თბილისი. როგორ ვისაუბროთ ფსიქიკურ ჯანმრთელობასა და ფსიქოსოციალურ მხარდაჭერაზე? ფსიქიკურ ჯანმრთელობაზე საუბრისას თითოეულ სიტყვას მნიშვნელობა აქვს, განსაკუთრებით კრიზისულ სიტუაციებში. ამ დროს ადამიანები თავიანთი ცხოვრების ურთულეს პერიოდს გადიან, სწორედ ამიტომ საქართველოს წითელი ჯვრის საზოგადოება ინფორმაციას ავრცელებს, რა არის ფსიქიკური ჯანმრთელობა და ფსიქოსოციალური მხარდაჭერა და როგორ უნდა დავეხმაროთ გარშემო მყოფებს კრიზისულ სიტუაციებში. წყარო: წითელი ჯვრის საზოგადოება სრულად.. 

შიდა ქართლი. ავლევის თემში სათემო–საგანმანათლებლო ცენტრმა დაიწყო ფუნქციონირება. ცენტრის შექმნის ერთ–ერთი მთავარი მიზანი, რა თქმა უნდა, თემის სოფლებში – ავლევში, ცერონისსა და კნოლევში მცხოვრები ახალგაზრდებისთვის არაფორმალური, პროფესიული განათლების ხელმისაწვდომობის ზრდაა. ცენტრში უკვე დაიწყო არაფორმალური განათლების პირველი სასწავლო კურსი. თემის ახალგაზრდები ავტომანქანის მართვას შეისწავლიან. ამ ეტაპზე, ავტომანქანის მართვის სასწავლო კურსის თეორიული ნაწილი ტარდება, რომელსაც 13 ადგილობრივი ახალგაზრდა ესწრება. მომდევნო ეტაპზე ახალგაზრდებს მართვის პრაქტიკული სწავლებაც ჩაუტარდებათ. პარალელურად მზადდება, ასევე, ავტომანქანის მართვის სწავლების ერთი ადგილობრივი პედაგოგი, რომელიც შემდგომში, პროექტის დასრულების მერე, სხვა მსურველებისთვის აქვე ჩაატარებს ამავე სასწავლო კურსს.  სათემო-საგანმანათლებლო ცენტრი ადგილობრივი მოსახლეობის სურვილებსა და არაფორმალური სწავლების სხვა საჭიროებებსაც შეისწავლის და არაერთ სასწავლო კურსს განახორციელებს.  პროექტს განათლების დამოუკიდებელ კონსულტანტთა კოლეგია "საქართველოს სტრატეგიული კვლევებისა და განვითარების ცენტრის" (CSRDG) მხარდაჭერითა და ევროკავშირისა და კონრად ადენაუერის ფონდის დაფინანსებით ახორციელებს.

სამოქალაქო საზოგადოების ინსტიტუტი (CSI) გიწვევთ ფორუმზე „მოქალაქეთა მონაწილეობა ადგილობრივი განვითარებისთვის“, რომელიც გაიმართება 2023 წლის 26 სექტემბერს სასტუმრო Holiday Inn-ში (მისამართი: 26 მაისის მოედანი N1). ფორუმის მიზანია მოქალაქეთა ჩართულობის მიმართულებით არსებული გამოცდილებისა და საუკეთესო პრაქტიკების გაზიარება, გამოწვევებისა და შესაძლებლობების გაანალიზება, ამ კუთხით მნიშვნელოვან საკითხებზე დიალოგისა და დისკუსიის სივრცის შექმნა. რაც ხელს შეუწყობს სამოქალაქო მონაწილეობის საკითხით დაინტერესებული აქტორების შესაძლებლობების გაძლიერებას და მათ შორის თანამშრომლობის სტიმულირებას.  თუ ხართ დაინტერესებული ადგილობრივ დონეზე მოქალაქეთა მონაწილეობის შესახებ არსებული გამოცდილების გაცნობით როგორც მუნიციპალიტეტების, ისე დონორი ორგანიზაციებისა და სამოქალაქო საზოგადოების მხრიდან და გსურთ მიიღოთ პასუხები თქვენთვის საინტერესო კითხვებზე, დარეგისტრირდით ბმულზე: https://shorturl.at/EHY27 ფორუმზე რეგისტრაციის ბოლო ვადა არის 17 სექტემბერი.  გთხოვთ, გაითვალისწინოთ, რომ ღონისძიების ფარგლებში მონაწილეთა შერჩევა მოხდება მუნიციპალიტეტების, საქმიანობის სფეროს და მოტივაციის მიხედვით. შერჩეულ მონაწილეები ელ-ფოსტის საშუალებით მიიღებენ დეტალურ დღის წესრიგს და დასტურს ღონისძიებაზე დასწრების შესახებ. გთხოვთ, გაითვალისწინოთ, რომ ღონისძიების ფარგლებში, ტრანსპორტირებისა და სასტუმროში განთავსების ხარჯები (ასეთის საჭიროების შემთხვევაში) უნდა უზრუნველყოს უშუალოდ მონაწილემ.  დამატებითი კითხვების შემთხვევაში დაუკავშირდით საკონტაქტო პირს: თათა ბოჭორიშვილი, 598743512 ელ. ფოსტა: tamar@civilin.org  ფორუმი ორგანიზებულია სამოქალაქო საზოგადოების ინსტიტუტის (CSI) მიერ, „ადგილობრივი განვითარების აქტორების მდგრადი კავშირის შექმნა საქართველოში“ პროექტის ფარგლებში, რომელიც დაფინანსებულია გერმანული საერთაშორისო ფონდის, Bread for the World-ის მიერ.

თბილისი. „ქართული ოცნების“ გადაწყვეტილება, დაიწყოს საქართველოს პრეზიდენტის იმპიჩმენტის პროცედურა საქართველოს პრეზიდენტის წინააღმდეგ, არის თავდასხმა ქვეყნის ევროკავშირში გაწევრიანების მისწრაფებაზე“, ნათქვამია სსო–ების განცხადებაში.  "საქართველოს პრეზიდენტმა 31 აგვისტოს ბერლინში შეხვედრით დაიწყო საქართველოსთვის კანდიდატის სტატუსის მინიჭების მხარდასაჭერი კამპანია, ევროპელ ლიდერებთან შეხვედრის მეშვეობით. ამას წინ უძღოდა მთავრობის ადმინისტრაციის განცხადება, რომლითაც პრეზიდენტს უარს ეუბნებოდნენ უკრაინაში, გერმანიაში, პოლონეთში, შვეიცარიაში, ბელგიაში, დანიაში, არაბთა საამიროებში, ისრაელში, ბულგარეთსა და ჩეხეთში ვიზიტებზე.  პრეზიდენტის წინააღმდეგ იმპიჩმენტის დაწყება იმის გამო, რომ ის ევროკავშირის ლიდერებს საქართველოსთვის კანდიდატის სტატუსის მიღების საჭიროებაში არწმუნებს, პირდაპირი იერიშია ევროკავშირზე, რაც ჩვენმა ევროპელმა პარტნიორებმაც აღნიშნეს. საქართველოს კონსტიტუციის 78-ე მუხლი ავალდებულებს როგორც პრეზიდენტს, ისე - მთავრობას, მიიღოს ყველა ზომა ევროკავშირში ინტეგრაციის უზრუნველსაყოფად. საგანგაშოა, რომ მთავრობა არათუ უგულებელყოფს საკუთარ ვალდებულებას, არამედ საქართველოს პრეზიდენტს - კონსტიტუციურ ორგანოს, ხელს უშლის ჩვენი ისტორიული არჩევანის განხორციელებაში.  სწორედ ევროინტეგრაციის შემაფერხებელი ქმედებები წარმოადგენს კონსტიტუციის დარღვევას. კიდევ ერთხელ შევახსენებთ საქართველოს მთავრობას ქართველი ხალხის ურყევ ნებას ევროკავშირში ინტეგრაციის შესახებ და მოვუწოდებთ, შეწყვიტოს პრეზიდენტის იმპიჩმენტის პროცედურის სახით, ევროინტეგრაციის პროცესის დაზიანება. სრულად...  წყარო: ღია საზოგადოების ფონდი

თბილისი. საქართველოს მთავრობის, საერთაშორისო და არასამთავრობო ორგანიზაციების წარმომადგენლებმა და ექსპერტებმა მონაწილეობა მიიღეს საკონსულტაციო შეხვედრაში, რომელზეც გაეროს კლიმატის ცვლილების ჩარჩო კონვენციის ფარგლებში აღებული ვალდებულებები განიხილეს. შეხვედრის მონაწილეებმა ყურადღება გაამახვილეს კლიმატის ცვლილების შერბილების სტრატეგიებზე და ეროვნულ დონეზე განსაზღვრული წვლილის (NDCs) განხორციელებაზე.  შეხვედრა ჩატარდა გარემოსდაცვითი ინფორმაციისა და განათლების ცენტრის და კავკასიის რეგიონული გარემოსდაცვითი ცენტრის (REC Caucasus) მიერ გაეროს განვითარების პროგრამისა და გლობალური გარემოსდაცვითი ფონდის (GEF) ხელშეწყობით. წყარო: გაეროს განვითარების პროგრამა

თბილისი. აზრთა ფესტივალისა და ტოლერანტობის სამყაროს ინიციატივით, 9 სექტემბერს, 12 საათზე, რიყის პარკში გაიმართება ღონისძიება, რომელიც იდეების გაზიარებისა და დისკუსიების სივრცეს ქმნის.  დამსწრეებს შესაძლებლობა მიეცემათ 5 სხვადასხვა სივრცეს გაეცნონ აზრთა ფესტივალზე:  •მეწარმეობას;  •განათლებას;  •მედეგობის გაძლიერებას;  •დემოკრატიას, ადამიანის უფლებების და კანონის უზენაესობის;  •საქართველოს სამომავლო პერსპექტივების შესახებ.  დასწრება თავისუფალია  აზრთა ფესტივალის მხარდამჭერია #ESTDEV #FromThePeopleOfEstonia  სრულად...  წყარო: აზრთა ფესტივალი

კოალიცია ინფორმაციის სანდოობისთვის სამოქალაქო საზოგადოების 15 ორგანიზაციის არაფორმალური გაერთიანებაა, რომელიც მიზნად ისახავს დეზინფორმაციის მიმართ საქართველოს მოსახლეობის მედეგობის განმტკიცებას. კოალიცია აკვირდება დეზინფორმაციის წყაროებს, აქტორებსა და ნარატივებს და პასუხობს ჰიბრიდული ომის გამოწვევებს. კოალიციის საქმიანობის გასაცნობად ეწვიეთ მის ვებგვერდს https://infointegrity.ge

თბილისი.კულტურისა და შემოქმედების სექტორში დაფინანსების შესაძლებლობებს ხომ არ ეძებთ. გაეცანით CulturEU გზამკვლევს, უპასუხეთ კითხვებს და იპოვეთ თქვენი სფეროს შესაბამისი ევროპული დაფინანსებისა და მხარდაჭერის პროგრამები: https://bit.ly/3XOVwNJ წყარო: ევროკავშირის წარმომადგნელობა საქართველოში

თბილისი. დღეს დაიწყო, მაკკეინის, ჯორჯ ბუშის ინსტიტუტებისა და ეკონომიკური პოლიტიკის კვლევის ცენტრის ორგანიზებულ, ორდღიანი საერთაშორისო კონფერენცია „პუტინიზმის დამარცხება“. კონფერენციის დღის წესრიგსა და პირდაპირ ტრანსლაციას შეგიძლიათ გაეცნოთ ეკონომიკური პოლიტიკის კვლევის ცენტრის ფეისბუქ გვერდზე.  პირდაპირი ეთერი ... დღის წესრიგი ...

მცხეთა–მთიანეთი. მცხეთა–მთიანეთის ჰაბის ინიციატივით გაიმართა ესეების კონკურსი – „ევროინტეგრაცია და ევროპული ღირებულებები“. გაეცანით კონკურსის მონაწილე ახალგაზრდების მოსაზრებებს. კონკურსი ჩატარდა პროექტის "სამოქალაქო საზოგადოების ინიციატივა" ფარგლებში, ევროკავშირისა და კონრად ადენაუერის ფონდის მხარდაჭერით.  წყარო: სამოქალაქო ინიციატივა  სრულად... 

უკვე ოცდაათ წელზე მეტია, რაც მომავალ ლიდერთა გაცვლითი პროგრამა "FLEX" შესაძლებლობას აძლევს ქართველ უფროსკლასელებს ისწავლონ ამერიკულ სკოლებში და იცხოვრონ ამერიკულ ოჯახებში. პროგრამას აფინანსებს ამერიკის მთავრობა და ადმინისტრირებას უწევს საერთაშორისო განათლების ამერიკული საბჭოები.  2024-2025 აკადემიური წლისათვის "FLEX" პროგრამის ფარგლებში მიმდინარეობს ფინალისტების შერჩევა. გამარჯვებულების მგზავრობა, ამერიკაში და უკან, სრულად ფინანსდება. ისინი, ასევე, უზრუნველყოფილნი იქნებიან ყოველთვიური სტიპენდიითა და ჯანმრთელობის დაზღვევით. აშშ-ში ყოფნისას ქართველ მოსწავლეებს საშუალება ექნებათ, გააცნონ თავიანთი კულტურა ამერიკელებს და ასევე, გაეცნონ ამერიკულ კულტურას სკოლაში სწავლის, ოჯახური ცხოვრებისა და სხვადასხვა ღონისძიებებში მონაწილეობის გზით.  "FLEX" პროგრამის ფინალისტები შეირჩევიან ვაშინგტონის დამოუკიდებელი კომისიის მიერ, რომელიც შედგება ამერიკელი სპეციალისტებისაგან განათლების დარგში. შერჩევის პროცესი დაფუძნებულია კონკურსზე. კონკურსი კომპლექსურია და განისაზღვრება ელექტრონულად შევსებული აპლიკაციის, რეკომენდაციების, ინგლისური ენის ცოდნის დონისა და კანდიდატის მიერ გამომჟღავნებული ერთწლიანი გაცვლითი გამოცდილებისათვის მზადყოფნის საფუძველზე.  პროგრამაში მონაწილეობის მიღება შეუძლია ყველა ზოგადსაგანმანათლებლო სკოლის (1) მე-9, მე-10 და მე-11 კლასის, (2) 2007 წლის 1 იანვრიდან 2009 წლის 16 ივლისამდე დაბადებულ მოსწავლეებს, რომელთაც (3) ბოლო 5 წლის მანძილზე არ უცხოვრიათ აშშ-ში 3 თვის ან მეტი ხნის განმავლობაში, (4) არიან საქართველოს მოქალაქეები (4) ირიცხებიან და სწავლობენ სკოლაში, საქართველოში და (5) ფლობენ ინგლისურ ენას. "FLEX" პროგრამაში მონაწილეობის მისაღებად ჩვენ ვიწვევთ ყველა უფროსკლასელს, რომელიც აკმაყოფილებს პროგრამის კრიტერიუმებს, მათ შორის შეზღუდული შესაძლებლობის მქონე მოსწავლეებს (შშმპ). ასაკობრივი და სასკოლო კრიტერიუმი ასეთი პირებისათვის განსხვავებულია: მე-8, მე-9, მე-10, მე-11 და მე-12 კლასის მოსწავლე და 2006 წლის 15 თებერვლიდან 2009 წლის 15 ივლისამდე დაბადებული.  2023-2024 წლისთვის პირველი და მეორე ეტაპი ჩატარდება ონლაინ, 2023 წლის 1 აგვისტოდან 28 სექტემბრამდე. ნახევარფინალი კი ჩატარდება ლაივ რეჟიმში, რაც გულისხმობს - პირად გასაუბრებასა და ტესტირებას. მსურველებს პროგრამის შესარჩევ ეტაპებზე მონაწილეობა შეუძლიათ ნებისმიერი რეგიონიდან, სადაც ხელმისაწვდომია ინტერნეტი ან არის ტელეფონის/კომპიუტერის გამოყენების შესაძლებლობა.   I რაუნდი ჩატარდება აგვისტოში. იგი მოიცავს ონლაინ აპლიკაციასა და 3 ესსეს კითხვებს, რომლებიც უნდა ჩაბარდეს აპლიკაციის დაწყებიდან 10 დღეში. მონაწილეობის მისაღებად გადადით ბმულზე... II რაუნდში, აპლიკაციის ეტაპის გავლის შემდეგ შერჩეული მონაწილეები დაწერენ ინგლისური ენის ონლაინ ტესტს. ფინალური რაუნდი მოიცავს პირისპირ გასაუბრებას, 2 ესსეს კითხვას, ინგლისური ენის გაძლიერებულ ტესტს და სრულ აპლიკაციას.  ზემოთ ჩამოთვლილი ყველა საფეხურს წარმატებით გადალახვის შემთხვევაში მოსწავლეები ინფორმაციას ამერიკული საბჭოების საქართველოს ოფისიდან მიიღებენ. იხ. სრული ინფორმაცია... წყარო: georgia.americancouncils.org

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. ღია სივრცე კავკასია აქვეყნებს ბლოგპოსტს: როგორ შეიძლებოდა შოვის ტრაგედიის თავიდან არიდება და როგორ ავირიდოთ მსგავსი ტრაგედია მომავალში. „საყოველთაო გლოვის ამ უმძიმეს დღეებში გამუდმებით ვფიქრობთ იმ ადამიანებზე, რომლებსაც შოვში განვითარებულმა ღვარცოფმა ოჯახის წევრები და ახლობლები წაართვა. ჩვენც, ისე როგორც ამ ქვეყნის ყველა მოქალაქე, ვგლოვობთ შოვის ტრაგედიას. მიმდინარე მოვლენებმა უნდა დაგვაფიქროს, იმაზე თუ როგორ შეგვიძლია თავიდან ავირიდოთ მსგავსი ტრაგედია. მით უმეტეს, როცა არსებობს არაერთი ნიშანი იმისა, რომ ეს შესაძლებელია”. სრულად... წყარო: cos.ge

ორბელიანი საქართველომ შოვის სტიქიით დაზარალებული პირებისთვის საქველმოქმედო ანგარიში შექმნა. დონაციის განხორციელება შეუძლია ნებისმიერ ადამიანს. თანხა გროვდება მათთვისაც, რომლებიც ამ წუთებშიც კი, სამძებრო სამუშაოებში არიან ჩართულები და თავდაუზოგავად იბრძვიან, გადაარჩინონ სტიქიის შედეგად დაკარგული ადამიანების სიცოცხლე. „თანხა გადანაწილდება და მოხმარდება საკვებს, პირველადი დახმარების ნივთებს, მედიკამენტებს, აღჭურვილობას, დაზარალებულ ოჯახებს და ყველა იმ საჭიროებას, რაც ეტაპობრივად გამოიკვეთება ამ პერიოდში“. სრულად... წყარო: orbelianimeti.ge

საერთაშორისო გამჭვირვალობა - საქართველო მწუხარებას გამოთქვამს ორგანიზაციის სტაჟიორის, გიორგი ყარალაშვილის ტრაგიკულად დაღუპვის გამო. ის შოვის სტიქიურ უბედურებას ემსხვერპლა. „გიორგი იყო გამორჩეული ახალგაზრდა, რომელიც რამდენიმე თვის განმავლობაში აქტიურად იყო ჩართული ორგანიზაციის საქმიანობაში და თავისი პროფესიონალიზმით, მეგობრული ბუნებით და ნიჭიერებით დაგვამახსოვრა თავი“, ნათქვამია ორგანიზაციის გვერდზე სოციალურ ქსელში. სრულად... განცხადება შოვის ტრაგედიის შესახებ... წყარო: ორგანიზაციის გვერდი სოციალურ ქსელში

დმანისის და მარნეულის მუნიციპალიტეტების საკრებულოების წევრებისა და აპარატის თანამშრომლებისთვის 4 და 7 აგვისტოს გაიმართა ტრენინგები. ამით დასრულდა ტრენინგების პირველი ციკლი, რომლის მიზანიც მუნიციპალიტეტების საქმიანობაში მოქალაქეთა მონაწილეობის გაძლიერებაა. შეგახსენებთ ტრენინგები, ასევე გაიმართა ბათუმსა და ჩოხატაურში (1, 2 აგვისტო). მუნიციპალიტეტებისთვის გამართულ ტრენინგებში მონაწილეობდა 86 წარმომადგენელი.   ტრენინგ–მოდული, მუნიციპალიტეტების საჭიროებების შეფასების საფუძველზე, სამოქალაქო საზოგადოების ინსტიტუტმა, USAID-ის ადგილობრივი თვითმმართველობის პროგრამის მხარდაჭერით, შექმნა. ტრენინგებს უძღვებოდნენ ლევან ფანიაშვილი და ნათია აფხაზავა. მეორე ციკლი გაიმართება შემოდგომაზე და კოკა კიღურაძე წარუძღვება.  USAID-ის ადგილობრივი თვითმმართველობის პროგრამა წარმოადგენს ხუთწლიან ინიციატივას, რომელიც აშშ-ის საერთაშორისო განვითარების სააგენტოს (USAID) დაფინანსებით ხორციელდება საქართველოში. პროგრამა მიზნად ისახავს საქართველოში მიმდინარე დეცენტრალიზაციის და საჯარო მმართველობის რეფორმის მხარდაჭერას და ადგილობრივ თვითმმართველობებში ეფექტიანობის, ანგარიშვალდებულებისა და მოქალაქეთა ჩართულობის გაზრდას. პროგრამა მუშაობს ადგილობრივ თვითმმართველობის დონეზე ანგარიშვალდებულების გაძლიერების, ინკლუზიური და მომხმარებელზე ორიენტირებული საჯარო სერვისების მიწოდების გაუმჯობესების კუთხით და დახმარებას უწევს, ცენტრალურ ინსტიტუტებს დეცენტრალიზაციის და საჯარო მმართველობის რეფორმის განხორციელებაში.  პროგრამის გვერდი სოციალურ მედიაში: ადგილობრივი თვითმმართველობის პროგრამა

ცოდნის კაფე შოვის სტიქიურ უბედურებას შეწირული დავით ბერიაშვილის შესახებ ინფორმაციას ავრცელებს. ორგანიზაციის ცნობით, დავითი აქტიურად მონაწილეობდა ცოდნის კაფეს აშენების პროცესში, ის 2016-2017 წლების ფლექსის პროგრამის კურსდამთავრებულიც იყო და მუდმივად ცდილობდა, თავისი ცოდნა ბევრი ადამიანისთვის გაეზიარებინა. სრულად... წყარო: ცოდნის კაფეს გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

3 აგვისტოს, 14:00 საათზე, ქალაქ მარნეულის საჯარო ბიბლიოთეკაში, მარნეულის მუნიციპალიტეტის 2024-2027 წლის პრიორიტეტების დოკუმენტის პირველადი ვერსიის საჯარო განხილვა გაიმართება. . ღონისძიება USAID- ის ადგილობრივი თვითმმართველობის პროგრამის ფარგლებში, სამოქალაქო საზოგადოების ინსტიტუტის (CSI) მხარდაჭერით ტარდება. შეხვედრაზე დასწრება თავისუფალია და მასში მონაწილეობის მიღება ყველა დაინტერესებულ პირს შეუძლია. მისამართი: ქ. მარნეული, რუსთაველის ქუჩა N73, მარნეულის საჯარო ბიბლიოთეკა. სრულად... 

ჩოხატაურის და ბათუმის მუნიციპალიტეტების საკრებულოების წევრებისა და აპარატის თანამშრომლებისთვის 1 და 2 აგვისტოს გაიმართა ტრენინგები. ტრენინგ–მოდული შეიქმნა მოქალაქეთა მონაწილეობის საჭიროებების შეფასების საფუძველზე, რომელიც სამოქალაქო საზოგადოების ინსტიტუტმა (CSI), USAID-ის ადგილობრივი თვითმმართველობის პროგრამის ფარგლებში შექმნა. „მუნიციპალიტეტის საქმიანობაში მოქალაქეთა მონაწილეობის გაძლიერება“ – ასე ჰქვია ტრენინგ–პროგრამას, რომლის მიზანია მუნიციპალიტეტების საკრებულოების შესაძლებლობების გაძლიერება, ანგარიშვალდებულების გაზრდა და მუნიციპალიტეტების საქმიანობაში მოქალაქეთა მონაწილეობის ხელშეწყობა. იგი მოიცავს ორ მოდულს:  მუნიციპალიტეტის საქმიანობაში მოქალაქეთა მონაწილეობის გაძლიერებას – ძირითადი სტანდარტები და გარანტიები;  საკრებულოს წევრების ანგარიშვალდებულებას. ტრენინგების პირველი ციკლი, როგორც უკვე აღვნიშნეთ, ჩატარდა ჩოხატაურსა და ბათუმში, ხოლო 4–7 აგვისტოს გაიმართება მარნეულის, დმანისის მუნიციპალიტეტებში.ტრენინგებს უძღვებიან ლევან ფანიაშვილი, ნათია აფხაზავა. USAID-ის ადგილობრივი თვითმმართველობის პროგრამა წარმოადგენს ხუთწლიან ინიციატივას, რომელიც აშშ-ის საერთაშორისო განვითარების სააგენტოს (USAID) დაფინანსებით ხორციელდება საქართველოში. პროგრამა მიზნად ისახავს საქართველოში მიმდინარე დეცენტრალიზაციის და საჯარო მმართველობის რეფორმის მხარდაჭერას და ადგილობრივ თვითმმართველობებში ეფექტიანობის, ანგარიშვალდებულებისა და მოქალაქეთა ჩართულობის გაზრდას. პროგრამა მუშაობს ადგილობრივ თვითმმართველობის დონეზე ანგარიშვალდებულების გაძლიერების, ინკლუზიური და მომხმარებელზე ორიენტირებული საჯარო სერვისების მიწოდების გაუმჯობესების კუთხით და დახმარებას უწევს, ცენტრალურ ინსტიტუტებს დეცენტრალიზაციის და საჯარო მმართველობის რეფორმის განხორციელებაში.  პროგრამის გვერდი სოციალურ მედიაში: ადგილობრივი თვითმმართველობის პროგრამა

თბილისი. პარტნიორობა ადამიანის უფლებებისთვის (PHR) ინფორმაციით, „შეფასებისა და გამოცდების ეროვნული ცენტრი“ უარს აცხადებს სასამართლო გადაწყვეტილების აღსრულებაზე.  „როგორც ცნობილია, PHR იცავს აბიტურიენტის უფლებებს, რომელიც ისტორიის გამოცდაზე ვერ გამოცხადდა ჯანმრთელობის მდგომარეობის გამო. ორგანიზაციის მიმართვის საფუძველზე, თბილისის საქალაქო სასამართლომ 24 საათში მიიღო განჩინება და „შეფასებისა და გამოცდების ეროვნულ ცენტრს“ დაავალა აბიტურიენტის დაშვება ისტორიის დამატებით გამოცდაზე. 28 ივლისს, მივმართეთ გამოცდების ეროვნულ ცენტრს სასამართლო განჩინების დაუყონებლივ აღსრულების მიზნით. 02 აგვისტოს გამოცდების ეროვნული ცენტრმა სასამართლო გადაწყვეტილების აღსრულებაზე უარი განაცხადა იმ საფუძვლით, რომ ისტორიის დამატებითი გამოცდა 25 ივლისს ჩაატარა.    სასამართლო გადაწყვეტილების აღუსრულებლობა სისხლის სამართლის დანაშაულია. ამასთან, დროებითი განჩინება, თავისი ბუნებით გულისხმობს მის დაუყონებლივ აღსრულებას.“ „პარტნიორობა ადამიანის უფლებებისთვის“ (PHR) მიმართავს გამოცდების ეროვნულ ცენტრს, უზრუნველყონ აბიტურიენტის განათლებისა და საქმის სამართლიანი განხილვის უფლების დაცვა და მისცენ აბიტურიენტს საშუალება, დაწეროს ისტორიის დამატებითი გამოცდა. სრულად... წყარო: ორგანიზაციის გვერდი სოციალურ ქსელში