, იმერეთის მხარის CSO’s/CBO’s წარმომადგენლების გამოცდილება  ორგანიზაციის მართვისა და განვითარების მიმართულებით და მეორეს მხრივ, გაფართოვდეს საკონტაქტო პირთა წრე მოსაზღვრე რეგიონებში მომუშავე ორგანიზაციების სახით. სასწავლო ვიზიტები იმართება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: LDA Georgia-ს გვერდი სოციალურ ქსელში

თიანეთი. „საფარის“ ინფორმაციით, 19 მაისს, ორგანიზაციის იურისტი, თამარ ლუკავა თიანეთში მცხოვრებ ქალებს ოჯახში, ქალთა და ბავშვთა მიმართ ძალადობაზე და მისგან თავდაცვის მექანიზმებზე ესაუბრა. შეხვედრა საქართველოს წითელი ჯვრის ინიციატივით გაიმართა. აუდიტორია, რომელიც საკითხით დაინტერესდა საკმაოდ მრავალფეროვანი აღმოჩნდა. შეხვედრას 40-ზე მეტი ქალი ესწრებოდა. თამარ ლუკავა მათ ესაუბრა ძალადობის ფორმებზე, დამცავი და შემაკავებელი ორდერების მუშაობის მექანიზმებზე, ბავშვთა მიმართ ძალადობაზე. „საფარის“ იურისტმა ქალებს ორგანიზაციის მობილური აპლიკაცია Sაfe You წარუდგინა. ბევრმა მათგანმა აპლიკაცია ადგილზევე გადმოწერა და მისი გამოყენების ინსტრუქციას დეტალურად გაეცნო. სრულად... წყარო: sapari.ge

20 მაისს, 15:00 საათზე, მედიის განვითარების ფონდი (MDF), გაეროს ბავშვთა ფონდთან პარტნიორობითა და აშშ-ის საერთაშორისო განვითარების სააგენტოს (USAID) მხარდაჭერით, გიწვევთ ვებინარზე მშობლებისთვის „დეზინფორმაცია და კიბერუსაფრთხოება“. სრულად...

20 მაისს, 15:00 საათზე, ბათუმის ახალ მეჩეთში შეხვედრების სერიის, „საუბრები დემოკრატიაზე“ მორიგი ღონისძიება გაიმართება. შეხვედრაზე „სამართლიანი არჩევნებისა და დემოკრატიის საერთაშორისო საზოგადოების“ (ISFED) აღმასრულებელი დირექტორი ნინო დოლიძე საქართველოში მიმდინარე პოლიტიკური პროცესებზე დემოკრატიზაციის ჭრილში, ასევე, ევროკავშირის წევრობაზე გაკეთებულ განაცხადსა და ევროინტეგრაციის მნიშვნელობაზე ისაუბრებს. მისამართი: ბათუმი, გენერალ ასლან აბაშიძის ქუჩა #49ა.

თბილისი. მაკლეინის ასოციაცია საქართველოში გაცნობებთ, რომ გიორგი მრევლიშვილის ფილმი „თორმეტი გაკვეთილი“, MediaWave-ის კინოფესტივალზე საუკეთესო დოკუმენტური ფილმის ნომინაციაში დაჯილდოვდა. ფილმი მოგვითხრობს გურიაში მცხოვრებ ვალერი ბაბუაზე, რომელიც ცდილობს აუტისტური სპექტრის მქონე შვილიშვილის ინტეგრაციას საზოგადოებაში. დიდი გამოწვევების და ადგილობრივად რესურსების უქონლობის პირობებში, ვალერი შვილიშვილს იმ გაკვეთილებს ასწავლის, რაც ცხოვრებისეული გამოწვევების დამოუკიდებლად დაძლევაში დაეხმარება“. დღეს, 20:30 საათზე, ფილმს ორგანიზაციის facebook-ის გვერდზე იხილავთ.  სრულად... წყარო: ორგანიზაციის გვერდი სოციალურ ქსელში

იმერეთი. გაეროს ბავშვთა ფონდის ინფორმაციით, ორგანიზაციამ საქართველოს ადგილობრივ თვითმმართველობათა ეროვნული ასოციაცია (NALAG)-თან ერთად ადგილობრივ დონეზე ბავშვებისა და ბავშვიანი ოჯახების საჭიროებათა კვლევის მეთოდოლოგია და ინსტრუმენტები შეიმუშავა.  „ინიციატივის ფარგლებში, ქალაქ ქუთაისის მერიაში გაიმართა მერიის წარმომადგნელების და სოციალური სამსახურის თანამშრომლების ტრენინგი აღნიშნული მეთოდოლოგიისა და ინსტრუმენტების დანერვის თაობაზე. ტრენინგს დაესწრო გაეროს ბავშვთა ფონდის წარმომადგენელი საქართველოში, ღასან ხალილი. ტრენინგის შემდეგ, საპილოტე მუნიციპალიტეტებში დაიწყება საჭიროებათა კვლევა შემუშავებული მეთოლოგიის საშუალებით“. პროექტი ხორციელდება ევროკავშირის მხარდაჭერით. სრულად... წყარო: ორგანიზაციის გვერდი სოციალურ ქსელში

კახეთი. სოციალური სამართლიანობის ცენტრის ინფორმაციით, პანკისში დროშების გადახატვაზე რუსთავი 2-ის მანიპულაციური სიუჟეტი გასაჩივრდა. ორგანიზაციამ 17 მაისს პანკისის ხეობის ადგილობრივი აქტივისტისა და ჟურნალისტის სულხან ბორძიკაშვილის სახელით, ჟურნალისტური ეთიკის ქარტიასა და „რუსთავი 2“-ის თვითრეგულირების ორგანოს საჩივრით მიმართა და არაზუსტი, მანიპულაციური და ეთნიკური/რელიგიური უმცირესობების მიმართ სტერეოტიპული შინაარსის მასალის შესწორებას ითხოვს. სრულად... წყარო: socialjustice.org.ge

იმერეთი. „უფლებები საქართველოს“ ჭიათურის სამართელბრივი დახმარების ცენტრის იურისტებს გაცნობთ.  „თაკო ჯოხაძე და ეკა ცუცქირიძე, რომლებიც ახლად ამოქმედებულ ჭიათურის სამართლებრივი დახმარების ცენტრში საქმიანობენ და უკვე შეუდგნენ გენდერული და ოჯახში ძალადობის მსხვერპლთა უფლებების დაცვას. „უფლებები საქართველოს“ ჭიათურის სამართლებრივი დახმარების ცენტრი ამოქმედდა 2022 წლის მაისიდან, პროექტის „გენდერული და ოჯახში ძალადობის მსხვერპლთა მხარდაჭერა“ ფარგლებში, ევროკავშირისა და ASB საქართველოს მხარდაჭერით“. სრულად... წყარო: ორგანიზაციის გვერდი სოციალურ ქსელში

თბილისი. გაეროს ქალთა ორგანიზაციამ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს მენეჯმენტთან თანამშრომლობით საქართველოში Global Rights for Women წარმომადგენლები მოიწვია.  ექსპერტები შეაფასებენ ძალადობაგამოვლილი ქალებისთვის სახელმწიფოს მიერ შეთავაზებულ მომსახურებებს, კერძოდ თავშესაფრებსა და კრიზისულ ცენტრებში არსებულ სერვისებს, და მათი გაუმჯობესების მიზნით მოამზადებენ რეკომენდაციებს. სრულად...  წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი ეხმიანება მოძრაობა „სირცხვილიას“ ერთ-ერთი ლიდერის, გიორგი მჟავანაძის დაკავებასა და მის მიმართ განხორციელებულ შესაძლო არასათანადო მოპყრობის ფაქტს. ორგანიზაცია მოუწოდებს შესაბამის უწყებებს, საქმეზე აწარმოონ დროული და ეფექტიანი გამოძიება და უზრუნველყონ ქვეყანაში სამოქალაქო და პოლიტიკური უფლებების დაცვა. სამოქალაქო აქტივისტის ფიზიკური ხელშეუხებლობის შესაძლო დარღვევა, მით უმეტეს, პოლიციის თანამშრომელთა მიერ, წარმოადგენს სახიფათო და მეტად საყურადღებო პრეცედენტს, ამიტომ, მნიშვნელოვანია, რომ გამოძიება ჩატარდეს გონივრულ ვადებში და უზრუნველყოფილ იქნეს მისი გამჭვირვალობა. განცხადება სრულად... წყარო: socialjustice.org.ge

თბილისი. ამერიკის საელჩო საქართველოში ულოცავს ქართველ სტუდენტებს 2022 წლის ფულბრაიტის სამაგისტრო პროგრამაში გამარჯვებას.  გოგა ქათალანძე, გიორგი გვასალია, გიორგი რევიშვილი, ანა მიქაძე, თეა ნათელაური, მარიამ ლაცაბიძე, ანა სარუხანოვი, სალომე ბახსოლიანი და ნათია ქანთარია საქართველოდან ამერიკის შეერთებულ შტატებში ამ ზაფხულს გაემგზავრებიან და მაგისტრატურაზე სრული დაფინანსებით ისწავლიან. სრულად... წყარო: საელჩოს გვერდი სოციალურ ქსელში

თბილისი. საქართველოს სტრატეგიული კვლევებისა და განვითარების ცენტრი (CSRDG) ახალ ინიციატივას „იდეების აუქციონს“ იწყებს. „ვქმნით სივრცეს, სადაც სხვადასხვა ჯგუფებს დავეხმარებით აუდიტორიას საკუთარი იდეებიი წარუდგინონ და საჭირო მხარდაჭერა ცოცხალ რეჟიმში მოიპოვონ. აუქციონი ხორციელდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის (KAS) მხარდაჭერით“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

19 მაისს, 19:00 საათზე, მშობლები განათლებისთვის ორგანიზებით, გაიმართება შეხვედრა: როგორ დავიცვათ ბავშვები ბულინგისგან. სრულად...