კოალიციის წევრთა ერთობლივ განაცხადში ნათქვამია, რომ „ადამიანის უფლებათა ევროპულმა სასამართლომ დაადასტურა, რომ იუსტიციის უმაღლესი საბჭოს მიერ მაია ბაქრაძისთვის მოსამართლედ განწესებაზე ორჯერ უარის თქმა იყო დისკრიმინაციული. კოალიციის შეფასებით, სტრასბურგის სასამართლოს გადაწყვეტილება მნიშვნელოვანი მტკიცებულებაა, რომელიც სასამართლო სისტემიდან განსხვავებული აზრის მქონე მოსამართლეთა დევნის მრავალწლიან პრაქტიკაზე მიუთითებს“. სრულად... წყარო: საია

არასამთავრობო ორგანიზაციები ერთობლივ ინფორმაციას ავრცელებენ:  „ბოლო პერიოდში სამთავრობო მედია ავრცელებს მცდარ ინფორმაციას, თითქოს არასამთავრობო ორგანიზაციებს #რუსულიკანონის წინააღმდეგ საჩივარი სტრასბურგის სასამართლოში არ გაუგზავნიათ. გვინდა განვმარტოთ, რომ ეს ინფორმაცია არ შეესაბამება სინამდვილეს.  საჩივარი 2024 წლის 17 ოქტომბერს გაიგზავნა. პოსტს თან ერთვის გადამზიდი კომპანიის მიერ მოწოდებული დოკუმენტი, რომელიც ადასტურებს, რომ საჩივარი, სტრასბურგის სასამართლოს 2024 წლის 22 ოქტომბერს ჩაბარდა.  ამ ეტაპზე მიმდინარეობს საქმის რეგისტრაციის პროცედურები, რომელიც საქმის მოცულობის გათვალისწინებით, გარკვეულ დროს მოითხოვს“.  წყარო: საია

 საქართველოს ახალგაზრდა იურისტთა ასოციაცია ანგარიშსს აქვეყნებს: „ბაიკერები რუსული კანონის წინააღმდეგ – სამართლებრივი რეპრესიები რუსული კანონის საწინააღმდეგო აქციებში მონაწილეობის გამო“.  „ანგარიშშის განხილულია მოტოციკლეტის მძღოლების (ბაიკერების) წინააღმდეგ დაწყებულ სამართლებრივი რეპრესიები. ბაიკერები აქტიურად მონაწილეობდნენ რუსული კანონის საწინააღმდეგო აქციებში, ხოლო შემდგომ ადმინისტრაციული ჯარიმების ობიექტები გახდნენ“, ნათქვამია ორგანიზაციის გვერდზე სოციალურ ქსელში.  სრულად...   წყარო: საია

სამოქალაქო საზოგადოების ორგანიზაციები მოუწოდებენ ხელისუფლებას, დაუყოვნებლივ მოახდინოს რეაგირება შუქრუთელების მრავალთვიან პროტესტზე. „იმოქმედოს ადამიანის სიცოცხლის და ჯანმრთელობის დაცვის იმპერატიული ინტერესით და შეწყვიტოს უფლებადარღვეული ადამიანების სამართლიანი პროტესტის უგულებელყოფა“, ნათქვამია განცხადებაში. სრულად...  წყარო: საია

საქართველოს ახალგაზრდა იურისტთა ასოციაცია აგრძელებს წინასაარჩევნო პროცესებზე დაკვირვებას. როგორც ორგანიზაციის განცხადებაშია ნათქვამი „ერთ-ერთი პრობლემური საკითხი, რომელიც ამ დროისათვის იკვეთება, შეეხება საბიუჯეტო დაწესებულებიდან და საჯარო სკოლებიდან გათავისუფლების ფაქტებს“. საიას იდენტიფიცირებული აქვს 4 საქმე, რომელშიც იკვეთება „წინასაარჩევნო პერიოდში სამსახურიდან გათავისუფლება პოლიტიკური/განსხვავებული შეხედულებების ნიშნით“.  სრულად...  წყარო: საია

საქართველოს ახალგაზრდა იურისტთა ასოციაიცა აკვირდება რუსული კანონის პროტესტის მონაწილეების წინააღმდეგ წარმოებულ სისხლის სამართლის საქმეებს. საია ახორციელებს 9 პირის სისხლის სამართლის საქმის მონიტორინგს, რომლებიც დაკავებული იყვნენ რუსული კანონის საწინააღმდეგო პროტესტების კონტექსტში.  „ამ პირთა მიმართ თბილისის საქალაქო სასამართლომ პატიმრობა გამოიყენა, რომელიც არც გადასინჯვის შემდეგ შეცვლილა. იმ ფონზე, რომ რუსული კანონის პროტესტის მონაწილეების მიმართ საქმეები აქტიურია, საგანგაშოა, რომ ამ დრომდე არ მომხდარა რუსული კანონის პროტესტის დროს სამართალდამცველთა მხრიდან სავარაუდო უფლებამოსილების გადამეტების ფაქტების სათანადო გამოძიება და პასუხისმგებელი პირების გამოვლენა“, ნათქვამია ორგანიზაციის ინფორმაციაში. სრულად...  წყარო: საია

საქართველოში ყოველ მე-2 ქალს ცხოვრების განმავლობაში ძალადობის ერთი ფორმა მაინც გამოუცდია, ყოველ მე-4 ქალს კი სექსუალური შევიწროების გამოცდილება აქვს. ყოველი მე-4 ქალი ძალადობის მსხვერპლი უშუალოდ პარტნიორის მხრიდან გამხდარა.  საქართველოში ქალებისა და გოგოების მიმართ ძალადობის აღკვეთისთვის, ევროკავშირის მხარდაჭერით გაეროს ქალთა ორგანიზაცია და გაეროს მოსახლეობის ფონდი, მთავრობასა და პარტნიორ არასამთავრობო ორგანიზაციებთან წლებია თანამშრომლობენ. ევროკავშირის დახმარებით, საქართველოში შეიქმნა ოჯახში ძალადობის მსხვერპლთა 4 თავშესაფარი, 3 კრიზისული ცენტრი და ეროვნული ცხელი ხაზი (116 006), რომელიც ადამიანებს ეროვნული უმცირესობების ენებზეც ემსახურება.  სრულად... წყარო: GrlzWave

თბილისი. ტოლერანტობის და მრავალფეროვნების ინსტიტუტი აქვეყნებს რელიგიისა და რწმენის თავისუფლების შესახებ 2023 წლის ანგარიშს.  ორგანიზაციის გვერდზე სოციალურ ქსელში ნათქვამია, რომ ანგარიშში განხილულია "სახელმწიფოს რელიგიური პოლიტიკა, კანონმდებლობაში არსებული დისკრიმინაცია, არადომინანტური რელიგიური გაერთიანებების ქონებრივი პრობლემები, მნიშვნელოვანი სასამართლო საქმეები, რელიგიური გაერთიანებების სახელმწიფო დაფინანსება, რელიგიური შეუწყნარებლობით ჩადენილი დანაშაულები, რელიგია საგანმანათლებლო სივრცეში, ანტისემიტიზმის პრობლემა".  ანგარიში...  წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის ინფორმაციით,  საქართველოში მცხოვრები ეთნიკური უმცირესობების პოლიტიკური ინტეგრაცია დღემდე გამოწვევად რჩება. ცენტრალურ და ადგილობრივ დონეზე გადაწყვეტილების მიღების პროცესში მათი ნაკლები მონაწილეობა ზრდის გარიყულობის შეგრძნებას. ეთნიკური უმცირესობები (გარდა ოკუპირებული აფხაზეთისა და ცხინვალის რეგიონებისა) მოსახლეობის 13.2%-ს (489,240 ადამიანი) შეადგენენ. მეათე მოწვევის პარლამენტში მანდატის მქონე 9 პოლიტიკური პარტიის პროპორციულ სიაში მყოფი 1335 კანდიდატიდან მხოლოდ 33 იყო ეთნიკური უმცირესობის წარმომადგენელი. სრულად... წყარო: ინფორმაციის თავისუფლების განვითარების ინსტიტუტი

თბილისი. საიამ გამოაქვეყნა კვლევის ანგარიში „სახელმწიფოს რეაგირება გენდერულად მოტივირებულ ძალადობაზე საქართველოში, კანონმდებლობისა და პრაქტიკის ანალიზი“. დოკუმენტი საუბრობს საქართველოში გენდერულად მოტივირებულ ძალადობაზე რეაგირების სისტემისა და იმ დაბრკოლებების შესახებ, რომლებსაც ასეთი ძალადობის მსხვერპლნი აწყდებიან. „სახელმწიფო აქტიურად ცდილობს სამოქალაქო საზოგადოების საარსებო სივრცის შევიწროებას, მათ შორის, რუსული კანონის მიღების გზით, რაც, მნიშვნელოვნად შეამცირებს წვდომას იურიდიული დახმარების, მხარდაჭერის სერვისებზე და, სტამბოლის კონვენციის სტანდარტის საწინააღმდეგოდ, შეუძლებელს გახდის გენდერულად მოტივირებულ ძალადობასთან ბრძოლისა და პრევენციის პოლიტიკის შემუშავების, განხორციელების, მონიტორინგისა და შეფასების პროცესში სამოქალაქო საზოგადოების ჩართულობას“, ნათქვამია ორგანიზაციის გვერდზე სოციალურ ქსელში.  სრულად...  წყარო: საია

121 ქართული არასამთავრობო და მედია ორგანიზაცია აგრძელებენ სამართლებრივ ბრძოლას „რუსული კანონის“ წინააღმდეგ. მათ სარჩელით მიმართეს საკონსტიტუციო სასამართლოს. „(...) კონსტიტუციური სარჩელი კიდევ ერთხელ ნათლად ადასტურებს, რომ ეს კანონი ლახავს თითოეული ადამიანის უფლებას, გაერთიანდეს თანამოაზრეებთან ერთად საზოგადოდ სასიკეთო საქმის საკეთებლად და სხვა ადამიანების დასახმარებლად. რუსული კანონის მიღებით ხელისუფლება მტრულ და ღირსების შემლახავ გარემოს ქმნის, რითიც გაერთიანების, გამოხატვისა და სხვა უფლებებითა და თავისუფლებებით სარგებლობას საფრთხედ აცხადებს. (...) ვიმედოვნებთ, რომ საკონსტიტუციო სასამართლო უმოკლეს ვადებში განახორციელებს საკუთარ უფლებამოსილებას და შეაჩერებს კანონის შესაბამისი ნორმების მოქმედებას. ამასთან, გაცნობებთ, რომ ვამზადებთ საჩივარს ადამიანის უფლებათა ევროპულ სასამართლოში წარსადგენად“. სრულად... წყარო: სამოქალაქო საზოგადოების ფონდი

თბილისი. 2024 წელს, საფარმა ჩაატარა კვლევა ქალთა მიმართ პირადი ცხოვრების ხელყოფასთან დაკავშირებულ დანაშაულებზე რეაგირების შესახებ. კვლევაზე იმუშავა გოგა ხატიაშვილმა, ხოლო მისი შინაარსობრივი რედაქტორი ბაია პატარაია იყო. კვლევის მთავარი მიზანი იყო პირადი ცხოვრების ხელყოფასთან დაკავშირებული დანაშაულების გამოძიების პროცესში არსებული გამოწვევების იდენტიფიცირება და მათ დასაძლევად შესაბამისი რეკომენდაციების შემუშავება.  ანგარიში მომზადდა “საფარის” მიერ, USAID სამართლის უზენაესობის პროგრამის მხარდაჭერით. პროგრამას ახორციელებს აღმოსავლეთ-დასავლეთის მართვის ინსტიტუტი (EWMI), ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით.  კვლევა...  წყარო: საფარი

პატნიორობა ადამიანის უფლებებისთვის აქვეყნებს ინფორმაციას გაეროს ბავშვთა უფლებების კომიტეტის გადაწყვეტილებას ნინოწმინდის საქმეზე. რა დაევალა სახელმწიფოს – გაეცანით ორგანიზაციის ინფორმაციას. წყარო: ორგანიზაციის გვერდი სოციალურ ქსელში

თბილისი. პლატფორმა კომენტარი აქვეყნებს კვლევას – „შრომის ბაზარზე არსებული გამოწვევები“. მასში გაეცნობით თუ როგორ აფასებენ ქართველი მშრომელები შრომის კანონდებლობას და პრაქტიკას, სახელმწიფოს როლს, მათი აზრით რა არის მთავარი გამოწვევა და რა რეკომენდაციები აქვთ. კვლევა...  წყარო: პლატფორმა „კომენტარი“

თბილისი.ციფრული საფრთხეების ზრდასთან ერთად, მნიშვნელოვანია იცოდეთ და იცავდეთ ციფრული უსაფრთხოების წესებს.  გაიგე როგორ შეგიძლია დაიცვა შენი ციფრული ანგარიშები, მოწყობილობები და პერსონალური ინფორმაცია.  ციფრული ჰიგიენის სხვა წესების გასაცნობად ეწვიეთ #IDFI-ის ციფრული წიგნიერების განყოფილებას www.idfi.ge წყარო: ინფორმაციის თავისუფლების განვითარების ინსტიტუტი

თბილისი. 20 ივნისს, 16:00 საათზე კოალიცია დამოუკიდებელი ცხოვრებისთვის მართავს ვებინარს სსო–ებისა და ახალგაზრდებისთვის ციფრულ ტრანსფორმაციასთან დაკავშირებულ რისკებსა და შესაძლებლობებზე.  ვებინარი გაიმართება ონლაინ.  ღონისძიება იმართება ევროკავშირის დაფინანსებული პროექტის „ციფრული და კარიერის მართვის კომპეტენციების გაძლიერება საქართველოში, სომხეთსა და მოლდოვაში მცხოვრები მოწყვლადი ახალგაზრდებისთვის“ – ფარგლებში.  ვებინარის ბმულისთვის და დამატებითი ინფორმაციისთვის ესტუმრეთ კოალიციის გვერდს სოციალურ ქსელში. წყარო: კოალიცია დამოუკიდებელი ცხოვრებისთვის

თბილისი. პლატფორმა „კომენტარი“ შრომის ბაზარზე არსებული გამოწვევების ანალიზსს და მშრომელთა თვალსაზრისს აქვეყნებს. „ქვეყანაში სოციალური დაცვის მექანიზმები არ არის სისტემური და უმეტესად ფრაგმენტულია, ეს უწყობს ხელს მშრომელთა დაუცველობას ამას მოწმობს გამოკითხულ რესპოდენტთა მოთხოვნა, რომ სახელმწიფომ შემოიღოს მინიმალური ხელფასი და უმუშევრობის დაზღვევა ან/და შემწეობა“.  სრულად...  წყარო: პლატფორმა „კომენტარი“

თბილისი. ახალგაზრდა იურისტთა ასოციაციამ მოამზადა სპეციალური ანგარიში – „საქართველო: ადამიანის უფლებები რუსული კანონის პირისპირ“. მასში მიმოხილულია კანონპროექტის ინიცირებიდან მის მიღებამდე, 2 თვის განმავლობაში, განვითარებული მოვლენები. კერძოდ, „ის ძალადობრივი მეთოდები, რომელთა მეშვეობითაც ხელისუფლება ცდილობს სამოქალაქო სივრცის შევიწროებას საქართველოში“.  სრულად...  წყარო: საია

თბილისი. 35 წლის წინ მსოფლიომ მიიღო ბავშვის უფლებათა კონვენცია და აღიარა, რომ ბავშვებს აქვთ უფლებები, მათ შორის აზრის გამოხატვის და გადაწყვეტილების მიღებაში მონაწილეობის უფლება. საქართველო კონვენციას 30 წლის წინ, 1994 წელს შეუერთდა.  „ბავშვების აქტიური მონაწილეობის მნიშვნელობა ხაზგასმულია საქართველოს ბავშვის უფლებათა კოდექსშიც. ყველა ბავშვს აქვს უფლება, თავისუფლად გამოთქვას საკუთარი აზრი ისეთ საკითხებზე, რაც მას ეხება და მნიშვნელოვანია ამ აზრის გათვალისწინება ბავშვებთან დაკავშირებული გადაწყვეტილებების მიღებისას“, ნათქვამია გაეროს ბავშვთა ორგანიზაციის გვერდზე სოციალურ ქსელში.  წყარო: გაეროს ბავშვთა ორგანიზაცია საქართველოში

ქართული არასამთავრობო ორგანიზაციები რუსული კანონის წინააღმდეგ ყველა შიდა და საერთაშორისო მექანიზმის გამოყენებას აპირებს მისი მოქმედების უპირობო გაუქმებამდე.  „ამისათვის, პირველ ეტაპზე ვამზადებთ სარჩელს საქართველოს საკონსტიტუციო სასამართლოში წარსადგენად. ყველა არასამთავრობო და მედია ორგანიზაციას, რომელზეც ვრცელდება აღნიშნული კანონი, აქვს შესაძლებლობა ამ ბრძოლის მონაწილე გახდეს და შემოგვიერთდეს“.  თუ გსურთ იყოთ მოსარჩელე საკონსტიტუციო სასამართლოსა ან/და ადამიანის უფლებათა ევროპულ სასამართლოში, არასამთავრობო და მედია ორგანიზაციებმა უნდა შეავსოთ ელექტრონული ფორმა. წყარო: სამოქალაქო საზოგადოების ფონდი 

10 ივნისს, 16.00 საათზე, ტოლერანტობისა და მრავალფეროვნების ინსტიტუტი (TDI) და ოსლოს უნივერსიტეტის ადამიანის უფლებათა ნორვეგიული ცენტრი, ილიას სახელმწიფო უნივერსიტეტთან თანამშრომლობით გიწვევთ საჯარო პანელურ დისკუსიაზე: რელიგიისა და რწმენის თავისუფლება ყველასთვის საქართველოსა და მის მიღმა. დრო: 10 ივნისი, 16:00 სთ  fდგილმდებარეობა: გიორგი წერეთლის 3, ილიას სახელმწიფო უნივერსიტეტის S კორპუსი, მე-8 სართული, ოთხი 800  დასწრება თავისუფალია სრულად...

აჭარა. აჭარაში მოქმედი არასამთავრობო ორგანიზაციები ერთობლივ განცხადებას ავრცელებენ „რუსული კანონის“ წინააღმდეგ საპროტესტო აქციებში ჩართული პირების მიმართ განხორციელებულ სატელეფონო ზარებზე.  „ზარის განმახორციელებლები იყენებენ სიძულვილის და შეურაცხმყოფელ ენას, ადრესატებს ემუქრებიან ჯანმრთელობის დაზიანების და სიცოცხლის მოსპობით, მიმართავენ შემდეგი სიტყვებით: „აგაორთქლებთ“, „გაგაქრობთ“...“  ორგანიზაციები მიიჩნევენ, რომ სატელეფონო ზარები და საცხოვრებელ სახლებთან გაკეთებული ვანდალიზმისა და მუქარის შინაარსის მქონე წარწერები ქმნის „სისხლის სამართლის კოდექსის რამდენიმე მუხლით საქმის კვალიფიკაციის საფუძველს“. ორგანიზაციები მოუწოდებენ საქართველოს\აჭარის პროკურატურას: „სათანადო კვალიფიკაციით დაიწყოს სისხლისსამართლებრივი დევნა იმ პირების მიმართ, რომელთა მიერ დანაშაულის ჩადენაც შესაძლებელია არაერთი მტკიცებულებით დადასტურდეს". სრულად... წყარო: თავისუფალ ჟურნალისტთა სახლი