პროექტის ფარგლებში, წელს 127 მოხალისე გაერთიანდა, რომლებიც ხანდაზმულების მეგობრები და თანამოსაუბრენი გახდებიან. „მესტუმრე“ ექვსი თვის განმავლობაში გაგრძელდება და მასში, მთელი საქართველოს მასშტაბით 8 ხანდაზმულთა სახლის ბენეფიციარები მიიღებენ მონაწილეობას. „მესტუმრეს“ მოხალისეები ერთი თვის განმავლობაში გაივლიან მრავლისმომცველ და ინტენსიურ ტრენინგებს, რომელსაც MAC Georgia-ს ფსიქოლოგები და ოკუპაციური თერაპევტები გაუძღვებიან. ტრენინგები მოხალისეებს ყველა იმ საჭირო უნარს შესძენს, რაც პროექტის მსვლელობისას ხანდაზმულებთან ურთიერთობას სასიამოვნოსთან ერთად, ნაყოფიერსაც გახდის.  წყარო: MAC საქართველო

"ახალგაზრდები საზოგადოებისთვის" USAID-ის სამოქალაქო განათლების პროგრამის ფარგლებში დაფინანსებული ერთ-ერთი პროექტია. ის მიზნად ისახავდა იმერეთის რეგიონის 5 მუნიციპალიტეტში მცხოვრებ ახალგაზრდებში მოხალისეობრივი საქმიანობის პოპულარიზაციას და ადგილობრივ დონეზე, მოხალისეთა კლუბების საშუალებით, სამოქალაქო ჩართულობის გაზრდას. დასკვნით შეხვედრაზე, მოხალისეთა კლუბის წევრებმა მოამზადეს შემაჯამებელი პრეზენტაცია მათი საქმიანობის შესახებ - თუ რა გააკეთეს პროექტის ფარგლებში, რა გამოწვევები შეხვდათ ამ პროცესში და რა გამოცდილება მიიღეს. მნიშვნელოვანია, რომ ახალგაზრდები კლუბების საქმიანობის გაგრძელებას პროექტის დასრულების შემდეგაც გეგმავენ.  პროექტი განხორციელდა სამოქალაქო ინიციატივების მხარდაჭერის ცენტრის მიერ.  წყარო: USAID სამოქალაქო განათლების პროგრამა

11 სექტემბერს, მარნეულის მუნიციპალიტეტის სკოლებში გამოყოფილ სივრცეებში, სადაც უახლოეს მომავალში ეროვნული უმცირესობებისთვის ორენოვანი ალტერნატიული საბავშვო ბაღები გაიხსნება, სათამაშოებით, წიგნებით და სხვა ბავშვის განმავითარებელი მასალით აღჭურვის პროცესი დაიწყო. სკოლამდელი განათლების ცენტრებისთვის ინვენტარის შეძენა ხორციელდება პროექტის "ბავშვის განვითარება, უსაფრთხოება და კეთილდღეობა. სკოლამდელი მომსახურების დივერსიფიკაცია და ხარისხის გაუმჯობესება მარნეულის რეგიონში" ფარგლებში. პროექტს ახორციელებს პოლონური ორგანიზაცია EDUKATOR -ი ძალადობისგან დაცვის ეროვნულ ქსელთან პარტნიორობით. პროექტი მხარდაჭერილია პოლონეთის საგარეო საქმეთა სამინისტროს Polish Aid-ის პროგრამის მიერ.  წყარო: ძალადობისგან დაცვის ეროვნული ქსელი

კითხვის სიყვარული ბავშვს კარს უღებს თავგადასავლებისა და ახალი ცოდნის სამყაროში და სძენს მთელ რიგ საკვანძო ენობრივ უნარებს, როგორიცაა მეტყველების განვითარება და სიტყვების მარაგის გამდიდრება. წიგნების კითხვაში გატარებული დრო გჩუქნით განსაკუთრებულ მომენტებს ბავშვთან კავშირის დასამყარებლად და ერთმანეთთან ურთიერთობით დასატკბობად.  დღეში სულ რაღაც 10-15 წუთი, რომელსაც თქვენი ცნობისმოყვარე პატარა წიგნთან გაატარებს, საკმარისია იმისთვის, რომ მასში ინტერესის ნაპერწკალი გააღვივოს. გაეცანით ჩვენს საუკეთესო რჩევებს, თუ როგორ შევაყვაროთ ბავშვს ლიტერატურა. გაეცანით გაეროს ბავშვთა ფონდის რჩევებს ამ საკითხზე... წყარო: გაეროს ბავშვთა ფონდი

აჭარა. ბათუმის ახალგაზრდა აქტივისტთა კლუბის ორგანიზებით, 2024 წლის 30 ივლისს სიმულაციური არჩევნები – „გააფერადე, ნუ შემოხაზავ“ გაიმართა. აქტივობის მიზანი იყო არჩევნებზე ხმის მიცემის პროცედურებში ცვლილებების შესახებ მოქალაქეთა ინფორმირება.  სახალისო სიმულაცია ღია სივრცეში გაიმართა და 35 მოქალაქე ჩაერთო. მოქალაქეებს შესაძლებლობა ჰქონდათ საარჩევნო ბიულეტენის ფურცელზე შესაბამისი წრის გაფერადებით აერჩიათ საუკეთესო ფეხბურთელი, მუსიკალური ბენდი ან კერძი. კლუბის წევრებმა მოქალაქეებს მიაწოდეს ინფორმაცია 26 ოქტომბრის ელექტრონული არჩევნების პროცედურასთან დაკავშირებით.  ბათუმის ახალგაზრდა აქტივისტთა კლუბის ფარგლებში დაგეგმილი აქტივობები ხორციელდება CSI-ის და პარტნიორი ორგანიზაციების „ბათუმის დამოუკიდებელი ცხოვრების ცენტრის”, „შშმ ქალთა ალიანსის” და „ცვლილებები თანაბარი უფლებებისთვის” მხარდაჭერით.

თბილისი. 26–27 ივლისს, პროექტის „სამოქალაქო საზოგადოების ინიციატივის“ ფარგლებში ჩატარდა ორდღიანი საინფორმაციო სემინარი – „საქართველოს ევროპული მომავალი“. სემინარს უძღვებოდნენ კონრად ადენაუერის ფონდის (KAS) პოლიტიკური განათლების აკადემიის კურსდამთავრებულები.  ახალგაზრდებს ევროპასა და ევროპულ გამოცდილებაზე ესაუბრა მსახიობი და ტელეწამყვანი ილო ბეროშვილი.  ახალგაზრდებმა ასევე მონაწილეობა მიიღეს შემეცნებით თამაშში (City Game) "აღმოაჩინე #ევროპა შენს ქალაქში". სხვადასხვა მინიშნებებისა და დავალებების შესრულების შემდეგ, მათ აღმოაჩინეს ევროპული კვალი დედაქალაქში. გამარჯვებული გუნდი დაჯილდოვდა სამახსოვრო საჩუქრებით.  პროექტი "სამოქალაქო საზოგადოების ინიციატივა" ხორციელდება ევროკავშირისა (EU) და კონრად ადენაუერის ფონდისა (KAS) მხარდაჭერით.  წყარო: პროექტი „სამოქალაქო საზოგადოების ინიციატივა“

შიდა ქართლი. სოფელ შინდისში, სამოქალაქო კამპანიის „ეს ქვეყანა შენიას“ ფარგლებში, 19 ივლისს, გაიმართა შეხვედრა შინდისელ ახალგაზრდებთან. სამოქალაქო საზოგადოების ინსტიტუტის (CSI) მიერ ორგანიზებული შეხვედრის მიზანი იყო მოსახლეობაში სამოქალაქო საზოგადოების ღირებულებების დამკვიდრება, საზოგადოებრივი ორგანიზაციების როლის და ფუნქციის, მათი საქმიანობის წარმოჩენა და სამოქალაქო აქტივიზმის პოპულარიზაცია.  შეხვედრაზე მოწვეული სტუმრები, მწერალი და ტელეწამყვანი დათო ტურაშვილი, ასევე მწერალი და ტელეწამყვანი ტორესა მოსი და ფილოლოგი და მთარგმნელი ოქტაი ქაზუმოვი, ახალგაზრდებს ესაუბრნენ სამოქალაქო საზოგადოების განვითარებასა და სამოქალაქო პასუხისმგებლობის მნიშვნელობაზე, ასევე საქართველოს ევროპულ იდენტობაზე, ჩვენი ღირებულებების სიახლოვეზე და იმაზე რომ „საქართველო ევროპაა“.  შეხვედრაზე ასევე გამოცხადდა უკვე ტრადიციული კონკურსი „ეს ქვეყანა შენია“, რომელიც გაიმართება მთელი ქვეყნის მასშტაბით და გამარჯვებულები გამოვლინდება რეგიონების მიხედვით.  კამპანიას „ეს ქვეყანა შენიას“ უძღვება სამოქალაქო საზოგადოების ინსტიტუტი (CSI), ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივის“ ფარგლებში.

შიდა ქართლი. 17 ივლისს გორში, სამოქალაქო კამპანიის „ეს ქვეყანა შენიას“ ფარგლებში გაიმართა შეხვედრა შიდა ქართლის რეგიონის ახალგაზრდებთან. სამოქალაქო საზოგადოების ინსტიტუტის (CSI) მიერ ორგანიზებული შეხვედრის მიზანი იყო მოსახლეობაში სამოქალაქო საზოგადოების ღირებულებების დამკვიდრება, საზოგადოებრივი ორგანიზაციების როლის და ფუნქციის, მათი საქმიანობის წარმოჩენა და სამოქალაქო აქტივიზმის პოპულარიზაცია. შეხვედრაზე მოწვეული სტუმრები, მწერალი და ტელეწამყვანი დათო ტურაშვილი და ფილოლოგი ოქტაი ქაზუმოვი, ახალგაზრდებს ესაუბრნენ სამოქალაქო საზოგადოების განვითარებასა და სამოქალაქო პასუხისმგებლობის მნიშვნელობაზე, ასევე საქართველოს ევროპულ იდენტობაზე, ჩვენი ღირებულებების სიახლოვეზე და იმაზე რომ „საქართველო ევროპაა“.  შეხვედრაზე ასევე გამოცხადდა უკვე ტრადიციული კონკურსი „ეს ქვეყანა შენია“, რომელიც გაიმართება მთელი ქვეყნის მასშტაბით და გამარჯვებულები გამოვლინდება რეგიონების მიხედვით. კამპანიას„ეს ქვეყანა შენიას“ უძღვება სამოქალაქო საზოგადოების ინსტიტუტი (CSI), ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივის“ ფარგლებში.

იმერეთი. 5 ივლისს, ქუთაისში, განათლების განვითარების და დასაქმების ცენტრის ორგანიზებით, იმერეთის რეგიონში მცხოვრები ახალგაზრდებისთვის ვორკშოპი ჩატარდა. ახალგაზრდებში მოხალისეობის კულტურის პოპულარიზაცია, სამოქალაქო აქტივიზმის შესახებ დიალოგის წარმართვა, ფორმალური და არაფორმალური მოხალისეობის მაგალითები, ლიტერატურა, წიგნიერება მოქალაქეობა და მისი როლი სამოქალაქო საზოგადოების განვითარებაში – ეს გახლდათ ქუთაისში ორგანიზებული ვორკშოფის ძირითადი საკითხები. შეხვედრას მწერალი გიორგი კეკელიძე უძღვებოდა. შეხვედრა გაიმართა პროექტის „სამოქალაქო საზოგადოების ინიციატივის“ ფარგლებში, რომელიც ევროკავშირის და ადენაუერის ფონდის ფინანსური მხარდაჭერით ხორციელდება.  წყარო: განათლების განვითარების და დასაქმების ცენტრი

ქვემო ქართლი. გაეროს სახლს, სამოქალაქო განვითარების სკოლის მეორე ნაკადის მონაწილეები ესტუმრნენ. სკოლა ქვემო ქართლის რეგიონში მცხოვრებ 70-ზე მეტ ახალგაზრდას აერთიანებს და მათ არაფორმალურ განათლებას ემსახურება. 6 თვის განმავლობაში სკოლის მონაწილეები, ლექციებისა და საჯარო დისკუსიების მეშვეობით, ადამიანის უფლებებთან, მრავალფეროვნებასა და თანასწორობასთან, მედიასა და ციფრულ წიგნიერებასთან, დისკრიმინაციისა და ძალადობის აღმოფხვრასთან დაკავშირებულ საკითხებს გაეცნენ. „წითელი ხიდის“ სამოქალაქო განვითარების სკოლა, გაეროს განვითარების პროგრამის, და ნორვეგიის მხარდაჭერით და საქართველოს პარლამენტის ეროვნულ ბიბლიოთეკასთან თანამშრომლობით შეიქმნა. სრულად...  წყარო: გაეროს განვითარების პროგრამა

სამცხე–ჯავახეთი. 50 სკოლის მოსწავლე საქართველოს 26 მუნიციპალიტეტიდან მწვანე ბანაკში შეიკრიბა. გარემოს დაცვის ექსპერტების დახმარებით, ახალგაზრდები კლიმატის ცვლილების შესახებ საინტერესო და სასარგებლო ინფორმაციას მიიღებენ, ხოლო შემდეგ, ადგილობრივ გარემოსდაცვით პროექტებს დაგეგმავენ. მწვანე ბანაკი „კლიმატის ელჩები“ უკვე მეოთხედ იმართება. ამ საგანმანათლებლო ინიციატივას უძღვებიან გაეროს განვითარების პროგრამა და გარემოსდაცვითი ინფორმაციისა და განათლების ცენტრი კლიმატის მწვანე ფონდის, საქართველოს, შვედეთისა და შვეიცარიის ხელშეწყობით.  სრულად... წყარო: გაეროს განვითარების პროგრამა

პატნიორობა ადამიანის უფლებებისთვის აქვეყნებს ინფორმაციას გაეროს ბავშვთა უფლებების კომიტეტის გადაწყვეტილებას ნინოწმინდის საქმეზე. რა დაევალა სახელმწიფოს – გაეცანით ორგანიზაციის ინფორმაციას. წყარო: ორგანიზაციის გვერდი სოციალურ ქსელში

ქვემო ქართლი. 22 ივნისს მედიის თვითრეგულირების თემაზე იმიტირებული პროცესი მარტყოფში, ახალგაზრდების მონაწილეობით, მედიის განვითარების ფონდმა გამართა. მარტყოფში გამართული შეხვედრა ბავშვთა დანაშაულის გაშუქებას ეხებოდა. ახალგაზრდებმა ამ თემაზე სასწავლო ფილმი ნახეს, რის შემდეგაც გუნდებად დაიყვნენ და იმიტირებული პროცესი გამართეს. პროექტი, ხარისხიანი მედია და მედიის გაცნობიერებული მოხმარება მედეგი საზოგადოებისთვის (ConMeCo), ხორციელდება დოიჩე ველე აკადემიის მიერ მედიის განვითარების ფონდთან და ადამიანის უფლებათა ცენტრთან თანამშრომლობით, ევროკავშირის ფინანსური მხარდაჭერით და გერმანიის ეკონომიკური განვითარებისა და თანამშრომლობის ფედერალური სამინისტროს თანადაფინანსებით. წყარო: მედიის განვითარების ფონდი

იმერეთი. "მწვანე განათლება"- ასე ერქვა მოხალისეობრივ აქტივობათა ციკლს, რომელიც სამი თვის განმავლობაში სოფელ გეგუთის N1 საჯარო სკოლის მოსწავლეების მიერ მეორადი რესურსის შეგროვებას და მისგან საჭირო და განახლებული ნივთების შექმნას ისახავდა მიზნად. გამოყენებული ბოთლებით, ქსოვილით და ერთჯერადი ჭიქებით, მე-10 და მე-11 კლასის მოსწავლეები კრეატიულ და ამავე დროს ძალიან საინტერესო ნივთებს ქმნიდნენ. ინიციატივას განათლების განვითარების და დასაქმების ცენტრის მიერ დაქირავებული ექსპერტი ეკატერინე ნადირაძე ხელმძღვანელობდა.  აქტივობა განხორციელდა განათლების განვითარების და დასაქმების ცენტრის (EDEC) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა“ ფარგლებში.  წყარო: EDEC

თბილისი. 35 წლის წინ მსოფლიომ მიიღო ბავშვის უფლებათა კონვენცია და აღიარა, რომ ბავშვებს აქვთ უფლებები, მათ შორის აზრის გამოხატვის და გადაწყვეტილების მიღებაში მონაწილეობის უფლება. საქართველო კონვენციას 30 წლის წინ, 1994 წელს შეუერთდა.  „ბავშვების აქტიური მონაწილეობის მნიშვნელობა ხაზგასმულია საქართველოს ბავშვის უფლებათა კოდექსშიც. ყველა ბავშვს აქვს უფლება, თავისუფლად გამოთქვას საკუთარი აზრი ისეთ საკითხებზე, რაც მას ეხება და მნიშვნელოვანია ამ აზრის გათვალისწინება ბავშვებთან დაკავშირებული გადაწყვეტილებების მიღებისას“, ნათქვამია გაეროს ბავშვთა ორგანიზაციის გვერდზე სოციალურ ქსელში.  წყარო: გაეროს ბავშვთა ორგანიზაცია საქართველოში

სამეგრელო. ათინათის პროექტის "ახალგაზრდების ჩართულობა და განვითარება" ფარგლებში, პარტნიორი სკოლის მოსწავლეებისთვის ჩატარდა ტრენინგი თემაზე - მოხალისეობა. ტრენინგის მიზანი იყო ახალგაზრდებში მოხალისეობრივი კულტურის განვითარება და მათი წახალისება აქტიურად ჩაერთონ საზოგადოებრივ საქმიანობაში. ახალგაზრდებმა მიიღეს ინფორმაცია მოხალისეობის არსზე, მის უპირატესობებსა და დადებით გავლენაზე საზოგადოებრივ ცხოვრებაზე.  პროექტი “ახალგაზრდების ჩართულობა და განვითარება” ხორციელდება აშშ საერთაშორისო განვითარების სააგენტოს პარტნიორობა მეტი გამძლეობისა და მედეგობისთვის პროგრამის ფარგლებში, გაეროს განვითარების პროგრამის და გაეროს ბავშვთა ფონდის მიერ და ამერიკელი ხალხის დახმარებით აშშ საერთაშორისო განვითარების სააგენტოსთან ერთად.  წყარო: ათინათი

შიდა ქართლი. 1 ივნისს მედიის განვითარების ფონდის მედიაწიგნიერების გუნდი გორს ეწვია.  ორგანიზაციის წარმომადგენლები ახალგეზრდებს ესაუბრნენ, თუ როგორ უნდა გაარჩიონ ერთმანეთისგან დეზინფორმაცია, მცდარი და დამაზიანებელი ინფორმაცია, როგორ გადავამოწმონ წყაროს სანდოობა და მანიპულაციური ვიზუალი. მედიის განვითარების ფონდის (MDF) სემინარი გაეროს განვითარების ფონდის პროგრამის – „მრავალფეროვნებაშია" – ფარგლებში ტარდება და ახალგაზრდებისთვის მედიაწიგნიერებასთან ერთად ციფრული წიგნიერების სემინარებსაც ითვალისწინებს.  სრულად...  წყარო: მედიის განვითარების ფონდი

თბილისი. სოციალური სამართლიანობის ცენტრი ბავშვთა დღისადმი მიძღვნილ პუბლიკაციას აქვეყნებს.  საქსტატის მონაცემებზე დაყრდნობით, ორგანიზაცია ავრცელებს ინფორმაციას, რომ „2023 წლის მონაცემებით, ბავშვთა 16% აბსოლუტურ სიღარიბეში ცხოვრობს. ეს მონაცემი სიღარიბის მთელი ქვეყნის მასშტაბით საშუალო მაჩვენებელსა (11.8%) და სხვა ასაკობრივ მაჩვენებლებსაც (18-64 წწ - 11.5 %; 65 წ. და მეტი - 8 %) მნიშვნელოვნად აღემატება“. სრულად...  წყარო: სოციალური სამართლიანობის ცენტრი

სამცხე–ჯავახეთი. დემოკრატიული ჩართულობის ცენტრების ქსელის ახალციხის ოფისში „ადამიანის უფლებებისა და დემოკრატიული მოქალაქეობის შესახებ“ ტრენინგი გაიმართა. ახალგაზრდებმა იმსჯელეს და მიიღეს ინფორმაცია ადამიანის საყოველთაო უფლებებზე და განიხილეს ამ კუთხით არსებული გამოწვევები, დადგეს სიმულაციები საზოგადოების სხვადასხვა ტიპების შესახებ, განიხილეს თუ რას ნიშნავს დემოკრატია, დემოკრატიული მოქალაქეობა და რატომაა მნიშვნელოვანი თოთოეული ადამიანის უფლებების დაცვა ქვეყნის განვითარებისთვის.  სრულად... წყარო: დემოკრატიულიჩართულობის ცენტრების ქსელი

თბილისი. გაეროს ბავშვთა ფონდი პუბლიკაციას აქვეყნებს. რას ნიშნავს ბავშვზე მორგებული მართლმსაჯულება. გაეცანით პუბლიკაციას, რომელიც საქართველოს სახალხო დამცველის მიერ, გაეროს ბავშვთა ფონდთან თანამშრომლობით და ევროკავშირის ფინანსური მხარდაჭერით შეიქმნა. სრულად.. წყარო: გაეროს ბავშვთა ფონდი

იმერეთი. ეკონომიკური პოლიტიკის კვლევის ცენტრი, ევროკავშირის მიერ დაფინანსებული პროექტის „ერთიანი საქართველო - ევროპისთვის“ ფარგლებში, 14-დან 18 წლამდე ახალგაზრდებს აძლევს შესაძლებლობას გაიმარჯვონ კონკურსში და გახდნენ 4 დღიანი საზაფხულო ბანაკის მონაწილე. პროექტის ფარგლებში დაგეგმილია 5 ბანაკის ჩატარება, ჯამში 250 მონაწილით, ივლისში, საქართველოში.  ამ საკითხზე, 18 მაისს ქუთაისში, სასტუმრო ‘ბესტ ვესთერნში’ გაიმართა საინფორმაციო შეხვედრა ახალგაზრდებთან.  სრულად...  წყარო: ეკონომიკური პოლიტიკის კვლევის ცენტრი

თბილისი.„ახალგაზრდა პედაგოგთა კავშირმა“ პროექტის „უკეთესი განათლება, გადაწყვეტილების მიღების პროცესში მონაწილეობა და სოციალური სარგებლის ხელმისაწვდომობა“ ფარგლებში, დაიწყო პოზიტიური მშობლობის ტრენინგების ციკლი, ოჯახის გაძლიერების მომსახურებაში ჩართული მშობლებისათვის. სატრენინგო მოდულის სესიები ემსახურება ცნობიერების ამაღლებას შემდეგ საკითხებზე: აღზრდის ეფექტური მეთოდები, ბავშვთა შრომა, რთული ქცევის მართვა, კომუნიკაციის გაუმჯობესება ინტერპერსონალურ ურთიერთობებში, აღზრდის სტილი, მიჯაჭვულობა, ბავშვის ფსიქოლოგიური საჭიროებები, თვითშეფასების განვითარება და სხვა. პროექტი ხორციელდება გერმანული ფონდის „Brot für die Welt“-ის ფინანსური მხარდაჭერით. სრულად... წყარო: ახალგაზრდა პედაგოგთა კავშირი