სამეგრელო. „ნატოსა და ევროკავშირის შესახებ საინფორმაციო ცენტრის" დირექტორის მოადგილემ თამარ მედულაშვილმა ანაკლიაში „მომავლის ბანაკში" საინფორმაციო შეხვედრა გამართა. შეხვედრას 285 მოსწავლე ესწრებოდა, რომლებმაც ქვეყნის ევროპულ ღირებულებებებსა და ევროკავშირთან ასოცირების შეთანხმების მნიშვნელობაზე ამომწურავი ინფორმაცია მიიღეს. შეხვედრაზე ასევე განიხილეს ნატოსა და ევროკავშირში ინტეგრაციის პროცესის მიმდინარეობა, ამ კუთხით არსებული გამოწვევები და ახალგაზრდებისთვის გახსნილი ახალი შესაძლებლობები. შეხვედრაზე ბანაკის მონაწილეებმა ნახეს თომა ჩაგელიშვილის დოკუმენტური ფილმი „მოგზაურობა ევროპაში". ფილმის ჩვენების შემდეგ შეხვედრა ინტერაქტიულ რეჟიმში გაგრძელდა. შეხვედრის დასასრულს მოეწყო ვიქტორინა და გამარჯვებულ მოსწავლეებს წამახალისებელი პრიზები გადაეცათ. წყარო: ორგანიზაციის ვებგვერდი სოციალურ ქსელში

თბილისი. ჯამპსტარტ ჯორჯია აქვეყნებს ახალ ვიზუალიზაციას: „შესასრულებელი მისია – უვიზო ევროპა საქართველოსთვის". „საქართველომ ევროკავშირთან სავიზო რეჟიმის გამარტივებისა და რეადმისიის შესახებ ხელშეკრულებას ხელი 2010 წელს მოაწერა. 2013 წლის 25 თებერვალს მას ოფიციალურად გადმოეცა სავიზო რეჟიმის ლიბერალიზაციის სამოქმედო გეგმა (VLAP), რომელიც ორი ფაზისგან შედგება: კანონმდებლობის დახვეწა და მისი განხორციელება. 2015 წლის 8 მაისს ევროკომისიამ გამოაქვეყნა მესამე ანგარიში სამოქმედო გეგმის განხორციელების შესახებ, რომლის თანახმადაც, პროგრამით განსაზღვრული ოთხი მიმართულებით საქართველომ 15 პუნქტიდან 7 სრულად შეასრულა...", ნათქვამია ფერად ინფოზე. ვიზუალიზაცია... წყარო: feradi.info

თბილისი. 21 ივლისს, ქუთაისის განათლების განვითარების და დასაქმების ცენტრის ორგანიზებით, პროექტის ,,შშმ პირთა უფლებების დაცვა და განხორციელება'' ფარგლებში სამუშაო შეხვედრა გაიმართა. შეხვედრაში შშმ პირთა საკითხებზე მომუშავე არასამთავრობო ორგანიზაციის წარმომადგენლები მონაწილეობდნენ. მათ ქუთაისის განათლების განვითარების და დასაქმების ცენტრის დირექტორმა პროექტის მიზნები გააცნო, ერთობლივად დაიგეგმა სამომავლო ღონისძიებები. პროექტის ,,შშმ პირების უფლებების დაცვა და განხორციელება'' მიზანია შშმ პირთა დასაქმების ეფექტური სახელმწიფო პოლიტიკის განვითარების ხელშეწყობა. სრულად... წყარო: ორგანიზაციის ვებ-გვერდი სოციალურ ქსელში

თბილისი. ჰაინრიჰ ბიოლის ფონდმა გამართა დისკუსია „ჟენევის მოლაპარაკებების მომავალი: დიპლომატიის როლი კონფლიქტის ტრანსფორმაციისთვის". მათ, ვინც ვერ შეძლო დისკუსიაზე დასწრება, ფონდი საშუალებას აძლევს იხილოს მისი ვიდეოჩანაწერი. სრულად... წყარო: ბიოლის ფონდის ვებგვერდი

თბილისი. 17 ივლისს, საქართველოს სახალხო დამცველმა, რეკომენდაციით მიმართა შპს „არტპალასს" შეიმუშავოს შიდა დოკუმენტი, რომელიც შშმ პირთათვის აუცილებელ პირობებს გაითვალისწინებს. 12 თებერვალს, პაატა ბურჭულაძის საიუბილეო საღამოზე დასასწრები ბილეთები შშმ პირებსაც ჰქონდათ შეძენილი, შენობის არასათანადო პირობების გამო კი საღამოს ვერ დაესწრნენ. სახალხო დამცველმა, საქმის შესწავლის შედეგად დაადგინა, რომ შპს „არტპალასმა" ჩაიდინა პირდაპირი დისკრიმინაცია მ. დ.-ს მიმართ, მისი შეზღუდული შესაძლებლობის გამო... სრულად... წყარო: www.ombudsman.ge

კახეთი. ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, დავით ბაქრაძემ ყვარელში ნატოს საზაფხულო სკოლა „მშვიდობა და უსაფრთხოება" დახურა. ბაქრაძემ, სემინარის მუშაობაში მონაწილე ახალგაზრდებს საქართველოდან, აზერბაიჯანიდან და სომხეთიდან სიტყვით მიმართა და ქვეყნისათვის ევროატლანტიკური კურსის მნიშვნელობაზე ესაუბრა. ნატოს საზაფხულო სკოლა საქართველოს ატლანტიკური ხელშეკრულების ახალგაზრდული ასოციაციის ორგანიზებითა და ნატოს სახალხო დიპლომატიის განყოფილების მხადაჭერით განხორციელდა. ღონისძიების მიზანს მშვიდობისა და უსაფრთხოების საკითხებში ნატოს როლის განსაზღვრა და ამ კუთხით მიმდინარე პროცესებზე ახალგაზრდების ცნობიერების ამაღლება წარმოადგენს.

აჭარა. ბათუმის დემოკრატიის სკოლის კოორდინატორმა 2015 წლის დემოკრატიის სკოლის მიზნობრივი პროგრამის პრეზენტაცია შუახევში გამართა. შეხვედრას ადგილობრივი სკოლების ადმინისტრაციის წარმომადგენლები და პოლიტიკური პარტიის წევრები ესწრებოდნენ. დემოკრატიის სკოლა, ნიდერლანდების ინსტიტუტის მრავალპარტიული დემოკრატიის პროექტია. ბათუმის დემოკრატიის სკოლა წელს მიღებას მეოთხედ აცხადებს. მსმენელებს 6 თვიანი ტრენინგი ჩაუტარდებათ, გარდა სატრენინგო პროგრამისა, კურსდამთავრებულები მონაწილეობას მიიღებენ მცირე გრანტის კონკურსში, ერთობლივ კონფერენციებში პროგრამაში, ჩართვა ნებისმიერ მსურველს შეუძლია.

თბილისი. 17 ივლისს, საქართველოს პარლამენტის ბიუროს სხდომაზე „საქართველოს ღია პარლამენტის სამოქმედო გეგმა" დამტკიცდა. პროექტი შემუშავდა „ინფორმაციის თავისუფლების განვითარების ინსტიტუტის" (IDFI) პროექტის „ღია მმართველობის პარტნიორობის ინიციატივაში საქართველოს პარლამენტის ჩართულობის მხარდაჭერა" შედეგად, რომელიც ხორციელდება საქართველოს პარლამენტთან პარტნიორობით. აღნიშნული პროექტი ევროკავშირის და გაეროს განვითარების პროგრამის (UNDP) ერთობლივი პროგრამის „საქართველოში საპარლამენტო დემოკრატიის სისტემის გაძლიერება" ნაწილია. „შეგახსენებთ, ეს არის ის პროგრამა, რომელიც მსოფლიო მასშტაბით ხორციელდება და საქართველოს მთავრობა აქტიურად არის ჩართული. საქართველოში იყო ძალიან სერიოზული წარმომადგენლობითი კონფერენცია თვენახევრის წინ. პარლამენტი ჩართულია ამ პროცესში. ჩვენ, ჩილეს პარლამენტთან ერთად ვართ ერთ-ერთი მოწინავე პარლამენტი ამ ნაწილში. სექტემბერში დაგეგმილია საერთაშორისო კონფერენცია საქართველოში, მერე მექსიკაში მსოფლიო ფორუმია ამ საკითხებზე. ასევე პარლამენტში შექმნილმა სამუშაო ჯგუფმა შეიმუშავა ძალიან კონკრეტული სამოქმედო გეგმა, რომელიც დარიგებულია", განაცხადა დავით უსუფაშვილმა. სრულად... წყარო: idfi.ge

თბილისი. გერმანიის საერთაშორისო თანამშრომლობის საზოგადოების სამართლის პროგრამა საქართველოში ახალ პუბლიკაციას სთავაზობს დაინტერესებულ პირებს. წიგნის – „კაზუსის ამოხსნის მეთოდიკა სისხლის სამართალში" – ელექტრონული ვერსია პროგრამის ფარგლებში უკვე განთავსდა სოციალურ ქსელში. „კაზუსის ამოხსნის მეთოდიკა სისხლის სამართალში"... წყარო: პროგრამის ვებგვერდი სოციალურ ქსელში

თბილისი. ორგანიზაცია „ჯამპსტარტ ჯორჯია" აქვეყნებს მორიგ ვიზუალიზაციას „შეძლებ ბინის ყიდვას?", რომელიც სხვადასხვა წყაროს სტატისტიკურ მონაცემს ეფუძნება. ვიზუალიზაცია... წყარო: ფერადი ინფო

შიდა ქართლი. 14 ივლისს, გორის დემოკრატიული ჩართულობის ცენტრის ორგანიზებით, რუსეთის საოკუპაციო ძალების მიერ ე.წ საზღვრის აღმნიშვნელი ბანერების აღმართვასთან დაკავშირებით დისკუსია გაიმართა. შეხვედრაზე საოკუპაციო ხაზის გადმოწევის შედეგად გამოწვეული პრობლემები და საფრთხეები განიხილეს. ასევე, ისაუბრეს, თუ როგორი მიდგომა აქვს სახელმწიფოს საოკუპაციო ზოლთან მიმდებარე მიწების რეგისტრაციასთან და BP-ს მილსადენის ალტერნატიული სატრანზიტო ხაზთან დაკავშირებით. საოკუპაციო ხაზის გადმოწევის შედეგად ოკუპირებულ ტერიტორიაზე მოექცა დაახლოებით 57 ჰა მიწის ნაკვეთი, სადაც 100-ზე მეტი ოჯახის სახნავ-სათესი მიწებია მოქცეული. „სახელმწიფოს მხრიდან მთელი ძალისხმევა იქნება მიმართული, რომ მოსახლეობას არ შეეზღუდოს წვდომა თავის მიწაზე და შეძლონ მიწით სარგებლობა. ჩვენი ამოცანაა არ წამოვეგოთ პროვოკაციას და შევძლოთ ბარიკადების დაშლა. ამისათვის ყველა არსებული ფორმატი და მექანიზმი იქნება გამოყენებული. ჩვენ გავაგრძელებთ საოკუპაციო ხაზის გასწვრივ მცხოვრები მოსახლეობის დახმარებას, რათა მათ ჰუმანიტარული და სოციალური პირობები შევუმსუბუქოთ, და ამავდროულად გადავდგათ ქმედითი ნაბიჯები კონფლიქტის მოგვარებისაკენ," განაცხადა შერიგებისა და სამოქალაქო თანასწორობის საკითხებში სახელმწიფო მინისტრის მოადგილემ... სრულად... წყარო: ორგანიზაციის ვებ-გვერდი სოციალურ ქსელში

თბილისი. კავკასიის კვლევითი რესურსების ცენტრი (crrc) აქვეყნებს ბლოგს: „სასამართლო პროცესის გამჭვირვალობის აღქმა". ბლოგი ეყრდნობა 2014 წელს ორგანიზაციის მიერ ჩატარებულ გამოკითხვას და ასახავს საქართველოს მოქალაქეების აღქმას სასამართლოს გამჭვირვალობის მიმართ. სრულად... წყარო: ორგანიზაციის ვებგვერდი

თბილისი. სახალხო დამცველმა ომბუდსმენის აპარატის საქმიანობის ივნისის თვის ანგარიში გამოაქვეყნა. სრულად... წყარო: www.ombudsman.ge

აჭარა. 14 ივლისს, განვითარებისა და თანამშრომლობის ხელშემწყობი კავშირის „პროგრესის" ორგანიზებით, ბათუმის დემოკრატიული ჩართულობის ცენტრში, საკრებულოს სტაჟირების პროგრამის ფარგლებში მორიგი საინფორმაციო შეხვედრა გაიმართა. შეხვედრის მონაწილეებთან ერთად განხილეს შშმ პირებთან დაკავშირებული ტერმინები და სტერეოტიპები, საქართველოში შეზღუდული შესაძლებლობის მქონე პირთა სამართლებრივი მდგომარეობა და სახელმწიფოს მხრიდან აღნიშნული მიმართულებით გადადგმული ნაბიჯები. შეხვედრის მონაწილეებმა მომხსენებლებთან ერთად იმსჯელეს ადგილობრივ დონეზე არსებული პრობლემების შესახებ. შეხვედრის ბოლოს კი აუდიტორია ჩაერთო სიტუაციურ ამოცანებში, რის საფუძველზეც თეორიულად მიწოდებული ინფორმაციის პრაქტიკული ანალიზის შესაძლებლობა მიეცათ.

რაჭა. 14 ივლისს, ევროკავშირის მობილური საინფორმაციო ცენტრი ნიკორწმინდაში ადგილობრივ მოსახლეობას შეხვდა. ნიკორწმინდის კლუბში შეკრებილმა ადგილობრივებმა ნახეს თომა ჩაგელიშვილის მოკლემეტრაჟიანი ფილმი „მოგზაურობა ევროპაში". ასევე, მობილური საინფორმაციო ცენტრის წევრებისგან მიიღეს დამატებითი ინფორმაცია ევროგაერთიანების შესახებ. სრულად... წყარო: პროგრამის ვებგვერდი სოციალურ ქსელში

თბილისი. 14 ივლისს, ბავშვთა და ახალგაზრდობის განვითარების ფონდის მიერ დაფინანსებული პროექტის - „ინიციატივა სამოქალაქო საზოგადოებისათვის" პროექტის „ახალგაზრდული ინტერრელიგიური საბჭოს" პრეზენტაცია გაიმართა. ღონისძიებას ესწრებოდნენ, როგორც აღნიშნული პროექტის ორგანიზატორები და მოწვეული სტუმრები, ასევე სპორტისა და ახალგაზრდობის საქმეთა სამინისტროს წარმომადგენლები. საუბარი შეეხო რელიგიური ცოდნის სიმწირეს, რომელიც წარმოშობს რელიგიურ და ეთნიკურ უთანასწორობას. სრულად... წყარო: ორგანიზაციის ვებ-გვერდი სოციალურ ქსელში

თბილისი. საია რუსეთის ფედერაციის მიერ საოკუპაციო ზოლის გაფართოების მორიგ ფაქტს ეხმაურება. მედიაში გავრცელებული ინფორმაციის თანახმად, 2015 წლის 11 ივლისს, გორის რაიონის სოფელ ორჭოსანში ე.წ. გამყოფმა ხაზმა 300 მეტრით, ხოლო წითელუბანი-ხურვალეთის ტერიტორიაზე დაახლოებით კილომეტრ ნახევრით გადმოიწია. „საია მოუწოდებს ხელისუფლებას შექმნას ერთიანი ბაზა საოკუპაციო ზოლის გაფართოების შედეგად დაზარალებული მოსახლეობის, საოკუპაციო ზოლში მოქცეული სასოფლო-სამეურნეო მიწების და საცხოვრებელი სახლების რაოდენობის და მოსახლეობისთვის მიყენებული მატერიალური ზიანის გამოსათვლელად. საია ასევე მოუწოდებს საქართველოს ხელისუფლებას გამოიყენოს ყველა შესაძლო დიპლომატიური და საერთაშორისო სამართლებრივი მექანიზმი რუსეთის ფედერაციის მიერ საქართველოს ტერიტორიის ოკუპაციის დასრულების და საქართველოს მოქალაქეთა უფლებების ხელყოფის შესაჩერებლად"... სრულად...  წყარო: gyla.ge

შიდა ქართლი. „ახალგაზრდები დეოკუპაციისთვის" ამ სახელწოდებით მცოცავი ოკუპაციის წინააღმდეგ აქცია დაიგეგმა. სოციალურ ქსელში შეიქმნა გვერდიც, აქცია 22 ივლისს 12 საათზე გაიმართება. ორგანიზატორები გორელი ახალგაზრდები, მედიისა და არასამთავრობო ორგანიზაციების წარმომადგენლები არიან. „ვისთვისაც მნიშვნელოვანია ადამიანის უფლებები და ქვეყნის სუვერენიტეტი გავერთიანდეთ და ერთად მოვითხოვოთ საქართველოს დეოკუპაცია,ერთად მოვუწოდოთ საერთაშორისო საზოგადოებას მხარდაჭერისთვის და დავაფიქსიროთ ჩვენი სამოქალაქო პოზიცია. მწვანე აბრები და მავთულხლართები დღითიდღე გვიახლოვდება შემოგვიერთდით"- ნათქვამია განცხადებაში. სრულად... წყარო: www.heretifm.com

თბილისი. 13 ივლისს რეპატრირებული მესხების ბინადრობის პრობლემებთან დაკავშირებით მრგვალი მაგიდა გაიმართა. შეხვედრას ესწრებოდნენ: სამინისტროების, არასამთავრობოებისა და ომბუდსმენის აპარატის წარმომადგენლები. სრულად... წყარო: ორგანიზაციის ვებ-გვერდი სოციალურ ქსელში

თბილისი. კოალიცია დამოუკიდებელი და გამჭვირვალე მართლმსაჯულებისთვის სასამართლო რეფორმის მესამე ტალღის შესახებ დისკუსიას მასპინძლობს. შეხვედრას საზოგადოებრივი ორგანიზაციების, აღმასრულებელი, საკანონმდებლო და სასამართლო ხელისუფლების წარმომადგენლები ესწრებიან. სრულად... წყარო: gyla.ge

თბილისი. აღმოსავლეთ–დასავლეთის მართვის ინსტიტუტის ინიციატივით, 10 ივლისს გაიმართა საჯარო დისკუსია: „ასოცირების შეთანხმების იმპლემენტაციის მართვა: როგორ მივიდეთ დასახულ მიზნამდე". დისკუსიას ესწრებოდნენ არასამთავრობო ორგანიზაციებისა და ხელისუფლების წარმომადგენლები, რომლებმაც იმსჯელეს ასოცირების შეთანხმების იმპლემენტაციის გამოწვვებზე და მათი გადაწყვეტის გზები განიხილეს. სრულად... წყარო: ორგანიზაციის ვებგვერდი სოციალურ ქსელში

თბილისი. სამართლიანი არჩევნები თბილისის მერიაში ჩატარებული კონკურსების შესახებ განცხადებას ავრცელებს. ორგანიზაცია მოუწოდებს „თბილისის მერიას, ადგილობრივი თვითმმართველობის სხვა ორგანოებს და საკონკურსო-საატესტაციო კომისიებს, დროულად მოახდინონ დაინტერესებული სადამკვირვებლო ორგანიზაციების ინფორმირება დაგეგმილი კონკურსებისა და ატესტაციების პროცესების შესახებ და მისცენ სრულფასოვანი დაკვირვების საშუალება, რათა კითხვის ნიშნის ქვეშ არ დადგეს ატესტაციებისა და კონკურსების პროცესის სამართლიანობა და გამჭვირვალობა". სრულად... წყარო: isfed.ge