თბილისი. პლატფორმა „მშობლის სკივრი“ გიზიარებთ სახელმძღვანელოს: ვემზადებით სკოლისთვის. გზამკვლევის მიზანია მშობლებს მიაწოდოს სკოლაში ტრანზიციასთან დაკავშირებული ინფორმაცია და მხარი დაუჭიროს მათ ბავშვის სათანადო მომზადებაში, რათა ტრანზიციის პროცესი სასიამოვნო და ნაკლებ სტრესული აღმოჩნდეს, როგორც ბავშვისთვის, ასევე მშობლისთვის. სრულად... სახელმძღვანელო... წყარო: ორგანიზაციის გვერდი სოციალურ ქსელში

თბილისი. საზოგადოებრივი ორგანიზაციების, ადამიანის უფლებათა დამცველების და აქტივისტების საარსებო სამარვლებრივი გარემოს და პრაქტიკის ანგარიშის – სსო მეტრის პრეზენტაცია გაიმართა 24 მაისს. 2021 წლის სსო მეტრის თანახმად, საქართველო საზოგადოებრივი ორგანიზაციების, ადამიანის უფლებათა დამცველებისა და აქტივისტებისთვის გარემო მაქსიმალური 7 ქულიდან 4. 7 ქულით შეფასდა (კანონმდებლობა: 5.2 ქულა, პრაქტიკა 4.3 ქულა). სსო მეტრის შედეგების მიხედვით: საქართველო, საზოგადოებრივი ორგანიზაციებისთვის საშუალო რისკის ქვეყანას წარმოადგენს. ანგარიში მომზადდა სამოქალაქო საზოგადოების ინსტიტუტის (CSI), საქართველოს ახალგაზრდა იურისტთა ასოციაციის (GYLA) და ინფორმაციის თავისუფლების განვითარების ინსტიტუტის თანამშრომლობითა (IDFI) და საზოგადოებრივი ორგანიზაციების მონაწილეობით. ანგარიში განხორციელდა პროექტის – „სამოქალაქო საზოგადოების ორგანიზაციების გაძლიერების და ხელსაყრელი გარემოს შექმნის გზამკვლევის“ ფარგლებში, რომლის მხარდამჭერია არაკომერციული სამართლის ევროპული ცენტრი (ECNL) და ევროკავშირი (EU). პროექტი აღმოსავლეთ პარტნიორობის 6 ქვეყანაში მიმდინარეობს. ანგარიში: სსო მეტრი, 2021... შეფასების ინსტრუმენტი...

თბილისი. „უფლებები საქართველოს“ ინფორმაციით, ორგანიზაცია გუშინ, დიდუბეში, ავტობუსის გაჩერებაზე დაჭრილი ქალის უფლებებს დაიცავს. „39 წლის ქალი მისმა ყოფილმა მეუღლემ დაჭრა. გავრცელებული ინფორმაციით, მამაკაცს უკვე ჰქონდა გამოწერილი შემაკავებელი ორდერი. დაჭრილი ქალი კლინიკაშია მოთავსებული“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი მიიჩნევს, რომ აშკარაა დაუსჯელობისა და ხელისუფლების ლოიალობის ნიშნები ალტ-ინფოსა და კონსერვატიული მოძრაობის ლიდერების მიმართ. „აშკარაა, რომ საგამოძიებო ორგანოები, მტკიცებულებების არსებობის მიუხედავად, თითქოს დემონსტრაციულად უარს აცხადებენ ამ ჯგუფის ქმედებები შეაფასონ ძალადობის ორგანიზებისა და შუღლის გაღვივების კონტექსტით, ასევე,  უარს ამბობენ გამოვლენილ ქმედებებში სიძულვილის მოტივის გამოკვეთაზე, რითაც ფაქტობრივად ხელს უწყობენ კონსერვატიული პარტიისა და ალტ-ინფოს ლიდერების, როგორც ძალადობრივი ქმედებების ორგანიზატორების პასუხისმგებლობის დაფარვას და ნაკლებად მკაცრი სისხლისსამართლებრივი პოლიტიკის გამოყენებას. ეს მიდგომა წარმოშობს სიცარიელეს მართლწესრიგის სისტემაში და დაუსჯელობის სინდრომს, რომელიც სოციალური კონფლიქტებისა და დაპირისპირებისთვის ნაყოფიერ ნიადაგს ქმნის“, ნათქვამია განცხადებაში. სრულად... წყარო: socialjustice.org.ge

თბილისი. ორგანიზაცია „საფარი“ აქვეყნებს ნინო ყვირილიანის ბლოგპოსტს ფემიციდზე: კულტურის საზღვრებში მოქცეული გაწირული ქალები. „ვხედავთ სოციალურ ქსელში როგორ თელავენ ისევ მსხვერპლს და ამ რიცხვში უმრავლესობა, სამწუხაროდ, ქალია. როგორ იტანჯებიან თვითონაც სინამდვილეში, მაგრამ ამას არასოდეს აღიარებენ განპირობებული გონების ტყვეობაში, რადგან კომფორტის ზონადაც კი ექცათ უკვე. რადგან თვითონ ვერ გაარღვიეს ჩაკეტილი ცნობიერება, გაუცნობიერებლად ცდილობენ იგივე გალიაში შეიპატიჟონ სხვებიც, რომ მარტო არ იხუთებოდნენ. შვილებს ზრდიან ამბიციებით, მახინჯი ტრადიციებით, სტერეოტიპებით და ტენიან იდეოლოგიებით, სწორედ ეს აყალიბებს მათ მომავალში უკანასკნელ ბოროტებად! ამ ჭაობიდან ამოსასვლელად, უმთავრესია იმ კულტურის საზღვრების გარღვევა, რომელმაც ბავშვობიდან დღემდე გადაავსო ადამიანის გონება. ამ ყველაფრისგან უნდა დაიცალო, რომ შენში სიყვარულისთვის ადგილი გამოთავისუფლდეს“. სრულად... წყარო: sapari.ge

თბილისი. გაეროს ქალთა ორგანიზაცია, საქართველოს მთავრობის ადმინისტრაციასთან თანამშრომლობით სამუშაო ადგილზე სექსუალური შევიწროების საკითხებზე ტრენინგს მართავს. ტრენინგის მიზანია საჯარო სამსახურის წარმომადგენლების ცოდნის და უნარების გაძლიერება სექსუალური შევიწროების მოკვლევის საკითხებზე მსხვერპლზე ორიენტირებული მიდგომის გამოყენებით. ორდღიან შეხვედრაში მონაწილეობას იღებს 18 საჯარო მოხელე. ტრენინგი იმართება გაეროს ქალთა ორგანიზაციის პროექტის „კარგი მმართველობა გენდერული თანასწორობისთვის საქართველოში“ (GG4GEG)  ფარგლებში, რომელიც ნორვეგიის საგარეო საქმეთა სამინისტროს მიერაა მხარდაჭერილი. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაციამ მოძრაობა „ხელმისაწვდომი გარემო ყველასთვის“ (MAEE), 2021 წელს, პროექტის „სოციალური დაცვა უხილავი შშმ პირებისთვის COVID-19-ის პირობებში“ - ფარგლებში,  ბენეფიციარებისთვის დამხმარე საშუალება - ნაწოლების რისკის შესამცირებელი ბალიშები (Roho Cusion) - შეიძინა.  „მიუხედავად იმისა, რომ აღნიშნული ბალიში მსოფლიო ჯანდაცვის ორგანიზაციის მიერ შეტანილია პრიორიტეტულ დამხმარე საშუალებათა ჩამონათვალში, არ განთავისუფლდა დამატებითი ღირებულების გადასახადისგან.  აღნიშნულ საკითხზე, ორგანიზაციამ ბალიშების იმპორტის დამატებული ღირებულების გადასახადისგან (დღგ) გათავისუფლების მოთხოვნით შესაბამის ორგანოებს მიმართა.  განაცხადის საფუძველზე, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრისა და საქართველოს ფინანსთა მინისტრის ერთობლივი ბრძანებით, დამხმარე საშუალება - ნაწოლების რისკის შესამცირებელი ბალიშების იმპორტი განთავისუფლდა დამატებითი ღირებულების გადასახადისგან“. სრულად... წყარო: ორგანიზაციის გვერდი სოციალურ ქსელში

GrlzWave იწყებს ფემინისტური ფილმების კლუბს. 24 მაისს, 22:00 საათზე, Grlz Wave-ის ოფისში, გაიმართება სალომე ჯაშის ფილმის „მოთვინიერება“ ჩვენება. სრულად...

24 მაისს, 16:00 საათზე, CENN, ავსტრიის განვითარების თანამშრომლობის (ADC) მხარდაჭერით, გეგმავს შეხვედრას, თემაზე: ბიომრავალფეროვნების დაცვა და მასთან დაკავშირებული გამოწვევები საქართველოში. სრულად... რეგისტრაციის ბმული...

რეგიონები. მშვიდობის კორპუსი საქართველო, USAID-ის მცირე გრანტების პროგრამის დაფინანსებით, მაისსა და ივნისში საქართველოს სხვადასხვა რეგიონში (ბორჯომში, ქუთაისში, ბათუმსა და თბილისში) ატარებს ტრენინგების სერიას. ორგანიზაციის ინფორმაციით, ტრენინგი განკუთვნილია მშვიდობის კორპუსის პარტნიორი სკოლის მოსწავლეებისა და ორგანიზაციის ბენეფიციარებისთვის, კერძოდ 16-22 წლის ასაკობრივი ჯგუფის ახალგაზრდებისთვის, რომლებსაც სურთ სამსახურის მოძიება, დასაქმება ან განათლების შესაძლებლობებით სარგებლობა.  სრულად...  წყარო: ორგანიზაციის გვერდი სოციალურ ქსელში

სამეგრელო. USAID-ის მხარდაჭერით გაეროს ბავშვთა ფონდმა და მედიის განვითარების ფონდმა ფოთის მეხუთე საჯარო სკოლაში ჩაატარეს მედია წიგნიერების ტრენინგი „ნუ დაინფიცირდები დეზინფორმაციით.“ ტრენინგზე ახალგაზრდებმა მიიღეს ინფორმაცია იმის შესახებ თუ როგორ უნდა ამოიცნონ კოვიდ 19-თან დაკავშირებული დეზინფორმაცია და თავიანთი ცოდნა თანატოლებსაც გაუზიარონ. სრულად...  წყარო: ორგანიზაციის გვერდი სოციალურ ქსელში

სამეგრელო. სოციალური სამართლიანობის ცენტრი ეხმაურება ფოთის, ჯავახიშვილის ქუჩის მაცხოვრებლების პროტესტს, ქალაქში ჰაერის დაბინძურებასთან დაკავშირებით და ცენტრალურ და ადგილობრივ ხელისუფლებას მოუწოდებს მათ სამართლიან მოთხოვნებზე დაუყოვნებელი რეაგირებისაკენ. ორგანიზაციის ცნობით, ადგილობრივი მოსახლეობა წლების განმავლობაში აპროტესტებს ქალაქში არსებულ მძიმე ეკოლოგიურ ვითარებას - ჰაერის დაბინძურებას, არასასიამოვნო სუნსა და ხმაურს, რომლის წყაროებიც ნავსადგური, საწარმოები და ნაყარი ტვირთების ღია წესით გადამუშავება, ასევე საავტომობილო გამონაბოლქვია. სრულად... წყარო: socialjustice.org.ge

თბილისი. ორგანიზაციამ „პარტნიორობა ადამიანის უფლებებისთვის“ (PHR) თბილისის სააპელაციო სასამართლოში მორიგი საქმე მოიგო, რომელიც ფსიქიატრიულ დაწესებულებაში, არანებაყოფლობითი მკურნალობის მიზნით, ქალის უკანონო მოთავსების გამო მორალური ზიანის ანაზღაურებას ეხება. ორგანიზაცია აგრძელებს ქალთა უფლებების დაცვას განსაკუთრებით იქ სადაც დიდია სტიგმა და ადამიანებს ნაკლებად მიუწვდებათ ხელი იურიდიულ მომსახურებაზე.  თუ თქვენი უფლება ირღვევა, დარეკეთ: 0322331356 სრულად... წყარო: phr.ge

იმერეთი. 21 მაისს, სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით, ასევე, სახალხო დამცველის დასავლეთ საქართველოს სამმართველოს წარმომადგენლის მონაწილეობით, ჭიათურის მუნიციპალიტეტის სოფელ ითხვისში სოფლის შეკრება გაიმართა. „ითხვისის მაცხოვრებლებისთვის კვლავ უცნობია, შეიქმნა თუ არა უწყებათაშორისი კომისია სოფელში მომხდარი მიწის ჩაქცევის სიღრმისეული შესწავლის მიზნით, როგორია მისი შემადგენლობა და რა ვადებში გეგმავენ სახელმწიფო უწყებები მომხდარ ფაქტზე რეაგირებას. აღნიშნულის შესახებ საიას მიერ გარემოს ეროვნული სააგენტოსთვის გაგზავნილი წერილი საჯარო ინფორმაციის მოთხოვნის შესახებ ასევე რეაგირების გარეშეა დარჩენილი. სოფლის მოსახლეობა ითხოვს, რომ სახელმწიფო უწყებებმა უზრუნველყონ სოფელში ნიადაგის ჩაქცევის შემსწავლელ კომისიაში სოფლის მოსახლეთა მიერ ნდობით აღჭურვილი პირის ჩართვა და გასაჯაროვდეს კომისიის მიერ სიღრმისეული კვლევის დასრულების ზუსტი თარიღი“. სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტმა (IDFI-მ) საჯარო ინფორმაციის ხელმისაწვდომობის ანგარიში წარადგინა და 2021 წლის ყველაზე ღია და დახურული საჯარო დაწესებულებები დაასახელა. ორგანიზაციამ სიგელები გადასცა ყველა იმ უწყებას, რომელმაც 2021 წელს საჯარო ინფორმაციის ხელმისაწვდომობის 100%-იანი მაჩვენებელი აჩვენა. IDFI-ის მიერ ყველაზე დახურულ საჯარო დაწესებულებად კულტურის, სპორტისა და ახალგაზრდობის სამინისტრო შეფასდა. გაეცანით კვლევას...  წყარო: idfi.ge

24 მაისს 11:00 საათზე, სასტუმრო „ქორთიარდ მარიოტში“ გაიმართება სსო მეტრის – სამოქალაქო საზოგადოების ორგანიზაციების საარსებო გარემოს ანგარიშის პრეზენტაცია. 2021 წლის ანგარიშის თანახმად, საქართველში საზოგადოებრივი ორგანიზაციების, ადამიანის უფლებათა დამცველებისა და აქტივისტების გარემო 4.7 ქულით შეფასდა (კანონმდებლობა: 5.2 ქულა, პრაქტიკა 4.3 ქულა). რაც, შედეგების მიხედვით, საშუალო რისკის გარემოზე მიუთითებს.  ანგარიში მომზადდა სამოქალაქო საზოგადოების ინსტიტუტის (CSI), საქართველოს ახალგაზრდა იურისტთა ასოციაციის (GYLA) და ინფორმაციის თავისუფლების განვითარების ინსტიტუტის თანამშრომლობითა (IDFI) და საზოგადოებრივი ორგანიზაციების მონაწილეობით. ანგარიში მომზადდა არაკომერციული სამართლის ევროპული ცენტრი (ECNL) და ევროკავშირი (EU) მხარდაჭერით.  სრულად... 

თბილისი. სოციალური სამართლიანობის ცენტრი აქვეყნებს ამერიკელი ისტორიკოსის, ფრანსინ ჰირშის მიერ 2005 წელს გამოცემული ცნობილი ნაშრომის „ერების იმპერია - ეთნოგრაფიული ცოდნა და საბჭოთა კავშირის ჩამოყალიბება“, მეორე თავის მეოთხე ქვეთავის მიმოხილვას.  ამ ქვეთავში ბელორუსისა და უკრაინის, ასევე ცენტრალური აზიის ქვეყნების მაგალითზე აღწერილია საბჭოთა ნაციონალური იდენტობებისა ჩამოყალიბების რთული პროცესი და საბჭოთა რეჟიმის გადაწყვეტილებების ლოგიკები. სრულად... წყარო: socialjustice.org.ge

თბილისი. საქართველოს სტრატეგიის და განვითარების ცენტრი (GCSD) იწყებს ახალ პროექტს - „უკეთ გავიცნოთ ნატო“.  „პროექტის მიზანია, ახალგაზრდებს და საზოგადოების სხვა ჯგუფებს გააცნოს ჩრდილოატლანტიკური ხელშეკრულების ორგანიზაციის შესახებ არსებული აქტუალური თემები და ხელი შეუწყოს ამ საკითხებზე დისკუსიის წარმართვას“. პროექტი ხორციელდება ნატოს სახალხო დიპლომატიის განყოფილების მხარდაჭერით ახორციელებს. დამატებით იხილეთ ბმულზე...  წყარო: ორგანიზაციის გვერდი სოციალურ ქსელში

თბილისი. „საფარმა” ახალგაზრდების ფემინისტური მოძრაობის, Girls Voice-ის (გოგონების ხმა) წევრებისთვის ტრენინგები ჩაატარა. ტრენინგების ძირითადი თემა იყო რეპროდუქციული ჯანმრთელობა. Girls Voice ახალგაზრდების ფემინისტური მოძრაობაა, რომელიც „საფარის“ ბაზაზე, 2020 წელს ჩამოყალიბდა. მისი მიზანია საზოგადოების, განსაკუთრებით ახალგაზრდების ცნობიერების ამაღლების ხელშეწყობა ქალთა უფლებებისა და ფემინიზმის შესახებ. სრულად... წყარო: sapari.ge

ქვემო ქართლი. 11 და 18 მაისს, ინფორმაციის თავისუფლების განვითარების ინსტიტუტი (IDFI) მარნეულში, მარნეულის ამერიკულ კუთხესთან პარტნიორობით საინფორმაციო ხასიათის შეხვედრები გამართა თემაზე - „საბჭოთა პროპაგანდა და ინფორმაციული ომი, როგორც მისი მემკვიდრეობა“. შეხვედრებს მარნეულის ქართული და აზერბაიჯანულენოვანი სკოლების ჯამში 30-ზე მეტი მოსწავლე დაესწრო. მოსწავლეებთან ძირითადი სასაუბრო თემა იყო საბჭოთა და თანამედროვე რუსული პროპაგანდა, რომელიც საქართველოსთვის და რეგიონის სხვა ქვეყნებისთვის ერთ-ერთი უდიდესი საფრთხე და გამოწვევად რჩება. სრულად... წყარო: ორგანიზაციის გვერდი სოციალურ ქსელში

23 მაისს, 12:00 საათზე, ინფორმაციის თავისუფლების განვითარების ინსტიტუტი (IDFI) გიწვევთ კვლევის პრეზენტაციაზე: „საჯარო ინფორმაციის ხელმისაწვდომობა საქართველოში - 2021 წელი“. სრულად...

21 მაისს, 14:00 საათზე, სოფელ ითხვისის დარბაზში სოციალური სამართლიანობის ცენტრი და საქართველოს ახალგაზრდა იურისტთა ასოციაცია უფასო სამართლებრივ კონსულტაციებს ჩაატარებს. სრულად...