თბილისი. საქართველოს სახალხო დამცველი შინაგან საქმეთა მინისტრს შეხვდა. მხარეებმა, ადამიანის უფლებათა დაცვის თვალსაზრისით, ქვეყანაში არსებული პრობლემური საკითხები გამოკვეთეს, ისაუბრეს დამოუკიდებელი საგამოძიებო მექანიზმის შექმნისა და ახალი ნარკოპოლიტიკის შემუშავების აუცილებლობის შესახებ. სხვა მნიშვნელოვან საკითხებთან ერთად, შეხვედრაზე, ასევე, განიხილეს სახალხო დამცველის მიერ შინაგან საქმეთა სამინისტროს მიმართ გამოთქმული რეკომენდაციები, ისაუბრეს სამომავლო თანამშრომლობის ფორმატის თაობაზე. სრულად  წყარო: ორგანიზაციის ვებგვერდი

თბილისი. UNDP საქართველოსა და IDFI-ის მდგრადი განვითარების მიზნების და მათი მნიშვნელობის შესახებ ცნობიერების ამაღლების კამპანის ფარგლებში, რომელიც შვედეთის მთავრობის ფინანსური მხარდაჭერით ხორციელდება, მომზადდა ვიდეორგოლი „გაეროს მდგრადი განვითარების მიზანი 2 - არა შიმშილს". გაეროს მდგრადი განვითარების ამ მიზნის ფარგლებში, 2030 წლამდე, საქართველოში სოფლად მცხოვრები ოჯახების ყოველთვიური შემოსავალი 700 ლარამდე უნდა გაიზარდოს. დეტალური ინფორმაცია მიზნის შესახებ ვიდეოშია მოცემული. ქართული თარგმანისთვის დააჭირეთ სუბტიტრების ღილაკს. სრულად წყარო: IDFI-ის გვერდი სოციალურ ქსელში

სამცხე-ჯავახეთი. ტოლერანტობის და მრავალფეროვნების ინსტიტუტის (TDI) ინფორმაციით, ადიგენის მუნიციპალიტეტის სოფელ მოხეში ახალი მეჩეთი მშენებლობის ნებართვის გარეშე შენდება. „საკულტო ნაგებობის უკანონოდ აშენება არასტაბილურ სამართლებრივ პირობებს ქმნის როგორც ახალი მეჩეთისთვის, ისე მორწმუნეებისათვის, ვინაიდან უკანონოდ აგებული მეჩეთი შესაძლოა სამომავლოდ სახელმწიფოს მხრიდან დემონტაჟს დაექვემდებაროს და ადგილობრივი მუსლიმები კვლავ სალოცავის გარეშე დარჩნენ", - აცხადებენ ორგანიზაციაში. სრულად  წყარო: ორგანიზაციის ვებგვერდი

ბინათმესაკუთრეთა ამხანაგობების წევრებისთვის ზოგადი განმარტებები და რეკომენდაციები მოამზადა სამოქალაქო საზოგადოების ინსტიტუტის ბათუმის ფილიალმა. იგი საერთო ქონების განვითარების, მართვის და განკარგვის საკითხებს ეხება. განმარტებები და რეკომენდაციები... დოკუმენტი მომზადდა პროექტის – „გზად საბინაო სექტორის რეფორმებისკენ: ბინათმესაკუთრეთა გაერთიანებების პოტენციის ამაღლება აზერბაიჯანში, ბელორუსიას, საქართველოს, მოლდოვასა და უკრაინაში" – ფარგლებში. მას ახორციელებს გერმანული ორგანიზაცია „საბინაო მეურნეობის ინიციატივა აღმოსავლეთ ევროპაში" (IWO) საერთაშორისო პარტნიორებთან ერთად, ევროკავშირის მხარდაჭერით. საქართველოში პროექტის პარტნიორი ორგანიზაციებია: სამოქალაქო საზოგადოების ინსტიტუტის ბათუმის ფილიალი, ადგილობრივი დემოკრატიის სააგენტო საქართველო (ქუთაისი) და საქველმოქმედო ჰუმანიტარული ცენტრი „აფხაზეთი" (თბილისი). სრულად....

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოს სახალხო დამცველმა, ნინო ლომჯარიამ დღეს საზოგადოებას მოადგილეები წარუდგინა. პირველი მოადგილის თანამდებობას და, შესაბამისად, ადმინისტრაციის ხელმძღვანელობას თამარ გვარამაძე იბარებს. ნინო ლომჯარიას განცხადებით, მას დიდი გამოცდილება აქვს როგორც ადამიანის უფლებათა დაცვისა და ადვოკატირების, ისე სამეცნიერო და მენეჯერული მიმართულებით. თამარ გვარამაძე არის სამართლის დოქტორი თსუ-ს პროფესორი; იყო საია-ს აღმასრულებელი დირექტორი, ორგანიზაციის იურიდიული დახმარების ცენტრის ხელმძღვანელი; მუშაობდა განათლებისა და მეცნიერების სამინისტროს ადამიანური რესურსების დეპარტამენტის უფროსად, ბოლო წლებში, ხელმძღვანელობდა შსს-ს სამართლის აკადემიას. სახალხო დამცველის მოადგილე ხდება იურისტი გიორგი ბურჯანაძე. ის იყო საია-ს წევრი; 2010 წლიდან მუშაობდა სახალხო დამცველის აპარატის მართლმსაჯულების დეპარტამენტში და, როგორც ნინო ლომჯარიამ აღნიშნა, იყო პირველი „სასამართლოს მეგობრის მოსაზრების" ავტორი, რომელიც სასამართლოში სახალხო დამცველის ხელმოწერით გაიგზავნა; ჩართული იყო ევროკავშირის პროექტში, სახალხო დამცველის ინსტიტუტის გაძლიერების მიმართულებით; ბოლო წლებში ხელმძღვანელობდა ფონდ „ღია საზოგადოება - საქართველოს" ადამიანის უფლებათა პროგრამას, რომელიც მოიცავდა: მოწმეთა დაკითხვის, ფარული მიყურადების საკანონმდელბლო რეფორმებს, დამოუკიდებელი საგამოძიებო მექანიზმის თაობაზე კანონპროექტის მომზადებას, ნარკოტიკულ ნივთიერებათა შესახებ სისხლის სამართლის კანონმდებლობისა და პოლიტიკის ცვლილებას, სასკოლო ბულინგის დაძლევის საპილოტე პროგრამას, არასრულწლოვანთა მართლმსაჯულების პროექტებსა და სხვა. სახალხო დამცველის მოადგილის თანამდებობა შეინარჩუნა ეკატერინე სხილაძემ, რომელიც ამ ადგილს 2016 წლიდან იკავებდა. როგორც ნინო ლომჯარიამ აღნიშნა, მისი გამოცდილების გამოყენება, განსაკუთრებით - გენდერული მიმართულებით, ორგანიზაციისთვის მნიშვნელოვანია. სრულად  წყარო: ორგანიზაციის ვებგვერდი

თბილისი. ტოლერანტობისა და მრავალფეროვნების ინსტიტუტი (TDI) დეკანოზ ლევან მათეშვილის სტატიას აქვეყნებს მართლმადიდებლური ეკლესიის დიალოგზე სხვა კონფესიებთან. „მართლმადიდებლები მათი სარწმუნოების თვალსაზრისით მცდარ შეხედულებებს უარყოფენ, მაგრამ მოწოდებულნი არიან ქრისტიანული სიყვარულით მოეპყრონ ადამიანებს, რომლებიც ამ შეხედულებებს აღიარებენ. არამართლმადიდებლებთან ურთიერთობისას მართლმადიდებლები თავიანთი რწმენის სიწმინდესა და ეკლესიის ერთობას მოწმობენ. ჭეშმარიტების მოწმობისას მართლმადიდებლები ამ მოწმობის ღირსნი უნდა აღმოჩნდნენ. არამართლმადიდებლების შეურაცხყოფა დაუშვებელია. აუცილებელია საეკლესიო საზოგადოებრიობის უტყუარი და კვალიფიცირებული ინფორმირება მართლმადიდებელი ეკლესიის არამართლმადიდებლებთან დიალოგის, პერსპექტივებისა და კავშირების შესახებ", ნათქვამია ორგანიზაციის ვებგვერდზე. სრულად... წყარო: tdi.ge

თბილისი. პარტნიორობა ადამიანის უფლებებისთვის (PHR) სასამართლოში ითხოვდა იმ რეგულაციების გაუქმებას, რომელიც დისკრიმინაციულად ზღუდავდა შეზღუდული შესაძლებლობის მქონე პირების მიერ ქ. თბილისის ტერიტორიაზე სპეციალური პარკირების ადგილებით სარგებლობის უფლებას. „PHR-ის სტრატეგიული სამართალწარმოების შედეგად, 2016 წლის 20 დეკემბერს სააპელაციო სასამართლომ ძალაში დატოვა თბილისის საქალაქო სასამართლოს გადაწყვეტილება და ბათილად ცნო თბილისის საკრებულოს გადაწყვეტილების ის პუნქტები, რომლებიც შეზღუდული შესაძლებლობის მქონე პირებს არ აძლევდა სპეციალური პარკირების ადგილების გამოყენების უფლებას თუ საკუთრებაში არ ჰყავდა რეგისტრირებული ავტოსატრანსპორტო საშუალება. საკრებულოს დაევალა, პარკირების რეგულაციების გაეროს შეზღუდული შესაძლებლობის მქონე პირთა უფლებების კონვენციის მოთხოვნებთან შესაბამისობაში მოყვანა", ნათქვამია ორგანიზაციის ვებგვერდზე. სრულად... წყარო: phrgeorgia.wordpress.com

თბილისი. ადამიანის უფლებების სწავლებისა და მონიტორინგის ცენტრი (EMC) მაჩალიკაშვილის ოჯახს და პანკისის თემს სოლიდარობას უცხადებს. ორანიზაცია მზად არის, ყველა სამართლებრივი საშუალებით დაადგინოს სიმართლე და დაიცვას დაზარალებული ოჯახის უფლებები. წყარო: ორგანიზაციის ვებგვერდი სოციალურ ქსელში

თბილისი. ტოლერანტობისა და მრავალფეროვნების ინსტიტუტის (TDI) ინფორმაციით, ადიგენის მუნიციპალიტეტის სოფელ მოხეში ახალი მეჩეთი მშენებლობის ნებართვის გარეშე შენდება. „საკულტო ნაგებობის უკანონოდ აშენება არასტაბილურ სამართლებრივ პირობებს ქმნის როგორც ახალი მეჩეთისთვის, ისე მორწმუნეებისათვის, ვინაიდან უკანონოდ აგებული მეჩეთი შესაძლოა სამომავლოდ სახელმწიფოს მხრიდან დემონტაჟს დაექვემდებაროს და ადგილობრივი მუსლიმები კვლავ სალოცავის გარეშე დარჩნენ", ნათქვამია განცხადებაში. სრულად... წყარო: tdi.ge

თბილისი. ინფორმაციის თავისუფლების განვითარების ინსტიტუტი (IDFI) ავრცელებს გზამკვლევს: როგორ გამოვიყენოთ ელფოსტა უსაფრთხოდ? „ელექტრონული ფოსტა თანამედროვე ცხოვრების განუყოფელ ნაწილად იქცა. მის გარეშე შეუძლებელია როგორც პროფესიული ისე სამოქალაქო საქმიანობა. თუმცა, სწორედ ასეთი ყოვლისმომცველობის გამო ელფოსტა ხშირად გამოიყენება კიბერდანაშაულის ჩასადენად, იქნება ეს მეტნაკლებად უწყინარი სპამი (spam), თუ უფრო სერიოზული დანაშაული, მაგალითად, იმეილის გატეხვა, ფინანსური ინფორმაციის მოპარვა ან ფულის გამოძალვა. მიუხედავად იმისა, რომ კიბერდანაშაულისგან 100 პროცენტიანი დაცვა შეუძლებელია, არსებობს რისკის მინიმუმამდე დაყვანის გზები. ამ გზებს კი, პირველ რიგში, თავად ელფოსტის კომპანიები გვთავაზობენ”, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. ინფორმაციის თავისუფლების განვითარების ინსტიტუტი (IDFI) გთავაზობთ, შეავსოთ ტესტი და დაადგინოთ თქვენი ცოდნის დონე ინტერნეტ უსაფრთხოების სფეროში. ტესტის შევსებამდე, შეგიძლიათ გადახედოთ ორგანიზაციის მიერ მომზადებულ გზამკვლევს სხვადასხვა ციფრული უსაფრთხოების ფუნქციებსა და საშუალებებზე. „ინტერნეტ კომუნიკაციის, ინფორმაციის მიღებისა და გავრცელების ერთ-ერთი მარტივი საშუალებაა. მის მოხმარებას, სარგებლის გარდა, გარკვეული რისკებიც ახლავს. თქვენი ონლაინ აქტივობების შედეგად, უცნობმა ადამიანებმა თქვენ შესახებ შესაძლოა მნიშვნელოვანი ინფორმაცია გაიგონ: მაგალითად, ადგილსამყოფელი, საბანკო ანგარიშის ნომერი და პაროლი, თქვენი სოციალური ქსელისა და ელფოსტის მისამართი და პაროლი. ამიტომ მნიშვნელოვანია იცოდეთ და იცავდეთ ინტერნეტ უსაფრთხოების წესებს", ნათქვამია ბლოგპოსტში. სრულად... წყარო: idfi.ge

თბილისი. csogeorgia.org „ახალგაზრდული იდეების ქომაგად" დასახელდა. ჯილდო ამ ნომინაციაში პორტალს ორგანიზაცია „ახალგაზრდა ადვოკატებმა" წლის შემაჯამებელ ღონისძიებაზე გადასცა. დაჯილდოებულთა შორის იყვნენ, ასევე, საქართველოს სასამართლო, აღმასრულებელი ხელისუფლების, ადვოკატთა ასოციაციის, მედიის წარმომადგენლები, სახალხო დამცველის ოფისი.

თბილისი. 22 დეკემბერს, ტოლერანტობისა და მრავალფეროვნების ინსტიტუტის (TDI) ორგანიზებით, ნატოსა და ევროკავშირის შესახებ საინფორმაციო ცენტრში გაიმართა დისკუსია „რელიგიური დიალოგის გამოცდილება საქართველოსა და საერთაშორისო კონტექსტში”. „ღონისძიების მიზანი იყო რელიგიურ გაერთიანებებს შორის ურთიერთობის საუკეთესო პრაქტიკის გაზიარება, ინტერრელიგიური დიალოგისა და კონსტრუქციული დისკუსიის წარმართვის ხელშეწყობა”. სრულად... წყარო: tdi.ge

გაინტერესებთ საჯარო ინფორმაციის ხელმისაწვდომობის და მისი გამოთხოვის გზები და საშუალებები, გაეცანი სოციალურ რგოლს და გაიგე მეტი. იგი სამოქალაქო საზოგადოების პროექტის – „ინსტიტუტის ინფორმაციის თავისუფლება მონაწილეობითი ადგილობრივი თვითმმართველობის" ფარგლებში მოამზადა. პროექტი დაფინანსებულია ევროპის ფონდის მიერ, შვედეთის საერთაშორისო განვითარებისა და თანამშრომლობის სააგენტოს გრანტის ფარგლებში.    

თბილისი. ფონდი „ღია საზოგადოება-საქართველო" საზოგადოებას ახალ წელსა და შობას ულოცავს და არდადეგების შესახებ აცხადებს. „გაცნობებთ, რომ ფონდი დაიხურება 25 დეკემბრიდან 2018 წლის 10 იანვრამდე", - ნათქვამია ორგანიზაციის მიერ გარცელებულ ინფორმაციაში. სრულად  წყარო: ორგანიზაციის ვებგვერდი

თბილისი. 2017 წლის ივლისში საქართველოს მთავრობამ თბილისში, აღმაშენებლის გამზ. #38-ში მდებარე დაზიანებული ეკლესია და მისი მიმდებარე ტერიტორია საქართველოს სამოციქულო ავტოკეფალურ მართლმადიდებელ ეკლესიას გადასცა. „გადაცემამდე, სახელმწიფოს არ შეუსწავლია ტაძრის ისტორიული წარმომავლობა და მისი კულტურული და კონფესიური მახასიათებლები. საპატრიარქო ეკლესიის ფუნდამენტზე უკვე სხვადასხვა სახის სამუშაოებს აწარმოებს. ეკლესიის სომხური წარმომავლობა და ის ფაქტი, რომ ტაძარი საბჭოთა ოკუპაციამდე სომეხთა სამოციქულო ეკლესიის ეპარქიას ეკუთვნოდა, არაერთი წყაროთი დასტურდება ... უნდა აღინიშნოს, რომ დღემდე რელიგიური გაერთიანებებისთვის, მათ შორის სომეხთა სამოციქულო ეკლესიისთვის ერთ-ერთ მწვავე პრობლემას საბჭოთა პერიოდში ჩამორთმეული ქონების რესტიტუცია წარმოადგენს. მათი ნაწილი სახელმწიფოს საკუთრებაშია, ხოლო ნაწილი საქართველოს საპატრიარქოს გადაეცა. გარდა იმისა, რომ რელიგიური გაერთიანებები ისტორიულ ქონებას ვერ იბრუნებენ, წლების განმავლობაში, სახელმწიფოს დიკსრიმინაციული პოლიტიკისა და გულგრილობის გამო, ისტორიული ქონება და საქართველოს კულტურული მემკვიდრეობის ძეგლები ხშირად ნადგურდება და ინგრევა", ნათქვამია ორგანიზაციის ვებგვერდზე. სრულად... წყარო: tdi.ge

თბილისი. საქართველოს პოლიტიკის ინსტიტუტი (GIP) აქვეყნებს ბიძინა ლებანიძის ბლოგპოსტს: „ცხოვრება ევროკავშირის წევრობის გარეშე: მრავალსიჩქარიანი აღმოსავლეთ პარტნიორობის შუქ-ჩრდილები". „წინამდებარე დოკუმენტში განხილულია აღმოსავლეთ პარტნიორობის ფორმატის უფრო მოქნილი მექანიზმებით ჩანაცვლების პერსპექტივები, რომლებიც ფორმალურად ცნობენ აღმოსავლეთ სამეზობლოს მრავალსიჩქარიან ბუნებას და მისცემენ აღმოსავლეთ პარტნიორობის მოწინავე სახელმწიფოებს შესაძლებლობას, შეუერთდნენ ევროკავშირის პოლიცენტრულ სისტემას ჯერჯერობით სრულფასოვანი წევრობის გარეშე", ნათქვამია ორგანიზაციის ვებგვერდზე. სრულად... წყარო: gip.ge

თბილისი. „საერთაშორისო გამჭვირავლობა - საქართველო" (TI) 20 დეკემბერს საქართველოს პარლამენტში მომხდარ დაპირისპირებას განცხადებით ეხმაურება. „20 დეკემბერს საქართველოს პარლამენტში მთავრობის წევრობის კანდიდატებთან შეხვედრაზე, საზოგადოება დაპირისპირების მოწმე გახდა, რა დროსაც პოლიტიკოსების მხრიდან ემოციურ და არაეთიკურ გამონათქვამებს ქონდა ადგილი. მიუხედავად იმისა, რომ დაპირისპირების ინციდენტები და ურთიერთშეურაცხყოფები ხშირად ხდება საკანონმდებლო ორგანოში, 20 დეკემბრის სხდომა განსაკუთრებულად არაეთიკური იყო და აგრესიულობით გამოირჩეოდა, რაც ჩრდილს აყენებს პარლამენტის რეპუტაციას და ცუდ მაგალითს აძლევს საზოგადოებას. ვფიქრობთ, რომ მსგავსი ქცევა პოლიტიკოსების მხრიდან, რომელთაც თმენის ვალდებულება აკისრიათ, დაუშვებელია. აღნიშნული ფაქტი ადასტურებს, რომ აუცილებელია პოლიტიკოსებისა და პარლამენტის წევრების ქცევის ეთიკის სტანდარტების დადგენა", - ნათქვამია განცხადებაში. სრულად წყარო: ორგანიზაციის ვებგვერდი

აჭარა. ქობულეთის მუზეუმის სააქტო დარბაზში წინასაახალწლო განწყობა სუფევდა. „სხვადასხვა თაობის წარმომადგენლებმა ახალი წლის მოახლოვება ერთად იზეიმეს. საღამო ყველასთვის ამაღელვებელი იყო. ბავშვებმა და ხანდაზმულებმა ერთად იმხიარულეს, იცეკვეს და იმღერეს", ნათქვამია ღირსეული სიბერის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „ლიბცენტრის" მოწვევით, ფსიქოლოგმა ჯანა ჯავახიშვილმა წაიკითხა ლექცია „მითები ნარკოპოლიტიკაში და ნარკოპოლიტიკა მითებში". წყარო: ცენტრის ვებგვერდი სოციალურ ქსელში

თბილისი. ასოციაცია „ღირსეული სიბერე" აქვეყნებს წინასაახალწლო ღონისძიებების კალენდარს. სრულად... წყარო: ორგანიზაციის ვებგვერდი სოციალურ ქსელში