თბილისი. „ინფორმაციის თავისუფლების განვითარების ინსტიტუტი (IDFI) მიესალმება „საჯარო სამსახურის შესახებ" საქართველოს კანონისპროექტის მიხედვით განსაზღვრულ ცვლილებებს, რომლებიც უმეტესწილად, აუმჯობესებს საჯარო სამსახურის არსებულ რეგულირებას და სისტემას საქართველოში. აღსანიშნავია, რომ „საჯარო სამსახურის შესახებ" საქართველოს კანონისპროექტი წარმოადგენს მნიშვნელოვან ნაბიჯს საქართველოს მთავრობის მიერ დამტკიცებული საჯარო სამსახურის რეფორმის კონცეფციის იმპლემენტაციის პროცესისთვის." სრულად... წყარო: idfi.ge

თბილისი. ანალოგური სიგნალის გათიშვა საქართველოში ეტაპობრივად, 1 ივლისიდან დაიწყება. მოქალაქეებს, რომლებიც მაუწყებლობას სახლის ანტენით იღებენ, დამატებითი მოწყობილობა სეტ-ტოპ-ბოქსი დასჭირდებათ. იმისთვის, რომ მოსახლეობამ დროულად და მარტივად შეიძინოს აღნიშნული მოწყობილობები, IDFI-მ მოამზადა იმ სავაჭრო ქსელებისა და მაღაზიების სია, სადაც სეტ-ტოპ-ბოქსები იყიდება. სრულად... წყარო: www.idfi.ge

თბილისი. 2 და 3 ივლისს, ფონდი „ღია საზოგადოება-საქართველოს" მართავს კონსულტაციას, დაინტერესებულთა კითხვებს პროგრამის მვაენეჯერები უპასუხებენ. კონსულტაციები ჩატარდება პროგრამების მიხედვით. სრულად... წყარო: osgf.ge

თბილისი. ინფორმაციის თავისუფლების განვითარების ინსტიტუტმა, თავდაცვის სამინისტროდან მიღებულ ინფორმაციაზე დაყრდნობით, 2013–2015 წლებში ავღანეთში საერთაშორისო უსაფრთხოების მხარდაჭერის მისიაში მონაწილეობისას დაღუპული და დაჭრილი სამხედრო მოსამსახურეების შესახებ ინფორმაცია გამოაქვეყნა. იგი ასევე მოიცავს ინფორმაციას მათი ოჯახებისათვის გაწეული ფინანსური დახმარებების შესახებ. როგორც აღნიშნული მონაცემები აჩვენებს, „ავღანეთის სამშვიდობო მისიაში საქართველოს შეიარაღებულმა ძალებმა ყველაზე დიდი დანაკარგი 2013 წელს განიცადა, როდესაც დაიღუპა 10 და დაიჭრა 137 სამხედრო მოსამსახურე. 2014 წელს ავღანეთის სამშვიდობო მისიაში მონაწილეობისას დაიჭრა საქართველოს 7 სამხედრო მოსამსახურე. ... ავღანეთში საერთაშორისო უსაფრთხოების მხარდაჭერის მისიაში საქართველოს შეიარაღებული ძალების სამხედრო მოსამსახურეები მონაწილეობას იღებენ 2009 წლის ნოემბრის თვიდან. ზემოთ წარმოდგენილ მონაცემებთან ერთად, განვლილ წლებში საქართველოს თავდაცვის სამინისტროდან მიღებული და პრესაში გავრცელებული ავღანეთში დაღუპული და დაჭრილი საქართველოს სამხედრო მოსამსახურეების შესახებ ცნობები საშუალებას გვაძლევს, წარმოგიდგინოთ სრული მონაცემები 2010 წლიდან 2015 წლის აპრილის თვემდე აღნიშნულ მისიაში საქართველოს შეიარაღებული ძალების მიერ გაწეული მსხვერპლის შესახებ, რაც მოიცავს 29 დაღუპულ და 274 დაჭრილ სამხედრო მოსამსახურეს", ნათქვამია ორგანიზაციის პუბლიკაციაში. სრულად... წყარო: idfi.ge

თბილისი. საქართველოს პარლამენტმა 12 ივნისს განიხილა კანონპროექტი, რომელიც შინაგან საქმეთა სამინისტროდან უსაფრთხოების სამსახურის გამოყოფას და ცალკე უწყებად ჩამოყალიბებას ითვალისწინებს. გამჭვირვალობის ინფორმაციით კანონპროექტზე კენჭისყრა მიმდინარე კვირას უნდა გაიმართოს. „...უსაფრთხოების სამსახური სწორედ ის უწყებაა, რომელიც უფლებამოსილი ხდება, დანიშნოს უშიშროების საკითხებში ოფიცრები სხვადასხვა დაწესებულებებში. მიუხედავად იმისა, რომ კანონპროექტთა პაკეტი შინაგან საქმეთა სამინისტროს იმ რეფორმის ფარგლებში მომზადდა, რომელიც ამ ინსტიტუტის დემოკრატიზაციას ისახავს მიზნად, ხელისუფლებას არ ეყო პოლიტიკური ნება, უარი ეთქვა ძალოვანი უწყებების მიერ უშიშროების ოფიცრების ჩანერგვის ე.წ. „ოდეერების" მანკიერ პრაქტიკაზე ..." , ნათქვამია ორგანიზაციის ვებგვერდზე. სრულად... წყარო: transparency.ge

თბილისი. ადამიანის უფლებების სწავლებისა და მონიტორინგის ცენტრმა (EMC) საქართველოში მცხოვრები რელიგიური უმცირესობების წარმომადგენლებისათვის ტრენინგების სერია დაიწყო. შეხვედრებზე განიხილება საქართველოში რელიგიური თავისუფლებისა და სეკულარიზმის დაცვის კუთხით არსებული მდგომარეობა. პროექტი „რელიგიის თავისუფლების ხელშეწყობა და რელიგიურ უმცირესობათა ჯგუფების შესაძლებლობების გაძლიერება" დაფინანსებულია აშშ-ის საელჩოს დემოკრატიული კომისიის მცირე გრანტების პროგრამის ფარგლებში. სრულად... წყარო: ორგანიზაციის ვებ-გვერდი სოციალურ ქსელში

კახეთი. ინფორმაციის თავისუფლების განვითარების ინსტიტუტის ინიციატივით, თელავის სახელმწიფო უნივერსიტეტში, საპარლამენტო საქმიანობის გამჭვირვალობის, ღიაობის და მოქალაქეთა ჩართულობის მხარდაჭერის მიზნით შეხვედრა გაიმართა. მას არასამთავრობო ორგანიზაციების, სოციალურ მეცნიერებათა, ბიზნესისა და სამართლის ფაკულტეტის სტუდენტები და უნივერსიტეტის თანამშრომლები ესწრებოდნენ. ინფორმაციის თავისუფლების განვითარების ინსტიტუტის (IDFI) წარმომადგენელის, დავით მაისურაძეს თქმით, შეხვედრის მიზანს პროექტის „ღია მმართველობის პარტნიორობის" ფარგლებში საჯარო დისკუსიების მოწყობა, საპარლამენტო საქმიანობის ღიაობისა და სამოქმედო გეგმის განხილვა წარმოადგენდა. „ჩვენი ორგანიზაცია გაეროს განვითარების პროგრამასთან ერთად ევროკავშირის პროექტის ფარგლებში ახორციელებს საპარლამენტო ღიაობის ხელშეწყობის პროექტს. ამისათვის შექმნილია სამუშაო ჯგუფი, რომელიც ხელს უწყობს საპარლამენტო ღიაობის პრინციპების დანერგვას და სამოქმედო გეგმის შემუშავებას. სამოქმედო გეგმა საბოლოო ჯამში უნდა დაამტკიცოს პარლამენტმა. ჩვენ ვხვდებით სხვადასხვა უნივერსიტეტების წარმომადგენლებს. მოხარული ვართ, რომ თელავის უნივერსიტეტში სტუდენტებთან და თანამშრომლებთან გავმართეთ საჯარო დისკუსია და განვიხილეთ საპარლამენტო საქმიანობის ღიაობის და სამოქმედო გეგმის დეტალები", განაცხადა დავით მაისურაძემ.

კახეთი. საჯარო მოხელეთა კვალიფიკაციის ამაღლების მიზნით, გერმანიის საერთაშორისო თანამშრომლობის ფონდის (GIZ) მხარდაჭერით, თელავში, ვანო ხუხუნეიშვილის სახელობის ეფექტიანი მმართველობის სისტემის და ტერიტორიული რეფორმის ცენტრის წარმომადგენლებმა შეხვედრა გამართეს. ღონისძიება ,,პროექტის მართვა და ინიცირება" ფარგლებში გაიმართა, რომელსაც ადგილობრივი თვითმმართველობის და არასამთავრობო ორგანიზაციების წარმომადგენლები ესწრებოდნენ. შეხვედრის ორგანიზატორების განცხადებით, დამსწრე საზოგადოებას ინფორმაცია მიეწოდა პროექტის მართვის ძირითად პრინციპებთან ერთად, პროექტების პრიორიტეტების განსაზღვრაზე, ბიზნეს ფორმულირებაზე, პროექტის შუალედური და საბოლოო შედეგების განსაზღვრაზე, რისკების მართვაზე, მონიტორინგსა და ანგარიშებაზე.

ამერიკის შეერთებული შტატების მთავრობა. აშშ–ის საერთაშორისო განვითარების სააგენტოს (USAID/Georgia) მეშვეობით მზად არის სხვადასხვა აღდგენითი სამუშაოებით დაეხმაროს საქართველოს მთავრობას და თბილისს, სადაც 13-14 ივნისს წყალდიდობამ შეიწირა ადამიანთა სიცოცხლე და გაანადგურა ზოოპარკი. საქართველოს ფინანსთა სამინისტროსთან და თბილისის მერიასთან კოორდინაციის შემდეგ, მომავალი რამდენიმე კვირის განმავლობაში USAID-ის მოწვევით თბილისში ჩამოვა აშშ-ის სატყეო სამსახურის ბუნებრივი რესურსების ორი ჯგუფი. მომავალ კვირას ჩამოდის პირველი ჯგუფი, რომლის წევრები არიან გეოტექნიკური ინჟინერი, მდინარის აუზის სპეციალისტი და ჰიდროლოგი. ისინი შეაფასებენ სტიქიის ზონას და საქართველოს მთავრობას მისცემენ რეკომენდაციებს, თუ როგორ შეამცირონ მომავალი რისკები მოკლე ვადებში. ორი-სამი კვირის შემდეგ კი ჩამოვა მეორე ჯგუფი, კერძოდ ზოოპარკის სპეციალისტები. ისინი შეიმუშავებენ რეკომენდაციებს თბილისის ზოოპარკის ადგილმდებარეობის და მოდერნიზების შესახებ. აშშ-ის მთავრობა მომავალშიც გააგრძელებს საქართველოს მთავრობასთან კოორდინირებულ მუშაობას, რათა ზუსტად განისაზღვროს წყალდიდობის შედეგად მიყენებული ზიანის აღმოფხვრისთვის საჭირო ღონისძიებები. წყარო: აშშ–ის საელჩოს ვებგვერდი

თბილისი. ახალგაზრდა ფინანსისტთა და ბიზნესმენთა ასოციაცია თვლის, რომ საქართველოში რადიკალურად უნდა შეიცვალოს კრიზისების მართვის საბჭოს ფუნქციები. „ეს ინსტიტუტი, გარკვეულად პოლიტიკურ დაპირისპირებათა კონტექსტში ჩამოყალიბდა და, აქედან გამომდინარე, მისი როლი ბოლომდე არ იქნა გააზრებული. ეს 13 ივნისის მოვლენამაც დაადასტურა. გასაძლიერებელია საბჭოს საკოორდინაციო ფუნქცია, ის უნდა იძლეოდეს განკარგულებებს, მასთან უნდა იყრიდეს თავს ყველა ინფორმაცია და თვითონ უნდა იყოს საზოგადოების ინფორმირების ერთადერთი წყარო. ამასთან, ასაწყობია იერარქიული სისტემაც. საბჭო ვერ შეცვლის სამინისტროებს და მერიებს, მაგრამ სტიქიის პერიოდისთვის ავტომატურად უნდა ერთვებოდეს მინისტრის რომელიმე მოადგილე საქმიანობაში და უნდა უზრუნველყოფდეს უწყებების მაქსიმალურ ჩართულობას", ნათქვამია განცხადებაში. სრულად... წყარო: afba.ge

თბილისი. შინაგან საქმეთა სამინისტრომ სოციალურ ქსელში მოხალისეთა ჯგუფის „13 ივნისი" და ადმინისტრატორების გვერდების გაუქმებასთან დაკავშირებით დაიწყო გამოძიება. სრულად... წყარო: www.media.ge

თბილისი. ადამიანის უფლებათა ცენტრმა დაიწყო ახალი პროექტი „ფსიქო-სოციალური რეაბილიტაციის პროგრამის დანერგვა პატიმართათვის საქართველოში". პროექტი ქსნის #15 სასჯელაღსრულების დაწესებულებაში განხორციელდება. მისი მიზანია, პატიმართა ფსიქოსოციალური რეაბილიტაციის ხელშეწყობა. 1 ივლისიდან 1 ოქტომბრამდე თიხის დამუშავების სპეციალისტი პატიმრებს თიხაზე მუშაობას შეასწავლის. სრულად... წყარო: humanrights.ge

თბილისი. იუსტიციის სამინისტროზე დაყრდნობით „ნეტგაზეთი" იუწყება, რომ სოციალურ ქსელში დაბლოკილი ჯგუფი „13 ივნისი– მოხალისეთა გაერთიანება" მალე აღდგება. „...ჩავაყენეთ საქმის კურსში და დაბლოკილი გვერდების ადმინისტრატორებს მივაწოდეთ ინფორმაცია თუ რა ტიპის კომუნიკაცია უნდა დაამყარონ სოციალური ქსელის ადმინისტრაციასთან, რათა მოხდეს აღნიშნული გვერდების აღდგენა", - ირაკლი გვენეტაძე, საქართველოს იუსტიციის სამინისტროს მონაცემთა გაცვლის სააგენტოს თავმჯდომარე. სრულად... წყარო: netgazeti.ge

თბილისი. „ღია პარლამენტის" სამოქმედო გეგმაში გასათვალისწინებელი ვალდებულებების შესახებ მოქალაქეთა პოზიციის დასაფიქსირებლად ინფორმაციის თავისუფლების განვითარების ინსტიტუტმა (IDFI) ჩაატარა გამოკითხვა. იგი 29 აპრილიდან 19 მაისის განმავლობაში მიმდინარეობდა. გამოკითხულთა 61,3%-ს აქტუალურად მიაჩნია პარლამენტის ვებ-გვერდის მეშვეობით კანონპროექტებზე კომენტარის დატოვების შესაძლებლობა, 58,4%-ს არანაკლებ მნიშვნელოვნად მიაჩნია საქართველოს ბიუჯეტთან დაკავშირებულ საკითხების განხილვაში მოქალაქეთა ჩართულობის შესაძლებლობა, ხოლო 57,3%-ს პარლამენტის ვებ-გვერდის მეშვეობით ელექტრონული პეტიციების წარდგენის მექანიზმის დანერგვა მიაჩნია აქტუალურად. საპარლამენტო ინტერფრაქციული ჯგუფი საქართველოს „ღია პარლამენტის" სამოქმედო გეგმაზე სამუშაოდ 12 თებერვალს, პარლამენტის თავმჯდომარის ბრძანების საფუძველზე შეიქმნა. სრულად წყარო: idfi.ge

თბილისი. 17 ივნისს საერთაშორისო და არასამთავრობო ორგანიზაციებისა და საქართველოს ღია პარლამენტის სამუშაო ჯგუფის შეხვედრა გაიმართა. შეხვედრის ფარგლებში საერთაშორისო და არასამთავრობო ორგანიზაციის წარმომადგენლებმა წარმოადგინეს საქართველოს ღია პარლამენტის სამოქმედო გეგმა და გასცეს რეკომენდაციები, რომელიც ხელს შეუწყობს საპარლამენტო ღიაობის პროცესის ეფექტურობას, საზოგადოების ჩართულობის გაზრდასა და ინფორმაციის ხელმისაწვდომობას. სრულად... წყარო: ინფორმაციის თავისუფლების განვითარების ინსტიტუტის ვებგვერდი სოციალურ ქსელში

თბილისში მომხდარ ძლიერ წყალდიდობასთან დაკავშირებით, ევროკომისია სპეციალურ განცხადებას ავრცელებს. ევროკომისარი იოჰანეს ჰანსი მწუხარებას გამოთქვამ წყალდიდობის მსხვერპლთა გამო. წყალდიდობის შედეგების დაძლევისთვის ევროკავშირი დაეხმარება საქართველოს ხელისუფლებას. „სტიქიის შედეგად დაზარალებულთა გრძელვადიანი საცხოვრებლით უზრუნველყოფისათვის გამოყოფილი იქნება 3 მილიონ ევრომდე ოდენობის დახმარება. ეს თანხა უშუალოდ საბიუჯეტო დახმარების სახით იქნება გამოყოფილი", ნათქვამია განცხადებაში. სრულად... წყარო: ევროკავშირის წარმომადგენლობის ვებგვერდი

წარმატებით დასრულდა NATO-ს ეგიდით ჩატარებული საერთაშორისო ახალგაზრდული სემინარი ბულგარეთში 1-7 ივნისი. საერთაშორისო სემინარი მიზნად ისახავდა ახალგაზრდების ჩართულობას, სხვადასხვა ადგილობრივ და საერთაშორისო პროგრამებში, ასევე მონაწილეებს საშუალება მიეცათ გაცნობოდნენ უმაღლესი ინსტიტუტების მუშაობის სპეციფიკას და შეხვედროდნენ დიპლომატებს. სრულად... წყარო: ორგანიზაციის ვებ-გვერდი სოციალურ ქსელში

თბილისი. ლიბცენტრში, 12 ივნისს, გაიმართა სიმონ ჯანაშიას ლექცია: „განათლების ინდივიდუალური და საზოგადო მიზნები". მათ ვინც ვერ შეძლო ლექციაზე დასწრება, ცენტრი საშუალებას აძლევს იხილოს მისი ვიდეოჩანაწერი. წყარო: ლიბცენტრის ვებგვერდი სოციალურ ქსელში

თბილისი. ორგანიზაციები „ახალგაზრდა ადვოკატები" და „საქართველოს ახალგაზრდული პარლამენტი" თბილისში დატრიალებული ტრაგედიის გამო, ევროპის პარლამენტს დახმარების თხოვნით მიმართავენ. წერილის ადრესატები არიან: „ევროპის სახალხო პარტიის" ჯგუფის ლიდერი, სოციალ დემოკრატების ჯგუფის ლიდერი, ლიბერალების და დემოკრატების ალიანსი ევროპისათვის ჯგუფის ლიდერი, მწვანეთა პარტიის ჯგუფის ლიდერი და ევროპის კონსერვატორების ჯგუფის ლიდერი. ორგანიზაციის სამართლის ჯგუფი მზადაა უსასყიდლოდ იურიდიული დახმარება აღმოუჩინოს სტიქიის შედეგად დაზარალებულ მოქალაქეებს და საჭიროების შემთხვევაში, იყოს მათი წარმომადგენელი ადმინისტრაციულ და სასამართლო ორგანოებთან ურთიერთობის დროს. ამასთან, ორგანიზაცია ერთიანდება შემდეგ პარტნიორ ჯგუფებთან ერთად: „ახალგაზრდული ცენტრი", „პოზიცია", „სამოქალაქო ჩართულობის ცენტრი", საინფორმაციო სააგენტო „აქცენტი" და საქველმოქმედო ორგანიზაციები: „კეთილსოფელი", „ვაჩუქოთ მომავალს ღიმილი" დაზარალებულების დასახმარებლად. სრულად... წყარო: www.interpressnews.ge

სამეგრელო. 14 ივნისს, ქალაქ ზუგდიდში შშმ პირთა უფლებების დაცვის დღესთან დაკავშირებული ღონისძიება გაიმართა. აღნიშნული ღონისძიება მესამე წელია ადგილობრივი თვითმმართველობისა და შშმ პირთა საკითხებზე მომუშავე ორგანიზაციების თანამშრომლობით იმართება. თბილისში მომხდარი ტრაგედიის გამო ორგანიზატორებმა გადადეს ღონისძიების საკონცერტო და შემოქმედებითი ნაწილი. ასოციაცია „ჰანგი" პარტნიორ ორგანიზაციებთან ერთად მადლობას უხდის ქალაქ ზუგდიდის მუნიციპალიტეტის მერიას, ზუგდიდის მუნიციპალიტეტის გამგეობას ღონისძიების ორგანიზებასა და თანამშრომლობისათვის. სრულად... წყარო: ირგანიზაციის ვებ-გვერდი სოციალურ ქსელში

თბილისი. 14 ივნისს სტიქიით დაზარალებულთათვის საქართველოს კარიტასში გადაუდებელი დახმარების პროგრამა ამუშავდა. შექმნილი ვითარების გამო, ორგანიზაციის ყველა პროექტის თანამშრომელი ჩართულია მოსახლეობის საჭიროებების დადგენისა და დახმარების აღმოჩენის პროცესში. სრულად... წყარო: ორგანიზაციის ვებ-გვერდი სოცაილურ ქსელში

თბილისი. "მომავლის ფერმერმა" და "როქმა" სტიქიითა დაზარალებულ ძაღლებისთვის უფასო ქირურგიული და ამბულატორიული მომსახურება გაწია. ასევე, უფასოდ გადაეცა ძაღლების თავშესაფარს ცხოველებისთვის საჭირო ვეტპრეპარატები. სრულად... წყარო: ორგანიზაციის ვებ-გვერდი სოციალურ ქსელში