თბილისი. საქართველოს ახალგაზრდა იურისტთა ასოციაცია (საია) აქვეყნებს კვლევას: „შეზღუდული შესაძლებლობის მქონე ბავშვთა განათლების უფლება კოვიდ-19-ის დროს“. „დოკუმენტი მიზნად ისახავს, შეაფასოს სპეციალური საგანმანათლებლო საჭიროების მქონე ბავშვების მისაწვდომობა განათლების უფლებაზე და მისი ეფექტიანობა. დაადგინოს არსებული გამოწვევები ქვეყნის კანონმდებლობისა და საერთაშორისო აქტების ანალიზის საფუძველზე. მიმოიხილოს პანდემიის პირობებში განათლების უფლების რეალიზების მიზნით სახელმწიფოს მხრიდან გადადგმული ნაბიჯები“. სრულად... წყარო: gyla.ge

თბილისი. სსპ-ების ნაწილი მთავრობის მიერ შშმ პირთა უფლებების კონვენციის განხორციელების მექანიზმის შექმნის ფაქტს ეხმაურება. „აღმასრულებელ ხელისუფლებას მოვუწოდებთ, გაატაროს მაქსიმალური ღონისძიებები აღნიშნული ინსტიტუტის ეფექტიანი ფუნქციონირებისა და მისი შემდგომი დახვეწისათვის. ხელმომწერი ორგანიზაციები კრიტიკულად ვაფასებთ აღნიშნული მექანიზმის შვიდწლიანი დაგვიანებით შექმნას ისე, რომ მისი ეფექტიანი ფუნქციონირების სათანადო გარანტიები არ შექმნილა“. სრულად... წყარო: socialjustice.org.ge

თბილისი. ჰურიე აბაშიძე აღნიშნულ პრემიაზე რონდელის ფონდმა წარადგინა. „ჰურიე ნამდვილად გამორჩეული ადამიანის უფლებათა აქტივისტია ხულოდან. ის მუსლიმი ქალების უფლებებს იცავს, ხელს უწყობს მათ დასაქმებაში, მუშაობს კულტურული მემკვიდრეობის დაცვასა და რეგიონული თემის განვითარებაზე, ადგილობრივი სოფლების ახალგაზრდების სათემო მობილიზაციასა და თვითმმართველობაში მონაწილეობაზე ზრუნავს“, ნათქვამია საქართველოში ნიდერლანდების საელჩოს გვერდზე სოციალურ ქსელში. სრულად... წყარო: საელჩოს გვერდი სოციალურ ქსელში

თბილისი. სოციალური სამართლიანობის ცენტრის, სისხლის სამართლის ადვოკატი, ქეთი ჩუთლაშვილი ვიდეოში აანალიზებს, რა ვერ და არ მუშაობს ჩვენს ქვეყანაში, როცა საუბარი გვაქვს ოჯახში ძალადობაზე, მსხვერპლსა და მოძალადეზე. წყარო: socialjustice.org.ge

თბილისი. საქართველოს ახალგაზრდა იურისტთა ასოციაცია (საია) გადამდგარი ნოტარიუსის თანამდებობაზე დაბრუნების დისკრიმინაციულ წესს საკონსტიტუციო სასამართლოში ასაჩივრებს. „2008 წლის 1 აპრილიდან 2010 წლის 1 აპრილამდე ნოტარიუსის თანამდებობიდან გადამდგარ ნოტარიუსებს გასაჩივრებული ნორმა ათავისუფლებს პროფესიული და ზოგადი უნარების გამოცდების ჩაბარების ვალდებულებისაგან, ხოლო იმ ნოტარიუსებს, რომლებმაც თანამდებობა დატოვეს 2010 წლის 1 აპრილის შემდეგ, ეკისრებათ ამგვარი გამოცდის ჩაბარების ვალდებულება. ამგვარ განსხვავებულ მოპყრობას არავითარი კონსტიტუციურ-სამართლებრივი გამართლება არ გააჩნია“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. „უფლებები საქართველოს“ დახმარებით, ირანის ისლამური რესპუბლიკის მოქალაქემ ბინადრობის ნებართვასთან დაკავშირებული სასამართლო დავა მოიგო. სრულად... წყარო: rights.ge

თბილისი. პარტნიორობა ადამიანის უფლებებისთვის (PHR) აქვეყნებს დოკუმენტს, რომელიც განკუთვნილია შეზღუდული შესაძლებლობის მქონე (შემდგომში „შშმ“) გოგოებისთვის, მათი მშობლების, მზრუნველების და ოჯახებისთვის, რომლებიც შშმ ბავშვების მომწიფების ასაკთან დაკავშირებული საჭიროებების გამოვლენისას წინააღმდეგობებს აწყდებიან. სრულად... წყარო: phr.ge

თბილისი. 27 ნოემბერს, სოციალური სამართლიანობის ცენტრმა ღირსეული შრომის პლატფორმის წევრებისა და დამოუკიდებლად ორგანიზებული მშრომელთა ჯგუფის მონაწილეობით გამართა საჯარო დისკუსია: „COVID 19 და წინა ხაზის მშრომელების შრომითი პირობები“. სრულად... წყარო: socialjustice.org.ge

თბილისი. ომბუდსმენის ინფორმაციით, საქართველოში თანასწორობის კვირეული გაიმართა, რომელიც მიზნად ისახავდა საზოგადოების ინფორმირებას თანასწორობის მნიშვნელობისა და დისკრიმინაციის წინააღმდეგ ბრძოლის სამართლებრივი მექანიზმების შესახებ. „სახალხო დამცველის აპარატის აღმოსავლეთ საქართველოს სამმართველომ და თანასწორობის დეპარტამენტის თანამშრომლებმა 30 საინფორმაციო შეხვედრა გამართეს თბილისისა და საქართველოს 5 რეგიონის სტუდენტებთან, მოსწავლეებთან, პედაგოგებთან და რეგიონებში მცხოვრებ ახალგაზრდებთან. ომბუდსმენის წარმომადგენლებმა შეხვედრის მონაწილეებს დისკრიმინაციის ფორმები, ქვეყანაში მოქმედი რეგულაციები და უფლების დაცვის მექანიზმები გააცნეს. აღსანიშნავია, რომ ეთნიკური უმცირესობებით დასახლებულ რეგიონებში შეხვედრები ეთნიკური უმცირესობების ენაზე ჩატარდა“. სრულად... წყარო: ombudsman.ge

თბილისი. საქართველოს პარლამენტის და გაეროს ბავშვთა ფონდის ორგანიზებით, პარლამენტარებისა და ბავშვის უფლებათა დაცვის მუდმივმოქმედი საპარლამენტო საბჭოს წევრებისთვის ბავშვთა უფლებების შესახებ სემინარი გაიმართა. „შეხვედრაზე განიხილეს ბავშვის უფლებათა კონვენციის შემუშავების პროცესი, ძირითადი პრინციპები და კონვენციის განხორციელების მექანიზმები“.  სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოების (ISFED) ინფორმაციით, ორგანიზაციის იურიდიული დახმარებით, კიდევ ერთი მოქალაქე სამსახურში აღდგა და იძულებითი განაცდური აუნაზღაურდა. „რუსთავის საქალაქო სასამართლომ ქალაქ რუთავის საბავშვო ბაგა-ბაღების გაერთიანებიდან გათავისუფლებული პირი სამუშაო ადგილზე აღადგინა. მას ასევე სრულად აუნაზღაურდება განაცდური, რაც უკანონოდ გათავისუფლებიდან აღდგენამდე პერიოდში ხელფასის სახით უნდა მიეღო“. სრულად... წყარო: ორგანიზაციის გვერდი სოციალურ ქსელში

თბილისი. კოალიცია „მედიის ადვოკატირებისთვის“ ტელეკომპანია „კავკასიას“ ოპერატორის დაზიანების ფაქტს ეხმიანება. 29 ნოემბერს, თბილისის საქალაქო სასამართლოსთან მიმდინარე აქციის გაშუქებისას ტელეკომპანია „კავკასიას“ ოპერატორმა გონება დაკარგა, მისი თქმით, სავარაუდოდ, მას თვალებში წიწაკის სპრეი შეასხეს. „სამწუხაროდ, შინაგან საქმეთა სამინისტოს წარმომადგენლებმა დაკისრებული ფუნქციის შესრულებას თავი სათანადოდ ამჯერზეც ვერ გაართვეს და დღემდე პრობლემად რჩება პოლიციის მხრიდან აქციების გაშუქებისას მედიის უსაფრთხოების უზრუნველყოფა. კოალიცია „მედიის ადვოკატირებისთვის” მოუწოდებს შინაგან საქმეთა სამინისტროს გაითვალისწინოს პროცესისადმი მაღალი საჯარო ინტერესი და უზრუნველყოს მედიის წარმომადგენლებისთვის სათანადო პირობები, რათა მათ თავისუფლად, ჯანმრთელობის დაზიანებისა და უფლებების დარღვევის გარეშე, შეძლონ პროფესიული მოვალეობის შესრულება“. სრულად... წყარო: ორგანიზაციის გვერდი სოციალურ ქსელში ფოტო: ნეტგაზეთი

თბილისი. სახალხო დამცველმა და ორგანიზაციამ „უფლებები საქართველო“ სპეციალური ანგარიში გამოაქვეყნეს, რომელიც თბილისისა და რუსთავის საქალაქო სასამართლოებში ჩატარებული სასამართლო პროცესების მონიტორინგის შედეგებს ასახავს. პროექტის მკვლევარები სისხლის სამართლის 30 საქმეზე დააკვირდნენ ოჯახში ძალადობის მსხვერპლი ქალების დაკითხვას. „უფლებების და მხარდამჭერი სერვისების შესახებ არასრულყოფილი ინფორმირება ერთ-ერთია იმ სირთულეებიდან, რომლებსაც ოჯახში ძალადობის მსხვერპლი ქალები სასამართლოში დაკითხვისას აწყდებიან“.  სრულად... წყარო: rights.ge

თბილისი. მაკ ჯორჯია, 3 დეკემბერს, შეზღუდული შესაძლებლობის მქონე პირთა საერთაშორისო დღესთან დაკავშირებით, ერთი კვირის განმავლობაში, ორგანიზაციის მიერ განხორციელებულ მნიშვნელოვან პროექტებზე და საკვანძო ინიციატივებზე მოგვიყვება. „ამ დღეს, ისევე როგორც მთელი წლის განმავლობაში, ვაღიარებთ და აღვნიშნავთ შეზღუდული შესაძლებლობების მქონე ადამიანების შრომას ბარიერებისა და გამოწვევების დასაძლევად ინკლუზიური და ხელმისაწვდომი რეალობის შესაქმნელად. MAC Georgia 10 წელზე მეტია, რაც საქართველოში შეზღუდული შესაძლებლობის მქონე პირებს და მათზე მზრუნველ საზოგადოებას სთავაზობს გაძლიერებას, მხარდაჭერასა და რესურსებზე ხელმისაწვდომობას“.  სრულად... წყარო: ორგანიზაციის გვერდი სოციალურ ქსელში

თბილისი. „ქალთა ფონდი საქართველოში“-ს გადაწყვეტილებით, წელს კატო მიქელაძის პრემიის გამარჯვებულები გახდნენ ბაია პატარაია, ელისო რუხაძე და თოზუ გულმამედლი. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებათა ცენტრი ანალიტიკურ დოკუმენტს აქვეყნებს: „სამართლიანი სასამართლოს უფლება ადმინისტრაციულ სამართალდარღვევათა საქმეებში“. „წინამდებარე დოკუმენტი გამოკვეთს და აფასებს იმ პრობლემებს, რაც ადამიანის უფლებათა ცენტრის მიერ სავარაუდოდ პოლიტიკურად მოტივირებული ადმინისტრაციულ სამართალდარღვევათა საქმეების სასამართლო პროცესების მონიტორინგისას გამოვლინდა“. ანგარიში... წყარო: hrc.ge

თბილისი. სოციალური სამართლიანობის ცენტრი ქალთა მიმართ ძალადობის წინააღმდეგ ბრძოლის კვირეულის ფარგლებში გთავაზობთ პოდკასტს, რომელიც აღწერს ომის შედეგად გამოწვეულ ტრავმებსა და მძიმე სოციალურ შედეგებს. სრულად... წყარო: socialjustice.org.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას, რომელიც მიმოიხილავს კიბერსივრცეში პერსონალური მონაცემების დაცვისა და კიბერუსაფრთხოების მარეგულირებელ სამართლებრივ გარემოს. „საუკეთესო ევროპულ სამართლებრივ ჩარჩოებზე დაყრდნობით, კვლევაში მოცემულია მტკიცებულებებზე დაფუძნებული რეკომენდაციები“. სრულად... წყარო: idfi.ge

თბილისი. ომბუდსმენი ყოველწლიურად უერთდება 16 დღიან გლობალურ კამპანიას გენდერული ძალადობის წინააღმდეგ, რომელიც 1991 წლიდან აღინიშნება და მიზნად ისახავს საზოგადოების ცნობიერების ამაღლებას ქალთა მიმართ ძალადობისა და ოჯახში ძალადობის აღმოსაფხვრელად. „სამწუხაროდ, კოვიდ 19-ის პანდემიამ კიდევ უფრო გაზარდა ოჯახში ძალადობისა და ფემიციდის შემთხვევების პრობლემური და დაფარული ხასიათი. განსაკუთრებით მძიმე პრობლემად რჩება ფემიციდი - გენდერული ნიშნით მოტივირებული ქალთა მკვლელობები. წინა წლებთან შედარებით მკვეთრად გაიზარდა აღნიშნული დანაშაულების რიცხვი“, ნათქვამია განცხადებაში. სრულად... წყარო: ombudsman.ge

თბილისი. 25 ნოემბერი ქალთა მიმართ ძალადობის წინააღმდეგ ბრძოლის საერთაშორისო დღეა. „სოციალური სამართლიანობის ცენტრი მიიჩნევს, რომ სახელმწიფოს არსებული პოლიტიკა არსებითად გაუმჯობესდეს და ის ძალადობის აღმოფხვრის უფრო მრავალშრიან ხედვას და მიდგომებს დაეფუძნოს. მნიშვნელოვანი მასში ერთის მხრივ, მკვეთრად გაძლიერდეს მსხვერპლი ქალების რეალურ საჭიროებებზე და გრძელვადიან გაძლიერებაზე მიმართული მუშაობა, მეორეს მხრივ, კი შეიქმნას ინტერ-დისციპლინურ ცოდნაზე და ინტერ-უწყებრივ (საპოლიციო, მართლმსაჯულების, სოციალური და პენიტენციალური სფეროების) კოორდინაციაზე დაფუძნებული სისტემური პოლიტიკა, რომელიც ძალადობის სტრუქტურულ მიზეზებს უპასუხებს, ძალადობის ჩამდენ პირებს ქცევის, ცნობიერებისა და მიდგომების რეალურ ცვლილების პირობებს შეუქმნის და მოახერხებს ძალადობის რისკების გაზომვის უფრო დროული და დახვეწილი მეთოდოლოგიების დანერგვას“. სრულად... წყარო: socialjustice.org.ge

თბილისი. გაეროს ქალთა ფონდის ცნობით, ქალთა მიმართ ძალადობის აღმოფხვრის საერთაშორისო დღესთან დაკავშირებით, სატელევიზიო ანძა ნარინჯისფრად კიდევ ერთხელ განათდა. „ამ სიმბოლური ჟესტით საქართველოს დედაქალაქი გენდერული ძალადობის წინააღმდეგ გლობალურ კამპანიას შეუერთდა. ინიციატივა, რომელიც უკვე ტრადიციად იქცა, გაეროს ქალთა ორგანიზაციის მიერ, დედაქალაქის მერიის მხარდაჭერით, 2016 წლიდან ხორციელდება“. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „საფარის“ ინფორმაციით, 25 ნოემბერს - ქალთა მიმართ ძალადობის აღმოფხვრის საერთაშორისო დღეს, დაიწყო „გენდერული ძალადობის წინააღმდეგ 16 დღიანი კამპანია“, რომელიც მსოფლიოში 1991 წლიდან აღინიშნება. „კამპანია მიზნად ისახავს საზოგადოების ცნობიერების ამაღლებას ქალთა მიმართ ძალადობის თვალსაზრისით ქვეყანაში არსებულ გამოწვევებსა და პრობლემებზე. საფარისთვის 2021 წლის გენდერული ძალადობის წინააღმდეგ 16 დღიანი კამპანიის ძირითადი თემა იქნება სქესობრივი დანაშაულები: გამოწვევები კანონმდებლობასა და პრაქტიკაში“. სრულად... წყარო: ორგანიზაციის გვერდი სოციალურ ქსელში