დაიწყო ინფორმაციის თავისუფლების განვითარების ინსტიტუტის (IDFI) კარგი მმართველობის სკოლა, რომლის ფარგლებშიც ახალგაზრდები გაიღრმავებენ თეორიულ და პრაქტიკულ ცოდნასა და უნარებს კარგი მმართველობის, საჯარო ადმინისტრირების, კორუფციასთან ბრძოლისა და ხელისუფლების სხვადასხვა შტოს გამჭვირვალობის რეფორმებთან დაკავშირებით. მათ შორის ევროინტეგრაციის ჭრილში. ასევე, გაეცნობიან და პრაქტიკაში გამოიყენებენ საჯარო ფინანსების განკარგვისა და ხელისუფლების საქმიანობის სამოქალაქო კონტროლისა და მონიტორინგის მექანიზმებს.  სკოლის ორგანიზება მხარდაჭერილია USAID-ის საჯარო მმართველობის პროგრამის მიერ.  წყარო: IDFI

კითხვის სიყვარული ბავშვს კარს უღებს თავგადასავლებისა და ახალი ცოდნის სამყაროში და სძენს მთელ რიგ საკვანძო ენობრივ უნარებს, როგორიცაა მეტყველების განვითარება და სიტყვების მარაგის გამდიდრება. წიგნების კითხვაში გატარებული დრო გჩუქნით განსაკუთრებულ მომენტებს ბავშვთან კავშირის დასამყარებლად და ერთმანეთთან ურთიერთობით დასატკბობად.  დღეში სულ რაღაც 10-15 წუთი, რომელსაც თქვენი ცნობისმოყვარე პატარა წიგნთან გაატარებს, საკმარისია იმისთვის, რომ მასში ინტერესის ნაპერწკალი გააღვივოს. გაეცანით ჩვენს საუკეთესო რჩევებს, თუ როგორ შევაყვაროთ ბავშვს ლიტერატურა. გაეცანით გაეროს ბავშვთა ფონდის რჩევებს ამ საკითხზე... წყარო: გაეროს ბავშვთა ფონდი

ქვემო ქართლი. გაეროს სახლს, სამოქალაქო განვითარების სკოლის მეორე ნაკადის მონაწილეები ესტუმრნენ. სკოლა ქვემო ქართლის რეგიონში მცხოვრებ 70-ზე მეტ ახალგაზრდას აერთიანებს და მათ არაფორმალურ განათლებას ემსახურება. 6 თვის განმავლობაში სკოლის მონაწილეები, ლექციებისა და საჯარო დისკუსიების მეშვეობით, ადამიანის უფლებებთან, მრავალფეროვნებასა და თანასწორობასთან, მედიასა და ციფრულ წიგნიერებასთან, დისკრიმინაციისა და ძალადობის აღმოფხვრასთან დაკავშირებულ საკითხებს გაეცნენ. „წითელი ხიდის“ სამოქალაქო განვითარების სკოლა, გაეროს განვითარების პროგრამის, და ნორვეგიის მხარდაჭერით და საქართველოს პარლამენტის ეროვნულ ბიბლიოთეკასთან თანამშრომლობით შეიქმნა. სრულად...  წყარო: გაეროს განვითარების პროგრამა

იმერეთი. დასრულდა სოციალური მეწარმეობის 60 საათიანი ტრენინგ-კურსი საპოლოტედ შერჩეული პროფესიული სასწავლებლების სტუდენტებისთვის. ტრენინგ-კურსის მოდული, სპეციალურად შეიქმნა პროექტის ფარგლებში მოწვეული ექსპერტების მიერ, რომლებმაც ასევე კურსის განმახორციელებელი მასწავლებლებისათვის ტრენერთა ტრენინგი ჩაატარეს. კოლეჯების „იბერია“, „კონსტრუქტ2“, „განთიადი“ და აკაკი წერეთლის სახელმწიფო უნივერსიტეტის პროფესიული სასწავლო ცენტრის სტუდენტთა პირველ ნაკადს, შესაძლებლობა ჰქონდა გასცნობოდა ისეთ თემებს როგორებიცაა: ბიზნესის წარმატებისთვის საჭირო ეკონომიკური მაჩვენებლების განსაზღვრა და გაანგარიშება; საკუთარ სამეწარმეო კომპეტენციებზე სამომავლო განვითარების გეგმის დასახვა; მომავლის შესაძლებლობების ამოცნობა და ოპტიმიზაცია; იდეების გენერირება, განვითარება და შეფასება; ბიზნესის დაგეგმვა; რესურსების მართვა და გამარტივებული ფინანსური აღრიცხვა ანგარიშგება.  ტრენინგი ორგანიზებული იყო პროექტის „სოციალური მეწარმეობის უნარების გაძლიერება პროფესიულ სასწავლებლებში“ ფარგლებში, რომელიც ხორციელდება განათლების განვითარებისა და დასაქმების ცენტრის (EDEC) მიერ ChildFund Deutschland-თან პარტნიორობით, ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით.  წყარო: განათლების განვითარებისა და დასაქმების ცენტრი

თბილისი. ახალი ეკონომიკური სკოლა მოქმედ და მომავალ მასწავლებლებს სთავაზობს ტრენინგებს – სიმულაციური თამაშები მასწავლებლებისთვის, რომელიც ეკონომიკური და მეწარმეობის მიმართულებით ცოდნის გაღრმავებას ითვალისწინებს. სრულად... წყარო: ახალი ეკონომიკური სკოლა

ევროკომისიის მიერ შექმნილი “სწავლა-სწავლების პროცესში ხელოვნური ინტელექტისა (AI) და მონაცემების გამოყენების ეთიკური გზამკვლევი” უკვე ხელმისაწვდომია ქართულ ენაზე. გზამკვლევი განკუთვნილია დაწყებითი და საშუალო სკოლის პედაგოგების და განათლების სფეროს სპეციალისტებისთვის, რომლებსაც ციფრული განათლების მცირე გამოცდილება აქვთ, ან საერთოდ არ აქვთ.  სრულად... წყარო: ევროკავშირის წარმომადგენლობა

სამცხე–ჯავახეთი. 11-15 ივნისს ბორჯომში ჩატარდა ტოლერანტობის და მრავალფეროვნების ინსტიტუტისა (TDI) და ოსლოს უნივერსიტეტის ადამიანის უფლებათა ნორვეგიული ცენტრის ერთობლივი საერთაშორისო-სასერტიფიკატო კურსის “რელიგიისა და რწმენის თავისუფლება ყველასთვის” დასკვნითი, ორი ორდღიანი სემინარი. სემინარებს უძღვებოდნენ ოქსფორდის უნივერსიტეტის, ოსლოს უნივერსიტეტის ადამიანის უფლებათა ნორვეგიული ცენტრის, საერთაშორისო გამოცემა Forum 18-სა და TDI-ს წამყვანი ექსპერტები.  კურსი ჩატარდა გაეროს განვითარების პროგრამისა და ნორვეგიის მხარდაჭერით, ინიციატივის „ლიდერობა, თანასწორობა, ადვოკატირება და დემოკრატია“ (LEAD) ფარგლებში, ასევე რელიგიისა და რწმენის თავისუფლებაზე ოსლოს კოალიციის პროექტის ფარგლებში, ოსლოს უნივერსიტეტის ადამიანის უფლებათა ნორვეგიულ ცენტრთან თანამშრომლობითა და ნორვეგიის საგარეო საქმეთა სამინისტროს მხარდაჭერით.  სრულად... წყარო: ტოლერანტობის და მრავალფეროვნების ინსტიტუტი

თბილისი. მოსწავლეთა მშობლების ინფორმირებულობის და სკოლებში აქტიური ჩართულობის გაზრდის მიზნით არასამთავრობო ორგანიზაცია „მშობლები განათლებისთვის“ (P4E) ახალ პროექტს იწყებს. პროექტი სკოლამდელი და სასკოლო ასაკის ბავშვების მშობლებისთვის იქნება საინტერესო, ასევე, პედაგოგებს და სკოლის დირექტორებს დაეხმარება მოსწავლეთა მშობლებთან თანამშრომლობაში.  პროექტის ფარგლებში მოეწყობა მშობლების შეხვედრები ფსიქოლოგებთან, რათა უკეთ დაეხმარონ შვილებს სწავლაში და თავისუფალ, პასუხისმგებლიან პიროვნებად ჩამოყალიბებაში. ასევე, მშობლები შეხვდებიან განათლების სპეციალისტებს და შეისწავლიან სასკოლო ცხოვრებაში მონაწილეობის კონკრეტულ გზებსა და შესაძლებლობებს.  სრულად...  წყარო: მშობელთა განათლება

თბილისი. 23 მარტს, განათლების განვითარების და დასაქმების ცენტრმა (EDEC), მონაწილეობა მიიღო საქართველოს განათლებისა და ბიზნესის ეროვნული აკადემიის ორგანიზებით გამართულ მასწავლებელთა საერთაშორისო კონფერენციაში „მოხალისეობრივი კულტურის გაძლიერება სასკოლო ცხოვრებაში“.  კონფერენციის მიზანია მასწავლებელთა პროფესიული და პედაგოგიურ-პრაქტიკული კვლევის უნარ-ჩვევების განვითარებას, პედაგოგიური გამოცდილების გაზიარებას, სწავლა-სწავლების ხარისხის ამაღლებასა და თანამშრომლობაზე დაფუძნებული სწავლებისთვის ხელშეწყობას. კონფერენციას მასწავლებლის ეროვნული ჯილდოს გამარჯვებულები, National Teacher’s უცხოელი პედაგოგები სხვადასხვა ქვეყნიდან, საჯარო და კერძო სკოლის დირექტორები და წარმატებული პედაგოგები ესწრებოდნენ.  სრულად...  წყარო: განათლების განვითარების და დასაქმების ცენტრი

თბილისი. მასწავლებლის ეროვნული ჯილდოს 2024 წლის კამპანიის ფარგლებში 28 მარტს 5 საათზაიმართება ვებინარი: "მოსწავლეთა სასწავლო შედეგებზე დაკვირვება: ანალიზის მიდგომები და ინსტრუმენტები".  ვებინარს წარუძღვება განათლების მკვლევარი, მასწავლებლის ეროვნული ჯილდოს ჟიურის წევრი, სიმონ ჯანაშია.  სრულად...  წყარო: CTC

თბილისი. სამოქალაქო საზოგადოების ინსტიტუტის სათემო ადვოკატირების ონლაინ კურსზე სწავლა დაიწყო და პირველ გაცნობითი ხასიათის შეხვედრაც გაიმართა. შეხვედრაზე ძირითადი აქცენტი გაკეთდა სასწავლო პროცესის და კურსის მონაწილეების გაცნობაზე. კურსზე ჩარიცხული მონაწილეების უმეტესობა აქტიური მოქალაქეები არიან, რომლებსაც სურვილი აქვთ უკეთესობისკენ შეცვალონ თავიანთი რეგიონი თუ სოფელი. იმედი გვაქვს, რომ კურსი ძალიან დიდი წვლილს შეიტანს ამ საქმეში.  კურსი ხორციელდება USAID-ს ადგილობრივი თვითმმართველობის პროგრამის ფარგლებში. კურსზე სულ შემოვიდა 309 აპლიკაცია, ჩაირიცხა 92 მონაწილე სხვადასხვა მუნიციპალიტეტიდან.

შიდა ქართლი. 19 მარტს, გორში, განათლების განვითარების და დასაქმების ცენტრმა (EDEC), პროექტის „სოციალური მეწარმეობის უნარების გაძლიერება პროფესიულ სასწავლებლებში“ პრეზენტაცია გამართა. ღონისძიებას განათლების, კერძო სექტორის, მედიის, სამოქალაქო ორგანიზაციების, სამთავრობო ინსტიტუტების, ხელისუფლებისა და საპილოტე სკოლების წარმომადგენლები ესწრებოდნენ. 30 თვიანი პროექტი „სოციალური მეწარმეობის უნარების გაძლიერება პროფესიულ სასწავლებლებში“, მიზნად ისახავს საქართველოში ახალგაზრდების სოციალური და ეკონომიკური შესაძლებლობების გაუმჯობესებას, სოციალური სამეწარმეო ეკოსისტემის გაძლიერებით და პროფესიული სწავლებით.  სრულად... წყარო: განათლების განვითარების და დასაქმების ცენტრი

თბილისი. წლის საუკეთესო სამოქალაქო განათლების პედაგოგთა კონკურსისთვის განაცხადების მიღება 24 მარტის ჩათვლით იქნება შესაძლებელი.  კონკურსი USAID-ის სამოქალაქო განათლების პროგრამის ფარგლებში ტარდება, გამარჯვებულები კი 2024 წლის ივნისში დაგეგმილ სამოქალაქო განათლების პედაგოგთა წლიურ კონფერენცია-გამოფენაზე გამოვლინდებიან.  კონკურსში მონაწილეობა შეუძლიათ საქართველოს ზოგადსაგანმანათლებლო საჯარო და კერძო დაწესებულებების სამოქალაქო განათლების მასწავლებლებს, მათ შორის ისეთი სკოლებიდან, რომლებიც არ არიან ჩართული USAID-ის სამოქალაქო განათლების პროგრამაში.  სრულად... წყარო: USAID სამოქალაქო განათლების პროგრამა

თბილისი. სამოქალაქო საზოგადოების ინსტიტუტის (CSI) ადგილობრივი თვითმმართველობის და მოქალაქეთა მონაწილეობის ონლაინ სასწავლო პროგრამის I მოდულის მონაწილეებისთვის, 15 მარტს, გაიმართა დისკუსიის ფორმატის, კიდევ ერთი, შეხვედრა ZOOM პლატფორმის საშუალებით. შეხვედრის თემატიკა იყო საჭიროებების კვლევის მეთოდები და მუნიციპალიტეტის ორგანოების საქმიანობის გამჭირვალობა, ინფორმაციის ხელმისაწვდომობის ფორმები და სტანდარტები. შეხვედრა პროგრამის ლექტორებთან მარიამ კობალაძესთან და ლევან ფანიაშვილთან ერთად წარიმართა. შესაბამისად, მონაწილეებს შესაძლებლობა ჰქონდათ დაესვათ მათთვის საინტერესო კითხვები. ონლაინ პროგრამაზე ჩარიცხულია 32 მუნიციპალიტეტის 128 წარმომადგენელი, მათ შორის არიან მერიის, საკრებულოს და მრჩეველთა საბჭოს წარმომადგენლები. პროგრამის I მოდულზე სწავლა 18 მარტს დასრულდება, რის შემდეგაც სასწავლო პროცესი II მოდულზე დაიწყება. კურსზე სწავლა სრულად დაფინანსებულია USAID-ის ადგილობრივი თვითმმართველობის პროგრამის მიერ.

თბილისი. სამართლიანი არჩევნები კავკასიის უნივერსიტეტის სტუდენტებისთვის იწყებს სასერტიფიკატო კურსს “დეზინფორმაცია და პროპაგანდისტული ნარატივები სოციალურ მედიაში”.  სასწავლო კურსის ფარგლებში სტუდენტები მიიღებენ ზოგად ცოდნას დეზინფორმაციისა და პროპაგანდის შესახებ, ასევე გამოიმუშავებენ ინფორმაციის გადამოწმებისა და დეზინფორმაციის ამოცნობის უნარებს.  კურსის ბოლოს სტუდენტები წარადგენენ ესეებს, ხოლო ორი საუკეთესო სტუდენტი გაივლის სტაჟირებას სამართლიანი არჩევნების სოციალური მედიის მონიტორინგის გუნდში.  წყარო: სამართლიანი არჩევნები

თბილისი. განვითარებისა და ჩართულობის პლატფორმამ ახალი კვლევა გამოაქვეყნა: „უმაღლესი და პროფესიული განათლების მიღების ბარიერები ეთნიკურად არადომინანტური ჯგუფის წარმომადგენელი ახალგაზრდებისთვის საქართველოში“. „კომპლექსური დიზაინიდან გამომდინარე, მოგვეცა შესაძლებლობა განათლების მიღების პროცესში, ეთნიკურად სომეხი და აზერბაიჯანელი ახალგაზრდების წინაშე მდგარი გამოწვევები სხვადასხვა პერსპექტივიდან შეგვესწავლა.“ - ნათქვამია ორგანიზაციის ვებ გვერდზე.  კვლევა 2023 წლის მარტიდან ოქტომბრის ბოლომდე მიმდინარეობდა სამცხე-ჯავახეთისა და ქვემო ქართლის 7 მუნიციპალიტეტში. პროექტი განხორციელდა ევროკავშირის აღმოსავლეთ პარტნიორობის სამოქალაქო საზოგადოების გაძლიერების პროგრამის დაფინანსებით.  სრულად... წყარო: განვითარებისა და ჩართულობის პლატფორმა

თბილისი. საქართველოს ახალგაზრდა მკვლევარ-სოციოლოგთა ასოციაცია გამართავს ვებინარს „დააგროვე ცოფნა“.  ვებინარი 12 მარტს, 21:00 საათზე გაიმართება.  რეგისტრაციისთვის ეწვიეთ ბმულს... სრულად...  წყარო: საქართველოს ახალგაზრდა მკლევარ-სოციოლოგთა ასოციაცია

დაიწყო სწავლება ახალ ონლაინ პროგრამაზე „ადგილობრივი თვითმმართველობა და მოქალაქეთა მონაწილეობა“. სასწავლო პროგრამა შემუშავდა მუნიციპალიტეტის საჯარო მოხელეთა და საკრებულოს წევრთა საჭიროებების კვლევის საფუძველზე. შესაბამისად, დაინტერესება საკმაოდ მაღალი იყო – სურვილი 291 აპლიკანტმა გამოთქვა. მათგან კურსზე ჩაირიცხა 128 მონაწილე 32 მუნიციპალიტეტიდან. მათ შორის არიან მერიის, საკრებულოს, ასევე მუნიციპალიტეტის სათათბირო საბჭოების წარმომადგენლები.  სასწავლო პროგრამის პირველ მოდულზე სწავლა 21 თებერვალს დაიწყო და 18 მარტს დასრულდება. გაცნობითი ხასიათის შეხვედრა უკვე გაიმართა ZOOM პლატფორმის საშუალებით.  შეგახსენებთ სასწავლო პროგრამა მოიცავს 3 მოდულს:  მოდული I - ადგილობრივი თვითმმართველობის საფუძვლები, უფლებამოსილებები და მოქალაქეთა მონაწილეობის გარანტიები (სავალდებულო);  მოდული II - მუნიციპალიტეტის საკრებულოს საქმიანობაში მოქალაქეთა მონაწილეობა (არჩევითი);  მოდული III - მუნიციპალიტეტის მერიის საქმიანობაში მოქალაქეთა მონაწილეობა (არჩევითი). სწავლებას უძღვებიან სფეროს ექსპერტები. „ადგილობრივი თვითმმართველობისა და მოქალაქეთა მონაწილეობის“ პროგრამა სამოქალაქო საზოგადოების ინსტიტუტმა (CSI), USAID–ის ადგილობრივი თვითმმართველობის პროგრამის ფარგლებში, შექმნა.

ქვემო ქართლი.14 თებერვალს მარნეულში გაიმართა მუნიციპალიტეტის მერიისა და საკრებულოს წარმომადგენლებისთვის ტრენინგი სისტემური ხედვისა და სტრატეგიული დაგეგმარების შესახებ, რომელსაც ექსპერტი ლიზი სოფრომაძე უძღვებოდა.  მანამდე ტრენინგების კურსი გაიმართა დმანისში, ჩოხატაურსა და ბათუმში, რომელშიც საკრებულოს და მერიის 100–ზე მეტი წარმომადგენელი მონაწილეობდა. აღნიშნული ტრენინგი, მუნიციპალიტეტების შესაძლებლობების გაძლიერების პროგრამის ნაწილია, რომელიც მოქალაქეთა მონაწილეობის ხარისხის თვითშეფასებას (www.ppmeter.ge) ეყრდნობა. დამსწრე აუდიტორიამ მიიღო ინფორმაცია და ცოდნა იმ სტანდარტების შესახებ, რომელიც სამთავრობო დადგენილებების, სამოქმედო გეგმების, ასევე სტრატეგიული დოკუმენტების შექმნისთვის არის მნიშვნელოვანი და საჭირო.  მუნიციპალიტეტების თანამშრომლებისთვის შესაძლებლობის განვითარების პროგრამა, სამოქალაქო საზოგადოების ინსტიტუტმა, აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში გამართა. წყარო: სამოქალაქო საზოგადოების ინსტიტუტი

თბილისი. მე-100 საჯარო სკოლის მოხალისეები პროექტის “მოხალისეები მოხალისეებისათვის” ფარგლებში საინგილოში მცხოვრები ახალგაზრდებისათვის ქართული წიგნების შეგროვებას იწყებენ.  წიგნები ნამიქ ალაჰვერდიევის სახელობის N2 სკოლა-ლიცეუმსა და საინგილოში მცხოვრებ ახალგაზრდებს გადაეცემა. პროექტი “მოხალისეები მოხალისეებისათვის” იმართება “ჰელფინგ ჰენდის” მიერ, USAID-ის სამოქალაქო განათლების პროგრამის ფარგლებში გაცემული გრანტით.  პროგრამა ხორციელდება ორგანიზაცია PH International-ის მიერ, აშშ საერთაშორისო განვითარების სააგენტოს (USAID) დაფინანსებითა და საქართველოს განათლებისა და მეცნიერების სამინისტროს მხარდაჭერით. სრულად... წყარო: ჰელფინგ ჰენდ (Helping Hand)

თბილისი. 8 თებერვალს 11 საათზე, კონსულტაციისა და ტრენინგის ცენტრი საჯარო დისკუსიას „ზოგადი განათლების ეროვნული მიზნები“ გამართავს.  შეხვედრა მიზნად ისახავს ზოგადი განათლების ეროვნული მიზნების (ზგემი) შესახებ ფართო საზოგადოებრივი დისკუსიების ხელშეწყობას.  სრულად...  წყარო: კონსულტაციისა და ტრენინგის ცენტრი

აჭარა.30–31 იანვარს, სამოქალაქო საზოგადოების ინსტიტუტმა ბათუმის მუნიციპალიტეტის მერიისა და საკრებულოს წარმომადგენლებისთვის გამართა ტრენინგი სისტემური ხედვისა და სტრატეგიული დაგეგმარების მიმართულებით. ტრენინგს უძღვებოდა ექსპერტი ლიზი სოფრომაძე. აღნიშნული სწავლება, შესაძლებლობების გაძლიერების პროგრამის ნაწილია, რომელიც ეყრდნობა მოქალაქეთა მონაწილეობის ხარისხის თვითშეფასებას (www.ppmeter.ge). ტრენერმა ლიზი სოფრომაძემ აუდიტორიას მიაწოდა ინფორმაცია იმ სტანდარტებისა და კომპონენტების შესახებ, რომელიც სამთავრობო დადგენილებებისა და საერთაშორისო გამოცდილებებით სტრატეგიული დოკუმენტებისა და სამოქმედო გეგმების შექმნისთვის გამოიყენება. აღნიშნული პროგრამა დაეხმარება მუნიციპალიტეტებს შეიმუშაონ სტრატეგია და სამოქმედო გეგმა მოქალაქეთა მონაწილეობის მიმართულებით.  მუნიციპალიტეტის თანამშრომლებისთვის შესაძლებლობის განვითარების პროგრამას სამოქალაქო საზოგადოების ინსტიტუტი, აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში მართავს.