“კავკასიის ბარომეტრის” 2024 წლის მონაცემებით, ქვეყნის მოსახლეობის 58%-ს ჰყავს ოჯახის წევრი ან ახლო ნათესავი, რომელიც ამჟამად საქართველოს ფარგლებს გარეთ ცხოვრობს. რა არის ძირითადი მიზეზები, რის გამოც საქართველოს მოქალაქეები საზღვარგარეთ საცხოვრებლად მიდიან? CRRC-NDI-ის 2023 წლის ოქტომბრის მონაცემებით, ქვეყნის მოსახლეობის უმრავლესობა ძირითად მიზეზებად დაბალ ხელფასებსა (65%) და სამუშაო ადგილების სიმცირეს (56%) ასახელებს. ასევე, მოსახლეობის მნიშვნელოვანი ნაწილი ძირითად მიზეზებს შორის ასახელებს მაღალ ფასებს/მაღალ საცხოვრებელ ხარჯებს (28%), ცხოვრების დაბალ ხარისხსა (24%) და მეტი ფულის უფრო სწრაფად გამომუშავების სურვილს (15%).  სრულად... წყარო: CRRC

თბილისი. საქველმოქმედო ჰუმანიტარულმა ცენტრმა „აფხაზეთმა“ კვლევა „არავინ დატოვო ყურადღების მიღმა“ ჩაატარა.  კვლევაში მონაწილეობდნენ სხვადასხვა მოწყვლადი თემის წევრები, სოციალური სერვისების მიმწოდებელი ორგანიზაციები და ადგილობრივი თვითმმართველობის წარმომადგენლები.  კვლევის მიზანია საქართველოს 10 მუნიციპალიტეტში, კერძოდ: წყალტუბოში, ხონიში, ამბროლაურში, გორში, ქარელში, მცხეთაში, თეთრიწყაროში, ზუგდიდში, ჩოროწყუსა და გალიში სოციალურად დაუცველი მომსახლეობის, სოციალური საჭიროებისა და სერვისების შეფასება. "საქართველოში მოწყვლადი და მარგინალიზებული თემების ინკლუზიის მშენებლობა" პროექტის ფარგლებში, საქველმოქმედო ჰუმანიტარული ცენტრი - "აფხაზეთი" (CHCA), საქართველოს 10 მუნიციპალიტეტში სოციალურ საჭიროებათა კვლევას აწარმოებს, გაეროს დემოკრატიის ფონდის (UNDEF) მხარდაჭერით.  სრულად.... წყარო:საქველმოქმედო ჰუმანიტარული ცენტრი „აფხაზეთი“

თბილისი. მედიის განვითარების ფონდი ახალ ანგარიშს „ანტიდასავლური პროპაგანდა 2022“ აქვეყნებს. ანგარიში ანტიდასავლური გზავნილების მხრივ 2022 წლის ტენდენციებს აანალიზებს და როგორც გზავნილების ტიპოლოგიას, ასევე მათ წყაროებს მიმოიხილავს. ანგარიში 2022 წლის 1 იანვრიდან 31 დეკემბრის ჩათვლით პერიოდს მოიცავს. ანგარიში მომზადდა მედიის განვითარების ფონდის (MDF) მიერ, USAID-ის „ერთიანობა მრავალფეროვნებაშია“ პროგრამის ფარგლებში.  პროგრამა ხორციელდება საქართველოს გაეროს ასოციაციის (UNAG) მიერ, აშშ-ის საერთაშორისო განვითარების სააგენტოს (USAID) ფინანსური მხარდაჭერით. პუბლიკაციაში მოცემული შეხედულებები და მოსაზრებები ეკუთვნით პუბლიკაციის ავტორებს და არ უნდა აღიქმებოდეს ამერიკის შეერთებული შტატების საერთაშორისო განვითარების სააგენტოს და საქართველოს გაეროს ასოციაციის პოზიციად. სრულად... წყარო: მედიის განვითარების ფონდი

თბილისი. განვითარებისა და ჩართულობის პლატფორმამ ახალი კვლევა გამოაქვეყნა: „უმაღლესი და პროფესიული განათლების მიღების ბარიერები ეთნიკურად არადომინანტური ჯგუფის წარმომადგენელი ახალგაზრდებისთვის საქართველოში“. „კომპლექსური დიზაინიდან გამომდინარე, მოგვეცა შესაძლებლობა განათლების მიღების პროცესში, ეთნიკურად სომეხი და აზერბაიჯანელი ახალგაზრდების წინაშე მდგარი გამოწვევები სხვადასხვა პერსპექტივიდან შეგვესწავლა.“ - ნათქვამია ორგანიზაციის ვებ გვერდზე.  კვლევა 2023 წლის მარტიდან ოქტომბრის ბოლომდე მიმდინარეობდა სამცხე-ჯავახეთისა და ქვემო ქართლის 7 მუნიციპალიტეტში. პროექტი განხორციელდა ევროკავშირის აღმოსავლეთ პარტნიორობის სამოქალაქო საზოგადოების გაძლიერების პროგრამის დაფინანსებით.  სრულად... წყარო: განვითარებისა და ჩართულობის პლატფორმა

თბილისი. გაეროს განვითარების პროგრამამ (UNDP), საჯარო სამსახურის ბიუროსთან თანამშრომლობით ახალი კვლევა „რას ფიქრობენ საჯარო სექტორში ადამიანის უფლებებსა და გენდერულ თანასწორობაზე“ გამოაქვეყნა.  კვლევა მიმოიხილავს საჯარო სამსახურში დასაქმებულთა მოსაზრებებს მათი სამუშაო პირობების შესახებ, შეისწავლის საჯარო მოხელეთა აღქმებსა და დამოკიდებულებებს ადამიანის უფლებების, თანსწორობისა და ინკლუზიურობის ფუნდამენტური ღირებულებების მიმართ.  კვლევა ჩაატარა ორგანიზაციამ 'Applied Research Company' გაეროს განვითარების პროგრამის დაკვეთით, საქართველოს საჯარო სამსახურის ბიუროსთან თანამშრომლობით, და დიდი ბრიტანეთის, ევროკავშირის, ნორვეგიისა და შვედეთის მხარდაჭერით.  სრულად... წყარო: გაეროს განვითარების პროგრამა

თბილისი. 21 თებერვალს გაიმართა კვლევის „კრიმინალური მენტალიტეტი და მისი გავლენა საზოგადოებაზე“ შედეგების პრეზენტაცია.  რომლის დასრულების შემდეგ გაიმართა დისკუსია. კვლევა ჩატარდა პროექტის – „სამოქალაქო საზოგადოების აღდგენისუნარიანობისა და უსაფრთხოებისთვის“ – ფარგლებში, რომელსაც ახორციელებს გლობალური ფონდი ფსიქიატრიაში, ფსიქოსოციალური და სამედიცინო რეაბილიტაციის ცენტრთან თანამშრომლობითა და ევროკავშირის ფინანსური მხარდაჭერით. კვლევა ჩაატარა სოციალური კვლევისა და ანალიზის ინსტიტუტმა.  სრულად...  წყარო: ფსიქოსოციალური და სამედიცინო რეაბილიტაციის ცენტრი

თბილისი. 24 იანვარს საქართველოს ახალგაზრდა იურისტთა ასოციაციამ, კვლევის „გარემოსდაცვით მართლმსაჯულებაზე ხელმისაწვდომობა“, პრეზენტაცია გამართა.  კვლევამ საქართველოს კანონმდებლობის საქართველოს ახალგაზრდა იურისტთა ასოციაციის წარმოებაში არსებული გარემოსდაცვითი საქმეების შესავლისა და ანალიზის საფუძვლები გამოიკვლია და შეაფასა. იხილეთ კვლევა...  წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტი ახალ კვლევას „მიზნობრივი სოციალური დახმარება საქართველოში“ ავრცელებს. კვლევაში განხილულია რა ძირითადი ხარვეზები აქვს საარსებო შემწეობის მეთოდოლოგიას და როგორია პროგრამის საშუალებით ქვეყანაში სიღარიბის დაძლევის პოტენციალი.  კვლევა მიზნად ისახავდა პროგრამის მეთოდოლოგიაში არსებული ნაკლოვანებების ანალიზს და უფრო ზოგადად, პროგრამის საშუალებით ქვეყანაში სიღარიბის დაძლევის პოტენციალის შეფასებას. პროექტი ხორციელდება USAID-ის სამოქალაქო საზოგადოების ჩართულობის პროგრამის მხარდაჭერით.  სრულად...  წყარო: სოციალური სამართლიანობის ცენტრი

თბილისი. საქართველოს ახალგაზრდა იურისტთა ასოციაცია შედარებითი კვლევის: „ეროვნულ პარლამენტებში არსებული მოკვლევის/საგამოძიებო კომიტეტის“ აქვეყნებს.  იგი წარმოადგენს ევროპარლამენტის მოქალაქეთა უფლებებისა და კონსტიტუციურ საკითხთა კომიტეტის ინიციატივით 2020 წელს მომზადებული შედარებითი კვლევის ქართულ თარგმანს.  დოკუმენტი განიხილავს პარლამენტებში არსებულ საგამოძიებო კომიტეტებთან დაკავშირებულ სამართლებრივ რეგულაციებს ევროკავშირის წევრ 20 ქვეყანაში. დოკუმენტის მიზანია დაეხმაროს ეროვნულ პარლამენტებს საპარლამენტო კონტროლის განხორციელებაში, გამჭვირვალობის გაძლიერებაში, აგრეთვე დარღვევებისა და არასწორი რეგულაციებისა თუ ადმინისტრირების აღმოფხვრაში.  სრულად...  წყარო: საქართველოს ახალგაზრდა იურისტთა ასოციაცია

თბილისი. სოციალური სამართლიანობის ცენტრი ძალადობაგამოვლილი ქალებისთვის მხარდამჭერი სერვისებისა და მექანიზმების შესახებ ანალიზს ავრცელებს.  ანალიზში განხიულია არის თუ არა საკმარისი მხარდამჭერი სერვისები ძალადობაგამოვლილი ქალებისათვის საქართველოში.  „არასაკმარისი გეოგრაფიული დაფარვა, რესურსების ნაკლებობა, სერვისების შესახებ ინფორმაციის არქონა და უნდობლობა სახელმწიფო ინსტიტუტების მიმართ მხოლოდ მცირე ნაწილია იმ ხარვეზებისა, რაც ჩვენმა კვლევამ გამოავლინა“ - აღნიშნულია ორგანიზაციის ვებ გვერდზე  იხილეთ კვლევა ვრცლად... წყარო: სოციალური სამართლიანობის ცენტრი

თბილისი. საქართველოს სტრატეგიული და საერთაშორისო კვლევების ფონდი დავით შატაკიშვილის ახალ ბლოგს „ისრაელის ეკონომიკა ჰამასთან ომის ფონზე“ ავრცელებს.  რა გავლენა მოახდინა ომის მიმდინარეობამ ქვეყნის ეკონომიკაზე, რა პროგნოზები არსებობს და როგორია მიმდინარე ეკონომიკური მაჩვენებელი.  იხილეთ ვრცლად... წყარო:საქართველოს სტრატეგიული და საერთაშორისო კვლევების ფონდი

გურია. ახალგაზრდა პედაგოგთა კავშირი ახალ კვლევის ანგარიშს ავრცელებს.  კვლევის მიზანს წარმოადგენს ზოგადი განათლების მიმართ სასკოლო საზოგადოების წევრების განწყობისა და მოლოდინის იდენტიფიცირება და ზოგადი განათლების ეროვნულ მიზნებთან მათი შედარება.  იხილეთ კვლევა ვრცლად...  წყარო : ახალგაზრდა პედაგოგთა კავშირი

თბილისი. ინფორმაციის თავისუფლების განვითარების ინსტიტუტი (IDFI) კვლევას ავრცელებს: „რას გვასწავლის PISA-ს 2022 წლის შედეგები“.  „PISA-ს 2022 წლის შედეგები აჩვენებს, რომ ბოლო წლებში საქართველოს განათლების სისტემაში განხორციელებული რეფორმები, ვერ უზრუნველყოფს სათანადო შედეგს, სისტემა კვლავ მრავალი გამოწვევის წინაშეა და დამატებით მნიშვნელოვან ცვლილებებს საჭიროებს“.  IDFI - ის კვლევაში მიმოხილულია 10 მიზეზი, რასაც შესაძლებელია უარყოფითი გავლენა ჰქონდეს ქვეყანაში განათლების სისტემის განვითარებაზე.  სრულად...  წყარო: ინფორმაციის თავისუფლების განვითარების ინსტიტუტი

თბილისი. 2023 წელს საბჭოთა წარსულის კვლევის ლაბორატორიამ 340-ზე მეტი გულუხვი შემომწირველისა და ფონდი „ღია საზოგადოება საქართველოს“ თანადგომით უნიკალური ვიდეო არქივი შეიძინა.  არქივის დიგიტალიზაცია დასრულებულია. ვიდეომასალა სრულადაა განთავსებული სოვლაბის საზოგადოებრივი არქივის საიტზე და ღიაა ნებისმიერი დაინტერესებული პირისთვის.  სრულად... წყარო: საბჭოთა წარსულის კვლევის ლაბორატორია

თბილისი. ჰაინრიხ ბოლის ფონდი, ახალ კვლევას „ხანდაზმულებზე ზრუნდა საქართველოში: მზრუნველთა პერსპექტივა“ აქვეყნებს.  კვლევის ამოცანაა ხანდაზმულებზე ზრუნვასთან დაკავშირებული მთავარი ფსიქოსოციალური, ეკონომიკური, ინფასტრუქტურული გამოწვევების იდენტიფიცირება და ანალიზი.  კვლევა ყურადღებას ამახვილებს ხანდაზმულებზე ზრუნვის სფეროში ზრუნვის გამცემ და მიმღებ პირებს შორის არსებული დამოკიდებულებებისა და ურთიერთობების სპეციფიკასა და მნიშვნელობაზე მზრუნველთა პერსპექტივიდან. სრულად.. წყარო: ჰაინრიხ ბოლის ფონდი

თბილისი. მწვანე ალტერნატივა ქალებზე კლიმატის ცვლილების ზეგავლენის შეფასების ანგარიშს ავრცელებს.  ანგარიში აღწერს ქალების წინაშე არსებულ სისტემურ პრობლემებს და გამოყოფს ქალების შემოსავალს, ჯანმრთელობის მდგომარეობასა და საქმიანობის ტიპს, როგორც კლიმატის ცვლილების მიმართ მოწყვლადობის მნიშვნელოვან განმსაზღვრელ ფაქტორებს.  ქალებზე კლიმატის ცვლილების ზეგავლენის შეფასების ანგარიში მომზადდა ვესტმინსტერის დემოკრატიის ფონდის (WFD) პროგრამის “გარემოს დაცვის, კლიმატის ცვლილებისადმი მედეგობის და დემოკრატიული მდგრადობის ხელშეწყობა საქართველოში” ფინანსური მხარდაჭერით. სრულად... წყარო: მწვანე ალტერნატივა

თბილისი. ღია საზოგადოების ფონდი ახალ კვლევას აქვეყნებს: „შრომის ინსპექციის სამსახურის გამჭვირვალობის შეფასება.  კვლევა აანალიზებს, თუ რა ინფორმაციას ამუშავებს/არ ამუშავებს შრომის ინსპექციის სამსახური, რამდენად არის გამოქვეყნებული ინფორმაცია მომხმარებელზე ორიენტირებული და რამდენად სრულყოფილია გაცემული საჯარო ინფორმაცია.  კვლევის თანახმად, ცალკეულ შემთხვევებში, შრომის ინსპექციის სამსახურის მიერ გაცემული საჯარო ინფორმაცია არ არის სრულყოფილი და სრულად ვერ პასუხობს დაინტერესებული პირის მოთხოვნას.  „კვლევის შედეგად გამოვლენილი ხარვეზების დროულად აღმოფხვრა არსებითად მნიშვნელოვანია შრომის ინსპექციის სამსახურის გამჭვირვალობისა და ღიაობის გასაუმჯობესებლად.“ - ნათქვამია ორგანიზაციის ვებგვერდზე.  დოკუმენტი მომზადდა სამართლისა და საჯარო პოლიტიკის ცენტრის და ღია საზოგადოების ფონდის მხარდაჭერით.  სრულად... წყარო: ღია საზოგადოების ფონდი

თბილისი. ჰაინრიჰ ბიოლის ფონდი მარიამ კანდელაკის ახალ კვლევას „ქალები მასკულინურ პროფესიებში: საზოგადოებრივი ტრანსპორტის მძღოლები“ აქვეყნებს.  კვლევის მიხედვით თბილისის მუნიციპალიტეტში, დღეს, 1725 დაქირავებული მძღოლიდან მხოლოდ 29- ია ქალი (0.016%). „ბოლო დროს უფრო და უფრო აქტუალური ხდება ტრანსპორტში გენდერულად ინკლუზიური პოლიტიკის წარმოება.  თუმცა, ამის მიუხედავად, გლობალურად, მათ შორის საქართველოში, თითქმის არ მოიპოვება თვისებრივი მეთოდოლოგიის საფუძველზე შექმნილი აკადემიური ნაშრომები, რომლებიც შეისწავლიან გენდერულად სეგრეგირებულ, მასკულინურ, ტრანსპორტის სფეროში დასაქმებულ საზოგადოებრივი ტრანსპორტის ქალ მძღოლთა გამოცდილებებს და იმ ხილულ თუ უხილავ სირთულეებს, რომლებსაც ისინი აწყდებიან“.  სრულად... წყარო: ჰაინრიჰ ბიოლის ფონდი

თბილისი. გამოქვეყნდა საქართველოს მუნიციპალიტეტების ინდექსი 2023.  ახალი ეკონომიკური სკოლა – საქართველოს და ფრიდრიხ ნაუმანის ფონდის ინდექსი იძლევა შესაძლებლობას შეფასდეს და შედარდეს სხვადასხვა მუნიციპალიტეტების მუშაობის ეფექტიანობა, მათ ტერიტორიაზე მოქალაქეთა ცხოვრებისა და სამეწარმეო საქმიანობის გარემო.  ანგარიშში წელს პირველად 41 მუნიციპალიტეტი მოხვდა. პროექტის უპირველესი მიზანია გააძლიეროს ეკონომიკური და პოლიტიკური პირობები ადგილობრივ დონეზე, რადგან ადგილობრივი ხელისუფლების პოლიტიკის გადამწყვეტი მნიშვნელობა აქვს არჩევანის თავისუფლებაზე, კერძო ინიციატივაზე, ბიზნეს პირობებზე, რესურსების განაწილებაზე და საერთო სოციალურ-ეკონომიკურ კეთილდღეობაზე.  პროექტის ერთ-ერთი მთავარი მიზანია განახორციელოს მუნიციპალური ხელისუფლების მუშაობის მონიტორინგი და შეფასება. სრულად... წყარო: ფრიდრიხ ნაუმანის ფონდი

თბილისი. გაეროს ქალთა ფონდი, ქალთა მიმართ ძალადობის ეროვნულ კვლევას ავრცელებს.  იგი სწავლობს, თუ როგორია ქალთა მიმართ ძალადობის სხვადასხვა ფორმის გავრცელება, რა გავლენა აქვს მას ქალების ჯანმრთელობასა და კეთილდღეობაზე. ასევე, რამდენად ფლობენ ქალები ინფორმაციას ძალადობის მსხვერპლებისთვის არსებული სერვისების შესახებ და სარგებლობენ თუ არა ამ სერვისებით.  კვლევა ყურადღებას უთმობს თუ როგორია საზოგადოების დამოკიდებულება ქალთა მიმართ ძალადობის, მისი მიზეზების, შედეგებისა და აღკვეთის გზების მიმართ. ქალთა მიმართ ძალადობის ეროვნული კვლევა 2022 გაეროს ქალთა ორგანიზაციამ საქსტატთან ერთად, ევროკავშირის მხარდაჭერით, პროექტის „ქალებისა და გოგოების მიმართ ძალადობის წინააღმდეგ საქართველოში“ ფარგლებში განახორციელდა. კვლევის მხარდამჭერია გაეროს ქალთა ორგანიზაციის რეგიონული პროგრამა „ქალებისა და გოგოების ხმა მნიშვნელოვანია“  სრულად... წყარო: გაეროს ქალთა ფონდი

თბილისი. საბჭოთა წარსულის კვლევის ლაბორატორია ახალ კვლევას აქვე6ყნებს – „აფხაზეთი მეხსიერების რეკონსტრუქცია“.  „აფხაზეთთან მიმართ მეხსიერება და საჯარო დისკურსი რამდენიმე „ფუნდამენტური,“ საბჭოთა პერიოდში დამკვიდრებული და მყარად ფესვგადგმული ნარატივის ირგვლივ ტრიალებს როგორც ოკუპირებულ აფხაზეთში, ასევე რუსეთის ფედერაციაში. სწორედ ამ ნარატივებს და მე-20 საუკუნის საბჭოთა პერიოდში კონსტრუირებულ მეხსიერებას ეყრდნობოდა და ეყრდნობა რუსეთის ფედერაციის პოლიტიკა აფხაზეთთან მიმართებით როგორც 1990-იან წლებში, ასევე დღესაც“. კვლევა „აფხაზეთი-მეხსიერების რეკონსტრუქცია“ საქართველოში ლიეტუვის რესპუბლიკის საელჩოს მხარდაჭერით მომზადდა.  სრულად...  წყარო: საბჭოთა წარსულის კვლევის ლაბორატორია

თბილისი. სოციალური სამართლიანობის ცენტრმა მოამზადა და გამოაქვეყნა მონიტორინგის ანგარიში: „2021-2022 წლების ანტინარკოტიკული სამოქმედო გეგმის შესრულება“.  დოკუმენტის მიხედვით, “ გეგმით განსაზღვრული 82 ღონისძიებიდან: სრულად მხოლოდ 31 ღონისძიება შესრულდა. საჯარო ინფორმაციის ხელმიუწვდომლობისა და ბუნდოვანი კრიტერიუმების გამო ვერ დადგინდა 29 ღონისძიების შესრულების სტატუსი. საკანონმდებლო ბაზის დახვეწის მიმართულებით არცერთი დასახული ღონისძიება არ შესრულებულა.”  სრულად...  წყარო: სოციალური სამართლიანობის ცენტრი