თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ინფორმაციას საქართველოს მოქალაქეების დეპორტაციის შემთხვევებზე. „2015-2017 წლებში საქართველოს მოქალაქეების დეპორტაციის 11 428 შემთხვევა დაფიქსირდა. მოქალაქეების დეპორტაცია ყველაზე ხშირია თურქეთიდან, გერმანიიდან, ისრაელიდან და რუსეთიდან". სრულად... წყარო: idfi.ge

თბილისი. ტოლერანტობისა და მრავალფეროვნების ინსტიტუტი (TDI) აქვეყნებს ნუგზარ პაპუაშვილის სტატიას: რამდენიმე სიტყვა რელიგიის სახელით ძალადობის თაობაზე. „და მართლაც: რა ფასი აქვს სარწმუნოებასა და რელიგიას სათნოებისა და სიყვარულის გარეშე?! რელიგიური ადამიანი (განსაკუთრებით მმარხველი), რომელსაც სხვათა მიმართ თანაგრძნობა და თანალმობა არ გააჩნია, როგორც წესი, მზვაობარია და, მაშასადამე, პოტენციური დამნაშავე. იგივე ითქმის მორწმუნეთა დიდ თუ მცირე ჯგუფებზე, რომელთა შორის სიყვარულისა და სათნოების დეფიციტია. ისინი ხდებიან ამპარტავნები და დისკრიმინაციული გარემოს შექმნას უწყობენ ხელს", ნათქვამია სტატიაში. სრულად...  წყარო: tdi.ge

თბილისი. ფონდ „ღია საზოგადოება - საქართველოს" მოწვევით, 11-12 ივნისს, ნარკოპოლიტიკის გლობალური კომისიის წევრები, მიშელ კაზაჩკინი და პაველ ბემი საქართველოში იმყოფებოდნენ. ამ სტუმრობის მიზანი ნარკოპოლიკის რეფორმის პროცესში მყოფი საქართველოს მთავრობის შეხედულებებისა და ხედვის გაცნობა და გამოცდილების გაზიარება იყო. ვიზიტის ფარგლებში, მიშელ კაზაჩკინმა და პაველ ბემმა შეხვედრები გამართეს იუსტიციის, შრომის, ჯანმრთელობის და სოციალური დაცვის, განათლების და მეცნიერების მინისტრებთან, ასევე, პარლამენტის თავმჯდომარესთან, სამოქალაქო საზოგადოების წარმომადგენლებთან და ნარკომომხმარებლებთან. სრულად წყარო: www.osgf.ge

აჭარა. ასოციაცია „ღირსეული სიბერის" მოხალისეებმა (გვანცა ვარშანიძე, გვანცა დედოფალიძე, გიორგი დუმბაძე) და თანამშრომლებმა (ნატო მიქელაძე, მარიანა ჟღენტი) აჭარის რეგიონული ჰაბის (ახალგაზრდა მეცნიერთა კავშირი „ინტელექტი") მიერ ორგანიზებულ მოხალისეობის რეგიონალურ ფორუმში მიიღეს მონაწილეობა. სრულად... წყარო: ორგანიზაციის ვებგვერდი სოციალურ ქსელში

თბილისი. „ქალთა ფონდი" წარმოგიდგენთ ქალთა საჭიროებებზე მოკლე ინტერვიუებს. ამჯერად, რუსუდან გოცირიძე, ევანგელისტურ-ბაპტისტური ეკლესიის ეპისკოპოსი გვესაუბრება იმაზე, თუ როგორ ქმნის რელიგია სექსუალურ ტაბუებს. „რელიგიას ადამიანის სხეულის, სექსუალობის დემონიზაციაში დიდი წვლილი მიუძღვის. ადამიანებმაც და რელიგიამაც უნდა გაიაზროს, რომ ეს ყველაფერი ღმერთის შექმნილია, მისი ჩანაფიქრია და მას სურდა, რომ ადამიანებს ჰარმონიულად, ბედნიერ გარემოში ეცხოვრათ". სრულად... წყარო: ორგანიზაციის ვებგვერდი სოციალურ ქსელში

თბილისი. 2018 წლის 5 ივნისს მომხდარი მიწისძვრის შედეგად, გაუარესდა იმ შენობის მდგომარეობა, რომელშიც სახალხო დამცველის აპარატია განთავსებული. როგორც სახალხო დამცველის მიერ გავრცელებული განცხადებიდან ირკვევა, მომეტებული საფრთხიდან გამომდინარე, სახალხო დამცველმა ღამის საათებში ცხელი ხაზის ოპერატორების შენობიდან გაყვანის გადაწყვეტილება მიიღო. შესაბამისად, რამდენიმე დღის განმავლობაში ოპერატორები სერვისს დისტანციურად განახორციელებენ. „მივმართავთ მოქალაქეებს, 18:00 საათიდან 9:00 საათამდე, ცხელი ხაზის ნომრის - 1481-ის ნაცვლად, დაგვიკავშირდნენ ნომერზე - 598083006", - აღნიშნულია განცხადებაში. სრულად  წყარო: სახალხო დამცველის ვებგვერდი

საერთაშორისო რესპუბლიკური ინსტიტუტი - საქართველო (IRI Georgia), აქვეყნებს საზოგადოებრივი აზრის კვლევის შედეგებს. მის თანახმად, ცენტრალური ინსტიტუტების მუშაობით კმაყოფილება მცირდება, ადგილობრივ დონეზე კი იზრდება. სრულად... წყარო: www.iri.org

აჭარა. ქედაში ევროპის დღე აღინიშნა. ღონისძიებაზე მოსულ სტუმრებს შესაძლებლობა ქონდათ გაცნობოდნენ ადგილობრივ ხელნაკეთ ნივთებს, სკოლის მოსწავლეების მიერ შესრულებულ ნახატებსა და თემატურ ნაშრომებს, ასევე წარმოდგენილი იყო ქედის მუნიციპალიტეტში მიმდინარე პროექტების საინფორმაციო კუთხეები, საოჯახო ტიპის სასტუმროები, ადგილობრივი ფოლკლორული ცეკვისა და სიმღერის ანსამბლები. ევროპის დღე ქედაში, თვითმმართველობისა და საინფორმაციო ცენტრი ნატოსა და ევროკავშირის შესახებ აჭარის ორგანიზაციის ორგანიზებით, CENN-ის ევროკავშირის მიერ მხარდაჭერილი ENPARD-ის პროექტის „ქედა ლიდერი", ქედის ადგილობრივი განვითარების ჯგუფის (LAG), დემოკრატიის ინსტიტუტის, განათლებისა და ზრდასრულთა ცენტრის, ქედის რესურსცენტრისა და კულტურის ცენტრის თანაორგანიზებით გაიმართა. სრულად  წყარო: http://enpard.ge

სამეგრელო-ზემო სვანეთი. საქართველოში ევროკავშირის წარმომადგენლობამ, ევროკავშირის პარტნიორებთან ერთად, ზუგდიდში ევროპის დღის აღსანიშნავი ღონისძიება გამართა. ამ დღეს, ზუგდიდის სკეიდ პარკი გარდაიქმნა ევროსოფლად, სადაც ნებისმიერ სტუმარს შესაძლებლობა ჰქონდა მთელი დღის მანძილზე ემოგზაურა ევროკავშირში და მონაწილეობა მიეღო მრავალ გასართობ ღონისძიებაში. ღონისძიებაზე მოსულ სტუმრებს შესაძლებლობა ჰქონდათ გაცნობოდნენ ევროკავშირის განვითარების პროგრამების წარმომადგენლებს, მიეღოთ მეტი ინფორმაცია იმის თაობაზე, თუ როგორ ქმნის ევროკავშირი მეტ შესაძლებლობებს თითოეული მოქალაქის კეთილდღეობისთვის. 2018 წლის ივნისში, ევროპის დღეების აღნიშვნა საქართველოს სხვადასხვა რეგიონებში გაგრძელდება. თბილისსა და ზუგდიდში საზეიმო ღონისძიებების შემდეგ, ევროპის დღის აღნიშვნა დაგეგმილია ქუთაისში, ლაგოდეხსა და ახალქალაქში. სრულად  წყარო: http://enpard.ge

თბილისი. ეთნიკურობისა და მულტიკულტურალიზმის შესწავლის ცენტრმა, ფონდ "ღია საზოგადოება - საქართველოს" მხარდაჭერით, მოამზადა მცირერიცხოვანი და ყველაზე მოწყვლადი ეთნიკური ჯგუფების ინტერაქტიული რუკა http://csem.ge/interactivemap/. როგორ ორგანიზაციაში აცხადებენ, რუკაზე ასახულია ყველა სოფელი, რომელშიც თუნდაც უმნიშვნელო რაოდენობით ცხოვრობენ: ბერძნები, ასურელები, ქურთები, აფხაზები, ავარიელები, უდიები, ქისტები, ოსები, რუსები, უკრაინელები, ბოშები (სულ 130-მდე სოფელი). თითოეული სოფლის სიმბოლოზე ისრით მიჭერის შემთხვევაში, რუკის დამთვალიერებელს დეტალური სტატისტიკური ინფორმაციის მიღებაც შეუძლია. სრულად წყარო: ორგანიზაციის გვერდი სოციალურ ქსელში

თბილისი. შაბათს, 5 მაისს, საქართველოში ევროკავშირის წარმომადგენლობამ, ევროკავშირის წევრი ქვეყნების საელჩოებსა და პარტნიორებთან ერთად, თბილისში ევროპის დღის აღსანიშნავი ღონისძიება გამართა. ღონისძიებაზე მოსულ სტუმრებს ჰქონდათ საშუალება შეხვედროდნენ ევროპის სხვადასხვა ქვეყნების საელჩოების, ასევე ევროკავშირის განვითარების პროგრამების წარმომადგენლებს, მიეღოთ მეტი ინფორმაცია იმის თაობაზე, თუ როგორ ქმნის ევროკავშირი მეტ შესაძლებლობებს თითოეული მოქალქის კეთილდღეობისთვის. როგორც ყოველთვის, ღონისძიებაზე წარმოდგენილი იყო ENPARD-ის პროგრამა. სტუმრებს საშუალება ჰქონდათ დაეგემოვნებინათ და შეეძინათ ევროკავშირის მიერ მხარდაჭერილი ბენეფიციარების პროდუქცია. 2018 წლის მაისსა და ივნისში, ევროპის დღეების აღნიშვნა საქართველოს სხვადასხვა რეგიონში გაგრძელდება. საზეიმო ღონისძიებები დაგეგმილია: ზუგდიდში, ქუთაისში, ლაგოდეხსა და ახალქალაქში. სრულად  წყარო: ორგანიზაციის ვებგვერდი

თბილისი. 26 აპრილს „ადამიანის უფლებების სწავლებისა და მონიტორინგის ცენტრმა" (EMC) გამართა სამუშაო შეხვედრა თემაზე - „ნარკოპოლიტიკის რეფორმა საქართველოში". შეხვედრაზე ყურადღება გამახვილდა ნარკოპოლიტიკის რეფორმის მიზნით შემუშავებული კანონპროექტის შინაარსზე. მომხსენებლებმა განმარტეს, თუ რას გულისხმობს ნარკოპოლიტიკის რეფორმა, რომელსაც EMC, „საქართველოს ნარკოპოლიტიკის ეროვნულ პლატფორმასთან" ერთად სთავაზობს საზოგადოებას. ყურადღება გამახვილდა, ასევე, ნარკოპოლიტიკის მიმართულებით არსებულ გამოწვევებსა და პრობლემებზე, აგრეთვე, უშუალოდ რეფორმის პროცესსა და იმ ხელისშემშლელ ფაქტორებზე, რის გამოც შეთავაზებულ კანონპროექტთან დაკავშირებით, პოლიტიკური გადაწყვეტილებ, ამ დრომდე არ იქნა მიღებული. სრულად  წყარო: ორგანიზაციის ვებგვერდი

თბილისი. 2018 წლის 26 აპრილს, ხუთშაბათს, ფონდ "ღია საზოგადოება-საქართველოს" ოფისში (მის: ჭოველიძის #10) გაიმართება კონსულტაციის დღე. ფონდის პროგრამების მენეჯერები დაინტერესებული პირების შეკითხვებს შემდეგი თანმიმდევრობით უპასუხებენ: ეროვნული ინტეგრაცია - 11:00 სთ; საზოგადოებრივი ჯანმრთელობა - 12:00 სთ; მონაწილეობითი დემოკრატიის პროგრამა - 14:00 სთ; ადამიანის უფლებები - 16:00 სთ; ევროინტეგრაცია - 17:00 სთ სრულად  წყარო: ორგანიზაციის ვებგვერდი

თბილისი. „პარტიებისთვის განკუთვნილი სახელმწიფო დაფინანსების განაწილების წესი კვლავ გაუარესდა", - ასეთ დასკვნას აკეთებენ „საერთაშორისო გამჭვირვალობა - საქართველო", „სამართლიანი არჩევნებისა და დემოკრატიის საერთაშორისო საზოგადოება", საქართველოს ახალგაზრდა იურისტთა ასოციაცია და, საკითხთან დაკავშირებით, შესაბამის განცხადებას ავრცელებენ. „18 აპრილს საქართველოს პარლამენტმა 77 ხმით ერთის წინააღმდეგ მიიღო „მოქალაქეთა პოლიტიკური გაერთიანების შესახებ" კანონის ცვლილებები, რომელთა მიხედვითაც პარტიას კვალიფიციურის სტატუსი მიენიჭება და შესაბამისად მიიღებს საბიუჯეტო დაფინანსებას თუ მის მიერ წარდგენილი მაჟორიტარული სისტემით არჩეული პარლამენტის წევრ(ებ)ი შექმნის საპარლამენტო ფრაქციას, მიუხედავად იმისა გადალახავს თუ არა ეს პარტია არჩევნებში 3%-იან ზღვარს. მიგვაჩნია, რომ ეს ცვლილება ყოვლად გაუმართლებელია, ვინაიდან იგი გარდა იმისა, რომ მხოლოდ ერთ პარტიაზე არის შეგნებულად მორგებული, ასევე, მნიშვნელოვნად ამცირებს სახელმწიფო დაფინანსების მისაღებად საჭირო სტანდარტს და შეზღუდული სახელმწიფო რესურსის არამიზანშეწონილად გამოყენების რისკებს ზრდის", - ნათქვამია განცხადებაში. სრულად  წყარო: ორგანიზაციის ვებგვერდი

„ჯამპსტარტ ჯორჯია" აქვეყნებს ამიკო კოპაძის ამბავს 9 აპრილის ტრაგედიაზე. „ანტისაბჭოთა მოძრაობა საქართველოს სსრ-ში 1988 წლისთვის უფრო გააქტიურდა. თბილისში გაფიცვებსა და მიტინგებს აწყობდნენ ანტისაბჭოთა ორგანიზაციები. საპროტესტო აქციებმა პიკს მიაღწია1989 წლის 4 აპრილს, როდესაც ათობით ათასი ქართველი შეიკრიბა მთავრობის სახლის წინ რუსთაველის გამზირზე, თბილისში. 7 აპრილს დღისა და ღამის განმავლობაში თბილისში შევიდა: საგანგებო დანიშნულების მოტომსროლელთა დივიზიის მე-4 პოლკი, საგანგებო დანიშნულების მილიციის რაზმები პერმიდან და ვორონეჟიდან. 9 აპრილს, 11 საათზე გამოცხადდა კომენდანტის საათი თბილისში, მაგრამ ცნობა მოსახლეობას ადგილობრივი ტელევიზიით კომენდატის საათის მოქმედების შესახებ მიეწოდა მხოლოდ 22 საათსა და 15 წუთზე. ქალაქის სამხედრო კომენდანტად დაინიშნა როდიონოვი. აქციის დარბევისას გამოყენებულ იქნა მომაკვდინებელი იარაღი: ქიმიური საშუალებები, სასანგრე ბარები, ცეცხლსასროლი იარაღი, ჯავშანტრანსპორტიორები და ტანკები", ნათქვამია ამბავში. სრულად... წყარო: storybuilder.jumpstart.ge

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს. ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოს პოლიტიკის ინსტიტუტი (GIP) აქვეყნებს ბიძინა ლებანიძის და ელენე ფანჩულიძის ავტორობით შექმნილ პოლიტიკის დოკუმენტს: „ევროკავშირთან თანამშრომლობა გარდამავალ პერიოდში: სტრატეგია საქართველოსთვის". „წინამდებარე პოლიტიკის დოკუმენტის მიზანია, საქართველოს ევროკავშირში ინტეგრაციის საკითხთან დაკავშირებით, ევროპული და ქართული პერსპექტივების დაახლოება. პოლიტიკის დოკუმენტი გამოყოფს ევროკავშირისა და საქართველოს საერთო ინტერესებს, განიხილავს არაწევრი სახელმწიფოების ევროკავშირში ინტეგრაციის საუკეთესო გამოცდილებას და აღწერს პრობლემის გადაჭრის ორივე მხარისთვის მისაღებ გზებს. მიუხედავად იმისა, რომ დოკუმენტი აქცენტს საქართველოზე აკეთებს, კვლევის მიგნებები შესაძლოა მიესადაგოს, როგორც უკრაინასა და მოლდოვას, ისე ევროკავშირის სამეზობლოს სხვა სახელმწიფოებს, რომელთაც ახლო მომავალში ევროკავშირის წევრობის პერსპექტივა არ აქვთ", ნათქვამია დოკუმენტში. სრულად... წყარო: gip.ge

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს ვიზუალიზაციას საქართველოში მცხოვრებ შეზღუდული შესაძლებლობების მქონე პირთა სტატისტიკაზე. 2014 წლის საყოველთაო აღწერის მონაცემებით, საქართველოში 100 113 შშმ პირი აღიწერა, 2017 წელს ჯანდაცვის სამინისტროს მონაცემებით, სოციალური პაკეტის მიმღებ შშმ პირთა რაოდენობაა 125 104. IDFI-ს მიერ ჩატარებული კვლევის შედეგად გამოვლინდა, რომ „სახელმწიფო ჯერ კიდევ ვერ აწარმოებს სრულყოფილ სტატისტიკურ მონაცემებს შეზღუდული შესაძლებლობების მქონე (შშმ) პირთა შესახებ. ამის ვალდებულება კი ქვეყანას აღებული აქვს გაეროს შშმ პირთა უფლებების კონვენციის მიხედვით". სრულად... წყარო: www.datalab.ge

თბილისი. 2 აპრილს, ბიზნეს სექტორის 60 წარმომადგენელი შეხვდა საქართველოს პარლამენტის წევრებს ღია პარლამენტის 2018-2019 წლების სამოქმედო გეგმის თაობაზე რეკომენდაციებისა და მოსაზრებების წარსადგენად. „პარლამენტის წევრები გაეცნენ საპარლამენტო ღიაობასთან დაკავშირებულ წინადადებებსა და მოსაზრებებს, რომელიც საქართველოს რვა ქალაქში - თელავში, რუსთავში, მარნეულში, ქუთაისში, ზუგდიდში, ბათუმსა და თბილისში ჩატარებული საჯარო კონსულტაციების დროს გამოვლინდა. საინფორმაციო კამპანია ჩატარდა 2018 წლის მარტში ევროკავშირის (EU), UNDP-სა და IDFI-ის ხელშეწყობით. ლევან ავალიშვილმა, IDFI-ის პროგრამების დირექტორმა, შეაჯამა საჯარო კონსულტაციების შედეგები და სიტყვა მისცა ბიზნეს სექტორის წარმომადგენლებს დამატებითი რეკომენდაციებისა და მოსაზრებების წარსადგენად", ნათქვამია ორგანიზაციის ვებგვერდზე. სრულად... წყარო: idfi.ge

2 აპრილს, 14:00 საათზე, სოციალური საწარმოს დაფუძნების მსურველებისთვის, ქუთაისში შეხევდარა/სემინარი იმართება. შეხვედრა განკუთვნილია საქართველოში მოქმედი საზოგადოებრივი ორგანიზაციებისთვის და საინიციატივო ჯგუფებისთვის, რომელთაც აქვთ ინტერესი ან/და უკვე მუშაობენ კანონთან კონფლიქტში მყოფ პირებთან. მისამართი: ქუთაისში, გრიშაშვილის ქუჩის IV შესახვევი, #8.

2 აპრილს, 12:00 საათზე, საერთაშორისო დაცვის მქონე ქალები „კათარზისში" მცხოვრებ მოხუცებს ნაციონალური კერძებით გაუმასპინძლდებიან. ღონისძიებას დევნილთა და განსახლების მინისტრი სოზარ სუბარი და გაეროს ლტოლვილთა უმაღლესი კომისრის წარმომადგენელი საქართველოში იოჰანეს ფან დერ კლაუ დაესწრებიან. მისამართი: აღმაშენებლის გამზ. N121

2 აპრილს, 12:00 საათზე, სამოქალაქო აქტივობის ცენტრი "პრაიმ ტაიმის" პრესკლუბში, განცხადებას გააკეთებს. თემა: აზერბაიჯანელი მოქალაქის მიერ არასრულწლოვანზე ძალადობა. საკონტაქტო პირი - ხათუნა საღინაშვილი, 593585328