თბილისი.22 ნოემბერს, „ბილტმორ თბილისში“ გაიმართება ახალი კვლევის წარდგენა: „საქართველოში შრომითი მიგრანტი ქალების სოციალურ-ეკონომიკური სტაბილურობა“.  კვლევა განახორციელა არასამთავრობო ორგანიზაციამ “ქალები საერთო მომავლისათვის (WECF) - საქართველო“ გაეროს განვითარების პროგრამის (UNDP), შვედეთისა და ევროკავშირის მხარდაჭერით.  კვლევაში განხილულია ის გამოწვევები, რომლებსაც შრომითი მიგრანტი ქალები საქართველოში დაბრუნებისას აწყდებიან, შესწავლილია ამ გამოწვევების საფუძვლები, აღწერილია შრომითი მიგრანტი ქალების დაბრუნებისა და რეინტეგრაციის მხრივ არსებული ბარიერები და მოყვანილია შესაბამისი რეკომენდაციები სხვადასხვა უწყების მიმართ.  სრულად... წყარო: გაეროს განვითარების პროგრამა

თბილისი.18 ნოემბერს, თბილისში წიგნის პრეზენტაცია „ქალაქის ფრინველები“ გაიმართება.  წიგნი მომზადდა პროექტ “ურბანული ბიომრავალფეროვნებისათვის მეგობრული სკვერების მოდელის შექმნის” ფარგლებში, გაეროს მცირე გრანტების პროგრამის ფინანსური მხარდაჭერით, ბუნების კონსერვაცია საქართველოს მიერ.  წიგნის პრეზენტაციასთან ერთად დაგეგმილია სხვადასხვა საგანმანათლებლო აქტივობები.  სრულად... წყარო: ბუნების კონსერვაცია საქართველო

თბილისი.ღია საზოგადოების ფონდის დაკვეთით, კვლევითმა ინსტიტუტმა Gnomon Wise (გნომონ ვაიზი) მოამზადებული აკადემიური კვლევა „საქართველოს სასამართლო ხელისუფლების ინსტიტუციური რეკონსტრუქცია” მოამზადა.  „დღეს, აღნიშნული ძალაუფლება იუსტიციის უმაღლეს საბჭოშია კონცენტრირებული. ასეთი გადამეტებული კონცენტრაციის თავიდან ასაცილებლად, კვლევის ავტორები აუცილებლად მიიჩნევენ იუსტიციის უმაღლესი საბჭოს არსებული უფლებამოსილების სხვა ინსტიტუტებზე გადანაწილებას. კვლევაში ასევე წარმოდგენილია მართლმსაჯულების ინსტიტუციური რეფორმის კონცეფცია, რომელიც სხვადასხვა მოდელსა და ალტერნატივას მომოიხილავს. რეფორმის მოდელები შემოთავაზებულია მოსამართლეთა დანიშვნის, მოსამართლეთა ანგარიშვალდებულების სისტემის, საერთო სასამართლოების ადმინისტრირების ფუნქციის დეცენტრალიზაციისა და სასამართლოს თავმჯდომარეთა ძალაუფლების შემცირების მიმართულებებით“, ნათქვამია ვებგვერდზე. სრულად... წყარო: ღია საზოგადოების ფონდი

თბილისი.საერთაშორისო გამჭვირვალობა-საქართველომ ღია მმართველობის მუდმივმოქმედი საპარლამენტო საბჭოს საქმიანობა შეაფასა. შეფასებები და რეკომენდაციები ... წყარო: საერთაშორისო გამჭვირვალობა-საქართველო

თბილისი. ეკონომიკური პოლიტიკის კვლევის ცენტრი საფრანგეთის შავი ზღვის პოლიტიკის ისტორიასთან დაკავშირებით ახალ კვლევას ავრცელებს.  კვლევა რეგიონის ქვეყნებთან ურთიერთობის დღევანდელი მდგომარეობის განხილვას და იმ ხედვების ანალიზს ეხება, რომლებიც ამ პოლიტიკას აყალიბებს.  სრულად...  წყარო: ეკონომიკური პოლიტიკის კვლევის ცენტრი

„საფარმა“ დანიის მთავრობისა და დანიის გენდერული და თანასწორობის ცენტრის, KVINFO-ს მხარდაჭერით ორ რეგიონში, კახეთსა და აჭარაში ქალთა მიმართ ეკონომიკური ძალადობის შესახებ კვლევა ჩაატარა. საფარის თქმით, ჩატარებული კვლევის მთავარ მიზანს „რეგიონებში მცხოვრები ქალების მიმართ მათი პარტნიორის/ქმრის მხრიდან განხორციელებული ეკონომიკური ძალადობისა და ამ ძალადობასთან მიმართებაში ქალების გამოცდილებისა და მდგომარეობის შესწავლა წარმოადგენდა“. სრულად... წყარო: საფარი 

თბილისი.საქართველოში არსებული პოლიტიკური პოლარიზაციის ანალიზში ხელოვნური ინტელექტი ჩაერთო. გაეცანით საინტერესო კვლევას... ანგარიში მომზადდა ორგანიზაცია “მეტამაინის“ მიერ. პროექტი დაფინანსდა #CSRDG-ის მიერ, "სამოქალაქო საზოგადოების ინიციატივა" ფარგლებში, ევროკავშირისა და კონრად ადენაუერის ფონდის (KAS) მხარდაჭერით.  წყარო: საქართველოს სტრატეგიული კვლევებისა და განვითარების ცენტრი

თბილისი.საერთაშორისო გამჭვირვალობა ახალ კვლევას ავრცელებს – „საქართველოს რუსეთზე ეკონომიკური დამოკიდებულება ზრდას განაგრძობს“.  გამჭვირვალობა - საქართველომ რუსეთზე ეკონომიკურ დამოკიდებულებაზე ბოლო კვლევა 2023 წლის თებერვალში გამოვაქვეყნეთ, რომელშიც 2022 წლის მდგომარეობა იყო შესწავლილი.  წინამდებარე კვლევა ძირითადად 2023 წლის იანვარ-ივნისის პერიოდში დაფიქსირებულ მაჩვენებლებს და ტენდენციებს მოიცავს.  „რუსეთზე ეკონომიკური დამოკიდებულების ზრდა საქართველოსთვის საფრთხის შემცველია, რადგან, ტრადიციულად, რუსეთი ეკონომიკურ ურთიერთობებს დამოუკიდებელ ქვეყნებზე პოლიტიკური ზეწოლის ბერკეტად იყენებს“, ნათქვამია კვლევაში. სრულად... წყარო: საერთაშორისო გამჭვირვალობა საქართველო 

თბილისი. ღია საზოგადოების ფონდის ლიდერობით, 9 საზოგადოებრივმა ორგანიზაციამ მოამზადა ანგარიში ქვეყნისთვის ევროკავშირის კანდიდატის სტატუსის მისანიჭებლად განსაზღვრული 12 პირობის შესრულების მდგომარეობის შესახებ. „საზოგადოებრივი ორგანიზაციების შეფასებით, 16 იანვრიდან 1 აგვისტოს ჩათვლით, სრულად არის შესრულებული 1 პირობა, მეტწილად შესრულებულია 2 პირობა, ნაწილობრივ შესრულებულია 7 პირობა და ჯერ კიდევ შესასრულებელია ევროკავშირის 2 პირობა (დეოლიგარქიზაცია და დეპოლარიზაცია).  მცირე პროგრესი შეიმჩნევა დამოუკიდებელი მედიისა და გადაწყვეტილების მიღების პროცესში სამოქალაქო საზოგადოების ჩართულობის მიმართულებებით. სტატუსმესტრის წინა ანგარიშებმაც ცხადყო, რომ სამოქალაქო საზოგადოების შეფასებები დიდწილად თანხვედრაშია ევროკავშირის მიერ 2023 წლის 22 ივნისს წარმოდგენილ ზეპირ შუალედურ შეფასებასთან“. იხ. სტატუსმეტრი სრულად... წყარო: osgf.ge

თბილისი. სოციალური სამართლიანობის ცენტრი გიზიარებთ ინტერვიუს ჰელსინკის უნივერსიტეტის პროფესორთან და ჯანმრთელობისა და სოციალური პოლიტიკის მკვლევართან, ჰეიკი ჰიილამოსთან. „სოციალური დაცვის სისტემის მისამართით უნდა დავსვათ შემდეგი კითხვები: ვიცხოვრებთ კი ამ შემწეობით? გვყოფნის ეს მხარდაჭერა? ადამიანის უფლება ნამდვილად არის, რომ შემწეობა და სოციალური დაცვა მიიღოს, მაგრამ უფლების ნაწილია ისიც, რომ ამ შემწეობით და დახმარებით ადამიანმა ღირსეული ცხოვრება შეძლოს. ყველა სოციალური რისკის საპასუხოდ უნდა არსებობდეს შესაბამისი სერვისი. როცა უმუშევარი ხდები, ამ დროს უნდა გააქტიურდეს პროგრამები, რომლებიც ადამიანებს გადაამზადებს, ან სამსახურის მოძიებაში დაეხმარება. როცა ავად ხდები, ჯანდაცვის პროგრამა და რეაბილიტაციის პროგრამა უნდა ამუშავდეს. შვილის გაჩენის შემთხვევაში, მშობლების მხარდაჭერის, პრენატალური ზრუნვის პროგრამები უნდა გააქტიურდეს; დღის ცენტრები კი განსაკუთრებით მნიშვნელოვანია დედებისთვის, რომ სამუშაო რეჟიმს დაუბრუნდნენ; ხანდაზმულობის ეტაპზე უნდა ამუშავდეს როგორც ჯანდაცვის, ასევე ზრუნვის სხვა სერვისები. ასე რომ, ეს არის სხვადასხვა მომსახურების მთელი სისტემა და მათზე წვდომა ადამიანს უნდა ჰქონდეს მყისიერად, როგორც კი პრობლემის წინაშე აღმოჩნდება“. ინტერვიუ სრულად... პროექტი ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით. წყარო: socialjustice.org.ge

თბილისი. არასამთავრობო ორგანიზაციამ „მშობლები განათლებისთვის“ USAID-ის სამოქალაქო საზოგადოების ჩართულობის პროგრამის მხარდაჭერით მოამზადა პუბლიკაცია: მოსწავლეებისა და მათი მშობლების გამოწვევები სკოლაში. ძირითადი მიგნებების თანახმად, სკოლა ვერ ამკვიდრებს ჯანსაღი ცხოვრების წესს, რაც ზოგადი განათლების ეროვნული მიზნებით, განათლების სისტემის დანიშნულებაა; სკოლებში ხშირად ირღვევა ბავშვთა უფლებები; სკოლებში სერიოზული ინფრასტრუქტურული პრობლემებია; სკოლებს აქვთ საგანმანათლებლო რესურსების დეფიციტი; შშმ და სსსმ მოსწავლეთა მიმართ სტიგმა ჯერ კიდევ ძლიერია სკოლებში; სკოლებში არ არის დამკვიდრებული მშობელთა ორგანიზებული ჩართულობის კულტურა; სკოლებში არ ფუნქციონირებს არაფორმალური განათლების თემატური კლუბები; სკოლებთან მისასვლელი გზები არ არის უსაფრთხო. სრულად... წყარო: parents.ge

თბილისი. ტოლერანტობისა და მრავალფეროვნების ინსტიტუტი (TDI) აქვეყნებს ყოველწლიურ ანგარიშს: რელიგიისა და რწმენის თავისუფლება საქართველოში 2022. „ანგარიშის მიზანია, საქართველოში რელიგიისა და რწმენის თავისუფლებასთან დაკავშირებული მდგომარეობის სამართლებრივი და პოლიტიკური ასპექტების მიმოხილვა და ანალიზი. ანგარიში მოიცავს 2022 წლის პერიოდს. გაანალიზებულია ის სისტემური პრობლემები, რომლებსაც არადომინანტური რელიგიური ორგანიზაციები უკვე მრავალი წელია აწყდებიან და ისინი საანგარიშო პერიოდშიც გადაუჭრელი რჩება. გარდა ამისა, მიმოხილულია ახალი სამართლებრივი და პოლიტიკური საკითხები, რომლებიც რელიგიისა და რწმენის თავისუფლებას უკავშირდება“. TDI-ის ანგარიში რელიგიისა და რწმენის თავისუფლება საქართველოში 2022... წყარო: tdi.ge

თბილისი. მედია სააგენტო „მაუწყებელი“ გიზიარებთ ვიდეო სიუჟეტს, სადაც მოძრაობა „ხმას“ წევრი ვაკო ნაცვლიშვილი პასუხობს კითხვებს თუ „როგორ ძარცვავს „ლიბერთი ბანკი“ პენსიონერებს“. პრაქტიკული რჩევები პენსიონერებს საპენსიო სესხებზე, რა უნდა იცოდეთ რომ არ მოგატყუონ... წყარო: მაუწყებლის გვერდი სოციალურ ქსელში

თბილისი. 21 ივლისს, მწერალთა სახლში, ინფორმაციის თავისუფლების განვითარების ინსტიტუტმა (IDFI) „სტალინური სიების“ განახლებული ვებგვერდის პრეზენტაცია გამართა.  „„სტალინური სიები“ მოიცავს საქართველოში 1937-1938 წლების „დიდი ტერორის“ მსხვერპლთა შესახებ მონაცემებს, საარქივო მასალებსა და ფოტოსურათებს. პლატფორმა დაინტერესებულ პირებს საშუალებას აძლევს მოიძიონ ინფორმაცია მათი წინაპრების შესახებ, რომლებიც 1937-1938 წლების რეპრესიების მსხვერპლნი გახდნენ“. ვრცლად პრეზენტაციის შესახებ... წყარო: idfi.ge

თბილისი. თუ გაინტერესებთ, როგორ არის დაკავშირებული საარსებო შემწეობის სისტემა სოციალური დაცვის სხვა მექანიზმებთან და რა ძირითადი ხარვეზები აქვს პროგრამას, გაეცანით სოციალური სამართლიანობის ცენტრის ახალ კვლევას: „საარსებო შემწეობის როლი სოციალური დაცვის სისტემაში და მისი მიმართება სოციალური მხარდაჭერის სხვა სერვისებთან“. სრულად... წყარო: socialjustice.org.ge

თბილისი. სოციალური სამართლიანობის ცენტრის ცნობით, საქართველოს მუნიციპალიტეტების ნახევარში სოციალურად დაუცველთა რიცხვი მოსახლეობის 25%-ზე მეტია. „2023 წლის მაისის მდგომარეობით, სოციალურ შემწეობას 668 555 ადამიანი იღებდა, რაც ქვეყნის საერთო მოსახლეობის 17.9 %-ს შეადგენს. 2023 წლის მაისის მონაცემებით, ქვეყნის 64 მუნიციპალიტეტიდან 32-ში საარსებო შემწეობის მიმღებთა წილი მუნიციპალიტეტების მოსახლეობის 25 %-ს აღემატება. მეტიც, საქართველოს 5 მუნიციპალიტეტში შემწეობის მიმღებთა წილი მოსახლეობის ნახევარს აჭარბებს. ეს მაჩვენებლები კიდევ ერთხელ მიუთითებს ცენტრალურ და მუნიციპალურ დონეზე მოსახლეობის საჭიროებებზე მორგებული, ეფექტიანი სოციალური პოლიტიკის ჩამოყალიბების აუცილებლობაზე, რომელიც გააძლიერებდა ადგილობრივ მოსახლეობას და შეამცირებდა სიღარიბის მაჩვენებლებს მთელი ქვეყნის მასშტაბით“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გიზიარებთ შოთა კინწურაშვილის სტატიას „ქრისტიანობა და კოლონიალიზმი - სამხრეთ ამერიკული წარსულის გაკვეთილები“. „სტატიაში ისტორიული ფაქტების აღწერისა და ანალიზის შემდგომ, დასავლეთის ეკლესიისა და იმპერიების წარსულში გადადგმული არაქრისტიანული და არაჰუმანური ნაბიჯები, რომლებიც კოლონიური მოტივებით აიხსნება, დღეს საჯარო დისკუსიის, კვლევისა თუ შეცდომების აღიარებით გრძელდება. თუმცა აღმოსავლეთის საქრისტიანოში თამამად შეიძლება ითქვას, რომ რუსეთის მართლმადიდებელი ეკლესიის და სახელმწიფოს ქმედებები ახალი ძალითა და ფორმებით ახორციელებს კოლონიალურ პოლიტიკას, რომლის ავანგარდში ხშირად მართლმადიდებელი ეკლესიის უმაღლესი საეკლესიო იერარქია გვევლინება. რუსეთის იმპერიაში ძალაუფლების განვრცობის კარგ ინსტრუმენტად ქცეული იმპერიის ერთგული წმინდა სინოდი დღესაც მიმართავს სულიერ, პოლიტიკურ, ეკონომიკურ თუ ტერიტორიულ ექსპანსიას მეზობელი ქვეყნების მისამართით. რუსეთის წმინდა სინოდი იმპერიის ცენტრალურ ხელისუფლებასთან ერთად ნაყოფიერად ძარცვავდა ქართულ სამეფოებს, ანადგურებდა მის ქრისტიანულ კულტურას და საგანმანათლებლო თუ მისიონერული ხერხებით, მცდელობა არ დაუკლია ქართველთა ასიმილაციისთვის. ეს პროცესი კვლავაც გრძელდება, თუ გადავხედავთ უახლოეს ოცდაათ წელიწადს, საქართველოს, ჩეჩნეთის თუ უკრაინის მიმართ რუსეთის მხრიდან განხორციელებულ მოქმედებებს, რომელთა შედეგად უამრავი უდანაშაულო ადამიანი დღემდე იღუპება, ხოლო რუსეთის ეკლესია მეზობელი ქვეყნების, ეთნოსებისა თუ ერთმორწმუნე ხალხების დაპყრობას საპატრიარქო ჯვარს სახავს და საცეცხლურს თამამად უკმევს“, ნათქვამია სტატიაში. სრულად... ნაშრომი მომზადდა სოციალური სამართლიანობის ცენტრის მიერ, პროგრამის „ერთიანობა მრავალფეროვნებაშია“ ფარგლებში, რომელიც ხორციელდება საქართველოს გაეროს ასოციაცია მიერ, USAID/Georgia-ს ფინანსური მხარდაჭერით. წყარო: socialjustice.org.ge

სამეგრელო. „საერთაშორისო გამჭვირვალობა - საქართველომ” შეაფასა ზუგდიდის მუნიციპალიტეტის საკრებულოს 2022 წელს გაწეული საქმიანობა. ანგარიში ეფუძნება საკრებულოდან გამოთხოვილ, საკრებულოს ოფიციალურ ვებ-გვერდზე არსებულ ინფორმაციას და ორგანიზაციის დაკვირვებებს. კვლევის საანგარიშო პერიოდი მოიცავს 2022 წელს. ძირითადი მიგნებები და რეკომენდაციები ვრცლად იხილეთ ანგარიშში... წყარო: transparency.ge

თბილისი. სოციალური სამართლიანობის ცენტრი გიზიარებთ სტატიას თანამედროვე სოციალური პოლიტიკის ლიტერატურაში არსებული პარადიგმების - ახალი ბიჰევიორიზმი, სოციალური ინვესტიცია და ახალი უნივერსალიზმი - კრიტიკულ ანალიზს. „უკანასკნელ წლებში, ახალი ბიჰევიორიზმის, სოციალური ინვესტიციებისა და ახალი უნივერსალიზმის პარადიგმები ფართოდ გავრცელებულია სამეცნიერო და პოლიტიკურ საზოგადოებებში. ახალი ბიჰევიორიზმი, როგორც ერთ-ერთი დომინანტური პარადიგმა სოციალურ პოლიტიკაში, მას შემდეგ დამკვიდრდა, რაც ტალერმა 2017 წელს ნობელის პრემია მიიღო ეკონომიკაში. სოციალური ინვესტიცია კიდევ ერთ დომინანტურ პარადიგმად იქცა, როცა ევროკავშირმა (EU) 2000 წელს მიიღო ლისაბონის სტრატეგია - პოლიტიკა, რომელიც, 2013 წელს, სოციალური ინვესტიციების პაკეტის მიღებით გაძლიერდა. ახალი უნივერსალიზმი, დომინანტური პარადიგმის სტატუსით, 2000 წელს მიღებული გაეროს ათასწლეულის დეკლარაციით დაწინაურდა“. სრულად... წყარო: ორგანიზაციის გვერდი სოციალურ ქსელში

გურია. „ახალგაზრდა პედაგოგთა კავშირმა” საჯარო უწყებებში მოზარდთა მოხალისეობის პროგრამის მეორე ეტაპი შეაჯამა.  „ორგანიზაციის წარმომადგენლებმა მოხალისეობის მასპინძელი უწყებების წარმომადგენლებს პროგრამის შეფასების მიზნით განხორციელებული კვლევის შედეგები გააცნეს. მონაწილეებმა იმსჯელეს საკითხებზე, რომელთა გათვალისწინებაც სამომავლოდ უფრო ეფექტურს გახდის მოხალისეობის პროცესს. აქტივობა განხორციელდა პროექტის „უკეთესი მომავლისთვის“ ფარგლებში. დონორი ორგანიზაციის, Brot fur die Welt ფინანსური მხარდაჭერი“. სრულად... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაციებმა საიამ, სოციალური სამართლიანობის ცენტრმა და პარტნიორობა ადამიანის უფლებებისთვის, წარადგინეს ერთობლივი ალტერნატიული ანგარიში სოციალური უფლებების ევროპულ კომიტეტში საქართველოს მიერ ევროპის სოციალური ქარტიის იმპლემენტაციის თაობაზე. ანგარიშში წარმოდგენილია დეტალური რეკომენდაციები, რომლებიც ქვემოთ ჩამოთვლილი პრობლემებისა და გამოწვევების აღმოფხვრისაკენ არის მიმართული. ბავშვებისა და მოზარდების უფლებების დაცვა; ბავშვებისა და მოზარდების სოციალური, სამართლებრივი და ეკონომიკური დაცვის გარანტიები; დასაქმებული ქალების მიერ ორსულობის, მშობიარობისა და ბავშვის მოვლის გამო შვებულების გამოყენება; ოჯახის სოციალური, სამართლებრივი და ეკონომიკური დაცვის გარანტიები; საცხოვრისის უფლება. სრულად... წყარო: gyla.ge

თბილისი. საბჭოთა წარსული კვლევის ლაბორატორიის გუნდმა საქართველოს უახლესი ისტორიის ამსახველ უნიკალურ ვიდეომასალას მიაკვლია, რომელიც ვიდეოკასეტებზეა ჩაწერილი და საერთო მოცულობა 60 საათს აჭარბებს. „ეს ჩანაწერები უაღრესად ფასეული და მნიშვნელოვანია საქართველოს ყველა მოქალაქისთვის, რადგან ისინი აქამდე არსად გამოქვეყნებულა და უცნობია არათუ ფართო საზოგადოებისთვის, არამედ მკვლევარებისთვისაც. ვიდეოფირზე დაფიქსირებულია 1989-1991 წლებში განვითარებული საკვანძო მოვლენები“. სოვლაბის თქმით, ორგანიზაციას შეზღუდული ფინანსური რესურსების პირობებში, ამ მასალის შეძენის და კვლევის დაწყების შესაძლებლობა არ აქვს. საკვლევი მასალების შესაძენად 25 000 ლარია საჭირო, ორგანიზაცია მოგმართავთ თხოვნით, სურვილის შემთხვევაში, დააფინანსოთ მასალების შეძენა და კვლევა. სრულად... წყარო: ორგანიზაციის გვერდი სოციალურ ქსელში