თბილისი. ორგანიზაცია „ფემინა“ აქვეყნებს ინტერვიუს ფემენთან (FEMEN Ukraine) და Pussy Riot-თან. „თბილისში რუსეთის ყოფილ საელჩოსთან გაიმართა ანტისაომარი აქცია, სადაც მონაწილეებმა დაგმეს პუტინის რეჟიმი. პროტესტმა გააერთიანა საქართველოში მყოფი რუსეთის და ბელორუსის მოქალაქეები. აქციის მონაწილეებმა რუსეთის მხრიდან უკრაინაზე განხორციელებული აგრესია დაგმეს. ასევე, ისმოდა შეძეხილები: „დეოკუპაცია აფხაზეთს, დეოკუპაცია სამაჩაბლოს!“. პროტესტისთვის შეკრებილ ადამიანებს შორის იყვნენ ჯფუგი Pussy Riot-ის, FEMEN-ის (FEMEN Ukraine) და რუსეთის ლიბერტარიანული პარტიის აქტივისტები. მათ ერთობლივი პერფორმანსი მოაწყვეს“. სრულად... წყარო: feminaplus.ge

თბილისი. არასამთავრობო ორგანიზაციები ერთობლივ განცხადებას ავრცელებენ ბიძინა ივანიშვილისა და რუსი ბიზნესმენის ვლადიმერ ევტუშენკოვის გავრცელებული სავარაუდო აუდიოჩანაწერის შესახებ. „მაშინ, როდესაც დასავლეთის სახელმწიფოები კრემლს და რუს ოლიგარქებს ერთმანეთისგან არ მიჯნავენ და მათი სანქცირება რუსეთის აგრესიის შეჩერების მექანიზმად განიხილება, მიგვაჩნია, რომ საქართველოს სახელმწიფო ინტერესებისთვის უკიდურესად დამაზიანებელია სანქცირებულ რუს ბიზნესმენეთან, ბიზნესებთან და მათ წარმომადგენლებთან საქართველოს ხელისუფლების წარმომადგენლების კომუნიკაცია. ამის გათვალისწინებით, ქართული ოცნების ლიდერების განცხადებები, რომ ბიძინა ივანიშვილსა და ევტუშენკოვს შორის გამართული საუბარი რიგითი ბიზნეს მოლაპარაკებაა, საზოგადოების შეცდომაში შეყვანის მცდელობას წარმოადგენს“, ნათქვამია ერთობლივ განცხადებაში.  სრულად... წყარო: idfi.ge

თბილისი. საქართველოს სტრატეგიული კვლევებისა და განვითარების ცენტრის პარტნიორმა ორგანიზაციამ უკრაინაში, SILab Ukraine უკრაინაში იძულებით გადაადგილებულ პირთა მხარდასაჭერად, სოციალური საწარმოებისთვის სერვისების მიწოდების ნაცვლად, ჰუმანიტარული ძალისხმევის კოორდინაცია დაიწყო. მიმდინარე ჰუმანიტარული საქმიანობა მოიცავს თავშესაფრების მოწყობას, საჭირო ნივთების, საკვების მოძიებასა და განაწილებას, რაც, ამ ეტაპზე, სასიცოცხლო მნიშვნელობისაა უკრაინელი ხალხისთვის. სამი კვირის განმავლობაში ორგანიზაციამ შეძლო 325 000 დოლარის მოძიება, 57 თავშესაფრის მხარდაჭერა ან შექმნა და 21 814 ადამიანის დახმარება. SILab Ukraine - ის მხარდაჭერით ჩვენი დახმარება ადრესატებამდე სწრაფად და 100 % - ით მიაღწევს, რაც ასეთ რეალობაში განსაკუთრებით მნიშვნელოვანია. SILab-თან პარტნიორობა და მათ მიმართ ნდობა გვაძლევს უფლებას მოგიწოდოთ თქვენც ჩაერთოთ კამპანიაში „ShelterUkraine“, რადგან ამ გზით დახმარება ორგანიზებულად, გამჭვირვალედ და სწრაფად მიეწოდება საჭიროების მქონე მოსახლეობას.  ორგანიზაციის საქმიანობის შესახებ მეტი ინფორმაცია შეგიძლიათ იხილოთ აქ... სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. საგურამოს შეზღუდული შესაძლებლობის მქონე ბავშვთა და პირთა დღის ცენტრში „იალონი“ სააღდგომო გამოფენა/გაყიდვა გაიმართა. სააღდგომო სამზადისში განათლების განვითარების და დასაქმების ცენტრის (EDEC) მიერ ადმინისტრირებული ყველა დღის ცენტრი ჩაერთო. პედაგოგებმა სერვისით მოსარგებლეებთან ერთად სხვადასხვა სააღდგომო სიმბოლოები დაამზადეს და კვერცხები წითლად შეღებეს. სრულად... წყარო: edec.ge

თბილისი. სოციალური სამართლიანობის ცენტრი მკვლევარი, გიორგი ცინცაძე ითხვისში არსებულ მძიმე მდგომარეობაზე საუბრობს. წყარო: socialjustice.org.ge

თბილისი. სოციალური სამართლიანობის ცენტრი გთავაზობთ ინტერვიუს რონალდ გრიგორ სიუნისთან: „მგრძნობადი საზოგადოებები“ და ეროვნული ნარატივები: საქართველო, რუსეთი, სომხეთი და უკრაინა. ორგანიზაციის ცნობით, რონალდ სიუნი სომხური წარმოშობის ამერიკელი ისტორიკოსი, ჩიკაგოსა და მიჩიგანის უნივერსიტეტების საპატიო პროფესორია და ათწლეულების მანძილზე იკვლევდა სამხრეთ კავკასიის სამი სახელმწიფოს ნაციონალიზმის ისტორიას. „ქართული იდენტობის ძალიან ბევრი პოზიტიური ასპექტი არსებობს, მაგალითად, სტუმარმასპინძლობა, რომელიც არაჩვეულებრივი ტრადიციაა. ქართველები ყოველთვის ამბობენ, რომ ისინი ძალიან სტუმართმოყვარეები არიან და ხაზს უსვამენ, რომ ისინი ისტორიის მანძილზე ხშირად იღებდნენ უცხო სტუმრებს. მაგრამ სტუმრობა იმას ნიშნავს, რომ სტუმრებმა რაღაც ეტაპზე უნდა დატოვონ მასპინძლის სახლი. სტუმრობა იგივე არაა, რაც ნამდვილი მოქალაქეობა. ამიტომ მუდმივად იყო განცდა „ჩვენ სტუმართმოყვარეები ვართ, მაგრამ თქვენ მაინც სტუმრები ხართ. სომხები, აზერბაიჯანელები, ბერძნები ის არ ხართ, რაც ნამდვილი ქართველები არიან“. სხვა სიტყვებით, არის პოზიტიური ასპექტები საქართველოში, რისი კულტივირება, განვითარება სხვა, დადებითი, გზით შეიძლებოდა, მაგრამ ასე არ მოხდა“. სრულად... წყარო: socialjustice.org.ge

თბილისი. სოციალური სამართლიანობის ცენტრი საკონსტიტუციო სასამართლოში ასაჩივრებს „სახელმწიფო ქონების შესახებ“ კანონის იმ ნორმას, რომელიც ითვალისწინებს საქართველოს მართლმადიდებელი ეკლესიისათვის ტყის ფართობების საკუთრებაში გადაცემის შესაძლებლობას. კონსტიტუციური სარჩელის მიზანია დაიცვას ტყე, როგორც უმნიშვნელოვანესი ბუნებრივი რესურსი განკერძოებისგან, რადგან ამით ირღვევა თანასწორობის კონსტიტუციური პრინციპი და საზოგადოების ტყის რესურსზე წვდომის უფლება. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაციის ინფორმაციით, საქართველოს ევროკავშირის კითხვარი გადაეცა. „კითხვარის შევსება, როგორც წესი ხანგრძლივი პროცესია. სხვა ქვეყნებს, მის შესავსებად წლებიც კი დასჭირდათ. განსხვავებული რეალობის წინაშეა საქართველო, უკრაინა და მოლდოვა. რუსეთის მიერ უკრაინაზე განხორციელებულმა უპრეცედენტო, გაუმართლებელმა, სამხედრო აგრესიამ დააჩქარა აღმოსავლეთ პარტნიორობის ტრიოს ევროკავშირში ინტეგრაციის პროცესი“. გაიგეთ, რა არის კითხვარი და რა როლი აქვს მას საქართველოს ევროკავშირში შესვლის გზაზე? სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტმა (IDFI) აღმოსავლეთ უკრაინაში ჰუმანიტარული დახმარება გააგზავნა. სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს ბლოგპოსტს: ქართული ფეისბუქი კრემლის „ნიუს-ფრონტის“ სამიზნეებს შორის რუსეთ-უკრაინის ომის ფონზე. ორგანიზაციის გამოძიებამ აჩვენა, რომ ყალბი ანგარიშები, „ნიუს-ფრონტის“ კრემლისტურ და ანტიდასავლურ გზავნილებთან ერთად, გამოცემა „Spacesnews • სივრცეების“ მასალებსაც ავრცელებდნენ. „2022 წლის 24 თებერვალს რუსეთის უკრაინაში შეჭრისა და ფართომასშტაბიანი ომის წამოწყების შემდეგ კრემლის პროპაგანდისტული გამოცემა საქართველოში რუსეთის მთავრობის სასარგებლოდ გზავნილების გავრცელებისთვის კვლავაც გამოიყენება, რომლის მიზანი უკრაინაში რუსეთის სამხედრო ძალების დანაშაულების უარყოფა და უკრაინისა და დასავლური სახელმწიფოების დისკრედიტაციაა“. სრულად... წყარო: isfed.ge

თბილისი. სოციალური სამართლიანობის ცენტრი გთავაზობთ მალხაზ თორიას სტატიას, რომელშიც წარმოდგენილია საინტერესო ანალიზი გალში მცხოვრები ქართველების მარგინალური ყოფის შესახებ ქართული და აფხაზური პერსპექტივებიდან.  „ორმაგი მარგინალიზაციის და ფუნდამენტური სტრუქტურული ძალადობის და უთანასწორობის ფონზე გალელებს თვითგამოხატვის და მით უფრო, რეზისტენტულობისთვის შესაძლებლობები და მექანიზმები არ აქვთ. ერთი მხრივ, გალელები იძულებულები არიან შეეგუონ დომინანტური ჯგუფის, აფხაზების პოლიტიკურ რეჟიმს. მათ უპირობოდ უნდა აღიარონ საკუთარ სახლებში სტუმრის სტატუსი... მეორე მხრივ, ქართული საზოგადოებრივი კონიუნქტურაც არ ქმნის იმ სივრცეს, სადაც გალელების ხმას შეისმენენ. ამ საზოგადოებრივ ემპათიისგან მოკლებულ გარემოში, არის შემთხვევები, როდესაც გალელები ქართული საზოგადოების ყურადღებას უაღრესად დრამატული და ტრაგიკული შემთხვევებით იქცევენ“. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაციის (საია) აქვეყნებს საერთაშორისო სამართალწარმოების გუნდის თანაშემწის, გიორგი ჩაჩხიანის ბლოგპოსტს: ადამიანის უფლებათა ევროპული სასამართლო: კონფლიქტის კონტექსტში ჩადენილ დარღვევებთან დაკავშირებით რუსეთის ფედერაციის წინააღმდეგ მიმართული უკრაინის სახელმწიფოთაშორისი დავების მომავალი. ნაშრომის მიზანია, განიხილოს კონფლიქტის კონტექსტში ჩადენილ დარღვევებთან დაკავშირებით რუსეთის ფედერაციის წინააღმდეგ მიმართული უკრაინის სახელმწიფოთაშორისი დავების არსი და მათი მომავალი. სრულად... წყარო: gyla.ge

თბილისი. მრავალფეროვნების სახეები წარმოგიდგენთ ვიდეოს, რომელიც პოეტ დიანა ანფიმიადთანაა ჩაწერილი. „დიანა ანფიმიადი, ქართული პოეზიის გამორჩეული ავტორი, დედით ქართველი, მამით კი იმ ბერძენთა შთამომავალია, რომლებიც მე-19 საუკუნეში ოსმალეთის იმპერიიდან გამოდევნეს. მაშინ, სამშობლოდან გამოსახლებულმა ბერძნებმა საქართველოს რამდენიმე რეგიონს შეაფარეს თავი, მათ შორის დიანას სოფელსაც - გორას“. წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა-საქართველოს“ ინიციატივით, 30-ზე მეტი საზოგადოებრივი ორგანიზაცია, 4 აპრილს სამუშაო შეხვედრაზე შეიკრიბა. ორგანიზაციის თანახმად, დისკუსიის თემა იყო უკრაინა-რუსეთის ომი, მასზე ოფიციალური თბილისის რეაგირება და განწყობები საზოგადოებაში, ასევე, ამ პროცესების გავლენა საქართველოს მომავალზე, მათ შორის ევროკავშირის კანდიდატის სტატუსის მიღების კუთხით. სრულად... წყარო: ორგანიზაციის გვერდი სოციალურ ქსელში

თბილისი. კორუფციასთან ბრძოლის სასერტიფიკატო პროგრამის ფარგლებში, გაიმართა ანალიტიკური სტატიების კონკურსის - მამხილებლები კორუფციის წინააღმდეგ - გამარჯვებულთა დაჯილდოება. ინფორმაციის თავისუფლების განვითარების ინსტიტუტის (IDFI) ცნობით, გამოგზავნილი სტატიების შეფასების საფუძველზე პირველ ადგილზე გავიდა მონაწილეთა ჯგუფი შემდეგი შემადგენლობით: ლია აბლოთია, კობა აბლოთია და ეკატერინე დემეტრაშვილი. მეორე ადგილზე გავიდა ჯგუფი - ნინო ტაგანაშვილისა და მარიტა გორგილაძის მონაწილეობით, ხოლო მესამე ადგილი დაიკავა ჯგუფმა - მერი მაჭარაშვილისა და თინათინ ღვინიანიძის მონაწილეობით. სრულად... წყარო: idfi.ge

თბილისი. სამოქალაქო საზოგადოების ორგანიზაციები და პროფესიული წრეები აქვეყნებენ ღია წერილს და კიდევ ერთხელ გამოხატავენ უკიდურეს შეშფოთებას თბილისში, ელბაქიძის აღმართზე, მიხეილ ჯავახიშვილის სახლის სიახლოვეს, საქანელას ქუჩაზე დაგეგმილი მასშტაბური მშენებლობის გამო. „„სილქნეტის“ მიერ ინიცირებული ეს პროექტი, ლახავს ქალაქის ისტორიული განაშენიანების და მასში დაცული ძეგლების სივრცით არქიტექტურულ გარემოს. მშენებლობა, რომელიც სრულიად ცვლის ქალაქის ისტორიულ მახასიათებლებს, უშვებს განაშენიანების არატრადიციული ფორმების დომინაციას, რაც დამღუპველია ჩვენი იდენტობის და კულტურის შემადგენელი თბილისის ისტორიული ნაწილისათვის. ამ მასშტაბის ჩარევა, მომავალში, ბიძგს მისცემს მარჯვენა სანაპიროზე, მასიური და უსახური სხვა მშენებლობების განხორციელებას. ყოველივე ზემოთთქმული, ეწინააღმდეგება საქართველოს კულტურული მემკვიდრეობის დაცვის კანონმდებლობას“, ნათქვამია განცხადებაში. სრულად... წყარო: socialjustice.org.ge

იმერეთი. გავრცელებული ინფორმაციით, უკანასკნელი ორი კვირის განმავლობაში ჭიათურის სოფელ ითხვისში თავი იჩინა საცხოვრებელი სახლების დაზიანების ახალმა შემთხვევებმა. წინასწარი ინფორმაციით აღდგენასა და შეკეთებას აღარ ექვემდებარება უკვე 12 საცხოვრებელი სახლი და დაზარალებულია 11 ოჯახი, რომელთაგან 7, ჭიათურის მერიის ინფორმაციით, საცხოვრებლით უზრუნველყოფას საჭიროებს. სამოქალაქო საზოგადოების ორგანიზაციები მოითხოვენ: მინერალური რესურსების ეროვნულმა სააგენტომ დაუყოვნებლივ შეისწავლოს ითხვისის ტერიტორიაზე და მის მიმდებარედ „ჯორჯიან მანგანეზის” ლიცენზიის ფარგლებში მიმდინარე მოპოვებითი სამუშაოები; გარემოს დაცვისა და სოფლის მეურნეობის სამინისტრომ შეისწავლოს გარემოსთვის მიყენებული ზიანი და ადამიანების სიცოცხლისთვის შექმნილი საფრთხე; ტექნიკური და სამშენებლო ზედამხედველობის სააგენტომ შეაფასოს მაღაროს მდგომარეობა მომავალში საფრთხის თავიდან არიდების მიზნით; ეკონომიკისა და მდგრადი განვითარების, ინფრასტრუქტურისა და რეგიონალური განვითარების და ჯანდაცვისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროებმა დაიწყონ კოორდინირებული მუშაობა განსახლების ღირსეული და საერთო სტანდარტის შემუშავებისთვის. საქართველოს პარლამენტის გარემოს დაცვისა და ბუნებრივი რესურსების კომიტეტმაშეასრულოს კანონით გათვალისწინებული, დროული და ქმედითი საზედამხედველო ფუნქცია. სრულად... წყარო: gyla.ge

5 აპრილს 12:00 სათზე ონლაინ ფორმატში გაიმართება საზოგადოებრივი ორგანიზაციების საგადასახადო გარემოს კვლევის შედეგების პრეზენტაცია.  შეხვედრის მიზანია დაინტერესებული მხარეები გაეცნონ კვლევის მიგნებებსა და შედეგებს, იმსჯელონ მომზადებულ დოკუმენტში განხილულ საკითხებზე და მონაწილეობა მიიღონ საკითხის გარშემო გამართულ დისკუსიაში.  კვლევა...  ონლაინ შეხვედრას მართავს სამოქალაქო საზოგადოების ინსტიტუტი (CSI), ევროკავშირისა და კონრად ადენაუერის ფონდის მიერ დაფინანსებული პროექტის - „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ - ფარგლებში.  სრულად...

თბილისი. რონდელის ფონდის მკვლევარი ალექსანდრე კვახაძე საუბრობს ჩრდილოეთ კავკასიასა და რუსეთ-უკრაინის ომზე. წყარო: ორგანიზაციის გვერდი სოციალურ ქსელში

თბილისი. 2022 წლის 31 მარტს ზვიად გამსახურდიას დაბადებიდან 83 და სახელმწიფოებრივი დამოუკიდებლობის აღდგენის რეფერენდუმის გამართვიდან 31 წელი შესრულდა. ინფორმაციის თავისუფლების განვითარების ინსტიტუტის (IDFI) ინფორმაციით, 31 მარტის რეფერენდუმი ქალაქ ცხინვალში, ყორნისისა (ზნაური) და ჯავის რაიონებში არ გაიმართა, მაგრამ საქართველოს ამომრჩეველთა საერთო რიცხვში გათვალისწინებულ იქნა ამ რეგიონის ამომრჩეველთა რაოდენობა. ცხინვალის რაიონში რეფერენდუმი ჩატარდა შვიდ სასოფლო საკრებულოს ტერიტორიაზე, სადაც ამომრჩეველთა საერთო რაოდენობა 11,376 იყო. სარეფერენდუმო კითხვაზე დადებითი პასუხი დააფიქსირა 10,180 ამომრჩეველმა (99,68%). IDFI გთავაზობთ რუსეთში, „ელცინ ცენტრში“ დაცულ დოკუმენტებს, რომლებიც ეხება აღნიშნულს და ზვიად გამსახურდიას პრეზიდენტობის სხვა საინტერესო საკითხებს. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაცია დაინტერესდა, რა მოცულობის/ფასის ქონებას და რომელ სუბიექტებზე ასხვისებს თბილისის მერია სიმბოლურ ფასად - 1 ლარად. ორგანიზაციის ცნობით, „სააგენტოს უკუკავშირიდან გამოჩნდა, რომ უწყება თავადაც არ აწარმოებს სტატისტიკას და 4 წლის შემდეგაც კი არ აქვს კონსოლიდირებული ინფორმაცია იმის თაობაზე, რა ოდენობის (ფართობი, ფასი) ობიექტი და რამდენ პირზე გასხვისდა მუნიციპალიტეტის მიერ სიმბოლურ ფასად - 1 ლარად“.  სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, სურსათის ეროვნული სააგენტოდან ამ ეტაპზე მიღებული დოკუმენტაციის ანალიზი აჩვენებს, რომ ქართული მხარის მიერ რუსეთში რძის პროდუქტების ექსპორტთან დაკავშირებით არსებული მოლაპარაკებები მიმდინარეობდა რუსეთის უკრაინაში შეჭრამდე. „რუსეთის მხარის მიერ აღნიშნული საკითხის ფორსირებულ რეჟიმში ცალმხრივი გააქტიურება სავარაუდოდ მიზნად ისახავდა ქვეყნისთვის რეპუტაციული ზიანის მიყენებას. საქართველოს ხელისუფლების წარმომადგენლების საპასუხო განმარტებები არ იყო მკაფიო და თანმიმდევრული, რაც იძლეოდა ინტერპრეტაციის საშუალებას და როგორც ადგილობრივი, ასევე, საერთაშორისო საზოგადოების უკმაყოფილების პროვოცირებას“, ნათქვამია ორგანიზაციის ვებგვერდზე. სრულად... წყარო: idfi.ge