თბილისი. სამხრეთ კავკასიაში გერმანული კულტურული მემკვიდრეობის დაცვის კავშირი იწყებს ახალ პროექტს. იგი გერმანული დასახლებების, აგრეთვე მეორე მსოფლიო ომის ტყვეთა მასობრივი ჩასახლებებისა და მათი სასაფლაოების მოძიებისა დადგენას ისახავს მიზნად. კავშირი მიმართავს ყველას, ვისაც აქვს მსგავსი ინფორმაცია გაუზიაროს იგი ორგანიზაციას. სრულად... წყარო: კავშირის ვებგვერდი სოციალურ ქსელში

თბილისი. ტექნოლოგიური უნივერსიტეტის საკითხი საზოგადოების ყურადღების ცენტრში არაერთხელ მოექცა. საკითხში მეტი სიცხადის შეტანის მიზნით, „საერთაშორისო გამჭვირვალობა – საქართველომ" უნივერსიტეტთან დაკავშირებული მოვლენების ქრონოლოგია შეისწავლა და საზოგადოებას სთავაზობს. სრულად... წყარო: transparency.ge

თბილისი. არასამთავრობო ორგანიზაცია „ქალთა საინფორმაციო ცენტრი" და საქართველოს ეროვნული არქივი, 19 მარტს გამართავენ გამოფენას, რომელიც ასახავს ქართველი პოლიტიკოსი ქალების მოღვაწეობას საქართველოს დემოკრატიული რესპუბლიკის დროს. 1919 წელს ჩატარებულ არჩევნებში მონაწილეობის მიღება შეეძლო საქართველოს ყველა მოქალაქეს, განურჩევლად სქესისა. შედეგად დამფუძნებელი კრების წევრად 5 ქალი აირჩიეს. ღონისძიება გაიმართება 19 მარტს, 18:30 საათზე, თბილისის საკრებულოს შენობაში წყარო: ქალთა საინფორმაციო ცენტრი

თბილისი. 75 წელია, აშშ-ის სახელმწიფო დეპარტამენტი გაცვლით პროგრამებს აფინანსებს და ამერიკელებსა და სხვა ქვეყნის მოქალაქეებს ერთმანეთთან აახლოებს. აშშ–ის საელჩო უზიარებს საზოგადოებას გაცვლითი პროგრამების მონაწილეთა ისტორიებს საქართველოდან. ყოველ თვე გაცვლითი პროგრამის ერთ მონაწილეს გაგაცნობთ. ამ თვეს ეს მონაწილე არასამთავრობო ორგანიზაცია „პარტნიორობა ბავშვებისათვის" თავმჯდომარე ანდრო დადიანია, რომელიც საელჩოს გაცვლითი პროგრამის დაფინანსებით ტეხასის უნივერსიტეტში სწავლობდა.     წყარო: აშშ–ს საელჩოს ვებგვერდი სოციალურ ქსელში

თბილისი. სამხრეთ კავკასიის ამერიკული კვლევითი ინსტიტუტის (ARISC) საქართველოს წარმომადგენლობა ავრცელებს ორგანიზაციის საქმიანობის ამსახველ ელ–ბიულეტენს. ბიულეტენი წელიწადში ორჯერ გავრცელდება. ელ–ბიულეტენი...

თბილისი. 2011 წლიდან გაერთიანებული ერების ორგანიზაციის ეგიდით დაუნის სინდრომის საერთაშორისო დღედ 21 მარტი გამოცხადდა. მსოფლიოს მრავალ ქვეყანაში ამ დღეს დაუნის სინდრომის შესახებ ცნობადობის ამაღლების მიზნით სხვადასხვა ღონისძიებები იმართება. ღონისძიებები საქართველოშიც გაიმართება. ორგანიზაცია „ჩვენი ბავშვები" წელს მეოთხედ უერთდება ამ დღეს და კამპანიის ფარგლებში სხვადასხვა ღონისძიებებს მართავს ეგიდით: „მე ვირჩევ თანასწორობას, დაცულ უფლებებს და ოჯახის თანადგომას". ღონისძიებების განრიგი... წყარო: კავშირი „ჩვენი ბავშვები"

თბილისი. კავკასიური სახლი გთავაზობთ პროექტის „სახალხო უნივერსიტეტის" ფარგლებში ჩატარებული ლექციების ვიდეო–ჩანაწერს. ორგანიზაციამ განათავსა სოციალურ ქსელში ლევან გიგინეიშვილის ლექცია: „სილამაზე და ნიჰილიზმი ვაჟა–ფშაველასთან". ლექცია...   წყარო: ორგანიზაციის ვებგვერდი სოციალურ ქსელში

სამოქალაქო საზოგადოების ინსტიტუტი (CSI) გორში, ქუთაისსა და ბათუმში 16–დან 18 მარტის ჩათვლით გამართავს საინფორმაციო შეხვედრას, სადაც საზოგადოებრივ ორგანიზაციებს მიაწვდის ინფორმაციას შედეგზე ორიენტირებული პროექტის მართვის ახალი პროგრამის შესახებ. პროგრამა საზოგადოებრივი ორგანიზაციების წარმომადგენლებს სთავაზობს 5 ტრენინგ მოდულს, რომელიც მოიცავს შემდეგი საკითხების სიღრმისეულ მიმოხილვას: სისტემური ცვლილება; სისტემურ ცვლილებაზე ორიენტირებული პროექტის/პროგრამის დაგეგმვა; ცვლილების ინდიკატორები; პროექტის მართვის ციკლი; მონიტორინგის და შეფასების სისტემა; მონაწილეობითი ფასილიტაცია . პროგრამაში მონაწილეთა რეგისტრაცია უკვე დაიწყო. პროგრამის შესახებ დეტალური ინფორმაცია... ინსტიტუტი ასევე, გააცნობს საზოგადოებრივ ორგანიზაციებს დისტანციური სწავლების ახალ პორტალის (www.e-learning.ge) შესაძლებლობებსა და სწავლების პირველი ციკლის შედეგებს და დაანონსებს სწავლების მეორე ციკლის გამოცხადებას. შეხვედრების განრიგი რეგიონებში... გორი, 16 მარტი, 13:00 საათი, გორის დემოკრატიული ჩართულობის ცენტრი. ქუთაისი, 17 მარტი, 13:00 საათი, ქუთაისის დემოკრატიული ჩართულობის ცენტრი. ბათუმი, 18 მარტი, 13:00 საათი, ბათუმის დემოკრატიული ჩართულობის ცენტრი

თბილისი. ბავშვთა და ახალგაზრდობის ფონდის მიერ გამოცხადებული საგრანტო კონკურსით დაინტერესებულთათვის ფონდი ინფორმაციას ავრცელებს. მორიგი კონსულტაცია გაიმართება 16 მარტს, 12:00–14:00 საათზე. შეხვედრა გაიმართება სპორტისა და ახალგაზრდობის საქმეთა სამინისტროს საკონფერენციო დარბაზში. სრულად... წყარო: ფონდის ვებგვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტმა თებერვალში განხორციელებული საქმიანობის შესახებ ბიულეტენი გამოაქვეყნა. სრულად... წყარო: idfi.ge

თბილისი. არასამთავრობო ორგანიზაციამ „ჯამპსტარტ ჯორჯიამ" მორიგი ინფოგრაფიკა გამოაქვეყნა: „სამხრეთ კავკასიაში ირჩევენ ბიჭს". „სამხრეთ კავკასიის ქვეყნებში ოჯახები ირჩევენ, რომ მათი ახალშობილი იყოს ბიჭი და არა გოგო. ვაჟის პრეფერენციის გამო, სომხეთი, საქართველო და აზერბაიჯანი ყოველწლიურად ათასობით გოგოს კარგავენ. სელექციური აბორტების გამო, სხვადასხვა შეფასების მიხედვით, სამხრეთ კავკასიაში ბოლო 20 წლის განმავლობაში 154 ათასი გოგო არ დაიბადა. ხშირად მათ „გამქრალ ქალებს" ეძახიან. რა შეიძლება მოხდეს, თუ არაფერი შეიცვლება?", ნათქვამია ფერად ინფოზე. ინფოგრაფიკა... წყარო: feradi.info

თბილისი. 1956 წლის 9 მარტის მოსაგონებლად - 59 წლის წინანდელი ამბების დოკუმენტაციისთვის 2011 წელს ბიოლის ფონდის და შვეიცარიის საელჩოს მხარდაჭერით ინფორმაციის თავისუფლების განვითარების ინსტიტუტმა (IDFI) მოაგროვა საარქივო მასალა. იგი ინსტიტუტმა გასულ წელს გამოაქვეყნა. არქივი... წყარო: idfi.ge

თბილისი. გასულ კვირას საქართველოს პარლამენტმა პირველი მოსმენით მიიღო საქართველოს სამოქალაქო კოდექსში შესატანი ცვლილებები.  საერთაშორისო გამჭირვალობა – საქართველოს ინფორმაციით,  „კანონპროექტი მნიშვნელოვანი რეფორმის დასაწყისია, რომელიც უკავშირდება ქმედუნარიანობის ინსტიტუტის ახლებურად ჩამოყალიბებას...". სრულად... წყარო: ორგანიზაციის ვებგვერდი სოციალურ ქსელში

თბილისი. 7 მარტს, „ქორთიარდ მარიოტში" მოხალისეობის ყოველწლიური გამოფენა გაიმართა. ღონისძიებაზე წარმოდგენილი იყო ის ორგანიზაციები, რომლებიც შშმ პირებს, მზრუნველობას მოკლებულ და მიუსაფარ ბავშვებს, დევნილებსა და სხვადასხვა საჭიროების მქონე ადამიანებს ემსახურებიან. თითოეულ ორგანიზაციას ჰქონდა მათი საქმიანობის ამსახველი სტენდი, რომელიც დაინტერესებულ პირებს სასურველ ინფორმაციას აწვდიდა. გარდა ამისა, ყველა მსურველს შეეძლო გაევლო რეგისტრაცია მოხალისეობრივ საქმიანობაში ჩართვის მიზნით. გამოფენა არასამთავრობო ორგანიზაცია „ჰელფინგ ჰენდის" ორგანიზებით გაიმართა. სრულად... წყარო: tavisupali.ge

კახეთი. ევროკავშირის კინოფესტივალი საქართველოს სხვადასხვა ქალაქში იმართება. მათ შორის გაიხსნა თელავშიც. კინოფესტივალის მიზანია კინოხელოვნების გზით ევროპული კულტურის მრავალფეროვნებისა და ძირითადი ღირებულებების გაცნობა. რაც თავისთავად ხელს უწყობს საქართველოს ევროკავშირთან დაახლოებას. თელავში ფესტივალი 8 მარტის ჩათვლით გაიმართა და ბულგარეთში გადაღებული ფილმით „უცხოელით" გაიხსნა. ღონისძიებას ადგილობრივი არასამთავრობო ორგანიზაციების წარმომადგენლები, ჟურნალისტები, უნივერსიტეტის პროფესორ-მასწავლებლები, სტუდენტები და დაინტერესებული პირები ესწრებოდნენ.

თბილისი. სახალხო დამცველის აპარატმა გამოსცა სახელმძღვანელო ოჯახში ძალადობის ფაქტებზე რეაგირებისთვის. წიგნი საინტერესოა ყველა იმ ორგანიზაციისა თუ პირისათვის, ვინც ოჯახში ძალადობის თემაზე მუშაობს. სახელმძღვანელო... წყარო: www.ombudsman.ge

თბილისი. საქართველოს მთავრობის ვებგვერდის ინფორმაციით, სახელმწიფო უწყებებში სტაჟირების მსურველთა მეორე ნაკადის რეგისტრაცია 16 მარტიდან დაიწყება. „სახელმწიფო პროგრამაში მონაწილეობის მისაღებად, სტუდენტებს საშუალება ექნებათ, საკუთარი მონაცემები განათავსონ ელექტრონულ ბაზაში, ვებ-გვერდზე - www. stajireba.gov.ge", ნათქვამია ვებგვერდზე. სრულად... წყარო: government.gov.ge

თბილისი. ილიას სახელმწიფო უნივერსიტეტის წიგნის სახლში „ლიგამუსი”, ტოლერანტობის სკოლის ფარგლებში, ეპისკოპოსმა მალხაზ სონღულაშვილმა წაიკითხა საჯარო ლექცია თემაზე - რელიგია და ტოლერანტობის კულტურა. საჯარო ლექციების ციკლი ტოლერანტობის სკოლის ფარგლებში ახალი პროექტია, რომელსაც ტოლერანტობისა და მრავალფეროვნების ინსტიტუტი (TDI), ილიას სახელმწიფო უნივერსიტეტთან ერთად, ჰოლანდიის საელჩოს მხარდაჭერით ახორციელებს. ორგანიზაცია საშუალებას გაძლევთ იხილოთ ლექციის ვიდეო ჩანაწერი. ლექცია..        წყარო: ორგანიზაციის ვებგვერდი სოციალურ ქსელში

იმერეთი. საიას ქუთაისის ფილიალს ახალი ხელმძღვანელი ჰყავს. ფილიალს გიორგი სანტურიანი უხელმძღვანელებს, მან აღნიშნულ პოზიციაზე გიორგი ჭიქაბერიძე შეცვალა. სანტურიანი, რომელიც საია-ს ქუთაისის ფილიალის იურისტია, ფილიალის თავმჯდომარედ ერთი წლის განმავლობაში იმუშავებს. წყარო: საიას ქუთაისის ფილიალის ვებგვერდი სოციალურ ქსელში

თბილისი. 5 მარტიდან 30 მარტის ჩათვლით გოეთეს ინსტიტუტი და ჰაინრიჰ ბიოლის ფონდი, საქართველოს ეროვნულ მუზეუმთან და ილიას სახელმწიფო უნივერსიტეტთან ერთად, მართავენ ღონისძიებას: „ქალაქი ნავთობის შემდეგ: ქალაქის მომავლის ისტორია". წერმოდგენილი იქნება უცხოეთთან ურთიერობის ინსტიტუტის და არქიტექტურული და ქალაქგეგმარებითი ჟურნალის ნამუშევრები. სრულად... წყარო: ორგანიზაციის ვებგვერდი სოციალური ქსელში

თბილისი. ჰაინრიჰ ბიოლის ფონდი აქვეყნებს პუბლიკაციას „ჰაინრიჰ ბიოლი საქართველოში: დასავლელი მაწანწალა და აღმოსავლელი დისიდენტი: ნონკონფრომისტული ხიდი". იგი ასახავს ბიოლის სამხრეთ კავკასიაში ორჯერ სტუმრობას. იგი სამხრეთ კავკასიას „1966 და 1972 წლებში ესტუმრა და შინ ორივეჯერ ძლიერი შთაბეჭდილებებით აღსავსე და აღფრთოვანებული დაბრუნდა". სრულად... წყარო: ბიოლის ფონის ვებგვერდი სოციალურ ქსელში

კახეთი. თელავში, ფონდმა „პარტნიორობა საგზაო უსაფრთხოებისათვის”, 6 თვიანი კამპანიის „საგზაო უსაფრთხოება" პრეზენტაცია გამართა. ღონისძიებას ადგილობრივი ხელისუფლების, განათლებისა და მეცნიერების სამინისტროს, საპატრულო პოლიციის წარმომადგენლები და სხვადასხვა საჯარო სკოლების დირექტორები ესწრებოდნენ.უწყება საგზაო უსაფრთხოების შესახებ საზოგადოების ცნობიერების ამაღლების მიზნით კამპანიას დაიწყო, რომელიც 6 თვე გაგრძელდება. კამპანიის ფარგლებში გაიმართება სხვადასხვა ღონისძიებები. მისი მიზანია უფრო მეტად უსაფრთხო გახდეს კახეთის რეაბილიტირებული საავტომობილო გზები, შემცირდეს ავტოსატრანსპორტო შემთხვევები და ამაღლდეს საგზაო მოძრაობაში მონაწილე პირთა კულტურა. პროექტის ფარგლებში განსაკუთრებული ყურადღება დაეთმობა მოზარდთა განათლებას, გაიმართება ტრენინგები საგზაო უსაფრთხოების იმ ძირითად რისკ–ფაქტორებზე, როგორიცაა: ქვეითთა უსაფრთხოება, უსაფრთხოების ღვედების გამოუყენებლობა, ავტომობილის მაღალი სიჩქარით მართვა, მანქანის მართვისას მობილური ტელეფონით სარგებლობა, ფეხით მოსიარულეთა დაბალი განათლება, მანქანის მართვა ნასვამ ან გადაღლილ მდგომარეობაში და სხვა. კახეთის რეგიონული გზების განვითარების პროგრამა მსოფლიო ბანკის ფინანსური მხარდაჭერით ხორციელდება.