თბილისი. „საერთაშორისო გამჭვირვალობა - საქართველომ” სახელმწიფო თანამდებობის პირების ქონებრივი დეკლარაციები შეისწავლა. ორგანიზაციამ გამოავლინა შემთხვევები, როდესაც თანამდებობის პირების ოჯახის წევრები დასაქმებულნი არიან იმავე უწყებაში ან მასთან დაკავშირებულ ადმინისტრაციულ ორგანოებში ან მის საქვეუწყებო დაწესებულებებში. „შემთხვევების უმეტესობა ადგილობრივი თვითმმართველობის ორგანოებში გამოვლინდა, თუმცა მსგავსი ფაქტები გვხვდება ცენტრალურ ხელისუფლებასა და სასამართლო სისტემაში“. სრულად... წყარო: www.transparency.ge

თბილისი. საქართველოს მთავრობამ პარლამენტში „2020 წლის ბიუჯეტის შესახებ” კანონპროექტი წარადგინა. „საერთაშორისო გამჭვირვალობა - საქართველო” გთავაზობთ ამ პროექტის მოკლე შეფასებას და რეკომენდაციებს. სრულად... წყარო: www.transparency.ge

თბილისი. საქართველოს სახალხო დამცველი აქვეყნებს წამების პრევენციის 10 წლის შეფასებას - მუშაობს თუ არა საქართველოს პრევენციის ეროვნული მექანიზმი. სრულად... წყარო: ombudsman.ge

კახეთი. „საერთაშორისო გამჭვირვალობა - საქართველოს” რეგიონალური ქსელი გაფართვდა - „კიდევ ერთი ახალი ოფისი გავხსენით თელავში, რომელიც კახეთის რეგიონს დაფარავს. კორუფციის რისკებთან, საჯარო სამსახურში შესაძლო გადაცდომებთან და დასახლებისთვის მნიშვნელოვანი საკითხების ადვოკატირებასთან დაკავშირებით, თელავში შეგიძლიათ მოგვმართოთ შემდეგ მისამართზე: ღვთისმშობლის ქ. 10 ან დაგვიკავშირდეთ ნომერზე: +995 322 050984“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს ბლოგ პოსტს: ხელისუფლების პიარსამსახურების მზარდი ხარჯები.  „2017-2018 წლების პერიოდში ხელისუფლების მიერ პიარსამსახურების თანამშრომლების რაოდენობა და მათი ანაზღაურებისთვის ბიუჯეტიდან გაწეული ხარჯები კვლავ მაღალია“, ნათქვამია ორგანიზაციის ვებგვერდზე.  სრულად...  წყარო: transparency.ge

თბილისი. საქართველოს სტრატეგიული კვლევებისა და განვითარების ცენტრმა გამოსცა კვლევა „საზოგადოებრივი ორგანიზაციების არასახელმწიფო დაფინანსება საქართველოში”. „კვლევა დააინტერესებს ყველას, ვისაც საქართველოში საზოგადოებრივი ორგანიზაციების განვითარება და, ზოგადად, სამოქალაქო საზოგადოების მდგომარეობა აინტერესებს”, ნათქვამია ორგანიზაციის გვერდზე სოციალურ ქსელში.  სრულად... წყარო: ორგანიზაციის გვერდი სოციალურ ქსელში

თბილისი. ღია საზოგადოების ფონდებისა და საქართველოს ღია საზოგადოების ფონდის მხარდაჭერით, ინფორმაციის თავისუფლების განვითარების ინსტიტუტმა (IDFI) და ილიას უნივერსიტეტმა კორუფციასთან ბრძოლის სასერტიფიკატო პროგრამა დაიწყეს.  კორუფციასთან ბრძოლის სასერტიფიკატო პროგრამა საერთაშორისო პროგრამის ნაწილია. სასერტიფიკატო პროგრამის ფარგლებში ტრენერები იქნებიან ქართველი პრაქტიკოსი ლექტორები, მომხსენებლის სტატუსით პროგრამაში ადგილობრივი და საერთაშორისო ექსპერტები ჩაერთვებიან.  სრულად...  წყარო: https://osgf.ge

თბილისი. საქართველოს ახალგაზრდა იურისტთა ასოციაციამ (საია) სისხლის სამართლის საქმეების სასამართლო მონიტორინგის შედეგების პრეზენტაცია გამართა.  „საია საზოგადოებას წარუდგენს 2018 წლის მარტის თვიდან 2019 წლის თებერვლის ჩათვლით პერიოდში 2700-ზე მეტი სასამართლო პროცესის დაკვირვების შედეგებს. სასამართლო პროცესების მონიტორინგი ცხადყოფს, რომ სისხლის სამართალწარმოება ხარვეზებით მიმდინარეობს, თუმცა, გარკვეულ საკითხებში შეინიშნება გაუმჯობესებული მიდგომები“, ნათქვამია ორგანიზაციის ვებგვერდზე.  სრულად... წყარო: gyla.ge სამართალი მონიტორინგი

თბილისი. საერთაშორისო გამჭვირვალობა - საქართველომ 2017-2019 წლებში საზეიმო ღონისძიებების ორგანიზებისთვის გაფორმებული ხელშეკრულებები შეისწავლა.  „2017-2019 წლებში ბათუმში საზეიმო ღონისძიებებისთვის 1,493,385 ლარის სახელმწიფო შესყიდვა განხორციელდა, საიდანაც 827,735 ლარი (ჯამური თანხის დაახლოებით 55%) გამარტივებული შესყიდვების გზით გაიხარჯა“, - ვკითხულობთ ორგანიზაციის მიერ გავრცელებულ ინფორმციაში, - „წინასწარ განსაზღვრულ, კალენდრით დადგენილ ღონისძიებებზე (საახალწლო კონცერტები, ბათუმის საკურორტო სეზონის გახსნა, 26 მაისი, ბათუმობა) საბიუჯეტო თანხების გამარტივებული წესით ხარჯვა თავად გამარტივებული წესით შესყიდვის დასაბუთების კრიტერიუმებს ეწინააღმდეგება“.  სრულად...  წყარო: ორგანიზაციის ვებგვერდი

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, კორუფციასთან ბრძოლის სასერთიფიკატო პროგრამა დაიწყო.  „პროგრამაში მონაწილეობით 388 განმცხადებლიდან შერჩეული 31 - სტუდენტი, საჯარო, კერძო და არასამათავრობო სექტორის წარმომადგენელი - გაიღრმავებს ცოდნას ანტიკორუფციულ თემატიკასთან დაკავშირებით და შეიძენს კორუფციის ფაქტებზე ეფექტური რეაგირების უნარ-ჩვევებს. სრული პროგრამა 8 თემატური მოდულისგან (1 მოდულის ხანგრძლივობა 3 კვირაა; 12 საათი/6 ლექცია) შედგება და 2 სემესტრის განმავლობაში გრძელდება. ინიციატივის ფინანსური მხარდამჭერია ღია საზოგადოების ინსტიტუტის ბუდაპეშტის ფონდი (OSI) და ხორციელდება ღია საზოგადოების ფონდის (OSGF) თანადაფინანსებით”, ნათქვამია ორგანიზაციის ვებგვერდზე.  სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტმა (IDFI) 2018 წლის განმავლობაში ადგილობრივ თვითმმართველ ერთეულთა სარეზერვო ფონდების ხარჯვის პრაქტიკა შეისწავლა.  „კვლევამ აჩვენა რომ სხვადასხვა მუნიციპალიტეტში სარეზერვო ფონდების ოდენობის განსაზღვრის და მისი ათვისების პრაქტიკა განსხვავებულია. მთელი რიგი მუნიციპალიტეტების მერიები გაწევენ ისეთ ხარჯებს, რომელთა სარეზერვო ფონდიდან დაფინასების აუცილებლობა კითხვის ნიშნებს აჩენს. მაგალითად კაპიტალური ხარჯები, კულტურული ღონისძიებები და ა.შ. ამავდროულად, ცალკეული მუნიციპალიტეტები საერთოდ ვერ ახდენენ სარეზერვო ფონდში გათვალისწინებული სახსრების ათვისებას. ამ კუთხით განსაკუთრებით საყურადღებოა ოკუპირებული ტერიტორიების და დევნილი მოსახლეობის სიმრავლით გამორჩეულ გორის მუნიციპალიტეტში წლის განმავლობაში სარეზერვო ფონდის ათვისების საჭიროების არ არსებობა“, - ვკითხულობთ კვლევის დასკვნით ნაწილში.  სრულად...  წყარო: ორგანიზაციის ვებგვერდი

თბილისი. საქართველოს სახალხო დამცველი უზენაესი სასამართლოს მოსამართლეების შერჩევის პროცესთან დაკავშირებით სპეციალურ ანგარიშს აქვეყნებს.  „დაკვირვებამ გამოავლინა, რომ უზენაესი სასამართლოს მოსამართლეების შერჩევის პროცესის სამართლიანად და მაღალი სტანდარტებით წარმართვაზე არსებითი გავლენა მოახდინა მრავალმა ხარვეზმა. იუსტიციის უმაღლეს საბჭოში წარმართულმა პროცესმა ვერ შეძლო ობიექტური დამკვირვებლის დარწმუნება იმაში, რომ საბოლოოდ ყველაზე კომპეტენტური და კეთილსინდისიერი კანდიდატები წარედგინა საქართველოს პარლამენტს“, - აღნიშნულია დოკუმენტში.  სრულად... წყარო: ორგანიზაციის ვებგვერდი

თბილისი. „საერთაშორისო გამჭვირვალობა - საქართველო“ აქვეყნებს ბლოგ პოსტს: თადუმაძის დიპლომის ნამდვილობაზე კითხვებს პასუხი უნდა გაეცეს.  „ორგანიზაციის მიერ შესწავლილი დოკუმენტებით შეუსაბამობა დგინდება მოქმედი გენერალური პროკურორის, შალვა თადუმაძის დიპლომთან დაკავშირებით. კერძოდ, დიპლომში მითითებულია, რომ შალვა თადუმაძემ სასწავლებელში 1993 წელს ჩააბარა მაშინ, როდესაც თავად ინსტიტუტი 1994 წელს დაფუძნდა. შეუსაბამობა იკვეთება სასწავლებლის დამთავრების თარიღთან დაკავშირებითაც - დიპლომში 1998 წელია აღნიშნული, შალვა თადუმაძეს ბიოგრაფიაში კი 1999 წელი აქვს მითითებული“, ნათქვამია ორგანიზაციის ვებგვერდზე.  სრულად... წყარო: transparency.ge

თბილისი. საერთაშორისო გამჭვირვალობა - საქართველო 20 ივნისის საქმის გამოძიების ფარგლებში სახელმწიფოს ქმედებებს აფასებს.  „წარმოგიდგენთ ინფორმაციას სახელმწიფოს მიდგომებთან დაკავშირებით სამართალდამცავებისა და დემონსტრანტების მიმართ. მოყვანილი მაგალითები და სტატისტიკა შერჩევითი მიდგომის აღქმას აჩენს. გარკვეულ შემთხვევებში საგამოძიებო ორგანოების ქმედებები შესაძლოა სადამსჯელო შინაარსსაც ატარებდეს და სამომავლოდ აქციის მონაწილეების დაშინებისკენ იყოს მიმართული“, ნათქვამია ორგანიზაციის ვებგვერდზე.  სრულად... წყარო: transparency.ge

თბილისი. „საერთაშორისო გამჭვირვალობა - საქართველოს“ (TI) ინფორმაციით, აჭარის მუნიციპალიტეტებში მოქალაქეთა ჩართულობის მექანიზმების გამოყენების პრაქტიკა ნაწილობრივ გაუმჯობესდა.  „საერთაშორისო გამჭვირვალობა - საქართველომ“ ბათუმის, ხულოს, ქედის, შუახევის, ქობულეთისა და ხელვაჩაურის მუნიციპალიტეტების მერიებისგან და საკრებულოებისგან გამოითხოვა ინფორმაცია იმის დასადგენად, თუ რამდენად უწყობს ხელს არსებული კანონმდებლობა მოქალაქეთა ჩართულობის ამაღლებას, რამდენად იყენებენ მუნიციპალური ორგანოები კანონმდებლობის ამ შესაძლებლობას და რა საკითხების გადაწყვეტის ინიციატივით მიმართავენ მოქალაქეები ადგილობრივ თვიმმართველობებს“, - ნათქვამია TI-ის მიერ გავრცელებულ ინფორმაციაში, - „2017-2019 წლებში, 2015-2016 წლებთან შედარებით, აჭარის მუნიციპალიტეტებში მოქალაქეთა ჩართულობის მექანიზმების გამოყენების პრაქტიკა გაუმჯობესდა, თუმცა მიუხედავად ამისა, ადგილობრივმა თვითმმართველობებმა მოქალაქეთა ჩართულობის ხარისხის ასამაღლებლად მუშაობა უნდა გააძლიერონ”.  სრულად…  წყარო: ორგანიზაციის ვებგვერდი

თბილისი. საქართველოს ახალგაზრდა იურისტთა ასოციაცია (საია) აქვეყნებს შრომის კოდექსის პროექტის შენიშვნებს.  „მიუხედავად იმისა, რომ კოდექსის პროექტი მნიშვნელოვნად აუმჯობესებს დასაქმებული სამართლებრივ მდგომარეობას, საიას კოდექსის პროექტზე წარადგენს შენიშვნებს, რომელთა ერთი ნაწილი პრინციპული ხასიათისაა და მათზე შეთანხმება მნიშვნელოვანია საკანონმდებლო პროცესის შემდგომ გაგრძელებამდე, მეორე ნაწილი შეეხება იმ საკითხებს, რომლებიც ვფიქრობთ, რომ დამატებით უნდა იყოს გათვალისწინებული საკანონმდებლო პაკეტში, ხოლო რაც შეეხება შენიშვნების მესამე ნაწილს, ვფიქრობთ, რომ მნიშვნელოვანია ისინი განხილული იყოს კანონპროექტზე შემდგომი მუშაობის დროს“, ნათქვამია ორგანიზაციის ვებგვერდზე.  სრულად... წყარო: gyla.ge

თბილისი. საერთაშორისო გამჭვირვალობა - საქართველო აქვეყნებს კანონპროექტის შეფასების ანალიზს: სამინისტროებში ანაზღაურების წესის ცვლილებას სახელფასო უთანასწორობაზე არსებითი გავლენა არ მოუხდენია.  „კვლევის მიზანი იყო სამინისტროების ცენტრალურ აპარატებში ანაზღაურების უთანასწორობის ანალიზი და ახალი კანონის მიღების შემდეგ ტენდენციის აღწერა. ამ მიზნების მისაღწევად გამოვიყენეთ უწყებებში არსებული საშუალო და მედიანური ხელფასები. სრულყოფილი სურათისთვის ხელფასების შედარებისას, ასევე, გათვალისწინებულია პოლიტიკური თანამდებობის პირთა ანაზღაურება (მინისტრები და მოადგილეები), მიუხედავად იმისა, რომ მათზე ახალი კანონი 2021 წლამდე არ ვრცელდება“, ნათქვამია ორგანიზაციის ვებგვერდზე.  სრულად... წყარო: transparency.ge

თბილისი. საერთაშორისო გამჭვირვალობა - საქართველომ, თბილისის მიღმა, საქართველოს ყველა მუნიციპალიტეტის მერების, საკრებულოს თავმჯდომარეებისა და მათი მოადგილეების 300-ზე მეტი ქონებრივი დეკლარაცია შეისწავლა.  როგორც ორგანიზაციის ვებგვერდზე ვკითხულობთ, - „მონიტორინგის შედეგად, 78 დეკლარაციაში 128 სხვადასხვა დარღვევა გამოვლინდა. მათ შორის: დეკლარაციის არასრულად შევსების 56 ფაქტი, კომპანიებში კუთვნილი წილის სხვა პირისთვის მინდობით გადაუცემლობის 56 შემთხვევა, თანამდებობასთან შეუთავსებელი საქმიანობის 16 ფაქტი. ამასთან, 5 თანამდებობის პირთან დაკავშირებული კომპანიები სახელმწიფო ტენდერებსა და გამარტივებულ შესყიდვებში მონაწილეობენ“.  სრულად...  წყარო: ორგანიზაციის ვებგვერდი

თბილისი. საქართველოს დემოკრატიული ინიციატივა (GDI) აქვეყნებს ბლოგპოსტს: სიძულვილის ენა საჯარო სამსახურში.  „კვლევაში განხილულია საკანონმდებლო ჩარჩო, რომელიც ადგენს საჯარო სექტორში დასაქმებული პირების მიერ სიძულვილის ენის გამოუყენებლობას. ამ მხრივ განსაკუთრებული ყურადღება გამახვილებულია მთავრობის N200 დადგენილებაზე („საჯარო დაწესებულებაში ეთიკისა და ქცევის ზოგადი წესების განსაზღვრის შესახებ“) და „საჯარო სამსახურის შესახებ“ საქართველოს კანონზე, რომელიც განსაზღვრავს დისციპლინური წარმოების პროცედურებს. კვლევის პროცესში მოხდა იმ საჯარო მოხელეთა იდენტიფიცირება, რომლებიც იყენებენ სიძულვილის ენას საჯარო სივრცეში“, ნათქვამია ორგანიზაციის ვებგვერდზე.  სრულად... წყარო: gdi.ge

თბილისი. საერთაშორისო გამჭვირვალობა საქართველოს ინფორმაციით, წალენჯიხის საკრებულოს თავმჯდომარის ბიზნესპარტნიორი წალენჯიხაში ტენდერებს უკონკურენტოდ იგებს.  „„საერთაშორისო გამჭვირვალობა-საქართველოს” შეფასებით, შპს „წალენჯიხის საგზაო სამმართველოს” ტენდერებში გამარჯვება აჩენს ეჭვს, რომ, შესაძლოა, ისინი კონკრეტული მიმწოდებლისთვის სასურველ პირობებზე იყო მორგებული. შესაბამისად, მოვუწოდებთ სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს შპს „წალენჯიხის საგზაო სამმართველოს” მიერ მოგებული თითოეული ტენდერი და დაადგინოს, ხომ არ იყო ისინი შპს-სთვის სასურველ პირობებში გამოცხადებული“, ნათქვამია ორგანიზაციის ვებგვერდზე.  სრულად...  წყარო: www.transparency.ge

სამეგრელო. „საერთაშორისო გამჭვირვალობა-საქართველომ” ზუგდიდში, სამოქალაქო საბჭოს წევრების მიერ იდენტიფიცირებული პრობლემების შესრულების ანგარიში წარადგინა. ორგანიზაციამ, ასევე, ზუგდიდის მუნიციპალიტეტს მიაწოდა ინფორმაცია იმ პრობლემათა შესახებ, რომელთა მოგვარებასაც მოქალაქეები 2020 წლისთვის ითხოვენ. „ზუგდიდის მერიამ, 2019 წლისთვის ჩვენი საბჭოს წევრთა მიერ იდენტიფიცირებული 48 პრობლემიდან 24 საკითხის გადაჭრაზე გამოთქვა მზაობა, რომელთა დიდი ნაწილი უკვე დასრულებულია, ნაწილის გადაჭრა კი ახლა მიმდინარეობს“, ნათქვამია ორგანიზაციის გვერდზე სოციალურ ქსელში.  სრულად...  წყარო: ორგანიზაციის გვერდი სოციალურ ქსელში

თბილისი. საქართველოს დემოკრატიული ინიციატივა (TDI) აქვეყნებს ეროვნული უმცირესობების დაცვის შესახებ ევროპული ჩარჩო კონვენციის (FCNM) საკონსულტაციო კომიტეტის მესამე ანგარიშს საქართველოზე.  „საკონსულტაციო კომიტეტი აღნიშნავს, რომ ევროპის ქვეყნების მსგავსად, მზარდი შეუწყნარებლობა საქართველოშიც ვლინდება. ამავე დროს, საქართველომ მნიშვნელოვნად გააუმჯობესა საკუთარი შესაძლებლობები სიძულვილით მოტივირებულ დანაშაულთან საბრძოლველად, განსაკუთრებით, შინაგან საქმეთა სამინისტროს ადამიანის უფლებათა დეპარტამენტის ჩამოყალიბებით, რომელსაც ევალება სპეციფიკური დანაშაულების, მათ შორის, სიძულვილით მოტივირებული დანაშაულების მონიტორინგი“, ნათქვამია ორგანიზაციის ვებგვერდზე.  სრულად... წყარო: ორგანიზაციის გვერდი სოციალურ ქსელში