თბილისი. 29 იანვარს, „სამართლისა და საჯარო პოლიტიკის ცენტრმა“ გამართა ახალი კვლევის „ღია მართლმსაჯულება და მომხმარებელზე ორიენტირებული სასამართლო სერვისები საქართველოში – გამოწვევები და რეკომენდაციები“ პრეზენტაცია. კვლევის პრეზენტაციის შემდეგ გაიმართა პანელური დისკუსია.  მომხსენებლებს შორის იყვნენ: გიორგი გოცირიძე – „საქართველოს ახალგაზრდა იურისტთა ასოციაციის“ საკონსტიტუციო სამართალწარმოების გუნდის ხელმძღვანელი; ქეთი ჩუთლაშვილი – „სოციალური სამართლიანობის ცენტრის“ იურისტი და გიორგი ანთაძე – იურიდიული ფირმა „კავკასუს ლეგალ სერვისის“ დამფუძნებელი პარტნიორი/ადვოკატი. პროექტს ახორციელებს „სამართლისა და საჯარო პოლიტიკის ცენტრი“ ღია მმართველობის პარტნიორობის მხარდაჭერით, აღმოსავლეთ პარტნიორობის EU4Integrity პროგრამის ფარგლებში, რომელიც დაფინანსებულია ევროკავშირის მიერ.  სრულად... წყარო: სამართლისა და საჯარო პოლიტიკის ცენტრი

თბილისი. 31 იანვარს, ეკონომიკური პოლიტიკის კვლევის ცენტრმა გამართა პროექტ „ერთიანი საქართველო ევროპისთვის“ ექსპერტთა საბჭოს პირველი სამუშაო შეხვედრა.  ექსპერტთა საბჭოს ექნება საკონსულტაციო და სტრატეგიული მიმართულებების განსაზღვრის ფუნქცია და იმუშავებს ევროინტეგრაციის საკითხებზე, განიხილავს მიმდინარე მდგომარეობას, არსებული გამოწვევების დაძლევის გზებს, კვლევითი საქმიანობისა და აქტივობების ერთობლივ სტრატეგიას.  პროექტი მხარდაჭერილია ევროკავშირის მიერ, მას ახორციელებს კონსორციუმი კონრად ადენაუერის ფონდის (KAS) ხელმძღვანელობით, რომელშიც შედიან ეკონომიკური პოლიტიკის კვლევის ცენტრი (EPRC), სამოქალაქო საზოგადოების ფონდი (CSF) და თავისუფალ ჟურნალისტთა სახლი (IJH). პროექტი მიზნად ისახავს საქართველოს ევროკავშირთან დაახლოების ხელშეწყობას საზოგადოების ფართო ჩართულობითა და თანამშრომლობით. სრულად... წყარო: ეკონომიკური პოლიტიკის კვლევის ცენტრი

თბილისი. კავკასიის გარემოსადცვითი არასამთავრობო ქსელი (CENN) 2022 წლის ანარიშს აქვეყნებს.  ანგარიშში განხილულია 2022 წელს კავკასიის გარემოსდაცვითი ქსელის აქტივობები, გლობალური მიზნები და მიღწევები.  იხილეთ ანგარიში ... წყარო: კავკასიის გარემოსდაცვითი არასამთავრობო ქსელი

თბილისი. ჰაინრიჰ ბიოლის ფონდი ქეთი გუჯარაიძის ახალ სტატიას „ამნისტია-ჰუმანური აქტი თუ მიწის მიტაცება?“ აქვეყნებს. სტატიაში განხილულია საქართველოს პარლამენტის მიერ 2023 წლის 15 ნოემბერს მიღებული კანონი „ამნისტიის შესახებ”, რომელიც ორი თვით ადრე, საქართველოს პრემიერ-მინისტრის ინიციატივით იქნა წარდგენილი პარლამენტში.  იხილეთ სტატია სრულად...  წყარო: ჰაინრიჰ ბიოლოს ფონდი

თბილისი.ღია კარის საგრანტო პროგრამით დაინტერესებული სამოქალაქო საზოგადოების ორგანიზაციებისთვის 2 თებერვალს, 15:00 საათზე გაიმართება ონლაინ საკონსულტაციო შეხვედრა. რეგისტრაციისთვის ეწვიეთ ბმულს... წყარო: ევროპის ფონდი

გურია. კავკასიის გარემოსდაცვითი არასამთავრობო ქსელი (CENN) აგრძელებს ცნობიერების ამაღლების სესიებს.  ტრენინგების მიზანია ადგილობრივი მოსახლეობის ცნობიერების ამაღლება ბუნებრივი რესურსების მდგრადი მართვის; ნარჩენების მართვის; მწვანე ზრდის შესაძლებლობებისა და სოფლის ეკონომიკური წყაროების დივერსიფიკაციის და ა.შ საკითხების მიმართულებებით.  პროექტი “მწვანე გურია ადგილობრივი დემოკრატიისა და სოფლის განვითარების მხარდაჭერა ინკლუზიური და მდგრადი მწვანე ზრდისთვის” ხორციელდება ევროკავშირის ფინანსური მხარდაჭერით სოფლისა და სოფლის მეურნეობის განვითარების ევროპის სამეზობლო პროგრამის ENPARD IV ფარგლებში.  პროექტს ახორციელებს CENN, ახალგაზრდა პედაგოგთა კავშირთან, დემოკრატიის ინსტიტუტთან და ქედის ადგილობრივ განვითარების ჯგუფთან (LAG).  სრულად... წყარო: კავკასიის გარემოსდაცვითი არასამთავრობო ქსელი

გაეროს განვითარების პროგრამის ზამთრის სკოლაში საქართველოს ყველა რეგიონიდან 26 მოტივირებული ახალგაზრდა ჩაერთო.  ახალგაზრდები მომავალი ექვსი თვის მანძილზე, საკუთარ აქტივობებს დაგეგმავენ და საქართველოს სხვადასხვა რეგიონში განახორციელებენ.  ზამთრის სკოლა განხორციელდა კანონის უზენაესობის ცენტრის მიერ, გაეროს განვითარების პროგრამისა და ნორვეგიის მხარდაჭერით.  სრულად... წყარო: გაეროს განვითარების პროგრამა

შიდა ქართლი. გორის მეორე საჯარო სკოლაში საჯარო ლექციების კურსი დაიწყო, რომელსაც პროგრამაში ჩარტული ახალგაზრდები თავად აორგანიზებენ.  პროქეტის ფარგლებში ჩატარდა 3 ტრენინგი რომელიც ადამიანის ფუნდამეტურ უფლებებს ეძღვნეობდა. პროექტი USAID -ის პროგრამა ,,ერთიანობა მრავალფეროვნებაშია” ფარგლებში მიმდინარეობს, რომელიც საქართველოს გაეროს ასოციაციის UNAG-ის მიერ ხორციელდება. აშშ-ს საერთაშორისო განვითარების სააგენტოს USAID-ის ფინანსური მხარდაჭერით.  სრულად...   წყარო: გორის სამოქალაქო აქტივიზმის ცენტრი

აჭარა. ხელვაჩაურის მუნიციპალიტეტში, სოფელ კირნათში 31 იანვარს საჯარო შეხვედრა გაიმართება.  შეხვედრის მიზანია, მოსახლეობის ინფორმირება აჭარის ჯანდაცვის პროგრამების შესახებ.  აქტივობა ხორციელდება თავისუფალ ჟურნალისტთა სახლის მიერ საქართველოს ახალგაზრდა იურისტთა ასოციაციის პროექტის „სოციალური კაპიტალის შექმნა სსო-ების გაძლიერებითა და ადგილობრივი ქსელის გაძლიერებით“ ფარგლებში.  პროექტი დაფინანსებულია გერმანიის საერთაშორისო თანამშრომლობის საზოგადოების (GIZ) პროგრამის ‘Strengthening Civil Society in the Eastern Partnership’ ფარგლებში, რომელიც ხორციელდება გერმანიის ეკონომიკური თანამშრომლობისა და განვითარების ფედერალური სამინისტროს დაკვეთითა და ევროკავშირის თანადაფინანსებით.  სრულად... წყარო: თავისუფალ ჟურნალისტთა სახლი

თბილისი. 31 იანვარს, ლიდერთა სკოლის თბილისის ფილიალის წევრებისთვის, გაიმართება სემინარი თემაზე: რელიგიების მრავალფეროვნება.  ლექციას გაუძღვება სოციო-კულტუურლი ანთროპოლოგიის პროფესორი თეა ქამუშაძე.  სრულად... წყარო: ახალგაზრდა პედაგოგთა კავშირი

თბილისი. საერთაშორისო გამჭვირვალობა-საქართველო 30 იანვარს, 2023 წლის კორუფციის აღქმის ინდექსს გამოაქვეყნებს.  “ანალიზი ფოკუსირებული იქნება იმაზე, თუ როგორ აძლევს გზას კორუფციას მართლმსაჯულების სისტემის შესუსტება.” - ნათქვამია გამჭვირვალობა საქართველოს ფბ გვერდზე  სრულად...  წყარო: საერთაშორისო გამჭვირვალობა-საქართველო

შიდა ქართლი. 27 იანვარს, გაიმართა ჰოლოკოსტის დღისადმი მიძღვნილი შეხვედრა, სადაც გაიმართა. მხატვრული ფილმი "ტალღა" ჩვენება-განხილვა, რომელიც დაფუძნებულია რეალურ, ამბავზე, კერძოდ კი, ამერიკის შეერთებულ შტატებში არსებულ ერთერათ საჯარო სკოლაში განვითარებულ ტრაგიკულ მოვლენაზე. პროექტი USAID -ის პროგრამა ,,ერთიანობა მრავალფეროვნებაშია” ფარგლებში მიმდინარეობს, რომელიც საქართველოს გაეროს ასოციაციის UNAG-ის მიერ ხორციელდება, აშშ-ს საერთაშორისო განვითარების სააგენტოს USAID-ის ფინანსური მხარდაჭერით.  სრულად... წყარო: გორის სამოქალაქო აქტივიზმის ცენტრი

საქველმოქმედო ჰუმანიტარული ცენტრი “აფხაზეთი” აგრძელებს სოციალური სერვისების საკონსულტაციო ცხელი ხაზის საინფორმაციო შეხვედრებს.  დამსწრეებს მიეწოდათ ინფორმააცია ცხელი ხაზის შესახებ, იურისტისა და ფსიქოლოგის კონსულტაციის შესაძლებლობაზე, გაადაეცათ ფლააერები და მოკლე ინფორმააცია ორგანიზაციის საქმიანობის შესახებ.  სრულად... წყარო: საქველმოქმედო ჰუმანიტარული ცენტრი “აფხაზეთი”

თბილისი. ინფორმაციის თავისუფლების განვითარების ინსტიტუტი აქვეყნებს პოლიტიკური რეპრესიების მსხვერპლთა საყოფაცხოვრო სუბსიდიას, რომელიც 2024 წელს 7-დან 40 ლარამდე გაიზარდა.  „2020 წლიდან IDFI-მ და საზოგადოება „საქართველოს მემორიალმა“ საქართველოს პრემიერ-მინისტრს, მთავრობასა და პარლამენტს რეპრესირებულთათვის სუბსიდიის გაზრდის მოთხოვნით ოთხჯერ მიმართეს. IDFI-ის ინიციატივით შეიქმნა პეტიცია და დაიწყო ხელმოწერების შეგროვება. IDFI- გააგრძელებს ადვოკატირებას რეპრესირებულთა მდგომარეობის გაუმჯობესებისთვის.“ - ნათქვამია ორგანიზაციის ვებ გვერდზე  სრულად... წყარო: ინფორმაციის თავისუფლების განვითარების ინსტიტუტი

თბილისი. 27 იანვარს, „ახალგაზრდა პედაგოგთა კავშირის“ ბაზაზე არსებული ახალგაზრდული ცენტრის წევრების მონაწილეობით ჩატარდა სესია თემაზე: შეზღუდული შესაძლებლობა, მიდგომები და პრინციპები. შეხვედრაზე განხილული თემები მოიცავდა ისეთ მნიშვნელოვან საკითხებს როგორებიცაა: შეზღუდული შესაძლებლობის ძირითადი კატეგორიები, შეზღუდული შესაძლებლობები გენდერულ ჭრილში, ჯვარედინი დისკრიმინაცია, ინკლუზიური განათლება, საზოგადოებაში ინტეგრაციის ტიპები, შეზღუდული შესაძლებლობის მქონე პირთა უფლებების დაცვის კონვენცია(CRPD), რომელიც გაერომ 2006 წელს მიიღო და სხვ. პროგრამას ახორციელებს საქართველოს გაეროს ასოციაცია, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით.  გურიის რეგიონში პროგრამის პარტნიორი ორგანიზაციაა "ახალგაზრდა პედაგოგთა კავშირი".  სრულად... წყარო: ახალგაზრდა პედაგოგთა კავშირი

თბილისი. პირველ თებერვალს 17:00 საათზე თბილისის ახალგაზრდულ ცენტრში გაიმართება ლექცია „გენდერული თანასწორობის ადვოკატირება.“  ლექციას არასამთავრობო ორგანიზაცია „პარტნიორობა ადამიანის უფლებებისთვის“ ხელმძღვანელი თამარ გაბოძე ჩაატარებს.  სრულად...  წყარო: თბილისის ახალგაზრდული ცენტრი

თბილისი. ილიას სახელმწიფო უნივერსიტეტის ბავშვის განვითარების ინსტიტუტის ორგანიზებით ტრენინგ-მოდულის „მოსწავლეთა სოციალური და ემოციური კომპეტენციების მხარდაჭერა“ პილოტირება გაიმართა. ტრენინგში მონაწილეობა მიიღო სხვადასხვა საგნისა და საფეხურის ოცმა მასწავლებელმა.  პილოტირების შედეგად გაუმჯობესებულ ტრენინგ კურსს ბავშვის განვითარების ინსტიტუტი სამომავლოდ შესთავაზებს როგორც მოქმედ, ასევე მომავალ პედაგოგებს ილიას სახელმწიფო უნივერსიტეტის ბავშვის განვითარების ინსტიტუტი კონსულტაციისა და ტრენინცის ცენტრის(CTC) სკოლა-ლაბის პროგრამის მხარდაჭერით, 2023 წლიდან ქმნის სოციალური და ემოციური კომპეტენციებისმხარდაჭერაზე ორიენტირებული საუნივერსიტეტო და მასწავლებლების გადამზადების პროგრამებს. პროქტი ხორციელდება კონსულტაციისა და ტრენინცის ცენტრის(CTC) სკოლა-ლაბის "სკოლების გაძლიერების ინიციატივის" მცირე გრანტების კონკურსის ფარგლებში, Bread for the World-ის (BfdW) ფინანსური მხარდაჭერით. სრულად... წყარო: კონსულტაციისა და ტრენინგის ცენტრი

თბილისი. ადამიანის უფლებათა ცენტრმა წლიური ანგარიში - ადამიანის უფლებების მდგომარეობა საქართველოში, 2023 გამოაქვეყნა.  ანგარიში მოიცავს ადამიანის უფლებათა საკვანძო მიმართულებებს ისეთ სფეროებში, როგორიცაა: მართლმსაჯულების სისტემა, თანასწორობის უფლება, გამოხატვის თავისუფლება და ა.შ. ანგარიშში მიმოხილულია ბავშვთა, ქალთა, შშმ პირთა, ლგბტ+ თემის წარმომადგენელთა, იძულებით გადაადგილებულთა, უსახლკარო და ხანდაზმული პირების, ეროვნული და რელიგიური უმცირესობების უფლებრივი მდგომარეობა.  სრულად... წყარო: ადამიანის უფლებათა ცენტრი

თბილისი. 30-31 იანვარს, საქართველოს გარემოს დაცვის და სოფლის მეურნეობის სამინისტროს, გერმანიის საერთაშორისო თანამშრომლობის საზოგადოების (GIZ) და SEU-ს თანაორგანიზებით გაიმართება სემინარი თემაზე: „კლიმატის ცვლილება“.  სემინარი ტარდება რეგიონული პროგრამის „კლიმატის პოლიტიკის შესაძლებლობების განვითარება სამხრეთ აღმოსავლეთ, აღმოსავლეთ ევროპის, სამხრეთ კავკასიისა და ცენტრალური აზიის ქვეყნებში“ (CDCPIII) ფარგლებში, რომელიც ხორციელდება გერმანიის საერთაშორისო თანამშრომლობის საზოგადოების (GIZ) მიერ კლიმატის საერთაშორისო ინიციატივის (IKI) ფარგლებში. პროგრამა ხორციელდება გერმანიის ფედერალური ეკონომიკისა და კლიმატის სამინისტროს, ასევე გერმანიის ფედერალური საგარეო საქმეთა სამინისტროს მიერ.  სრულად...  წყარო: საქართველოს ეროვნული უნივერსიტეტი სეუ

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. ევროკავშირის წარმომადგენლობა საქართველოში ევროპის საგარეო ქმედებათა სამსახურის (EEAS) მეორე ანგარიშს, უცხოეთის მხრიდან ინფორმაციით მანიპულირებისა და ჩარევის (FIMI) საფრთხეების შესახებ აქვეყნებს.  ანგარიშის მიგნებები ეყრდნობა შესწავლილ 750 შემთხვევას, რომელთა სამიზნეს წარმოადგენდა უკრაინა, მედია, სამოქალაქო საზოგადოება და პოლიტიკური ფიგურები. შემთხვევების ანალიზმა აგრეთვე გამოავლინა პლატფორმათაშორისი კოორდინაცია და თავდასხმები არჩევნებზე. სრულად...  წყარო: ევროკავშირის წარმომადგენლობა საქართველოში

თბილისი. სამართლიანი არჩევნები ახალ ბლოგს „ნიუს-ფრონტთან“ დაკავშირებული ქსელი ფეისბუქსა და ტელეგრამზე“ ავრცელებს.  მასში განხილულია კრემლის პროპაგანდისტული სააგენტოს „ნიუს–ფრონტის“ მიერ მომზადებული მასალების გავრცელების საკითხები.  „ 2020 წელს კომპანია „ფეისბუქმა“ კრემლის პროპაგანდისტული სააგენტო, „ნიუს-ფრონტი”, მის კუთვნილ პლატფორმებზე წესების დარღვევით მოქმედების გამო შეზღუდა, თუმცა გამოცემასთან დაკავშირებული ანგარიშები ფეისბუქზე სხვადასხვა ხერხით მაინც ცდილობენ მასალების გავრცელებას. 2023 წლის სექტემბრიდან კი „ნიუს-ფრონტმა” ტელეგრამის პლატფორმის გამოყენება აქტიურად დაიწყო და ანტიდასავლური და პრორუსული შინაარსის, ასევე, საქართველოს შიდა პოლიტიკურ აქტორებზე მომზადებულ მასალებს ფეისბუქზე სწორედ ამ პლატფორმაზე კუთვნილი არხის („იქნება თუ არა მაიდანი”) ბმულების საშუალებით ავრცელებს“, წერს სამართლიანი არჩევნები.  სრულად... წყარო: სამართლიანი არჩევნები