მოსწავლეებისა და მოსამართლის მორიგი შეხვედრა
თბილისი. პარტნიორობა ადამიანის უფლებებისთვის (PHR) ორგანიზებით, 156-ე საჯარო სკოლაში მოსამართლესა და მოსწავლეებს შორის მორიგი შეხვედრა გაიმართა. ამჯერად, ბავშვებს თბილისის სააპელაციო სასამართლოს მოსამართლე ქეთი მესხიშვილი შეხვდა.
„მოსწავლეების მაღალი ინტერესის გამო, შეხვედრა დაგეგმილზე ხანგრძლივი აღმოჩნდა. ბავშვები მოსამართლისგან დიდი ინტერესით ისმენდნენ პასუხებს თავიანთ დასმულ შეკითხვებზე, რომელიც შეეხებოდა მოსამართლის როგორც პროფესიულ, ისე პირად გამოცდილებას, პიროვნულ პრინციპებსა და ღირებულებებს“, ნათქვამია ორგანიზაციის გვერდზე სოციალურ ქსელში.
წყარო: ორგანიზაციის გვერდი სოციალურ ქსელში
