15 თებერვალს, 14:00 საათზე, ვენეციის კომისიის დელეგაციის წევრები არასამთავრობო სექტორის წარმომადგენლებს შეხვდებიან. მისამართი: თბილისი, რუსთაველის #2, პარლამენტის ბაგრატოვანთა დარბაზი

15 თებერვალს, 13:00 საათზე „აღმოსავლეთ ევროპის მრავალპარტიული დემოკრატიის ცენტრი (EECMD)” და ფონდი „ღია საზოგადოება - საქართველო" გიწვევთ ევროკავშირთან ასოცირების ხელშეკრულებით ნაკისრი ვალდებულებების შესრულების ანგარიშის წარდგენაზე. დასწრება თავისუფალია. მისამართი: ქუთაისი, კოსტავას #22

15 თებერვალს, 11.00 საათზე, ივანე ჯავახიშვილის სახელობის თბილისის სახელმწიფო უნივერსიტეტში საერთაშორისო კონფერენცია - "მეორე ენის სწავლა/სწავლება მულტილინგვური განათლების კონტექსტში" გაიხსნება, რომელსაც თსუ რექტორი გიორგი შარვაშიძე, ეუთოს ეროვნულ უმცირესობათა უმაღლესი კომისრის მთავარი პოლიტიკური მრჩეველი მარკ ფუმაგალი, ქართველი და უცხოელი პროფესორები, ექსპერტები, სტუდენტები, მიწვეული სტუმრები დაესწრებიან. მისამართი: ილია ჭავჭავაძის გამზ. #1, თსუ-ის პირველი კორპუსი, #აუდიტორია N115

5 თებერვალს, 11:00 საათზე, ევროპარლამენტარი რებეკა ჰარმსი მუსტაფა ემრე ჩაბუქს ციხეში მოინახულებს. ვიზიტის შემდეგ, ევროპარლამენტარი მედიისთვის ბრიფინგს გამართავს. საკონტაქტო პირი მაიკო ჩიტაშვილი - 593260609

თბილისი. „მითების დეტექტორი" ავრცელებს ინფორმაციას Heritage Foundation-ის საგაერო პოლიტიკის ცენტრის მიერ ჩატარებული კვლევის - "ნატოს წევრობა საქართველოსთვის: აშშ-ის და ევროპის ინტერესებში" - ირგვლივ გავრცელებული მოსაზრებების შესახებ. „მანიპულაციები, თითქოს დასავლეთი საქართველოს ნატოში გაწევრიანებას ოკუპირებული ტერიტორიების გარეშე სთავაზობს, არასწორია", - აცხადებს „მითების დეტექტორი", - „Heritage Foundation-ის კვლევაში არსად არაა აღნიშნული, რომ საქართველო ნატოში ოკუპირებული ტერიტორიების დათმობის ხარჯზე უნდა გაწევრიანდეს. კვლევის ავტორის ლუკ კოფის განმარტებით, მისი რეკომენდაცია გულისხმობს ნატოს წესდების მე-5 მუხლის დროებით არ გავრცელებას რუსეთის მიერ ოკუპირებული ცხინვალის რეგიონსა და აფხაზეთზე, მანამდე სანამ არ აღდგება საქართველოს ტერიტორიული მთლიანობა საერთაშორისოდ აღიარებულ საზღვრებში. ამასთან, Heritage Foundation დამოუკიდებელი კვლევითი ორგანიზაციაა და არ წარმოადგენს რომელიმე ქვეყნის ოფიციალურ პოზიციას". სრულად  წყარო: http://mythdetector.ge

თბილისი. საქართველოს ახალგაზრდა იურისტთა ასოციაცია 2017 წლის განმავლობაში მის მიერ შესრულებული სამუშაოების მოკლე ანგარიშს აქვეყნებს. წარმოდგენილი მონაცემების მიხედვით, 2017 წლის განმავლობაში, საია-ს სამართალწარმოების შედეგად, წარმატებით დასრულდა 121 საქმე, ამათგან 6 - საკონსტიტუციო სასამართლოში, 4 - ადამიანის უფლებათა ევროპულ სასამართლოში; საადვოკატო დახმარება გრძელდება 300-ზე მეტ საქმეზე. სრულად  წყარო: ორგანიზაციის ვებგვერდი

14 თებერვალს, 19:00 საათზე, „აუდიტორია 115" მართავს მსვლელობას თსუ-ს პირველი კორპუსის ეზოდან - პარლამენტის შენობისკენ. მსვლელობის მიზანია, კიდევ ერთხელ გამახვილდეს ყურადღება, შრომის უსაფრთხოების თვალსაზრისით, ქვეყანაში არსებულ ვითარებაზე.

14 თებერვალს, 19:00 საათზე, მწერალთა სახლი პროექტ „ფემინისტური კითხვის" პრეზენტაციას და პირველ შეხვედრას გამართავს. მისამართი: ივანე მაჩაბლის #13

14 თებერვალს, 18:00 საათზე, ჰაინრიჰ ბიოლის ფონდის სამხრეთ კავკასიის რეგიონული ბიურო და ფონდი „ღია საზოგადოება - საქართველო" გიწვევთ საჯარო დისკუსიაზე, სადაც განიხილება ევროკავშირის პოლიტიკა აღმოსავლეთ ევროპის მიმართ. მომხსენებლები არიან: რებეკა ჰარმსი - ევროპარლამენტის წევრი, მწვანეთა პარტია/ევროპული თავისუფალი ალიანსიდან, ევრონესტის თანა-თავმჯდომარე; თამარ ხულორდავა - ევროპასთან ინტეგრაციის კომიტეტის თავმჯდომარე; სერგი კაპანაძე - ევროპასთან ინტეგრაციის კომიტეტის წევრი. მისამართი: თამარ ჭოველიძის ქ. #10

14 თებერვალს, 17:00 საათზე, ბათუმის ამერიკულ კუთხეში „დროის ბანკის" პრეზენტაცია იმართება. „დროის ბანკი" მიზნად ისახავს მოხალისეობის პოპულარიზაციას ელექტრონული პლატფორმის - www.timerepublik.com -ის მეშვეობით, რომელიც ხელს უწყობს სხვადასხვა კომპანიებს, უნივერსიტეტებს და არაკომერციულ ორგანიზაციებს გაზარდონ თავიანთი სოციალური პასუხისმგებლობა რეალურ დროში. მისამართი: ბათუმი, ვაჟა-ფშაველას #21

14 თებერვალს, 14:00 საათზე, ევროკავშირ-ნატოს საინფორმაციო ცენტრში გაიმართება კონფერენცია - „ალტერნატივები დავის სწრაფი და ეფექტიანი გადაწყვეტისთვის”. ღონისძიებას დაესწრებიან: ევროკავშირის ელჩი საქართველოში, იანოშ ჰერმანი, EBRD-ის დირექტორი სამხრეთ კავკასიაში, მოლდოვასა და ბელარუსში ბრუნო ბალვანერა, საქართველოს იუსტიციის უმაღლესი საბჭოს მდივანი, გიორგი მიქაუტაძე. მისამართი: თავისუფლების მოედანი, შალვა დადიანის ქ. #2/1

14 თებერვალს, 11:00 საათზე, ორგანიზაცია „კონსტიტუციის 42-ე მუხლი" ადამიანის უფლებათა საკონფერენცო დარბაზში პრესკონფერენციას გამართავს გლდანის ციხეში ყელგამოჭრილი პატიმრის შესახებ. მისამართი.: გამრეკელის 11ა, ყოფილი ქანთარიას ქუჩა.

14 თებერვალს, 10:30 საათზე, ადამიანის უფლებების სწავლებისა და მონიტორინგის ცენტრი (EMC), საერთაშორისო გამჭვირვალობა-საქართველოსთან ერთად სამუშაო შეხვედრას გამართავს. თემა: "დემოკრატიული რეფორმები უსაფრთხოების სექტორში”. მისამართი: სასტუმრო "რედისონ ბლუ ივერია"; საკონტაქტო პირი სალომე კობალავა - 595 909680

თბილისი. „კონფლიქტი და თანამშრომლობა სამხრეთ კავკასიაში" 2015 წელს გერმანულ ენაზე გამოიცა (Osteuropa 7-10/2015) და იგი ოცდათექვსმეტ სტატიას აერთიანებს. სამხრეთ კავკასიის შესახებ დაგროვილი ამ მასალის და ანალიზის აქტუალობიდან გამომდინარე, რომელიც თავდაპირველად ევროპულ აუდიტორიაზე იყო გათვლილი, ჰაინრიჰ ბიოლის ფონდის სამხრეთ კავკასიის რეგიონულმა ბიურომ გადაწყვიტა, ქართველი მკითხველისთვის მისი ნაწილი მაინც გაეხადა ხელმისაწვდომი. ამ მიზნით გერმანულად გამოცემული ოცდათქევსმეტიდან თხუთმეტი სტატია, ქართულად ითარგმნა და დაინტერესებულ მკითხველს ფონდის ვებდოსიეს სერიის ფარგლებში მიეწოდება. სრულად  წყარო: https://ge.boell.org

თბილისი. სოციალური მომსახურებების მუშაკთა გლობალური ალიანსი, რომლის რიგებშიც საქართველოს სოაციალურ მუშაკთა ასოციაციის არაერთი წევრია გაერთიანებული, მსურველებს შემთხვევის მართვის საკითხებისადმი მიძღვნილ ვებინარზე იწვევს. ვებინარის სამუშაო ენა ინგლისურია და ის 13 თებერვალს, 18:00-19:00 გაიმართება. ინდივიდუალურად ან ჯგუფებში ვებინარის მოსასმენად და მონაწილეობის მიღების მსურველებმა, უნდა გამოიყენონ შემდეგი ბმული: https://global.gotomeeting.com/join/585357853. სრულად  წყარო: ორგანიზაციის გვერდი სოციალურ ქსელში

თბილისი. „საერთაშორისო განჭვირვალობა - საქართველო" (TI) აქვეყნებს მასალას, რომელიც სამეგრელოში შემორჩენილი საბჭოთა ტოპონიმიკის ნიმუშებს წარმოადგენს. „აღსანიშნავია, რომ საქართველოს პარლამენტის მიერ 2011 წელს მიღებული კანონი "თავისუფლების ქარტია” ერთ-ერთ მიზნად სწორედ ქუჩების, მოედნების, სოფლების, დაბების კომუნისტური სახელწოდებების აღმოფხვრას ისახავს. საქართველოს მთავრობის 2011 წლის დადგენილება "მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ” კი თვითმმართველ ერთეულებს ვალდებულებას უწესებს შეცვალონ გეოგრაფიული ობიექტების საბჭოთა ბოლშევიკურ რეჟიმთან დაკავშირებული სახელები", - აცხადებენ TI-ში. სრულად  წყარო: ორგანიზაციის ვებგვერდი

კახეთი. საქართველოს სახალხო დამცველის მოადგილის, ეკატერინე სხილაძის ინიციატივითა და ფინანსური დახმარებით, ყვარლის მუნიციპალიტეტის სოფელ თივის საჯარო სკოლაში ბიბლიოთეკა გაიხსნა. ეკატერინე სხილაძემ ბიბლიოთეკას 2016 წელს კატო მიქელაძის სახელობის პრემიის ფარგლებში მიღებული ფულადი ჯილდო გადასცა. ეთნიკური უმცირესობებით დასახლებული სოფელი თივის სკოლის ბიბლიოთეკა წიგნებითა და ტექნიკით ეროვნული ბიბლიოთეკისა და საბიბლიოთეკო ასოციაციის მხარდაჭერით აღიჭურვა. სრულად  წყარო: ორგანიზაციის ვებგვერდი

თბილისი. კოალიცია "ევრო-ატლანტიკური საქართველოსთვის” აქვეყნებს განცხადებას, რომელიც საქართველოს ნატოსა და ევროკავშირში გაწევრიანების შესახებ სტრატეგიული კომუნიკაციის საკითხებს ეხება. საქართველოში ევროინტეგრაციის მომხრეთა რიცხვი მცირდება. ამაზე მოწმობს NDI-ის მიერ 2017 წლის 29 ნოემბერი - 19 დეკემბრის პერიოდში ჩატარებული კვლევის შედეგები", - ვკითხულობთ განცხადებაში, - „მიგვაჩნია, რომ ამ მაჩვენებლების დინამიკა ძალიან შემაშფოთებელია და მოწმობს საქართველოს ხელისუფლების ევროინტეგრაციის სტრატეგიული კომუნიკაციის არაფექტურობაზე და ხშირ შემთხვევაში კონტრპროდუქტიულობაზე. იმ პირობებში, როცა მთელი მსოფლიო აცნობიერებს ჰიბრიდულ საფრთხეებს, რომლის ერთ-ერთი მიზანი სწორედ საზოგადოების ცნობიერებასა და განწყობებზე ზემოქმედებაა, საქართველო კი ამ გამოწვევების ეპიცენტრში დგას, საქართველოს ხელისუფლების სტრატეგიული კომუნიკაციის გეგმა და მექანიზმები როგორც შინ, საზოგადოებასთან, ასევე ევროსტრუქტურებთან არაეფექტურია. გაუმართავია ხელისუფლების სხვადასხვა შტოებსა და უწყებებს შორის სტრატეგიული კომუნიკაციის საკითხების კოორდინაციის ინსტიტუციური მექანიზმებიც". სრულად  წყარო: www.transparency.ge

თბილისი. კავშირი საფარი აქვეყნებს ბაია პატარაიას ბლოგპოსტს: „ჯერ მკურნალობა და მერე ლიბერალიზაცია თუ პირიქით? „თუ 2011 წელს ვფიქრობდი, რომ სწორი ტაქტიკა იყო პრევენცია-რეაბილიტაციაზე ფოკუსი და შემდგომ კანონმდებლობის მოწესრიგება, დღეს ასე აღარ ვფიქრობ. ცხადად ჩანს, ხელისუფლებას არაფერი უკეთებია ეს წლები და არც აპირებს პრევენციასა და რეაბილიტაციაზე მუშაობას. როდემდე ველოდოთ? ციხეებში გამომწყვდეულებმა ველოდოთ, როდის მოეპრიანება ვინმეს ხელის განძრევა და მუშობის დაწყება? ეს ლოდინი ფუჭია და ჩვენ ვეღარ მოვიცდით", ნათქვამია ორგანიზაციის ვებგვერდზე. სრულად... წყარო: sapari.ge

თბილისი. რადიო თავისუფლება საერთაშორისო უფლებადამცველი ორგანიზაციის „ფრიდომ ჰაუსის" 2018 წლის ანგარიშის „თავისუფლება მსოფლიოში - 2018" მიმოხილვას აქვეყნებს. „საქართველო ნაწილობრივ თავისუფალი ქვეყნების სიაშია. უცვლელია ქვეყნისთვის მინიჭებული საერთო ქულაც და ის კვლავ 64-ს შეადგენს, თუმცა ტექსტში საქართველო მოხსენიებულია იმ ქვეყნებს შორის, რომლებიც შესაძლოა უახლოვდებოდნენ „მნიშვნელოვან გარდამტეხ ნიშნულებს" თავიანთ „დემოკრატიულ ტრაექტორიაში" და, შესაბამისად, საჭიროებენ „საგანგებო დაკვირვებას". საერთო შეფასებით, დემოკრატია კრიზისშია, მდგომარეობა სერიოზულად არის გაუარესებული და 2017 წელს გამოვლინდა ყველაზე დაბალი მაჩვენებლები ბოლო 12 წლის განმავლობაში როგორც პოლიტიკური უფლებების, ასევე სამოქალაქო თავისუფლებების მხრივ. პრობლემები ძირითადად უკავშირდება არჩევნებს, უმცირესობათა უფლებებს, მედიის თავისუფლებასა და კანონის უზენაესობას", ნათქვამია რადიო თავისუფლების ვებგვერდზე. სრულად... წყარო: www.radiotavisupleba.ge

თბილისი. 26 იანვარს, სასტუმრო „იოტა თბილისში" გაიმართა კონფერენცია თემაზე: „საცხოვრისის პოლიტიკა, მდგრადი მართვის პრაქტიკა, ენერგოეფექტურობა და დაფინანსება: არსებული მდგომარეობა, გამოწვევები, ყოვლისმომცველი გადაწყვეტილებებისა და ხელმისაწვდომი დაფინანსების პერსპექტივები”. „დღევანდელი კონფერენცია არის შემაჯამებელი ღონისძიება პროექტისა რომელიც ხორციელდებოდა საქართველოს სამ დიდ ქალაქში - თბილისში, ქუთაისში და ბათუმში. ამ დროის განმავლობაში გამოვლინდა არაერთი პრობლემა, რომელზეც ერთ მხივ უნდა იმუშაოს სახელმწიფო ორგანოებმა, ხოლო მეორეს მხრივ საზოგადოებრივმა ორგანიზაციებმა რათა შეიქმნას საცხოვრისის მართვის ეფექტური სისტემა. დღის წესრიგში დგას არაერთი საკითხი – მრავალბინიანი სახლების მართვის გაუმჯობესება, ენერგო ეფექტურობა, დაფინანსების სისტემის თანამედროვე მოდელებზე გადასვლა რაშიც ყველა მხარის მონაწილეობა აუცილებელია” – ამბობს სამოქალაქო საზოგადოების ინსტიტუტის ბათუმის ფილიალის წარმომადგენელი, ნათია აფხაზავა. სრულად... წყარო: netgazeti.ge

თბილისი. სახალხო დამცველი საქართველოში არსებულ ნარკოპოლიტიკას ეხმაურება. „23 იანვარს ბრალდებულ გ.გ.-ს მიმართ გამამტყუნებელი განაჩენი დაადგინა. სასამართლომ ბრალდებული დამნაშავედ ცნო ნარკოტიკული საშუალების უკანონო შეძენა შენახვაში და სასჯელის სახედ და ზომად 8 წლით თავისუფლების აღკვეთა განუსაზღვრა. სახალხო დამცველი ყოველთვის ხაზს უსვამდა იმ ფაქტს, რომ აუცილებელია ქვეყანამ ჰუმანური ნარკოპოლიტიკა განახორციელოს და სადამსჯელო ღონისძიებების გატარებაზე მეტად რესურსები რეაბილიტაციასა და მკურნალობისაკენ მიმართოს. ნარკოტიკების მოხმარება საზოგადოებრივი ჯანდაცვის საკითხია, შესაბამისად მის წინააღმდეგ საბრძოლველად არ უნდა გამოიყენებოდეს მხოლოდ სისხლის სამართლებრივი მექანიზმები", ნათქვამია ომბუდსმენის ვებგვერდზე. სრულად... წყარო: ombudsman.ge