თბილისი. არასამთავრობო ორგანიზაციები ერთობლივ განცხადებას ავრცელებენ, სადაც შეშფოთებას გამოხატავენ ბიზნესმენ ბესიკ ხარძიანის მკვლელობასთან დაკავშირებით. „ვუსამძიმრებთ გარდაცვლილის ოჯახსა და ახლობლებს; მოვუწოდებთ ხელისუფლებას, უსწრაფესად, სრულად და მიუკერძოებლად გამოიძიოს აღნიშნული მკვლელობის საქმე, გამოავლინოს დამნაშავეები და უზრუნველყოს მათი კანონის სრული სიმკაცრით დასჯა", ნათქვამია განცხადებაში. სრულად... წყარო: gyla.ge

თბილისი. ევროკავშირის წარმომადგენლობა საქართველოში იწყებს 2015 წლის კამპანიას „ერთად შევეგებოთ ევროპას". ევროკავშირის მობილური საინფორმაციო ცენტრი მოქალაქეებს მიაწვდის ინფორმაციას საქართველოსა და ევროკავშირს შორის თანამშრომლობის შესახებ. საინფორმაციო ცენტრმა 31 მარტს დაიწყო კამპანია. კამპანიის მიზანია მოქალაქეებს გაუმარტივდეთ ინფორმაციის მიღება საქართველოსა და ევროკავშირს შორის თანამშრომლობის შესახებ. სრულად... წყარო: სოციალურ ქსელში ვებგვერდი „ერთად შევეგებოთ ევროპას"

იმერეთი. საიას ქუთაისის ფილიალში გაიმართა სამოქალაქო საზოგადოების და მედიის წარმომადგენლების ყოველთვიური საინფორმაციო შეხვედრა, რომელშიც მონაწილეობდა არასამთავრობო ორგანიზაციების და მედიის 20 წარმომადგენელი. შეხვედრაში მონაწილეობდნენ ევროკავშირის სადამკვირვებლო მისიის ზუგდიდის ოფისის წარმომადგენლებიც. შეხვედრის მონაწილეებმა ისაუბრეს მარტის თვეში განხორციელებულ აქტივობებზე და აპრილის თვის სამოქმედო გეგმებზე. საიას ქუთაისის ფილიალის პროგრამების დირექტორმა შეხვედრაზე ისაუბრა სამოქალაქო საზოგადოების ორგანიზაციების რეგიონული ქსელის (RCS-N) პროექტზე „საზოგადოების ცოდნის გაძლიერება და საზოგადოებრივი ორგანიზაციების ჩართულობა რეგიონულ დაგეგმარებაში". მანვე შეხვედრის დამსწრეებს საიას ქუთაისის ფილიალის ახალი თავმჯდომარე წარუდგინა. წყარო: ფილიალის ვებგვერდი სოციალურ ქსელში

თბილისი. ჯამპსტარტ ჯორჯია ქვათა ღაღადის ახალი გამოცემას აქვეყნებს. იგი მოიცავს ოზურგეთის, გურიის მხარის ადმინისტრაციული ცენტრის, 45 ფოტოს და ასახავს იმ ცვლილებებს, რაც ქალაქმა ბოლო 50-60 წლის განმავლობაში განიცადა. ქვათა ღაღადი: ოზურგეთი... წყარო: ფერადი ინფო

თბილისი. 25 მარტს, საქართველოში ევროკავშირის ელჩმა, იანოშ ჰერმანმა პრესკონფერენცია გამართა, რომელიც ეძღვნებოდა საქართველოს მიერ ევროპის სამეზობლო პოლიტიკის განხორციელების შესახებ 2014 წლის ანგარიშისა და სამოქმედო რეკომენდაციების გამოქვეყნებას. ინფორმაცია ანგარიშის შესახებ… წყარო: eeas.europa.eu/delegations/georgia

ინფორმაციის განვითარების თავისუფლების ინსტიტუტის ინფორმაციით, 26 მარტს გამოქვეყნდა „მსოფლიო მართლმსაჯულების პროექტის" (World Justice Project) 2015 წლის ღია მმართველობის საერთაშორისო (Open Government Index) ინდექსი. რომლის მიხედვითაც საქართველომ 0.61-იანი შეფასება მიიღო (უმაღლესი 1 ქულიდან). ამ შედეგით, მან აღმოსავლეთ ევროპისა და ცენტრალური აზიის 13 ქვეყანას შორის პირველი პოზიცია დაიკავა, მსოფლიო მასშტაბით კი 102 ქვეყანას შორის 29-ე გახლავთ ღია მმართველობის თვალსაზრისით. ამ შედეგით საქართველომ გადაუსწრო ისეთ ევროპულ ქვეყნებს, როგორც: სლოვენია, მაკედონია, საბერძნეთი, ხორვატია. უმაღლესი შეფასებები შემდეგმა ქვეყნებმა მიიღეს: შვედეთი, ახალი ზელანდია, ნორვეგია, დანია და ნიდერლანდები. რეიტინგი შესაბამისი ქვეყნების მოქალაქეთა შეფასებებსა და აღქმებზე არის დაფუძნებული. საქართველოს შემთხვევაში, შედეგები 2014 წელს თბილისში, ბათუმსა და ქუთაისში 1000 რესპონდენტის მიერ გაცემულ პასუხებს ეყრდნობა. მათ მთავრობის ღიაობა ოთხ ძირითად ფაქტორზე დაყრდნობით შეაფასეს. სრულად... წყარო: idfi.ge

თბილისი. 26 მარტს, საინფორმაციო ცენტრის ნატოსა და ევროკავშირის შესახებ ორგანიზებითა და ივ. ჯავახიშვილის სახელობის თბილისის სახელმწიფო უნივერისტეტის მასპინძლობით გაიმართა შეხვედრა ნატოს გენერალური მდივნის თანაშემწესთან სახალხო დიპლომატიის საკითხებში, ტედ ვაიტსაიდთან. შეხვედრის თემა იყო: ნატოს თანამედროვე გამოწვევები და ნატო სწრაფად ცვალებად მსოფლიოში. სრულად... წყარო: ორგანიზაციის ვებ-გვერდი სოციალურ ქსელში    

თბილისი. 27 მარტს, ევროკავშირის დელეგაცია საქართველოში გახსნილად გამოაცხადებს ევროკავშირის სამწუთიანი ფილმების ფესტივალს: „გახდი ევროკავშირის რეპორტიორი ერთი დღით". ამ საკითხზე პრესკონფერენცია ჩატარდება საქართველოს სპორტისა და ახალგაზრდობის სამინისტროში, 12:00 საათზე.

თბილისი. 24 მარტს, ფორნტლაინ კლუბში GIPA-ს სოციალურ მეცნიერებათა სკოლამ გამართა მეორე შეხვედრა ციკლიდან „საუბრები ფსიქოლოგიაზე". ფსიქოლოგიის დოქტორი, ილიას უნივერსიტეტის პროფესორ-ემერიტუსი ნათელა იმედაძე იხსენებს დიმიტრი უზნაძის მოწაფეების პირველ თაობას. ფრონტლაინ კლუბი გთავაზობთ ვიდეო-ჩანაწერს...     წყარო: ორგანიზაციის ვებ-გვერდი სოციალურ ქსელში

თბილისი. ილიას სახელმწიფო უნივერსიტეტის წიგნის სახლში „ლიგამუსში”, ტოლერანტობის სკოლის ფარგლებში, გია ნოდიამ წაიკითხა საჯარო ლექცია თემაზე - რელიგია დემოკრატიულ პოლიტიკაში. ილიაუნი ამ ლექციის ვიდეო-ჩანაწერს გთავაზობთ.     წყარო: ორგანიზაციის ვებ-გვერდი სოციალურ ქსელში

თბილისი. დღეს დაიწყო საერთაშორისო კონფერენცია: „დემოკრატიის არსი: საგარეო, ეკონომიკური და უსაფრთხოების პოლიტიკის არჩევანი რეგიონში". ეკონომიკური პოლიტიკის კვლევის ცენტრი უკვე მეორედ აწყობს კონფერენციას, რომელშიც სტენფორდის უნივერსიტეტის მაღალი დონის ექსპერტები მონაწილეობენ. კონფერენცია ტარდება ფონდი „ღია საზოგადოება - საქართველოს", აშშ-ის საელჩოს და NATO-ს სახალხო დიპლომატიის განყოფილების და Omidyar Network-ის მხარდაჭერით. კონფერენციის მთავარ მომხსენებლებს შორის არიან სტენფორდის უნივერსიტეტის დემოკრატიის, განვითარებისა და კანონის უზენაესობის ცენტრის დირექტორი ლარი დაიმონდი, რომელიც მსოფლიოსა და რეგიონში არსებულ დემოკრატიზაციის გამოწვევებზე საუბრობს, ასევე ამავე უნივერსიტეტის ფრიმენ სპოგლის სახელობის საერთაშორისო მეცნიერებათა ინსტიტუტის საპატიო პროფესორი სტივენ კრასნერი. ხვალ, 27 მარტს, ილიას უნივერსიტეტში, ლარი დაიმონდი და სტივენ კრასნერი წაიკითხავენ ლექციას: „დემოკრატია და სახელმწიფოს მშენებლობა პოსტსაბჭოთა სივრცეში: სად ვართ 25 წლის შემდეგ".  

თბილისი. ფონდი „ღია საზოგადოება – საქართველო" 2 აპრილს მართავს კონსულტაციებს, მათთვის, ვისაც აქვს იდეა ან გამზადებული პროექტის მონახაზი და სჭირდება კონსულტაცია დაფინანსების შესაძლებლობებზე. კონსულტაციებს გაუძღვებიან პროგრამების მენეჯერები. კონსულტაცია გაიმართება ფონდის ოფისში, ფონდის პროგრამების მიხედვით. კონსულტაციების განრიგი... წყარო: osgf.ge

აჭარა. 24 მარტს, სახალხო დამცველის ბათუმის ფილიალის ოფისში, ახალგაზრდული ორგანიზაციის „ცვლილებები თანაბარი უფლებებისათვის" და აჭარის სპორტისა და ახალგაზრდობის საქმეთა დეპარტამენტის ინიციატივით, ჟესტური ენის სასაწავლო კურსის პირველი შეხვედრა გაიმართა. სმენის არ მქონე მასწავლებელი და სურდო თარჯიმანი, ბათუმის საჯარო სკოლებიდან შერჩეულ დაინტერესებულ მოსწავლეებს ჟესტური ენას ელემენტარულ, საკომუნიკაციიო დონეზე შეასწავლის. აღნიშნული გაკვეთილების ჩატარება აპრილის ბოლომდე გაგრძელდება. კურსის დასრულების შემდეგ მოსწავლეების მიერ ჟესტურ ენაზე ორგანიზებული ღონისძიება გაიმართება.

თბილისი. 23 მარტს, არასამთავრობო ორგანიზაციამ „ეთნოსთაშორისი თანამშრომლობისა და კონსულტაციების ანალიტიკური ცენტრმა" (ACICC), ევროპის სახლში გახსნა ანნა ფრანკის გამოფენა. გამოფენა 31 მარტამდე გასტანს. გაეროს გენერალური ასამბლეის გადაწყვეტილებით, 21 მარტი გამოცხადებულია რასიზმთან და ყველა ფორმის დისკრიმინაციასთან ბრძოლის საერთაშორისო დღედ. ყოველ წელს, 21 მარტიდან იწყება ევროპული კვირეული რასიზმის და დისკრიმინაციის ნებისმიერი ფორმის წინააღმდეგ. ანა ფრანკის დღიურები, რომელიც გერმანიის ფაშისტური რეჟიმის მიერ ჩადენილ დანაშაულებებს ამხელს, მსოფლიოს მრავალ ენაზეა ნათარგმნი. მისი ცხოვრების ამსახველი გამოფენა სწორედ რასიზმთან ბრძოლის კვირეულის ფარგლებში იმართება. წყარო: ორგანიზაციის ვებგვერდი სოციალურ ქსელში

თბილისი. მშვიდობის კორპუსმა, ვებგვერდზე სოციალურ ქსელში, განათავსა სასარგებლო რესურსი მათთვის, ვისაც აინტერესებს ახალგაზრდების განათლებისა და ჩართულობის გაზრდის ხელშეწყობა თემში ცვლილებებისთვის. ორგანიზაცია გთავაზობთ გაეცნოს მათ მიერ მომზადებულ გაზეთს. სრულად... წყარო: მშვიდობის კორპუსის ვებგვერდი სოციალურ ქსელში

თბილისი. 23 მარტს არასამთავრობო ორგანიზაციის „პარტნიორობა ადამიანის უფლებებისთვის" (PHR) ინიციატივით, ორგანიზაციის ,,ბავშვი, ოჯახი, საზოგადოება'' ოფისში გაიმართა შეზღუდული შესაძლებლობის მქონე პირთა უფლებების დამცველი და სერვისის მიმწოდებელი ორგანიზაციების შეხვედრა. შეხვედრის მიზანს წარმოადგენდა ორგანიზაციების მიმდინარე საქმიანობის შესახებ ინფორმაციის გაცვლა და სტრატეგიული თანამშრომლობის დაგეგმვა. შეხვედრის მონაწილეებმა ერთმანეთს ინფორმაცია გაუზიარეს სხვადასხვა საკითხის შესახებ, მათ შორის: ფსიქიკური ჯანმრთელობის სფეროში არსებული პრობლემების, დაუნის სინდრომის მქონე ადამიანთა განათლების მიღების უფლების რეალიზაციის და შეზღუდული შესაძლებლობის მქონე პირთა საოჯახო ტიპის მომსახურების შესახებ. შეხვედრას ესწრებოდნენ, როგორც არასამთავრობო სექტორის წარმომადგენლები, ისე საჯარო მოხელეები. შეხვედრის მონაწილეთა მიერ დაიგეგმა მომავალი სტრატეგიული თანამშრომლობის ღონისძიებები. წყარო: ორგანიზაციის ვებგვერდი სოციალურ ქსელში

თბილისი. 23 მარტიდან საიას იურიდიული დახმარების ცენტრმა განაახლა მუშაობა. საიას იურიდიული დახმარების ცენტრი მოქალაქეებისთვის ღიაა ყოველ სამუშაო დღეს, გარდა პარასკევისა, 11:00–დან 18:00 საათის ჩათვლით. მისამართი: თბილისი, უზნაძის 101. ასევე შეგიძლიათ მიიღოთ სატელეფონო კონსულტაცია –2 99 50 76. წყარო: ორგანიზაციის ვებგვერდი სოციალურ ქსელში

თბილისი. 20 მარტს, ლიბერალიზმის სასწავლო ცენტრში გაიმართა აღმოსავლეთმცოდნე გიორგი ლობჟანიძის საჯარო ლექცია: „ვეფხისტყაოსნის" დროინდელი აღმოსავლური სუფიზმის კონტექსტი". ცენტრი საშუალებას აძლევს მათ, ვინც ვერ დაესწრო ლექციას, მისი ვიდეოჩანაწერი იხილოს. წყარო: ცენტრის ვებგვერდი სოციალურ ქსელში

თბილისი. მოქალაქეთა მოძრაობა „პარტიზანული მებაღეობა" გეპატიჟებათ 21 მარტს, 15:00 საათზე ვაკის პარკში, სადაც შეგეძლებათ მოგროვილი ან ნაყიდი თესლები, ნერგები, კალმები მიიტანოთ და გაცვალოთ, ანუ უბრალოდ გააჩუქოს. სრულად... წყარო: მოძრაობის ვებგვერდი სოციალურ ქსელში

თბილისი. 20 მარტს, ქალთა ფონდი საქველმოქმედო საღამოს გამართავს – „გადავახვიოთ 90–იანებზე". ფონდი გეპატიჟებათ „კერასინკით" გამთბარ და ლამფით განათებულ სასიამოვნო გარემოში". წვეულებიდან შემოსული თანხა მხატვრის, ლია უკლებას გამოფენის ორგანიზებას მოხმარდება. სრულად... წყარო: ორგანიზაციის ვებ-გვერდი სოციალურ ქსელში

სამეგრელო. 19 მარტს, ზუგდიდის არტ-ჰაუსში, გაეროს ქალთა ორგანიზაცია ქართველი, აფხაზი და ოსი მწერლების მოთხრობების კრებულის „პირველი ნაბიჯის" პრეზენტაციას გამართავს. კრებულში გაერთიანებული 8 მოთხრობის მთავარ თემას ქალების როლი მშვიდობასა და უსაფრთხოებაში წარმოადგენს. პრეზენტაციას კრებულში შესული ნაწარმოებების ავტორები ლაშა ბუღაძე, დათო ტურაშვილი და ეკატერინე ტოგონიძე დაესწრებიან. ქართველი მწერლები ღონისძიებაზე მოთხრობებიდან ფრაგმენტებსაც წაიკითხავენ. პრეზენტაციის დასასრულს დისკუსია გაიმართება. კრებული „პირველი ნაბიჯი" გაეროს ქალთა ორგანიზაციის ინიციატივით გამოიცა. მის გამოცემას წინ ქართველი, აფხაზი და ოსი მწერლების შეხვედრა უძღოდა, რომელიც გასული წლის ოქტომბერში, სტამბულში შედგა. შეხვედრას ქართველი მწერლები დათო ტურაშვილი, მარიამ ხიდაშელი, ლაშა ბუღაძე და ეკატერინე ტოგონიძე ესწრებოდნენ. პროექტი ხალხთა შორის ნდობის აღდგენის ხელშეწყობას ისახავს მიზნად. კრებულის პრეზენტაცია და საჯარო კითხვა ზუგდიდის შემდეგ საქართველოს რეგიონების სხვა ქალაქებში გაიმართება ნორვეგიის მთავრობისა და ევროკავშირის ფინანსური დახმარებით. მოთხრობების კრებული გამოიცა ევროკავშირის ხელშეწყობით, „ინოვაციური ინიციატივა გენდერული თანასწორობისთვის". წყარო: ორგანიზაცია ქალები თანასწორობის, მშვიდობისა და განვითარებისათვის

თბილისი. სამხრეთ კავკასიაში ამერიკული კვლევითი ინსტიტუტის (ARISC) საქართველოს წარმომადგენლობა 19 მარტს ილიას სახელმწიფო უნივერსიტეტში მართავს კითხვის ჯგუფის მორიგ სესიას. წაიკითხავენ ყურბან საიდის „ალი და ნინოს" ერთ თავს ინგლისურ ენაზე. რომლის შემდგომაც გაიმართება განხილვა. სრულად... წყარო: arisc.org