აჭარა. 15 ივლისს, ბათუმის თი–ბი–სი გალერიაში აუდიო დისკის -„ჰამაკის - პრეზენტაცია გაიმართა. დისკზე ბათუმელი პოეტების ლექსებია ჩაწერილი, რომლებიც ირაკლი შარაძის კომპოზიციებითაა გაფორმებული. დისკი ორგანიზაცია „კავკასიონისა" და ლიტერატურული კლუბის ორგანიზებით გამოიცა, აჭარის სპორტისა და ახალგაზრდობის საქმეთა დეპარტამენტის ფინანსური მხარდაჭერით. პრეზენტაციას ხელოვნების სფეროში მომუშავე საზოგადოებრივი  ორგანიზაციების წარმომადგენლები,  უმაღლესი საბჭოს წევრები, ახალგაზრდა პოეტები და მწერალთა კავშირის წარმომადგენლები ესწრებოდნენ. სამომავლოდ სხვა პოეტების აუდიო დისკების გამოცემა და აუდიო-ბიბლიოთეკის შექმნა იგეგმება.