თბილისი. ინფორმაციის თავისუფლების განვითარების ინსტიტუტი აქვეყნებს სტატისტიკურ მონაცემებს, რომელიც შინაგან საქმეთა სამინისტროდან მიღებულ ინფორმაციას ეყრდნობა. „შსს–დან მიღებული დოკუმენტაციიდან ირკვევა, რომ 2009–2015 წლებში საოკუპაციო ჯარის მიერ ე.წ. „საზღვრის უკანონო" გადაკვეთის ბრალდებით სულ დაკავებულია 2 117 საქართველოს მოქალაქე, რომელთაგანაც 1 416 პირი დაკავებულია აფხაზეთის, ხოლო 701 პირი კი ცხინვალის რეგიონის საოკუპაციო ზოლის გადაკვეთისათვის", ნათქვამია ინფორმაციაში. სრულად... წყარო: idfi.ge

თბილისი. კავკასიის კვლევითი რესურსების ცენტრი (CRRC) 5 ბლოგად აქვეყნებს საქართველოში ჰომოფობიური განწყობების ანალიზსა და სტატისტიკურ მონაცემებს. სრულად... წყარო: blog.crrc.ge

აჭარა. 15 მაისს, ბათუმის საკრებულოს სხდომათა დარბაზში, ახალგაზრდებისთვის ერთიანი საინფორმაციო პორტალის (www.young.ge) პრეზენტაცია გაიმართა. ვებგვერდზე ახალგაზრდებისთვის საინტერესო სხვადასხვა თემატიკის მასალა იქნება განთავსებული: საგანმანათლებლო პროგრამები, ვაკანსიები, გართობა, დაგეგმილი ღონისძიებების ანონსი - სასურველი ინფორმაციის მოძიება გამარტივებული საძიებო სისტემით არის შესაძლებელი. საიტი განვითარებისა და თანამშრომლობის კავშირმა „პროგრესმა" ჩეხეთის ფინანსური მხარდაჭერით შექმნა. პორტალის პრეზენტაციაზე საზეიმოდ მოეწერა ხელი თანამშრომლობის შეთანხმებას იმ ორგანიზაციებთან, რომლებიც ვებგვერდზე ინფორმაციას განათავსებენ. გარდა ამისა, ვებგვერდზე ინფორმაციის განთავსების შესაძლებლობა ნებისმიერ ფიზიკურ და იურიდიულ პირს ექნება.

თბილისი. ევროკავშირის წარმომადგენლობამ 16 მაისს, განაახლა საგრანტო განაცხადი – „სამოქალაქო საზოგადოების ორგანიზაციები და ადგილობრივი თვითმმართველობა". სრულად... წყარო: webgate.ec.europa.eu/europeaid

აჭარა. 18 მაისს, ქალაქ ბათუმში, „კავკასიური სახლის" ორგანიზებით, იწყება ლექციათა კურსი ,,კონფლიქტებისა და განვითარების ყოველწლიური უნივერსიტეტის" ფარგლებში. უნივერსიტეტი საქართველოდან, უკრაინიდან, რუსეთიდან, მოლდოვიდან და ევროკავშირის წევრი ქვეყნებიდან 30–ზე მეტ ახალგაზრდას მასპინძლობს. 6 დღის განმავლობაში, რეგიონიდან და ევროპიდან მოწვეული მომხსენებლები, ქართველ ლექტორებთან ერთად წაიკითხავენ ლექციებს კონფლიქტების შესახებ. გარდა თეორიული ნაწილისა, პროგრამაში გათვალისწინებულია პოსტსაბჭოთა სივრცესა და ევროპაში არსებული ცალკეული ეთნიკური და ეთნო-პოლიტიკური კონფლიქტების განხილვა. განსაკუთრებული ყურადღება დაეთმობა უკრაინაში მიმდინარე მოვლენების გაანალიზებას. უნივერსიტეტი ხორციელდება პროექტის „უკრაინა - გამოსავლის ძიებაში დიალოგის გზით" ფარგლებში. ,,კონფლიქტების და განვითარების ყოველწლიური უნივერსიტეტი" 24 მაისამდე გასტანს, რომლის ფარგლებშიც 20–მდე ლექციის ჩატარებაა დაგეგმილი. სრულად... წყარო: caucasianhouse.ge

იმერეთი. 24 – 29 აპრილის ჩათვლით ამბროლაურისა და ცაგერის ბენეფიციარ ქალბატონებს, „მეწარმე ქალთა ფონდის" პროექტის: „ქალთა გაძლიერება საქართველოს მთიან რეგიონებში" – ფარგლებში, ქუთაისში ტრენინგები ჩაუტარდათ. მისი თემა იყო: „გენდერული თანასწორობა და ქალთა უფლებები”. ტრენინგები, რომლებიც გაეროს ქალთა ორგანიზაციის ინიციატივით და მხარდაჭერით მოეწყო, „მეწარმე ქალთა ფონდის" მიერ იყო ორგანიზებული. გენდერული თანასწორობის და ქალთა უფლებების” საკითხების განხილვაში ამბროლაურიდან 17, ცაგერიდან კი 19 ბენეფიციარი მონაწილეობდა. სამ-სამდღიან ტრენინგებს რაჭისა და ლეჩხუმის რაიონების ადგილობრივი თვითმმართველობის წარმომადგენლებიც დაესწრნენ. წყარო: მეწარმე ქალთა ფონდი

თბილისი. 16 მაისს, იკომოს–საქართველოს ინიციატივით გაიმართება ბეთლემის უბნის ფესტივალი, რომლითაც შეუერთდება მსოფლიო სამოქალაქო აქტივობის დღისადმი მიძღვნილ საერთაშორისო კამპანიას. რომლის მიზანია საჯარო სივრცის დანიშნულების მიმართ ყურადღების გამახვილება, აზრის გამოთქმის თავისუფლება, მოქალაქეთა გაერთიანებისა და გადაწყვეტილების მიღებაში ჩართულობის უფლების მნიშვნელობა. კამპანიის ფარგლებში გაიმართება სხვადასხვა ღონისძიებები სრულად... წყარო: ორგანიზაციის ვებგვერდი სოციალურ ქსელში

კახეთი. გაეროს განვითარების პროექტის ფარგლებში, კაჭრეთში შეხვედრა გაიმართა, რომელსაც ადგილობრივი, საერთაშორისო არასამთავრობო ორგანიზაციებისა და შვედეთის საგარეო საქმეთა სამინისტროს წარმომადგენლები ესწრებოდნენ. შეხვედრის ფარგლებში სტუმრებმა საზოგადოებრივი კოლეჯის მატერიალურ-ტექნიკური ბაზა დაათვალიერეს და კოლეჯში არსებულ პირობებს გაეცნენ. ღონისძიების ორგანიზატორების თქმით, მათ ასევე დაათვალიერეს თექის ხელოსანის სპეციალობის მესამე საფეხურის სტუდენტებისა და მასწავლებლების მიერ წარმოდგენილი უნიკალური თუშური ტრადიციებით დამუშავებული ნამუშევრები: ,,ადგილობრივი და საერთაშორისო ორგანიზაციებისა და სამინისტროს წარმომადგენლები ადგილზე გაეცნენ მატყლის დამუშავების, ქსოვისა და თექის დამუშავების პროცესებს. შვედეთის საგარეო საქმეთა სამინისტრო დიდი ხანია კოლეჯ „აისთან" თანამშრომლობს და მათი უშუალო ხელშეწყობით აქ ბევრი საჭირო პროექტი განხორციელდა".

ევროკავშირის წარმომადგენლობამ საქართველოში ვებგვერდზე განათავსა „სავიზო რეჟიმის ლიბერალიზაციის მესამე ანგარიში". ევროკომისიამ ანგარიში ევროპარლამენტისა და ევროკავშირის საბჭოსთვის მოამზადა და იგი საქართველოს მიერ „სავიზო რეჟიმის ლიბერალიზაციის სამოქმედო გეგმის" განხორციელებას ეხება. სრულად... წყარო: eeas.europa.eu/delegations/georgia

7-8 მაისს, სამართლიანი არჩევნებისა და დემოკრატიის საერთაშორისო საზოგადოების წარმომადგენლებმა ქუთაისსა და ბათუმში საზოგადოებას ახალი პროექტი გააცნო. პროექტს ორგანიზაცია საქართველოში ნიდერლანდების სამეფოს საელჩოს ფინანსური მხარდაჭერით ახორციელებს. პროექტის, „პოლიტიკური გავლენებისა და დისკრიმინაციისგან თავისუფალი საჯარო სამსახურის” მიზანია დაეხმაროს საჯარო სამსახურიდან უკანონოდ გათავისუფლებულ და დისკრიმინაციის მსხვერპლ პირებს. „სამართლიანი არჩევნები" უზრუნველყოფს მათ იურიდიულ დახმარებას, კერძოდ, იურიდიული დოკუმენტაციის მომზადებას, კონსულტაციას და სასამართლოში წარმომადგენლობას. წყარო: ორგანიზაციის ვებგვერდი

ოზურგეთი. 4-10 მაისს მსოფლიო ჯანდაცვის ორგანიზაციისა და გაეროს ეგიდით ტარდება საგზაო უსაფრთხოების მესამე კვირეული, რომლის გზავნილია „დავიცვათ ბავშვების სიცოცხლე". კვირეულის მიზანია 2011-2020 წლების პერიოდში საგზაო უსაფრთხოების მხარდაჭერა და პრევენციული ღონისძიების შედეგად ავტოსაგზაო შემთხვევების შემცირება. ოზურგეთის დემოკრატიული ჩართულობის ცენტრში, ბავშვებთან შეხვედრას უძღვებოდა ავტო-სკოლის პედაგოგი ნინო გაგუა. ბავშვებმა მიიღეს ინფორმაცია საგზაო უსაფრთხოების და ავტოსაგზაო შემთხვევების პრევენციის შესახებ. შეხვედრის ბოლოს დამსწრეებმა საჩუქრად მიიღეს შუქამრეკლები/რეფლექტორები და ჟილეტები.

4 მაისს დაიწყო და გრძელდება ევროპის დღეები საქართველოში. 10 მაისს მთელი დღის განმავლობაში ევროპის დღის აღსანიშნავად, თბილისში, ალექსანდროვის პარკში გაიმართება სხვადასხვა ღონისძიებები. მასში მონაწილეობას მიიღებენ ევროკავშირის ქვეყნების ფოლკლორული ცეკვისა და სიმღერის ანსამბლები. სრულად... წყარო: სოციალურ ქსელში ვებგვერდი ერთად შევეგებოთ ევროპას

თბილისი. საქართველოს ახალგაზრდა კონსტიტუციონალისტთა ასოციაციამ ახალი პრეზიდენტი აირჩია – ნინო ლაცაბიძე, რომელიც ამ დრომდე ორგანიზაციაში იურისტად მუშაობდა. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა – საქართველომ უზენაესი სასამართლოს წევრობის ორი კანდიდატის შესახებ ბლოგს აქვეყნებს. როგორც ცნობილია პრეზიდენტმა, 4 მაისს საქართველოს პარლამენტს უზენაესი სასამართლოს წევრობის ორი კანდიდატი ეკატერინე გასიტაშვილი და მზია თოდუა წარუდგინა. სრულად... წყარო: transparency.ge

თბილისი. საქართველოს ახალგაზრდა იურისტთა ასოციაციამ აპრილის თვის წარმატებული საქმეების შესახებ ინფორმაცია გამოაქვეყნა. სრულად... წყარო: gyla.ge

კახეთი. თელავის ,,ახალგაზრდულმა ქრისტიანულმა ასოციაციამ”, მშვიდობის კორპუსის საქართველოს წარმომადგენლობასთან ერთად, თელავში შეხვედრა გამართა. ღონისძიების ფარგლებში, სხვადასხვა ორგანიზაციებს მათ ბაზაზე მყოფ მოხალისეებს სხვადასხვა საქმიანობასა და ღონისძიებებში მონაწილეობის მიღება შესთავაზეს. როგორც ასოციაციის ხელმძღვანელი პაატა აბრამიშვილი აცხადებს, მოხალისეობა მსოფლიოში აპრობირებული მეთოდია და ეს, ახალგაზრდების პროფესიული განვითარებისა და სხვადასხვა უნარ-ჩვევების გამომუშავებისთვის მნიშვნელოვანია: ,,ჩვენმა ორგანიზაციამ მშვიდობის კორპუსის საქართველოს წარმომადგენლობასთან ერთად დაიწყო პროექტი, რომელიც მიზნად ისახავს მოხალისეობრივი ინსტიტუტის განვითარებას. პროექტის ფარგლებში, უცხოელი მოხალისეები ქართველებს გაუზიარებენ ამ კუთხით საკუთარ გამოცდილებას, რაც ძალიან სასარგებლო და მნიშვნელოვანია’’.

კახეთი. ჩეხეთის არასამთავრობო ორგანიზაციამ „აგორამ", თელავში შეხვედრა გამართა. შეხვედრას ადგილობრივი და საერთაშორისო ორგანიზაციების და სამთავრობო სტრუქტურების წარმომადგენლები ესწრებოდნენ, სადაც ისაუბრეს განსახორციელებელ პროექტებზე. ორგანიზაციის წარმომადგენლების თქმით, პროექტის ფარგლებში დაგეგმილია კომიტეტის შექმნა, რომელშიც გაერთიანდებიან მერიის, არასამთავრობო ორგანიზაციების წარმომადგენლები და თელავის აქტიური საზოგადოების წევრები. მათივე თქმით, აღნიშნული პროექტის მიზანია ადგილობრივი მოსახლეობის ჩართვა და გააქტიურება ქალაქში მიმდინარე პროექტებსა და პროცესებში.

თბილისი. კოალიცია დამოუკიდებელი და გამჭვირვალე მართლმსაჯულებისთვის სასამართლო რეფორმის კანონპროექტთან დაკავშირებით პირველად შენიშვნებს და მოსაზრებებს აქვყენებს. კანონპროექტი შეეხება მნიშვნელოვან საკანონმდებლო ცვლილებებს, რომელთა განხორციელებასაც კოალიცია აქტიურად უჭერდა მხარს გასული პერიოდის განმავლობაში. სრულად... წყარო: www.isfed.ge

თბილისი. ორგანიზაცია „ახალგაზრდა ადვოკატები", მაღალი საზოგადოებრივი ინტერესიდან გამომდინარე, კონკურენციის ეროვნულ სააგენტოს ინტერნეტ ბაზარზე არსებული დომინირებული მდგომარეობის ბოროტად გამოყენების ფაქტების შესწავლის დაწყებისკენ მოუწოდებს. სრულად... წყარო: ორგანიზაციის ვებ-გვერდი სოციალურ ქსელში

იმერეთი. ქუთაისის შშმ ბავშვთა დღის ცენტრის ,,ჯადოსნური სამყარო'' აღსაზრდელებისათვის გასვლითი ხატვის გაკვეთილი ქუთაისის ახალგაზრდულ ცენტრში მოეწყო, გაკვეთილის მსვლელობისას გაიმართა ფოტო აქცია ,,მე პიკასო'', ბავშვებმა ერთმანეთის ხატვის პროცესი ფოტოკამერით დააფიქსირეს. სრულად... წყარო: ორგანიზაციის ვებ-გვერდო სოციალურ ქსელში

დღეს დაიწყო და 11 მაისის ჩათვლით გაგრძელდება ევროპის კვირეული თბილისსა და საქართველოს რამდენიმე რეგიონში. ევროპის კვირეულის ფარგლებში გაიმართება სხვადასხვა საჯარო ლექცია და კულტურული ღონისძიება. ღონისძიებების განრიგი... წყარო: პროგრამის – „ერთად შევეგებოთ ევროპის" ვებგვერდი სოციალურ ქსელში

თბილისი. 3 მაისს, „სამართლიანი არჩევნების და დემოკრატიის საერთაშორისო საზოგადოების" საერთო კრება და საბჭოს ახალი წევრების არჩევნები გაიმართა. კრებაზე აირჩიეს საბჭოს სამი ახალი წევრი: ირაკლი ნასყიდაშვილი, ანა მიქელაძე და ნინო დანელია. წყარო: ორგანიზაციის ვებგვერდი სოციალურ ქსელში