იმერეთი. 27 დეკემბერს, ქუთაისში თაობათა გაძლიერების ქსელის (GEN) და დემოკრატიის მცველების ორგანიზებით საჯარო ლექცია ევროკავშირის კანდიდატის სტატუსის მინიჭების შესახებ გაიმართება. შეხვედრაზე დასასწრებად აუცილებელია გაიაროთ რეგისტრაცია...  სრულად... წყარო: თაობათა გაძლიერების ქსელი

თბილისი. საერთაშორისო გამჭვირვალობა-საქართველო ახალ ბლოგს აქვეყნებს: „ ქართული მედიის მიმართ ძალადობის 2023 წლის სტატისტიკა და სახელმწიფოს რეაგირება“.  საერთაშორისო გამჭვირვალობა - საქართველო გამოთხოვილ ინფორმაციაზე დაყრდნობით წერს რომ „სპეციალური საგამოძიებო სამსახურის ცნობით, 2023 წლის 1 იანვრიდან 2023 წლის 30 ნოემბრის პერიოდში, ჟურნალისტისთვის პროფესიულ საქმიანობაში უკანონოდ ხელის შეშლის ფაქტზე გამოძიება დაიწყო 14 სისხლის სამართლის საქმეზე“.  ორგანიზაცია მიიჩნევს, რომ „ევროინტეგრაციისა და 2024 წლის მნიშვნელოვანი საპარლამენტო არჩევნების პირისპირ, კრიტიკულად მნიშვნელოვანია, რომ უპირველეს ყოვლისა, სწორედ მმართველმა პარტიამ უზრუნველყოს შიშისგან თავისუფალი და უსაფრთხო მედიაგარემო, სადაც ჟურნალისტები დაუბრკოლებლად შეძლებენ პროფესიული საქმიანობის განხორციელებას და შესაბამისად, საზოგადოების სათანადო ინფორმირებას. ამის ერთ-ერთი წინაპირობა კი, ჟურნალისტების წინააღმდეგ ჩადენილი დანაშაულების დროული გამოძიება და დამნაშავეთა დაუსჯელობის დასრულებაა“. სრულად... წყარო: საერთაშორისო გამჭვირვალობა-საქართველო

რუსთავი. არასამთავრობო ორგანიზაცია „უფლებები საქართველო“ იწვევს რუსთავში მცხოვრებ უკრაინის მოქალაქეებს საინფორმაციო შეხვედრაზე, რომელიც უკრაინული თემისათვის აქტუალურ სამართლებრივ საკითხებს ეძღვნება.  შეხვედრის თემატიკა მოიცავს შემდეგ საკითხებს: ბიზნესის რეგისტრაცია; ბინადრობის ნებართვის მიღება საქართველოში; უკრაინული პენსიის მიღებასთან დაკავშირებული საკითხები; სხვა თემები.  შეხვედრა გაიმართება 2023 წლის 26 დეკემბერს.  სრულად... წყარო: უფლებები საქართველო

უკრაინის წინააღმდეგ უკანონო ომის გაგრძელების გამო ევროკავშირი რუსეთს სანქციების მეთორმეტე პაკეტს უწესებს.  ეს პაკეტი მოიცავს რუსეთის ფიზიკური პირებისა და კომპანიების დამატებით სიებს და იმპორტსა და ექსპორტზე ახალ აკრძალვებს.  აკრძალვები შეეხება, ვაჭრობისა და ენერგეტიკის სფეროებს. გარდა ამისა, სანქციების გვერდის ავლის წინააღმდეგ მკაცრდება ზომები.  სრულად...   წყარო: ევროკავშირის წარმომადგენლობა საქართველოში

თბილისი. 22 დეკემბერს, კავკასიის გარემოსდაცვითი არასამთავრობო ქსელისა (CENN) და USAID - ის ეკონომიკური უსაფრთხოების პროგრამის ერთობლივ საგრანტო კონკურსში გამარჯვებული ჟურნალისტები დაჯილდოვდნენ.  ჟურნალისტებმა პლასმასის ნარჩენის შემცირებისა და გადამუშავების შესაძლებლობებზე მედიაპროდუქტები მოამზადეს.  კონკურსი ჩატარდა პროექტის “საზოგადოების გაძლიერება ცირკულარული გადაწყვეტების დანერგვისათვის საქართველოში“ ფარგლებში, რომელსაც ახორციელებს CENN, USAID-ის ეკონომიკური უსაფრთხოების პროგრამის მხარდაჭერით.  სრულად... წყარო:კავკასიის გარემოსდაცვითი არასამთავრობო ქსელი

თბილისი. კივიტას გეორგიკამ ელექტრონული ბროშურა „ცოტა რამ ადრეულ ასაკში ფიზიკური და სენსორული განვითრების შესახებ“ მოამზადა. მოცემულ ბროშურაში საუბარია ბავშვის განვითარების ფიზიკურ და სენსორულ განვითარებაზე.  ბროშურა განკუთვნილია ადრეული ასაკის ბავშვების მშობლებისთვის.  პროექტი დაფინანსებულია პოლონეთის საგარეო საქმეთა სამინისტროს მიერ და განხორციელებულია საერთაშორისო ასოციაცია კივიტას გეორგიკას მიერ პოლონურ ორგანიზაცია "ედუკატორთან"- თან ერთად, საქართველოს სკოლამდელი განათლების ეროვნულ ასოციაციასთან პარტნიორობით.  სრულად...  წყარო: კივიტას გეორგიკა

თბილისი.13 დეკემბერს, „საქართველოში კორპორაციული პასუხისმგებლობის განვითარების ეროვნული ჩარჩოს“ პრეზენტაცია გაიმართა. დოკუმენტის შინაარსზე, ქართველ და საერთაშორისო ექსპერტთა ჯგუფი 1 წლის განმავლობაში მუშაობდა. ღონისძიება ჩატარდა საქართველოს სტრატეგიული კვლებისა და განვითარების ცენტრის СSR– ის განვითარების მიმართულების ორგანიზებით, პროექტის 'სამოქალაქო საზოგადოების ინიციატივის' ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: საქართველოს სტრატეგიული კვლევებისა და განვითარების ცენტრი

თბილისი. საერთაშორისო გამჭვირვალობა-საქართველო ახალ ბლოგს ავრცელებს მთავრობის მიერ გასხვისებულ ქონებაზე.  გამჭვირვალობა-საქართველო აღნიშნავს, რომ „2023 წლის დეკემბერში მთავრობის სხდომებზე განსახილველი 32 საკითხიდან 14 სახელმწიფო ქონების პრივატიზებას შეეხებოდა, რომელთაგან 6 კითხვებს აჩენს“.  ორგანიზაცია მოუწოდებს მთავრობის ადმინისტრაციას, რომ „იმოქმედოს საქართველოს კანონმდებლობის მოთხოვნების შესაბამისად, უარი თქვას მთავრობის განკარგულებებისა და პრემიერ-მინისტრის ბრძანებების დამალვის უკანონო პრაქტიკაზე და საზოგადოებისთვის საჯარო გახადოს ეს დოკუმენტები.“ - აღნიშნულია ბლოგში.  სრულად... წყარო: საერთაშორისო გამჭვირვალობა-საქართველო

თბილისი. გაეროს განვითარების პროგრამის, შვედეთისა და შვეიცარიის ხელშეწყობით, 21 საგანმანათლებლო დაწესებულების 64 სტუდენტმა მიიღო სტიპენდიები აგრარულ და გარემოსდაცვით დარგებში, რომლებიც საქართველოს სხვადასხვა უნივერსიტეტსა და პროფესიულ სასწავლებელში.  2023-2024 აკადემიური წლის სტიპენდიანტები გამოცხადდა 19 დეკემბერს.  64-მა გამარჯვებულმა მიიღო სტიპენდიების დამადასტურებელი სერტიფიკატები საქართველოს გარემოს დაცვისა და სოფლის მეურნეობის სამინისტროს, გაეროს განვითარების პროგრამის, შვედეთის საელჩოსა და შვეიცარიის განვითარების სააგენტოს წარმომადგენლებისგან. სტიპენდიების პროგრამის მიზანია აგრარული და გარემოსდაცვითი დარგების განვითარება და სტუდენტების დაინტერესება საქართველოსთვის პრიორიტეტული პროფესიებით.  სტიპენდიების პროგრამა 21 საგანმანათლებლო დაწესებულებაზე, მათ შორის უნივერსიტეტსა და პროფესიულ კოლეჯზე გავრცელდა. სრულად...  წყარო: გაეროს განვითარების პროგრამა

თბილისი. ჰაინრიხ ბოლის ფონდი, ახალ კვლევას „ხანდაზმულებზე ზრუნდა საქართველოში: მზრუნველთა პერსპექტივა“ აქვეყნებს.  კვლევის ამოცანაა ხანდაზმულებზე ზრუნვასთან დაკავშირებული მთავარი ფსიქოსოციალური, ეკონომიკური, ინფასტრუქტურული გამოწვევების იდენტიფიცირება და ანალიზი.  კვლევა ყურადღებას ამახვილებს ხანდაზმულებზე ზრუნვის სფეროში ზრუნვის გამცემ და მიმღებ პირებს შორის არსებული დამოკიდებულებებისა და ურთიერთობების სპეციფიკასა და მნიშვნელობაზე მზრუნველთა პერსპექტივიდან. სრულად.. წყარო: ჰაინრიხ ბოლის ფონდი

თბილისი. სოციალური სამართლიანობის ცენტრი უფლებადამცველთა მდგომარეობის შესახებ გაეროს სპეციალური მომხსენებლის პირველადი ანგარიშის მიმოხილვას აქვეყნებს.  როგორც სოციალური სამართლიანობის ცენტრი აღნიშნავს, დოკუმენტში სპეციალური მომხსენებლის მიერ გაზიარებულია ის ყველა მნიშვნელოვანი კრიტიკა და წუხილი, რომელიც საქართველოში სამოქალაქო საზოგადოების, აქტივისტური ჯგუფების, კულტურის და მედია ორგანიზაციების წარმომადგენლებს აქვთ.  „გაეროს სპეციალური მომხსენებელი საგანგაშოს უწოდებს, საქართველოს მთავრობის მცდელობას, დაასუსტოს უფლებადაცვითი ინსტიტუტები და მოახდინოს მათი საქმიანობის დელეგიტიმაცია.  აღნიშნული პრაქტიკა თვალშისაცემი და ცხადია, მიუხედავად იმისა, რომ მთავრობა განსაკუთრებულად ცდილობს შენიღბოს მისი ნეგატიური დამოკიდებულება სამოქალაქო საზოგადოების წარმომადგენელი პირების მიმართ.“ - აღნიშნულია მიმოხილვაში  სრულად... წყარო: სოციალური სამართლიანობის ცენტრი

გურია. გურიის LAG-ის წევრებმა ადგილობრივი განვითარების სტრატეგიის შემუშავების მეხუთე სამუშაო შეხვედრა გამართეს.  LAG-ების წარმომადგენლება გურიის რეგიონში გარემოსდაცვით გამოწვევებსა და შესაძლებლობებზე იმსჯელეს. შეხვედრის ფარგლებში შემუშავდა SWOT ანალიზიც. ევროკავშირის მხარდაჭერით მიმდინარე პროექტის “მწვანე გურია – ადგილობრივი დემოკრატიისა და სოფლის განვითარების მხარდაჭერა ინკლუზიური და მწვანე ზრდისთვის” ფარგლებში, ოზურგეთის, ჩოხატაურისა და ლანჩხუთის LAG-ების წევრები ადგილობრივი განვითარებისთვის აქტიურ მუშაობას აგრძელებენ.  პროექტი “მწვანე გურია ადგილობრივი დემოკრატიისა და სოფლის განვითარების მხარდაჭერა ინკლუზიური და მდგრადი მწვანე ზრდისთვის” ხორციელდება ევროკავშირის ფინანსური მხარდაჭერით სოფლისა და სოფლის მეურნეობის განვითარების ევროპის სამეზობლო პროგრამის ENPARD IV ფარგლებში.  პროექტს ახორციელებს CENN, ახალგაზრდა პედაგოგთა კავშირი "Young Pedagogues' Union"თან, Institute of Democracy დემოკრატიის ინსტიტუტითან და Keda Leader • ადგილობრივი განვითარების ჯგუფი - LAGთან თანამშრომლობით. სრულად... წყარო: კავკასიის გარემოსდაცვითი არასამთავრობო ქსელი

თბილისი. მწვანე ალტერნატივა ქალებზე კლიმატის ცვლილების ზეგავლენის შეფასების ანგარიშს ავრცელებს.  ანგარიში აღწერს ქალების წინაშე არსებულ სისტემურ პრობლემებს და გამოყოფს ქალების შემოსავალს, ჯანმრთელობის მდგომარეობასა და საქმიანობის ტიპს, როგორც კლიმატის ცვლილების მიმართ მოწყვლადობის მნიშვნელოვან განმსაზღვრელ ფაქტორებს.  ქალებზე კლიმატის ცვლილების ზეგავლენის შეფასების ანგარიში მომზადდა ვესტმინსტერის დემოკრატიის ფონდის (WFD) პროგრამის “გარემოს დაცვის, კლიმატის ცვლილებისადმი მედეგობის და დემოკრატიული მდგრადობის ხელშეწყობა საქართველოში” ფინანსური მხარდაჭერით. სრულად... წყარო: მწვანე ალტერნატივა

იმერეთი. ა(ა)იპ ადგილობრივი დემოკრატიის სააგენტო საქართველომ ა(ა)იპ ტყიბულის რაიონის განვითარების ფონდთთან პარტნიორობით დაიწყო პროექტის ,,მეტი გამჭირვალობა და ანგარიშვალდებულება ეფექტური თვითმმართველობისთვის’’ განხორციელება.  პროექტის მიზანია უზრუნველყოს იმერეთის მხარის თერჯოლის, ტყიბულისა და ბაღდათის მუნიციპალიტეტებში ეფექტური თვითმმართველობის განხორციელება და ხელი შეუწყოს სამოქალაქო საზოგადოების ჩართულობას გადაწყვეტილების მიღების პროცესში.  პროექტი ხორციელდება ა(ა)იპ ტყიბულის რაიონის განვითარების ფონდის მიერ ა(ა)იპ ადგილობრივი დემოკრატიის სააგენტო საქართველოსთან პარტნიორობით, რომელიც დაფინანსებულია გერმანიის საერთაშორისო თანამშრომლობის საზოგადოების (GIZ)-ის მიერ, გერმანიის ფედერალური მთავრობისა და ევროკავშირის მიერ დაფინანსებული „აღმოსავლეთ პარტნიორობის ქვეყნებში სამოქალაქო საზოგადოების გაძლიერების პროგრამის“ ფარგლებში.  სრულად... წყარო: ადგილობრივი დემოკრატიის სააგენტო საქართელო

თბილისი. ღია საზოგადოების ფონდი ახალ კვლევას აქვეყნებს: „შრომის ინსპექციის სამსახურის გამჭვირვალობის შეფასება.  კვლევა აანალიზებს, თუ რა ინფორმაციას ამუშავებს/არ ამუშავებს შრომის ინსპექციის სამსახური, რამდენად არის გამოქვეყნებული ინფორმაცია მომხმარებელზე ორიენტირებული და რამდენად სრულყოფილია გაცემული საჯარო ინფორმაცია.  კვლევის თანახმად, ცალკეულ შემთხვევებში, შრომის ინსპექციის სამსახურის მიერ გაცემული საჯარო ინფორმაცია არ არის სრულყოფილი და სრულად ვერ პასუხობს დაინტერესებული პირის მოთხოვნას.  „კვლევის შედეგად გამოვლენილი ხარვეზების დროულად აღმოფხვრა არსებითად მნიშვნელოვანია შრომის ინსპექციის სამსახურის გამჭვირვალობისა და ღიაობის გასაუმჯობესებლად.“ - ნათქვამია ორგანიზაციის ვებგვერდზე.  დოკუმენტი მომზადდა სამართლისა და საჯარო პოლიტიკის ცენტრის და ღია საზოგადოების ფონდის მხარდაჭერით.  სრულად... წყარო: ღია საზოგადოების ფონდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. 20 დეკემბერს, სოციალური სამართლიანობის ცენტრმა გამართა დისკუსია: “სასამართლო რეფორმა და ევროპული ინტეგრაცია." ღონისძიებაზე, მათ შორის, წარმოდგენილი იყო ორგანიზაციის მიერ მომზადებული ანალიტიკური დოკუმენტი, რომელიც აფასებს საქართველოს ევროინტეგრაციის პროცესში მართლმსაჯულების რეფორმასთან დაკავშირებით განვითარებულ მოვლენებს და განხორციელებულ საკანონმდებლო თუ საკადრო ცვლილებებს.  სრულად... წყარო: სოციალური სამართლიანობის ცენტრი

თბილისი. ვენეციის კომისიამ გამოაქვეყნა დასკვნა სპეციალური საგამოძიებო სამსახურისა და პერსონალურ მონაცემთა დაცვის სამსახურის დამოუკიდებლობისა და ეფექტიანობის შესახებ.  IDFI ვენეციის კომისიის ახალი დასკვნის მიმოხილვას ავრცელებს.  ვენეციის კომისიის რეკომენდაციების გათვალისწინება ევროკომისიის ე.წ. ცხრა დათქმის ნაწილია.  “კომისია განსაკუთრებულ აქცენტს აკეთებს ფარული საგამოძიებო მოქმედებების კონტროლის სფეროში დამოუკიდებელი უწყების როლზე. კომისიის შეფასებით, დღეს არსებული სასამართლო და გარე კონტროლის მექანიზმები არაეფექტიანია. მეტიც, კომისია მიიჩნევს, რომ არსებული მდგომარეობით, პერსონალურ მონაცემთა დაცვის სამსახურს არ აქვს შესაბამისი კომპეტენცია და რესურსები ეფექტიანი ზედამხედველობა გაუწიოს ფარული საგამოძიებო ღონისძიებების განხორციელებას.” - ნათქვამია მიმოხილვაში სრულად... წყარო: ინფორმაციის თავისუფლების განვითარების ინსტიტუტი

სამეგრელო. ათინათის ახალგაზრდული ცენტრის წევრებმა წლის შემაჯამებელი ღონისძიება ჩაატარეს.  თითოეულმა ქვე-კლუბმა სხვადასხვა აქტივობის სახით კლუბის საქმიანობა წარმოადგინა.  ღონისძიება ჩატარდა USAID პროგრამა "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სრულად...  წყარო: ზუგდიდის ახალგაზრდული ცენტრი

თბილისი. ჰაინრიჰ ბიოლის ფონდი მარიამ კანდელაკის ახალ კვლევას „ქალები მასკულინურ პროფესიებში: საზოგადოებრივი ტრანსპორტის მძღოლები“ აქვეყნებს.  კვლევის მიხედვით თბილისის მუნიციპალიტეტში, დღეს, 1725 დაქირავებული მძღოლიდან მხოლოდ 29- ია ქალი (0.016%). „ბოლო დროს უფრო და უფრო აქტუალური ხდება ტრანსპორტში გენდერულად ინკლუზიური პოლიტიკის წარმოება.  თუმცა, ამის მიუხედავად, გლობალურად, მათ შორის საქართველოში, თითქმის არ მოიპოვება თვისებრივი მეთოდოლოგიის საფუძველზე შექმნილი აკადემიური ნაშრომები, რომლებიც შეისწავლიან გენდერულად სეგრეგირებულ, მასკულინურ, ტრანსპორტის სფეროში დასაქმებულ საზოგადოებრივი ტრანსპორტის ქალ მძღოლთა გამოცდილებებს და იმ ხილულ თუ უხილავ სირთულეებს, რომლებსაც ისინი აწყდებიან“.  სრულად... წყარო: ჰაინრიჰ ბიოლის ფონდი

თბილისი. გამოქვეყნდა საქართველოს მუნიციპალიტეტების ინდექსი 2023.  ახალი ეკონომიკური სკოლა – საქართველოს და ფრიდრიხ ნაუმანის ფონდის ინდექსი იძლევა შესაძლებლობას შეფასდეს და შედარდეს სხვადასხვა მუნიციპალიტეტების მუშაობის ეფექტიანობა, მათ ტერიტორიაზე მოქალაქეთა ცხოვრებისა და სამეწარმეო საქმიანობის გარემო.  ანგარიშში წელს პირველად 41 მუნიციპალიტეტი მოხვდა. პროექტის უპირველესი მიზანია გააძლიეროს ეკონომიკური და პოლიტიკური პირობები ადგილობრივ დონეზე, რადგან ადგილობრივი ხელისუფლების პოლიტიკის გადამწყვეტი მნიშვნელობა აქვს არჩევანის თავისუფლებაზე, კერძო ინიციატივაზე, ბიზნეს პირობებზე, რესურსების განაწილებაზე და საერთო სოციალურ-ეკონომიკურ კეთილდღეობაზე.  პროექტის ერთ-ერთი მთავარი მიზანია განახორციელოს მუნიციპალური ხელისუფლების მუშაობის მონიტორინგი და შეფასება. სრულად... წყარო: ფრიდრიხ ნაუმანის ფონდი

კახეთი. 19 დეკემბერს, თელავში, განათლების განვითარების და დასაქმების ცენტრის ორგანიზებით, ახალგაზრდების განვითარების და მოხალისეობის ხელშემწყობი პროგრამების საჯარო განხილვა გაიმართა. შეხვედრა კახეთის ჰაბთან – „მედია ცენტრ კახეთთან" პარტნიორობით, პროექტის „სამოქალაქო საზოგადოების ინიციატივის“ ფარგლებში შედგა. ღონისძიების მიზანი იყო კახეთის ახალგაზრდებისთვის სახელმწიფოს 2023-2026 წლების. ახალგაზრდული სტრატეგიის წარდგენა და მის ფარგლებში გაწერილი სამოქმედო გეგმისა და დაგეგმილი აქტივობების გაცნობა გაიმართა. სამუშაო შეხვედრა ორგანიზებული იყო ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის” ფარგლებში. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად – საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: განათლების განვითარების და დასაქმების ცენტრი