თბილისი. კონრად ადენაუერის ფონდის წარმომადგენლობამ სამხრეთ კავკასიაში (KAS) და მისმა პარტნიორმა ორგანიზაციებმა – ეკონომიკური პოლიტიკის კვლევის ცენტრმა (EPRC), საქართველოს ღია საზოგადოების ფონდმა (OSGF) და თავისუფალ ჟურნალისტთა სახლმა (IJH) გამართეს ევროკავშირის მიერ მხარდაჭერილი ახალი პროექტის „ერთიანი საქართველო ევროპისთვის“ პრეზენტაცია.  პროექტი მიზნად ისახავს საქართველოს ევროკავშირთან დაახლოების ხელშეწყობას საზოგადოების ფართო ჩართულობითა და თანამშრომლობით;  ქვეყანაში დემოკრატიის, სამოქალაქო საზოგადოების, ახალგაზრდების, მედიის, ბიზნესის, ახალგაზრდა ადვოკატების, და აქტივისტების სამართლებრივ მხარდაჭერასა და გაძლიერებას;  სამეცნიერო კვლევებისა და საზოგადოებრივი დიალოგის ინიცირებას; საქართველოს საზოგადოებისა და საერთაშორისო საზოგადოების ინფორმირების ზრდას.  სრულად... წყარო: ევროკავშირის წარმომადგენლობა საქართველოში

თბილისი.13 დეკემბერს, სოციალური სამართლიანობის ცენტრი კვლევების პრეზენტაციას გამართავს.  პრეზენტაცია აერთიანებს კონფლიქტით დაზარალებული მოსახლეობისა და სამოქალაქო საზოგადოების ორგანიზაციების წარმომადგენლების ხედვებს მშვიდობისა და მშვიდობის მშენებლობის საკითხზე.  სრულად...  წყარო: სოციალური სამართლიანობის ცენტრი

თბილისი. მშვიდობის მშენებლობის საკითხებზე მომუშავე სსო–ები ერთობლივ განცხადებას ავრცელებენ.  „გვსურს გამოვეხმაუროთ უკანასკნელ პერიოდში მიმდინარე დისკუსიას იმასთან დაკავშირებით, უნდა არსებობდეს თუ არა დიალოგი თბილისსა და სოხუმს შორის. ჩვენ მიგვაჩნია, რომ დიალოგი აფხაზურ და ქართულ (ასევე, ოსურ და ქართულ) საზოგადოებებს შორის აუცილებელია სხვადასხვა დონეზე, სხვადასხვა აქტორების და ჯგუფების მონაწილეობით. საგნობრივი დისკუსია შესაძლოა შეეხოს მთელ რიგ საკითხებს, როგორებიცაა: გაყოფილ საზოგადოებებს შორის სავაჭრო ურთიერთობების განვითარება, ახალგაზრდებისთვის ხარისხიანი განათლების შესაძლებლობების გაფართოება, ადამიანების თავისუფალი მიმოსვლა და სხვა ბევრი მნიშვნელოვანი თემა, რაც კონფლიქტით დაზარალებული მოსახლეობის მდგომარეობის გაუმჯობესებას მოემსახურება. ასევე, მნიშვნელოვანია საზოგადოებრივი დიალოგის ფარგლებში ევროკავშირში ინტეგრაციის თანმდევი სიკეთეების შესახებ საუბარი“.  სრულად... წყარო: სოციალური სამართლიანობის ცენტრი

თბილისი. ფრიდრიხ ნაუმანის ფონდი თავისუფლებისთვის, 13 დეკემბერს გამართავს კვლევითი ნაშრომის პრეზენტაციას: „რუსული პროპაგანდის იდეოლოგიური ნარატივები და მათი გამოძახილები საქართველოსა და სომხეთში“. ღონისძიება გაიმართება ფონდის ოფისში. სრულად...  წყარო: ფრიდრიხ ნაუმანის ფონდი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი.12 დეკემბერს, ეროვნული ბიბლიოთეკის საგამოფენო დარბაზში, რიგით მეორე “იდეების აუქციონი” გაიმართება! „იდეების აუქციონი“ სახალხო დაფინანსების ცნობილი მეთოდია, რომელიც მცირე ზომის ჯგუფებს საკუთარი პროექტების პოტენციურ დონორებთან წარდგენასა და დონაციების ცოცხალ რეჟიმში შეგროვებაში ეხმარება. წელს, საკუთარ სოციალურ პროექტებს, სამი შერჩეული ჯგუფი წარადგენს და მათ განსახორციელებლად, აუდიტორიის მხარდაჭერის მოპოვებას შეეცდება. აუქციონი ტარდება საქართველოს სტრატეგიული კვლევებისა და განვითარების ცენტრის ორგანიზებით, პროექტის “სამოქალაქო საზოგადოების ინიციატივის” – ფარგლებში, ევროკავშირისა და კონრად ადენაუერის ფონდის (KAS) მხარდაჭერით. სრულად...  წყარო: ორგანიზაციის გვერდი სოციალურ ქსელში

საქართველოს პარლამენტმა დაჩქარებული წესით მიიღო ცვლილებები „მეწარმეთა შესახებ“ საქართველოს კანონში, რომელიც ამოქმედდება 2024 წლის 1 იანვრიდან. ცვლილებების მიხედვით, არასამეწარმეო (არაკომერციული) იურიდიული პირი აღარ იქნება ვალდებული სარეგისტრაციო მონაცემები შესაბამისობაში მოიყვანოს „მეწარმეთა შესახებ“ ახალი კანონის მოთხოვნებთან. შესაბამისად, არასამეწარმეო (არაკომერციული) იურიდიული პირის სარეგისტრაციო მონაცემების კანონის მოთხოვნებთან შესაბამისობის უზრუნველყოფა იქნება ნებაყოფლობითი ხასიათის და ამის განუხორციელებლობა არ გამოიწვევს მისი რეგისტრაციის გაუქმებას.  ამასთან, თუ არასამეწარმეო (არაკომერციულ) იურიდიულ პირს სურს „მეწარმეთა შესახებ“ ახალი კანონის ამოქმედების შემდეგ (2022 წლის 1 იანვრიდან) რეგისტრირებული სუბიექტებისთვის გათვალისწინებული შესაძლებლობებით სარგებლობა (მაგ: ავტორიზებული მომხმარებლის გვერდის - ელექტრონული მისამართის ქონა და სარგებლობა), მაშინ მას მაინც მოუწევს სარეგისტრაციო მონაცემების შესაბამისობის უზრუნველყოფა, თუმცა ამის განხორციელება მას ნებისმიერ დროს შეუძლია.  რაც შეეხება სხვა სუბიექტებს (გარდა ინდივიდუალური მეწარმეებისა), მათთვის ამ ვალდებულების შესრულება ძალაში რჩება და ვალდებულების შესრულების ვადამ გადაიწია 2025 წლის 1 აპრილამდე. ამასთან, თუ სუბიექტი მითითებულ ვადაში შესაბამისობაში არ მოიყვანს სარეგისტრაციო მონაცემებს, მას შეუჩერდება რეგისტრაცია და მიეცემა დამატებითი ერთწლიანი ვადა შესაბამისობის უზრუნველყოფისთვის. თუ ამ დამატებით ვადაშიც არ მოხდება შესაბამისობის უზრუნველყოფა, სუბიექტის რეგისტრაცია გაუქმდება. ცვლილებები...

თბილისი. ქალთა საერთაშორისო ასოციაცია 9 დეკემბერს, სასტუმრო „შერატონში“ ზამთრის გამოფენა–გაყიდვას აწყობს. გამოფენაზე წარმოდგენილი იქნება ევროკავშირის მიერ დაფინანსებული პროექტების ფარგლებში, ასევე ბენეფიციარების მიერ წარმოებული პროდუქცია. გარდა ამისა იქნება, ბევრი შემეცნებითი ღონისძიებაც – დაატრიალეთ ცოდნის ბორბალი და აღმოაჩინეთ საინტერესო ფაქტები ევროკავშირისა და მისი წევრი სახელმწიფოების შესახებ ინტერაქციული თამაშის საშუალებით.  ღონისძიებაზე საშობაო სიმღერები, სპეციალური პროგრამები ბავშვებისთვის, ჩვენი ოთხფეხა მეგობრებისათვის, ძაღლებისათვის მოწყობილი სპეციალური კუთხე და უამრავი გათამაშება დაგხვდებათ. რაც მთავარია, ღონისძიებიდან შემოსული თანხით საქველმოქმედო პროექტების განხორციელება იგეგმება.  სრულად... წყარო: ევროკავშირი

აჭარა.აჭარის ჰაბის ორგანიზებით, სოფელ აგარაში, საიას აჭარის ფილიალის წარმომადგენლებსა და სოფლის მოსახლეობას შორის შეხვედრა გაიმართა. მის ძირითად თემას მიწის ნაკვეთების რეგისტრაციასთან დაკავშირებული საკითხები წარმოადგენდა. გარდა ამის, მოსახლეობის ინტერესის შესაბამისად, საუბარი შეეხო ისეთ საკითხებს, როგორიცაა: სამკვიდრო ქონების მიღება, სანოტარო მოქმედებები და ასე შემდეგ.  აჭარის რეგიონული ჰაბი ევროკავშირისა და კონრად ადენაუერის ფონდის დაფინანსებული პროექტის "სამოქალაქო საზოგადოების ინიციატივის“ ფარგლებში შეიქმნა. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).  სრულად...  წყარო: პროექტის გვერდი სოციალურ ქსელში

თბილისი. 29 ნოემბერს, ძალადობისგან დაცვის ეროვნული ქსელის თავშესაფარს, უზბეკეთის დელეგაცია ეწვია, რომელიც შედგებოდა USAID-ის სამართლებრივი რეფორმის პროგრამის (LRP), სახელმწიფო, საგანმანათლებლო და არასამთავრობო ორგანიზაციების წარმომადგენლებისგან.  შეხვედრა ჩატარდა უზბეკეთის USAID-ის სამართლებრივი რეფორმის პროგრამის (LRP) ფარგლებში, ქალთა მიმართ და ოჯახში ძალადობის წინააღმდეგ მუშაობის საუკეთესო პრაქტიკების გაცნობის მიზნით.  სტუმრები გაეცნენ ძალადობისგან დაცვის ეროვნული ქსელის თავშესაფარს და იმ სერვისებს, რომელსაც ორგანიზაცია ძალადობის მსხვერპლ ქალებსა და ბავშვებს აწვდის. ასევე იმ საქმოანობას, რასაც ორგანიზაცვია წლების განმავლობაში გენდერული ძალადობის დაძლევის მიმართულებით ახორციელებს. სტუმრებმა, ძალადობისგან დაცვის ეროვნული ქსელის ბაზაზე შექმნილ სოციალურ საწარმოს „გემომეტრიას“ გაეცნენ და იქ დამზადებული ნაწარმი დააგემოვნეს.  წყარო: ძალადობისგან დაცვის ეროვნული ქსელი

თბილისი. საბჭოთა წარსულის კვლევის ლაბორატორია 6 დეკემბერს 16:00 სთ-ზე არტარეას საგამოფენო სივრცეში გიწვევთ გამოფენის გახსნაზე ,, ფოტოგრაფი მეოთხე სართულიდან". 2022 წელს, ძველმანების ბაზრობაზე ნაყიდ დიდ შავ ჩემოდანში, ფართო ფორმატის 500-მდე მინის ნეგატივი იყო ჩალაგებული. დიგიტალიზაციის ხანგრძლივი პროცესის შემდეგ, უცნობი ფოტოგრაფის არქივმა ახალი, უნიკალური პერსპექტივით დაგვანახა 1930-იანი წლების თბილისი და საქართველოს სხვადასხვა მხარე.  ქუჩის სცენების, ქალაქის ხედების, საბჭოური დემონსტრაციების, პორტრეტების, საოჯახო სიტუაციების, სამუშაო გარემოს, კურორტების, სოფლური ყოფის, სპორტული სანახაობების მიღმა, ერთი შეხედვით აქტიური, ენერგიული, მხიარული, უპრეტენზიო და კეთილგანწყობილი ადამიანების ერთ კადრად გაყინულ ცხოვრებისეულ მომენტებში, მაინც იგრძნობა ტოტალიტარიზმის სუნთქვა – კედლებიდან სტალინის კუშტი სახე შემოგვცქერის, დიდი და საშუალო რანგის ბელადები ქუჩებში პლაკატებად გამოფენილან, ფორმიანი მამაკაცების რომბებიანი საყელოები გაკრთებიან ხოლმე კადრში…  1920-1930-იანი წლების უწყვეტი პოლიტიკური ტერორის, შიმშილისა და დეფიციტის შემსწრე და გადარჩენილი მოქალაქეების სახეები დროის ამ ანაბეჭდს ინახავენ და ფოტოგრაფთან ერთად მიექანებიან 1930-იანი წლების ბოლოს, არნახული კატასტროფის – დიდი საბჭოური ტერორისკენ. შესაბამისად, დამოუკიდებელი, პროფესიონალი ფოტოგრაფის ხედვის მქონე უცნობის ეს ფოტომემკვიდრეობა, მომავლისათვის განკუთვნილ გზავნილადაც შეგვიძლია დავინახოთ....  გამოფენის კურატორი: გურამ წიბახაშვილი  ფინანსური მხარდამჭერი: ევროპული ფონდი დემოკრატიისთვის (EED)  სრულად.... წყარო: საბჭოთა წარსულის კვლევის ლაბორატორია  ვიდეო

თბილისი. რონდელის ფონდი აქვეყნებს 2023 წლის მარტიდან, საქართველოს მიმართ, სხვადასხვა საკითხებზე, რუსეთის ფედერაციის მიერ გაკეთებული განცხადებების მონიტორინგის შედეგებს (მარტიდან დღემდე მიმოხილვები).  უახლესი მიმოხილვა მოიცავს სექტემბერ–ნოემბერს.  სრულად...  წყარო: რონდელის ფონდი

მწვანე ალტერნატივამ მიმდინარე კვირის განმავლობაში გურიისა და სამეგრელო ზემო-სვანეთის რეგიონების სამოქალაქო საზოგადოების წევრებთან და თვითთმართველობის წამომადგენლებთან კლიმატის ცვლილებასა და ადგილობრივ დონეზე ქმედებების საჭიროებებზე სამუშაო შეხვედრა გამართეს.  სამუშაო შეხვედრა პროექტის „სამოქალაქო სექტორის გაძლიერება კლიმატის ეროვნული პოლიტიკის განხორციელებაში“ (”Stregthening Civil Society in the Implementation of National Climate Policy”) ფარგლებში ტარდება. პროექტის განხორციელება შესაძლებელი გახდა გერმანიის ფედერალური მთავრობის კლიმატის საერთაშორისო ინიციატივის (International Climate Initiative) ფინანსური მხარდაჭერით. შეხვედრაზე განხილული იყო ისეთი საკითხები, როგორებიცაა მერების შეთანხმების ინიციატივა და ვალდებულბები, საქართველოს კლიმატის ცვლილების სტრაგეტია, ეროვნულ დონეზე განსაზღვრული წვლილი და ენერგოეფექტურობის შესაძლებლობები.  სრულად...  წყარო: მწვანე ალტერნატივა

თბილისი.მეწარმეობის სახელმძღვანელო „ანტერპრენერობა“ განკუთვნილია ყველასთვის, ვისაც ანტრეპრენერობის არსი ან საკუთარი საქმის წამოწყება აინტერესებს.  თანამედროვე სახელმძღვანელო ადვილად წასაკითხია და რეალური მაგალითებით, აუდიო-ვიზუალური მასალებითა თუ პოდკასტებითაა გაჯერებული, რაც შემეცნების პროცესს უფრო საინტერესოს ხდის.მეწარმეობის სასწავლო მოდული და სახელმძღვანელო „ანტრეპრენერობა“ შეიქმნა ევროკავშირის (European Union in Georgia) პროექტის ფარგლებში, რომელსაც „ღია საზოგადოების ფონდი“ და საქართველოს გაეროს ასოციაცია ახორციელებდნენ.  სრულად... წყარო: ღია საზოგადოების ფონდი

იმერეთი.ადგილობრივი დემოკრატიის სააგენტო საქართველომ ხარაგაულის მუნიციპალიტეტის გენდერული თანასწორობის საბჭოს წევრებთან შეხვედრა გამართა.  შეხვედრაზე განხილულ იქნა ისეთი საკითხები, როგორიცაა: კორპორაციული სოციალური პასუხისმგებლობის ზოგადი მიმოხილვა; კორპორაციული სოციალური პასუხისმგებლობის მნიშვნელობა და დადებითი შედეგები; სახელმწიფო და კორპორაციული პასუხისმგებლობა; სახელმწიფო უწყებები და სამოქალაქო საზოგადოების ორგანიზაციები; შეხვედრა ჩატარდა პროექტის "სამოქალაქო საზოგადოების ინიციატივის" ფარგლებში, ევროკავშირისა და კონრად ადენაუერის ფონდის მხარდაჭერით. სრულად...  წყარო: ადგილობრივი დემოკრატიის სააგენტო საქართველო

თბილისი.6 დეკემბერს, 11:00 საათზე სოციალური სამართლიანობის ცენტრი კონფერენციას გამართავს. ადამიანის უფლებათა კვირეულის ფარგლებში სოციალური სამართლიანობის ცენტრი წარმოადგენს ახალ კვლევებს, რომელიც საქართველოში მცირერიცხოვანი ეთნიკური ჯგუფების საჭიროებებს და გამოწვევებს შეისწავლის.  კვლევები მოიცავს აჭარაში აფხაზების, კახეთში ოსების, ყვარლის მუნიციპალიტეტში ავარებისა და უდიების, საგარეჯოს მუნიციპალიტეტში კი აზერბაიჯანელების უფლებრივი მდგომარეობის და პოლიტიკური, სოციალური და კულტურული ექსკლუზიის საკითხებს.  ღონისძიება ტარდება პროგრამის “ერთიანობა მრავალფეროვნებაშია” დახმარებით, რომელსაც ახორციელებს საქართველოს გაეროს ასოციაცია, აშშ-ის საერთაშორისო განვითარების სააგენტოს ფინანსური მხარდაჭერით. სრულად...  წყარო: სოციალური სამართლიანობის ცენტრი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

„ჩართეს“ საერთაშორისო ანალოგი, GiveInternet.org გუნდის ახალ წევრს ეძებს, რომელიც კონტენტის სტრატეგიისა და კონტენის შექმნას უზრუნველყოფს. გარდა ამისა,მან სხვადასხვა მონაცემზე დაყრდნობით უნდა გააანალიზოს სოციალური არხების ტენდენციები და დაეხმაროს ორგანიზაციას პოზიციონირებაში და დონორების მოზიდვაში.  სრულად... წყარო: ჩართე

ყვარლის ევროკლუბი, რომელიც განათლების, სამოქალაქო ცნობიერებისა და ევროპული ღირებულებების ცენტრად იქცა საქართველოში, ოთხი წლის იუბილეს აღნიშნავს.  ამ დღის აღსანიშნ ღონისძიებას საქართველოს პრეზიდენტი და ევროკავშირისა და სხვადასხვა ქვეყნების წარმომადგენლები შეუერთდნენ. სრულად... წყარო: ევროკავშირის წარმომადგენლობა საქართველოში

თბილისი. „პოლიტიკური პარტიების სკოლის“ მონაწილეებმა მოისმინეს ლექცია „საქართველოს საგარეო პოლიტიკა.“ პროექტს რონდელის ფონდი ახორციელებს დემოკრატიის ეროვნული ფონდის მხარდაჭერით.  ლექციას უძღვებოდა საქართველოს საზოგადოებრივ საქმეთა ინსტიტუტის ასოცირებული პროფესორი და საერთაშორისო პოლიტიკური ეკონომიის ევროპული ცენტრის უფროსი მკვლევარი, თენგიზ ფხალაძე.  აღნიშნულ თემას სკოლის ფარგლებში კიდევ ერთი ლექცია დაეთმობა.  სრულად...  წყარო: საქართველოს სტრატეგიისა და საერთაშორისო ურთიერთობების კვლევის ფონდი

გურია.კავკასიის რეგიონული გარემოსდაცვითი ცენტრი აგრძელებს გურიის რეგიონის ადგილობრივი განვითარების ჯგუფების (LAG) წევრების ორგანიზაციული უნარების გაუმჯობესების ხელშეწყობა. პროექტის ფარგლებში, გურიის სამივე რეგიონში – ოზურგეთში, ჩოხატაურსა და ლანჩხუთში გრძელდება ორგანიზაციული ტრენინგების ციკლი. ამჯერად, სამივე მუნიციპალიტეტის LAG-ის წევრები ადვოკატირებისა და ლობირების მიმართულებით გადამზადდნენ. სრულად... წყარო: კავკასიის რეგიონული გარემოსდაცვითი ცენტრი

თბილისი.ჰაინრიხ ბიოლის ფონდი ორგანიზაცია „ქლაიმათ ბეიზიქსთან“ ერთად პოდკასტების ახალ ეპიზოდს წარმოადგენს. ამ ეპიზოდში საუბარია კლიმატის ცვლილებაზე.  „კლიმატის ცვლილება თითოეულ ჩვენგანს ეხება. თუმცა, კლიმატის ცვლილების უარყოფითი ზეგავლენა ყველაზე თანაბრად არ ვრცელდება. საზოგადოების ღარიბი და მცირე რესურსის მქონე ჯგუფები უფრო დაუცველები არიან ექსტრემალური ამინდის, თუ კლიმატის ცვლილებასთან დაკავშირებული სხვა კრიზისების დროს. პოდკასტის ამ ეპიზოდში, მარიამ დევიძე, გარემოსდამცველი და მკვლევარი, გვესაუბრება იმაზე, თუ რა გამოწვევის წინაშე დგანან ქალები საქართველოში კლიმატის ცვლილების პირობებში და რა როლს არსულებს გენდერული თანასწორობა კლიმატის პოლიტიკაში.“ - ნათქვამია განცხადებაში  სრულად...  წყარო: ჰაინრიხ ბოულის ცენტრი