იმერეთი. საერთაშორისო გამჭვირვალობა - საქართველოს სამოქალაქო საბჭოებმა იმერეთის 4 მუნიციპალიტეტში 40 პრობლემა/საჭიროება წარადგინეს, საიდანაც 26 ინფრასტრუქტურული საკითხი გადაიჭრა. ნაწილზე მომზადდა ხარჯთაღრიცხვის დოკუმენტები და მათი მოგვარება 2022 წლის ბიუჯეტში უკვე გათვალისწინებულია. სრულად... წყარო: transparency.ge

თბილისი. ევროკავშირი აქვეყნებს რუსეთის მიერ უკრაინის წინააღმდეგ განხორციელებული აგრესიის ქრონოლოგიას, რომელიც შექმნილია EU vs Disinformation -ის მიერ. სრულად... იხილეთ ქრონოლოგიის ინფოგრაფიკა... წყარო: www.eeas.europa.eu

თბილისი. სოციალურ მეცნიერებათა ცენტრი (CSS) აქვეყნებს პანელური დისკუსიის ვიდეო ჩანაწერს: რუსეთ-უკრაინის ომის შედეგები საქართველოსთვის და აღმოსავლეთ პარტნიორობის ქვეყნებისთვის. სრულად... წყარო: ორგანიზაციის გვერდი სოციალურ ქსელში

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) ლუგარის ლაბორატორიასთან დაკავშირებული დეზინფორმაციების შესახებ ბლოგპოსტს აქვეყნებს. „რუსეთის ფედერაცია საქართველოში ბიოლოგიური იარაღის წარმოებასთან დაკავშირებით დეზინფორმაციულ ბრალდებებს წლების განმავლობაში ავრცელებს. უკრაინაში შეჭრის პარალელურად, აღნიშნული ნარატივები კიდევ ერთხელ გააქტიურდა. ამჯერად კრემლის პროპაგანდისტების ძირითადი სამიზნე უკრაინა გახდა, რომელიც ლაბორატორიებში სახიფათო ინფექციების პათოგენებზე მუშაობაში დაადანაშაულეს. თუმცა, რუსულ პროპაგანდას არ გამორჩა საქართველო და ლუგარის ლაბორატორიაც, რომელიც წარსულში რუსეთისთვის საფრთხედ იქნა შეფასებული“. სრულად... წყარო: isfed.ge

თბილისი. რონდელის ფონდის მკვლევარი გიორგი ბილანიშვილი საუბრობს რუსეთის მიერ უკრაინაში ომის წარმოების პროცესში პროპაგანდის როლის შესახებ. წყარო: ორგანიზაციის გვერდი სოციალურ ქსელში

თბილისი. რონდელის ფონდი აქვეყნებს მიმოხილვას, რომელშიც ზურა ბატიაშვილი საუბრობს, თუ რა გავლენა აქვს რუსეთ-უკრაინის ომს სამხრეთ კავკასიისა და ახლო აღმოსავლეთის უსაფრთხოებაზე, და ასევე, თურქეთისა და ისრაელის ოფიციალურ პოზიციებზე. წყარო: ორგანიზაციის გვერდი სოციალურ ქსელში

თბილისი. 22-24 მარტს, საქართველოს სტრატეგიისა და საერთაშორისო ურთიერთობების კვლევის ცენტრმა (CSRDG) თბილისში ვენჩურული ფილანტროპიის ევროპული ასოციაციის (EVPA) წარმომადგენლების სამუშაო ვიზიტს უმასპინძლა. ვიზიტი ორგანიზებული იყო ევროკომისიის მხარდაჭერით მიმდინარე პროექტის „თანამშრომლობა დადებითი ცვლილებებისთვის - სოციალური მეწარმეობისა და სოციალური ინვესტიციების განვითარება ეკონომიკური და სოციალური გაძლიერებისთვის აღმოსავლეთ პარტნიორობის ქვეყნებში“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. 25 მარტი საქართველოს სამოციქულო ეკლესიის ავტოკეფალიის აღდგენის დღეა. სოციალური სამართლიანობის ცენტრი გთავაზობთ ეკლესიის ისტორიკოსის, შოთა კინწურაშვილის, ბლოგპოსტს: „ქართველი სამღვდელოება რუსეთის საეკლესიო იმპერიალიზმის წინააღმდეგ და ავტოკეფალიის გამოცხადება“. „საქართველოს ავტოკეფალური ეკლესია სხვადასხვა ეთნიკური თუ რელიგიური აღმსარებლობის ხალხთათვის დიალოგისა და მეგობრობისათვის ღია იყო. მისი მოწყობა იყო გაცილებით დემოკრატიული, მრავალხმიანი, თავისუფალი და დეცენტრალიზირებული... ავტოკეფალისტების ჩაფიქრებულ და ბრძოლით მოპოვებულ ეკლესიაში მიმდინარეობდა ყოველდღიური გაცხოველებული საქმიანობა. ეს ყველაფერი კი, სამწუხაროდ, მხოლოდ ჩვენი უახლოესი ეკლესიის ისტორიის ფურცლებზე და არქივებში დარჩა“. სრულად... წყარო: socialjustice.org.ge

თბილისი. სოციალური სამართლიანობის ცენტრის ინფორმაციით, ეკონომიკის სამინისტრომ არ დააკმაყოფილა ორგანიზაციის მოთხოვნა ნამახვანჰესის მშენებლობის ნებართვის ბათილად ცნობის შესახებ. „შეგახსენებთ, რომ მშენებლობის ნებართვა ტექნიკური და სამშენებლო ზედამხედველობის სააგენტომ 2020 წლის აპრილში, სავალდებულო დოკუმენტაციისა და დასაბუთების გარეშე უკანონოდ გასცა. ნამახვანჰესზე გაცემული ნებართვის შესწავლა ცხადყოფს, რომ დასაბუთებისა და დოკუმენტაციის კანონში გათვალისწინებული პროცედურა კომპანიას დაცული არ აქვს“. ეკონომიკის სამინისტროს გადაწყვეტილება სასამართლოში გასაჩივრდება. სრულად... წყარო: socialjustice.org.ge

თბილისი. სოციალურ საწარმოთა ალიანსის ინფორმაციით, სოციალურმა საწარმო Mirabaldebi • მირაბალდები-მ უკრაინელ მოსახლეობას მათ მიერ შექმნილი ექსკლუზიური წინდები გაუგზავნა. „ჩვენი დროის ყველაზე მამაცი ქალები პირველი პარლამენტარი ქალის მინადორა ორჯონიკიძე-ტოროშესლიძის ილუსტრირებულ წინდებს ატარებენ“. საქართველოში უკრაინის საელჩოს ინფორმაციით, წინდები მოსახლეობისთვის ერთ-ერთი მოთხოვნადი ნივთია. სრულად... წყარო: ალიანსის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაცია გიზიარებთ ტერმინ პირგასამტეხლოს მნიშვნელობას. ის მხარეთა შეთანხმებით განსაზღვრული ფულადი თანხაა, რომელიც მოვალემ ვალდებულებების შეუსრულებლობის ან არაჯეროვნად შესრულებისთვის უნდა გადაიხადოს. ორგანიზაციის ცნობით, პირგასამტეხლოს შესახებ შეთანხმება აუცილებლად წერილობითი ფორმით უნდა დაიდოს. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი აქვეყნებს 19 მარტს გამართული დისკუსიის პირველ ჩანაწერს, რომელიც ეხება ომს უკრაინაში და მის გავლენებს საქართველოზე. დისკუსიის მიზანი იყო ჩეჩნეთში, საქართველოსა და უკრაინაში რუსეთის უახლესი ომებისა და მათი ისტორიული, პოლიტიკური და სოციალური კონტექსტების შესახებ საზოგადოებრივი განხილვების წახალისება. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს სტატიას: რუსული საინფორმაციო ომი ლუგარის ლაბორატორიის წინააღმდეგ. „რუსეთის ხელისუფლებისა და მისი გავლენის აგენტების კამპანია წლების მანძილზე მიმართულია რიჩარდ ლუგარის სახელობის საზოგადოებრივი ჯანდაცვის კვლევითი ცენტრის წინააღმდეგაც: ლაბორატორიას თავს ესხმიან ყალბი და საეჭვო ამბების გავრცელებით, დეზინფორმაციული ნარატივებით და კიბერშეტევებითაც კი. ამგვარ გამოწვევებთან გასამკლავებლად კი აუცილებელია გადაწყვეტილების მიმღები პირების, სამოქალაქო სექტორის, მედიისა და კიბერუსაფრთხოების სპეციალისტების აქტიური თანამშრომლობა, რათა შემუშავდეს რუსულ დეზინფორმაციასთან და კიბერ საფრთხეებთან ეფექტურად გამკლავების სტრატეგია“, ნათქვამია სტატიაში. სრულად... წყარო: idfi.ge

თბილისი. ჰაინრიხ ბიოლის ფონდის სამხრეთ კავკასიის რეგიონული ბიურო აქვეყნებს ნარგიზა არჯევანიძის სტატიას: „იარების პოლიტიკა“ - სხეულები და გრძნობები ომის დროს. „შეიარაღებული კონფლიქტების შედეგად გამოწვეული იძულებითი გადაადგილება ომთან შეხების სხეულებრივ განზომილებას მოიცავს, რომელსაც გადაადგილებული პირები არაერთ ემოციურ მდგომარეობასთან ურთიერთქმედებით განიცდიან.  მოცემულ ტექსტში, აფხაზეთიდან დევნილი ქალების ცხოვრების ისტორიების მაგალითზე, ვეცდები, იძულებითი გადაადგილების სწორედ ეს მრავალშრიანი გამოცდილება აღვწერო“, ნათქვამია სტატიაში. სრულად... წყარო: feminism-boell.org ნახატი: ნათია საპანაძე „როგორც პირველად“

თბილისი. „უფლებები საქართველო“ მიიჩნევს, რომ საქართველოს პრეზიდენტის წინააღმდეგ კომპეტენციების შესახებ დავის დაწყების კანონისმიერი საფუძველი არ არსებობს და „ქართული ოცნების“ კონსტიტუციური სარჩელი საკონსტიტუციო სასამართლომ არსებითად განსახილველად არ უნდა მიიღოს. „ჩნდება საფუძვლიანი ეჭვი, რომ კონსტიტუციური სარჩელის შეტანის დაანონსება სალომე ზურაბიშვილის მიერ უკანასკნელ პერიოდში მმართველი ხელისუფლების მიმართ გამოხატულ კრიტიკას უკავშირდება და მიმართულია საქართველოს პრეზიდენტის ინსტიტუტის, მისი როლისა და მნიშვნელობის დაკნინების, ისევე როგორც მოქმედი პრეზიდენტის სამართლებრივი გზებით დაშინებისკენ“. სრულად... წყარო: rights.ge

თბილისი. საქართველოს ახალგაზრდა იურისტთა ასოციაცია (საია) მიიჩნევს, რომ საქართველოს პრეზიდენტის უფლებამოსილებათა პაკეტი გამომდინარეობს მისი სტატუსიდან, რომლის მიხედვითაც ის არის სახელმწიფოს მეთაური, ქვეყნის ერთიანობისა და ეროვნული დამოუკიდებლობის გარანტი. საია თვლის, „ქართული ოცნების განცხადება ემსახურება სალომე ზურაბიშვილის დასჯას მისი პოზიციონირების გამო, რაც აზიანებს პრეზიდენტის ინსტიტუტს და აფერხებს საქართველოს წინსვლას ევროატლანტიკურ სტრუქტურებში გაწევრიანების გზაზე“. სრულად... წყარო: gyla.ge

თბილისი. ინფორმაციის თავისუფლების განვითარების ინსტიტუტის (IDFI) შეფასებით, საქართველოს პრეზიდენტს კონსტიტუცია არ დაურღვევია. „საქართველოს პრეზიდენტის მიმართ წაყენებული ბრალდება მოკლებულია სამართლებრივ საფუძველს. პრეზიდენტი უფლებამოსილი, მეტიც, ვალდებულია ქვეყნის შიგნით თუ ქვეყნის გარეთ დააფიქსიროს საკუთარი პოზიცია ქვეყნის ევროატლანტიკური მისწრაფებების თაობაზე. პრეზიდენტის ყველა მოქმედება, რომელიც გავლენას ახდენს საქართველოს საგარეო პოლიტიკაზე არ საჭიროებს მთავრობის თანხმობას“, ნათქვამია ორგანიზაციის სამართლებრივ შეფასებაში. სრულად... წყარო: idfi.ge

თბილისი. სამოქალაქო საზოგადოების ორგანიზაციები საქართველოს ხელისუფლებას მოუწოდებენ უკრაინიდან ლტოლვილების ორგანიზებული მიღებისა და უკვე საქართველოში მყოფი ლტოლვილების რეალურ მხარდაჭერაზე მიმართული სისტემური პოლიტიკის ამუშავებისკენ. „უკრაინიდან ლტოლვილების შემოსვლის ტენდენცია ჩანს საქართველოშიც. ჩვენი დაკვირვებით, ომის დაწყების შემდეგ საქართველოში თავშესაფრის მოძიებას ძირითადად ის უკრაინელები ცდილობენ, ვისაც საქართველოსთან ნათესაური, საოჯახო ან სხვა მყარი კავშირები აქვთ. ამ რეალობის მიუხედავად, აშკარაა, რომ საქართველოს ხელისუფლებას არ მიუღია პროაქტიური ნაბიჯები ლტოლვილების უკრაინიდან ორგანიზებული გამოყვანისა და შემდგომში უკვე საქართველოში მათი სათანადო და რეალური მხარდაჭერის მიზნით. უფრო მეტიც, საქართველოში რჩება ათასობით უკრაინელი ტურისტი, რომელმაც უკრაინაში 2022 წლის 24 თებერვალს დაწყებული ომის გამო დაბრუნება ვერ მოახერხა და ისინი ასევე გადაუდებელი სოციალური მხარდაჭერის წინაშე დგანან“.  სრულად... წყარო: socialjustice.org.ge

UNCAC კოალიცია არის ანტიკორუფციული ორგანიზაციების გლობალური ქსელი, რომელიც ერთგულია ადამიანის უფლებებისა და დემოკრატიის მიმართ. „ჩვენ ვგმობთ რუსეთის შეჭრას უკრაინაში, როგორც საერთაშორისო სამართლისა და ადამიანის უფლებების უხეშ დარღვევას. ეს არის გაერთიანებული ერების ორგანიზაციის ქარტიის სუვერენული თანასწორობის, ტერიტორიული მთლიანობისა და სხვა სახელმწიფოების საშინაო საქმეებში ჩაურევლობის პრინციპების მძიმე დარღვევა - პრინციპები, რომლებსაც გაერო-ს კორუფციის წინააღმდეგ კონვენციაც იმეორებს. მოვუწოდებთ ყველა ქვეყანას, განსაკუთრებით კი მათ, სადაც მოქმედებს ძირითადი ფინანსური ცენტრები, გადადგან სწრაფი და კონკრეტული ნაბიჯები მოპარული ფინანსების შესაჩერებლად და უკანონოდ შეძენილი აქტივების მოძიებისა და გაყინვის მიზნით. მათ შორის, მნიშვნელოვანია ბენეფიციარი მესაკუთრეების და კომპანიების ცენტრალური საჯარო რეესტრის შექმნა, ასევე გამჭვირვალობის ზომების მიღება, განსაკუთრებით, კორუფციისადმი მოწყვლად სექტორებში“. სრულად... წყარო: transparency.ge

თბილისი. საქართველოს სტრატეგიისა და საერთაშორისო ურთიერთობების კვლევის ფონდი აქვეყნებს გიორგი ბილანიშვილის ბლოგპოსტს: რა ცვლილებები მოხდა პუტინის რეჟიმის პროპაგანდის ნარატივებში უკრაინაში რუსეთის შეჭრიდან დღემდე. „რუსული პროპაგანდა უდავოდ წარმოადგენს პუტინის რეჟიმის ერთ-ერთ მთავარ საყრდენს, რადგან იგი ამზადებს რუსეთის ფედერაციაში და ასევე მის ფარგლებს გარეთ საზოგადოებრივ აზრს და აყალიბებს რუსეთის აგრესიული მიზნების შესაბამისად. დღევანდელი გადასახედიდან უკვე ალბათ ბევრს აღარ ეპარება ეჭვი, რომ სწორედ პუტინის რეჟიმის პროპაგანდისტები, შესაბამისი ნარატივების გავრცელებისა და გამყარების გამო, არიან იმ გაუგონარი დანაშაულისა და აგრესიის სრულფასოვანი თანამონაწილეები, რასაც პუტინის რეჟიმი უკრაინაში სჩადის“. სრულად... წყარო: www.gfsis.org

თბილისი. ვოლუნტერის ინფორმაციით, უკრაინელი ხალხის დასახმარებლად თბილისში რამდენიმე ახალგაზრდა გაერთიანდა. ახალგაზრდებმა საკუთარი ინიციატივით მოხალისეობრივად დაიწყეს პირველადი დახმარების მედიკამეტების შესაძენად საჭირო თანხის შეგროვება. „დავიწყეთ თანხის შეგროვება და რამდენიმე დღეში 1400 ლარი შევაგროვეთ. შევიძინეთ მედიკამენტები და გავაგზავნეთ უკრაინაში“. პროექტი ხორციელდება კონრად ადენაუერის ფონდის (KAS) მიერ, საქართველოს სტრატეგიული კვლევებისა და განვითარების ცენტრთან (CSRDG), სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), განათლების განვითარების და დასაქმების ცენტრთან (EDEC) და ევროპული პოლიტიკის ინსტიტუტთან (IEP) თანამშრომლობით. პროექტს აფინანსებს ევროკავშირი და კონრად ადენაუერის ფონდი. პროექტი მიზნად ისახავს, გააძლიეროს სამოქალაქო საზოგადოება როგორც დამოუკიდებელი, მდგრადი, გამჭვირვალე და ანგარიშვალდებული აქტორი მთელი საქართველოს მასშტაბით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს წითელი ჯვრის საზოგადოება მადლობას ვუხდით კომპანია Onetoeight-ს და modoo.store-ს მხარდაჭერისთვის. „მათ უსასყიდლოდ გადმოგვცეს 65 ჰუდი, რომელიც გაიგზავნება უკრაინის წითელ ჯვარში დაზარალებული ადამიანებისთვის“. სრულად... წყარო: ორგანიზაციის გვერდი სოციალურ ქსელში