თბილისში. 12 მარტს, ინფორმაციის თავისუფლების განვითარების ინსტიტუტსა და საქართველოს ხელოვნური ინტელექტის ასოციაციას შორის ურთიერთთანამშრომლობის მემორანდუმი გაფორმდა. მემორანდუმის ფარგლებში, ორგანიზაციები მხარს დაუჭერენ ერთმანეთის საქმიანობას და განახორციელებენ ერთობლივ აქტივობებს საქართველოში ხელოვნური ინტელექტის ეკოსისტემის, მისი ქვეყნის სოციალური და დემოკრატიული ინსტრუმენტად ჩამოყალიბებისა და ხელოვნურ ინტელექტზე დაფუძნებული საჯარო სერვისებისა და შესაბამისი პოლიტიკის განვითარების მიზნით.  წყარო: ინფორმაციის თავისუფლების განვითარების ინსტიტუტი

თბილისი. სოციალური საწარმოები "ტენე" და "ბაბალე" თიბისის ბიზნეს დაჯილდოების გამარჯვებულები არიან. ნომინაციაში გამორჩეული სოციალური პასუხისმგებლობისთვის გაიმარჯვა #ბაბალემ, სადაც დასაქმებულია დაუნის სინდრომის მქონე 4 ახალგაზრდა, ხოლო შეზღუდული შესაძლებლობების მქონე 16 მოზარდი წინაპროფესიულ მომზადებას გადის.  ბაბალეს შესახებ მეტი ინფორმაციისთვის ...  მწვანე ინიციატივების ხელშეწყობისთვის ჯილდო გადაეცა #ტენეს, უნიკალურ პროექტს, რომელიც ეკომეგობრულ USB კაბელებს საქართველოში მოძიებული პოლიეთილენის ნარჩენებისგან ამზადებს.  გაიგე მეტი ტენეს შესახებ... #ბაბალესა და #ტენეს ვულოცავთ მათი საქმიანობის კიდევ ერთ აღიარებას. აღსანიშნავია, რომ "აქციოს" მიერ მხარდაჭერილი სოციალური საწარმოები, საქართველოს ბიზნესსექტორის ეკოსისტემაში გამორჩეულ პრაქტიკასა და დადებითი ცვლილებების გავლენას ქმნიან.  საქართველოში პირველი გავლენის ფონდი "აქციო“ საქართველოს სტრატეგიული კვლევებისა და განვითარების ცენტრის (CSRDG) მიერ 2022 წელს, ევროკომისიისა (DG Near) და Impact Europe-ის მხარდაჭერით დაფუძნდა.  წყარო: აქციო

თბილისი. საბჭოთა წარსულის კვლევის ცენტრი აქვეყნებს ფოტოებს „ქალები 1930-იანი წლების თბილისიდან“. ფოტოები სოვლაბის საზოგადოებრივი არქივის კოლექციიდან არის. კერძოდ, სერიიდან „ფოტოგრაფი მეოთხე სართულიდან“.  შეგახსენებთ, რომ 2022 წელს, ძველმანების ბაზრობაზე ნაყიდ დიდ შავ ჩემოდანში, ფართო ფორმატის 500-მდე მინის ნეგატივი იყო ჩალაგებული. დიგიტალიზაციის ხანგრძლივი პროცესის შემდეგ, უცნობი ფოტოგრაფის არქივი 1930–იანი წლების თბილისის და საქართველოს სხვადასხვა მხარის ცხოვრებას და ყოველდღიურობას ასახავს.  წყარო: საბჭოთა წარსულის კვლევის ლაბორატორია

ქვემო ქართლი.7 მარტს, მომავლის ფერმერის ორგანიზებით წალკაში ადგილობრივი ფერმერებისთვის ტრენინგი „საგაზაფხულო კლიმატური ცვლილებების გავლენა მეცხოველეობის ფერმებში“ გაიმართა. ტრენინგი სოფლის განვითარების სააგენტოს, ქვემო ქართლის რეგიონული სამსახურის უფროსმა, ირაკლი ხოზრევანიძემ ჩაატარა. აღნიშნული აქტივობა ხორციელდება მერსი ქორის კავკასიის ალიანსების პროგრამა 2 შვეიცარიის განვითარების სააგენტოს(SDC), ავსტრიის განვითარების სააგენტოს(ADC) და შვედეთის ფინანსური მხარდაჭერით, პროექტის “კლიმატთან ადაპტირებული მეცხოველეობა” ფარგლებში. სრულად... წყარო: მომავლის ფერმერი

ქვემო ქართლი. 4 მარტს, მარნეულში ახალგაზრდული ფორუმი გაიმართა.  ფორუმში მონაწილეობას იღებდნენ ნიდერლანდების საგანგებო და სრულფასოვანი ელჩი, სამოქალაქო აქტივისტები, არასამთავრობო ორგანიზაციებისა და მედიის წარმომადგენლები და პროექტში „პრაქტიკული პოლიტიკის სკოლები ქვემო ქართლის რეგიონში“ აქტიურად ჩართული ოთხი მუნიციპალიტეტის ახალგაზრდები. პროექტი ხორციელდება ახალი აზროვნების ინსტიტუტისა და კავკასიური სახლის პარტნიორობით. პროექტს მხარს უჭერს ნიდერლანდების საელჩო საქართველოში.  სრულად...  წყარო: კავკასიური სახლი

გურია. 2 მარტს, სოფელ ჩიბათის საჯარო სკოლამ საერთაშორისო რესპუბლიკური ინსტუტის პროექტ ააშენე საქართველოს ღონისძიება „გაიცანი ევროპას“ უმასპინძლა. ღონისძიებების სერიები გურიის რეგიონის სამი მუნიციპალიტეტის 35-მდე სკოლის მოსწავლისა და მასწავლებლის ერთობლივი ინიციატივაა. ღონისძიების მიზანია საქართველოს EU-ში ინტეგრაციის პროცესის შესახებ გურიის რეგიონში ახალგაზრდების ცნობიერების ამაღლებას. პროექტი „ააშენე საქართველო“ მიზნად ისახავს სხვადასხვა სფეროში წარმატებული ლიდერების და წამყვანი ექსპერტების ჩართულობას საქართველოში მიმდინარე პროცესებში, რათა ერთობლივად შეიმუშაონ ქვეყანაში არსებული პრობლემების გადაჭრის გზები.  სრულად... წყარო: საერთაშორისო რესპუბლიკური ინსტიტუტი საქართველო

თბილისი. საქართველოს დაუნის სინდრომის ასოციაციამ დაუნის სინდრომის მსოფლიო დღესთან დაკავშირებული კამპანია პოსტერებით დაიწყო. კამპანიის ფარგლებში საქართველოს დაუნის სინდრომის ასოციაციასთან, ითანამშრომლა ACAG - მა, საქართველოს საკომუნიკაციო სააგენტოების ასოციაციამ. საქართველოს საკომუნიკაციო სააგენტოების ასოციაციის თერთმეტმა კრეატიულმა სააგენტომ იმუშავა წლევანდელ გზავნილზე, რომელიც სტერეოტიპების ერთობლივად დასრულებას უკავშირდება. სრულად... წყარო: საქართველოს დაუნის სინდრომის ასოციაცია

თბილისი. ტოლერანტობის და მრავალფეროვნების ინსტიტუტი, 6 მარტს საჯარო დისკუსიას „რელიგიისა და რწმენის თავისუფლება და ქალთა უფლებები“ გამართავს.  შეხვედრაზე მოისმენთ განსხვავებული იდენტობისა და სფეროს წარმომადგენელ ქალთა პერსპექტივებს. დისკუსიის მიზანია, უფლებების დაცვის მნიშვნელობაზე მსჯელობა და ამ კუთხით საქართველოში არსებულ პრობლემების განხილვა.  ღონისძიება იმართება გაეროს განვითარების პროგრამისა (UNDP) და ნორვეგიის მხარდაჭერით, ინიციატივის „ლიდერობა, თანასწორობა, ადვოკატირება და დემოკრატია“(LEAD) ფარგლებში.  სრულად...   წყარო: ტოლერანტობის და მრავალფეროვნების ინსტიტუტი

სამეგრელო. ფოთში ქალაქის ცენტრალურ პარკში, მულტიფუნქციური ადაპტირებული სივრცე გაიხსნა.  ამ პროექტის განხორციელება მოიცავდა ქალაქის განვითარებაში სისტემური მიდგომის დანერგვას და მდგრადი და ინკლუზიური ურბანული ტრანსფორმაციის ხელშეწყობას.  ფოთის მუნიციპალიტეტმა ეს სივრცე შექმნა ადამიანზე ორიენტირებული დიზაინის გამოყენებით ევროკავშირისა და გაეროს განვითარების პროგრამის (UNDP) მხარდაჭერით, ერთობლივი ინიციატივის „მერები ეკონომიკური ზრდისთვის“ ფარგლებში.  სრულად... წყარო: გაეროს განვითარების პროგრამა

თბილისი. 11 მაისს, თბილისში, ექსპო ჯორჯიაში ევროპის დღის მასშტაბური ღონისძიებები გაიმართება. გასული წლის ევროპის აქტვიობები იხილეთ ბმულზე ... სრულად...  წყარო: ევროკავშირის წარმომადგენლობა საქართველოში

თბილისი. საქართველოს დაუნის სინდრომის ასოციაცია იწყებს რიგით მე-13 კამპანიას დაუნის სინდრომის მსოფლიო დღესთან დაკავშირებით.  ყოველწლიურად, 21 მარტს, დაუნის დინრომის საკითხებზე მომუშავე ორგანიზაციები, ქმნიან მსოფლიო გზავნილს, რომლის ირვლივაც ერთიანდება საზოგადოება, დაუნის სინდრომის მქონე პირები, მათი ოჯახის წევრები, მხარადმჭერები, სამოქალაქო, კერძო და საჯარო სექტორი, იგეგმება მათი სამუშაო პროცესები და მიმცინარე წლის გეგმები.  2024 წლის გზავნია #ერთადდავასრულოთსტერეოტიპები  სრულად...   წყარო: საქართველოს დაუნის სინდრომის ასოციაცია

თბილისი. ევროკავშირმა რუსეთის წინააღმდეგ სანქციების მე-13 პაკეტი მიიღო. პაკეტი ფოკუსირებულია რუსეთისთვის სამხედრო ტექნოლოგიებზე ხელმისაწვდომობის შემდგომ შეზღუდვასა და რუსეთის ომში ჩართული დამატებითი კომპანიებითა და პირებით დასანქცირებულთა სიის გავრცობაზე. სრულად... წყარო: ევროკავშირის წარმომადგენლობა საქართველოში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. საქართველოს სტრატეგიული კვლევებისა და განვითარების ცენტრი აქვეყნებს ვიდეოს წყლის რესურსების მართვის შესახებ.  „საქართველო, წყლის რესურსებით საკმაოდ მდიდარი ქვეყანაა, თუმცა თუ წყალი სუფთა არ არის, ის ყველაფრისთვის უვარგისი ხდება.  თუ როგორ უნდა მოვიხმაროთ ეს მნიშვნელოვანი რესურსი ისე, რომ რაც შეიძლება ნაკლებად დავაზიანოთ და მისგან მაქსიმალური სარგებელი მივიღოთ“, ნათქვამია ორგანიზაციის გვერდზე სოციალურ ქსელში, ვიდეო რგოლი შეიქმნა #CSRDG-ის მიერ, პროექტის "სამოქალაქო საზოგადოების ინიციატივა" ფარგლებში, ევროკავშირისა და კონრად ადენაუერის ფონდის (KAS) მხარდაჭერით.  ვიდეო წყარო: საქართველოს სტრატეგიული კვლევებისა და განვითარების ცენტრი

იმერეთი. ადგილობრივი დემოკრატიის სააგენტო საქართველომ ჩაატარა საინფორმაციო შეხვედრები ქუთაისის უნივერსიტეტსა და აკაკი წერეთლის სახელმწიფო უნივერსიტეტში.  შეხვედრაზე დეტალურად იქნა განხილული პროექტის „ახალგაზრდების ხმა ადგილობრივ თვითმმართველობაში“ მიზნები, აქტივობები და მათში ჩართვის შესაძლებლობები.  განსაკუთრებული ყურადღება დაეთმო პროექტის ფარგლებში დაგეგმილი ახალგაზრდული საინიციატივო ჯგუფების შექმნის მიზანსა და ფუნქციას. პროექტი „ ახალგაზრდების ხმა ადგილობრივ თვითმმართველობაში ხორციელდება ამერიკის შეერთებული შტატების საერთაშორისო განვითარების სააგენტოს(USAID) ფინანსური მხარდაჭერით და მიზნად ისახავს ახალგაზრდების ჩართულობის გაზრდას ადგილობრივ დონეზე გადაწყვეტილებების მიღების პროცესში. სრულად... წყარო: ადგილობრივი დემოკრატიის სააგენტო საქართველო

თბილისი. საქართველოს ახალგაზრდა იურისტთა ასოციაცია ნინო ნოზაძის ბლოგს „ანგარიშვალდებულების ნაკლებობა იუსტიციის უმაღლეს საბჭოში“ აქვეყნებს.  ბლოგი მომზადდა ნინო ნოზაძის მიერ, USAID Rule of Law Program I USAID სამართლის უზენაესობის პროგრამა მხარდაჭერით მიმდინარე, საიას პროექტის ფარგლებში.  USAID სამართლის უზენაესობის პროგრამას ახორციელებს აღმოსავლეთ - დასავლეთის მართვის ინსტიტუტი (EWMI) ამერიკის შეერთებული შტატების საერთაშორისო განვითარების სააგენტოს (USAID) დაფინანსებით.  იხილეთ ბლოგი ვრცლად...   წყარო: საქართველოს ახალგაზრდა იურისტთა ასოციაცია

სამეგრელო-ზემო სვანეთი. საქართველოს ადგილობრივ თვითმმართველობათა ეროვნული ასოციაციის (ათეა) ორგანიზებითა და გაეროს ბავშვთა ფონდის (UNICEF) მხარდაჭერით, პროექტის: „ადგილობრივი და ცენტრალური ხელისუფლების მხარდაჭერა ბავშვზე მორგებული სოციალური პროგრამირების განვითარებაში“ ფარგლებში, ქალაქ ფოთში, სამეგრელო-ზემო სვანეთის ინტერმუნიციპალური პლატფორმის IV სამუშაო შეხვედრა გაიმართა.  შეხვედრაში, რომელიც მუნიციპალური სოციალური სერვისების დაგეგმვის მექანიზმებზე მსჯელობასა და საუკეთესო პრაქტიკების გაზიარებას დაეთმო, სამეგრელო-ზემო სვანეთის მუნიციპალიტეტების ხელმძღვანელი პირები, ასევე სოციალური სამსახურებისა და ბავშვის განყოფილებების უფროსები/სპეციალისტები იყვნენ ჩართულნი.  სრულად... წყარო: საქართველოს ადგილობრივ თვითმმართველობათა ეროვნული ასოციაცია

თბილისი. სამართლიანი არჩევნები საქართველოში ფეისბუქისა და ინსტაგრამის პლატფორმებზე განთავსებული რეკლამების რაოდენობის, მათი განმთავსებელისა და დანახარჯების კვარტალურ მიმოხილვას აქვეყნებს. „„მეტას“ პოლიტიკური რეკლამების ბიბლიოთეკის (Ad Library) მონაცემების მიხედვით, 2023 წლის 1 ოქტომბრიდან 29 დეკემბრის ჩათვლით პერიოდში ფეისბუქისა და ინსტაგრამის პლატფორმებზე საქართველოში მყოფი მომხმარებლებისთვის სოციალური/პოლიტიკური რეკლამა 846-მა გვერდმა/ანგარიშმა განათავსა, 288-ით მეტმა, ვიდრე წინა კვარტალში.“ - ნათქვამია მიმოხილვაში სრულად... წყარო: სამართლიანი არჩევნები

თბილისი. 27 თებერვალს, ინფორმაციის თავისუფლების განვითარების ინსტიტუტმა და USAID-ის ეკონომიკური მმართველობის პროგრამამ კერძო სექტორისთვის ღია სამთავრობო მონაცემების საჭიროების საკითხებზე კერძო-საჯარო დიალოგი გამართა.  კვლევის ფარგლებში ამავე საკითხზე მომზადებული კვლევის შედეგები იქნა წარდგენილი.  აღნიშნული კვლევა არის ერთ-ერთი პირველი ანალიტიკური ნაშრომი, რომელშიც ევროკავშირის ქვეყნებში გამოყენებული მეთოდოლოგიების ადაპტირებითა და საქართველოს ეკონომიკური მაჩვენებლების გათვალისწინებით, გამოთვლილია ღია მონაცემების ბაზრის, მათ შორის პირდაპირი და არაპირდაპირი ბაზრის ზომა საქართველოსთვის, ასევე, გამოვლენილია ღია მონაცემებზე მაღალი გავლენისა და პოტენციალის მქონე სექტორები  სრულად... წყარო: ინფორმაციის თავისუფლების განვითარების ინსტიტუტი

იმერეთი. იმერეთის რეგიონული ჰაბის - ადგილობრივი დემოკრატიის სააგენტო საქართველოს ორგანიზებით გაიმართა სამდღიანი სემინარი საქთარვის საჯარო სკოლის ახალგაზრდული კლუბის წევრებთან თერჯოლის მუნიციპალიტეტში. ემინარებზე ჰაბის წარმომადგენლებმა განიხილეს სამოქალაქო საზოგადოების დემოკრატიული ფუნქციები; სოციალური კაპიტალი; სამოქალაქო საზოგადოების მნიშვნელობა და როლი. შეხვედრები ჩატარდა ევროკავშირისა და კონრად ადენაუერის ფონდის მხარდაჭერით, პროექტის "სამოქალაქო საზოგადოების ინიციატივა" ფარგლებში. სრულად... წყარო: სამოქალაქო საზოგადოების ინიციატივა

თბილისი. ევროკავშირის წარმომადგენლობა საქართველოში, ევროკავშირის ელჩის განცხადებას, არასამთავრობო ორგანიზაციების მსოფლიო დღესთან დაკავშირებით აქვეყნებს.  „არასამთავრობო ორგანიზაციების საერთაშორისო დღესთან დაკავშირებით, ნება მიბოძეთ კვლავ დავადასტურო ევროკავშირის ერთგულება, მხარი დაუჭიროს არასამთავრობო ორგანიზაციების მუშაობას საქართველოში და მის ფარგლებს გარეთ.  მათი არსებითი ჩართულობის უზრუნველყოფა გადამწყვეტია ყველასთვის უფრო სამართლიანი, თანასწორუფლებიანი და კეთილდღეობით აღსავსე მომავლის ასაშენებლად.“ - ნათქვამია განცხადებაში  იხილეთ ვრცლად...  წყარო: ევროკავშირის წარმომადგენლობა საქართველოში

გურია. ახალგაზრდა პედაგოგთა კავშირის ლიდერთა სკოლის თანატოლგანმანათლებლების ორგანიზებით ჩატარდა თემატური ტრენინგი ნარჩენების მართვის შესახებ.  შეხვედრები ჩატარდა ოზურგეთისა და ჩოხატაურის მუნიციპალიტეტის საჯარო სკოლებში ( სოფ. ასკანა, სოფ. ვაკიჯვარი, სოფ. გურიანთა, სოფ. გუთური, სოფ. შუა ამაღლება, დაბა ლაითური, N2, N4).  სესიები მოიცავდა ისეთ მნიშვნელოვან საკითხებს, როგორიცაა: ევროპული სტანდარტით ნარჩენების მართვის იერარქია, სპეციფიკური ნარჩენები, ელემენტების ხელახალი გამოყენება, 3R ინიციატივა, მწარმოებლის გაფართოებული პასუხისმგებლობა და სხვ. პროექტი „უკეთესი მომავლისთვის“ ხორციელდება „ახალგაზრდა პედაგოგთა კავშირის“ მიერ გერმანული ფონდის Brot für die Welt ფინანსური მხარდაჭერით  სრულად... წყარო: ახალგაზრდა პედაგოგთა კავშირი