„საპარლამენტო საქმიანობაში მოქალაქეთა მონაწილეობის გზამკვლევი“
თბილისი. ინფორმაციის თავისუფლების განვითარების ინსტიტუტი (IDFI) აქვეყნებს საპარლამენტო საქმიანობაში მოქალაქეთა მონაწილეობის გზამკვლევს.
„2015 წელს საქართველოს პარლამენტში შეიქმნა ღია და გამჭვირვალე მმართველობის მუდმივმოქმედი საპარლამენტო საბჭო, რომელმაც „ღია მმართველობის პარტნიორობის" (OGP) პრინციპების გათვალისწინებით შეიმუშავა 2015-2016 წლების საქართველოს ღია პარლამენტის სამოქმედო გეგმა. სამოქმედო გეგმა მათ შორის მოიცავს ისეთ ვალდებულებებს, როგორიცაა: კანონპროექტებზე კომენტარის ელექტრონულად დატოვების შესაძლებლობა; საკანონმდებლო წინადადებისა და საკანონმდებლო ინიციატივის ელექტრონული სახით წარდგენის და მოქალაქეთა მხრიდან მხარდაჭერის მექანიზმების დანერგვა; შეზღუდული შესაძლებლობების მქონე პირებისთვის საპარლამენტო დოკუმენტაციაზე წვდომის გამარტივება და სხვა", ნათქვამია ორგანიზაციის ვებ-გვერდზე.
წყარო: idfi.ge
