თბილისი. 17 ნოემბერს, ჩატარდა შშმ ბავშვთა მშობელთა შეხვედრა საქართველოში სოციალური მოდელის დანერგვის საკითხზე. შეხვედრას ესწრებოდა 50-ზე მეტი დაინტერესებული მშობელი, რომლებიც აქტიურად ჩაერთვნენ დისკუსიაში და ერთობლივად დასახეს სამომავლო მიზნები: 1) გამოვითხოვოთ ჯანდაცვის სამინისტროდან ინფორმაცია, იმის შესახებ თუ როდის აპირებენ სოციალურ მოდელზე გადასვლას და რა მეთოდოლოგიით. 2) შშმ პირების მშობლები და ოჯახის წევრები ჩაგვრთონ სოციალური მოდელის დანერგვის პროცესებში 3) შშმ სტატუსის განსაზღვრა - დაწვრილებით ინფორმაციის გამოთხოვნა. როორ განსაზღვრავს ბენეფიციარს რა მიდგომით დაყოფს საჭიროებების მიხედვით 4) მთავრობისგან გამოვითხოვოთ როდის და როგორ შექმნის კონვენციის იმპლემენტაციის ორგანოს 5) შეხვედრის მოთხოვნა იმ პროფესიონალ პირებთან, რომლებიც მუშაობენ სოციალური მოდელის დასანერგად. სრულად... წყარო: ორგანიზაციის ვებგვერდი სოციალურ ქსელში

თბილისი. 14 ნოემბერს, საქართველოს ეროვნული მუზეუმისა და ტოლერანტობისა და მრავალფეროვნების ინსტიტუტის (TDI) ორგანიზებით, ტოლერანტობის საერთაშორისო დღის აღსანიშნავად, გაიხსნა გამოფენა, „გზაჯვარედინი ‒ საქართველოს რელიგიური და ეთნიკური მრავალფეროვნება." „ექსპოზიციაზე წარმოდგენილია საქართველოს ეროვნული მუზეუმის კოლექციებში დაცული XIX-ХХ საუკუნეებში საქართველოში მოღვაწე მხატვრების - შალომ კობოშვილის, დავით გველესიანის, მაქს ტილკეს, ვანო ხოჯაბეგოვის, ოსკარ შმერლინგის, რიჰარდ ზომერის, ილია ზანკოვსკის, ბორის რომანოვსკი, ალექსანდრე ბაჟბეუკ-მელიქოვის, ვასილი შუხაევის და სხვათა ფერწერული ტილოები. ასევე, სხვადასხვა ეთნოსის კოსტიუმები, რელიგიური სიმბოლიკა და ატრიბუტები, რომლებიც საქართველოს რელიგიურ-ეთნიკურ მრავალფეროვნებას და ტოლერანტობის ტრადიციას ასახავს", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. „მითების დეტექტორი" უვიზო მიმოსვლის შესახებ სამ ყველაზე გავრცელებულ, დამახინჯებულ ინფორმაციას და მათზე მართებულ პასუხებს აქვეყნებს. ტყუილი: უვიზო მიმოსვლის შედეგად დარღვევათა სტატისტიკა საგანგაშოა. რეალური ფაქტი: ევროკავშირის ქვეყნებში წასული ყოველი 16 ადამიანიდან მხოლოდ ერთი არ დაბრუნებულა. სრულად... წყარო: mythdetector.ge

თბილისი. „მწვანე ალტერნატივა" საქართველოს მთავრობის მორიგ სტრუქტურულ-ფუნქციურ ცვლილებებზე განცხადებას ავრცელებს. „იმედს გამოვთქვამთ, საქართველოს მთავრობა უმოკლეს ვადაში გამოაქვეყნებს რეფორმის საჭიროების დამასაბუთებელ და მისი შინაარსის მაჩვენებელ დოკუმენტაციას, რათა საზოგადოება დარწმუნდეს, რომ დღეს გამოცხადებული სამთავრობო ინიციატივა ხელს არ შეუშლის საქართველოს მიერ დასახული მიზნების, მათ შორის, ევროკავშირში სრულფასოვანი ინტეგრაციის, პროგრესულ რეალიზებას. გარდა ამისა, ვიმედოვნებთ, რომ მთავრობა არ წარმართავს რეფორმის პროცესს ფორსირებულად და მისცემს დაინტერესებულ მხარეებსა და საზოგადოებას, დღეიდან მაინც, ჩართვის შესაძლებლობას", ნათქვამია განცხადებაში. სრულად... წყარო: greenalt.org

აჭარა. 8, 9 და 10 ნოემბერს ბათუმის დემოკრატიული ჩართულობის ცენტრი მასპინძლობს ქალაქ ბათუმის 2018-2021 წლების პრიორიტეტების დოკუმენტისა და 2018 წლის ბიუჯეტის პროექტის საჯარო განხილვებს. 8 ნოემბერი - სოციალური უზრუნველყოფისა და ჯანმრთელობის დაცვის პროგრამებისა და ქვეპროგრამების განხილვა; 9 ნოემბერი - განათლების, კულტურის, ახალგაზრდობის ხელშეწყობისა და სპორტული პროგრამებისა და ქვეპროგრამების განხილვა; 10 ნოემბერი - ინფრასტრუქტურული პროგრამებისა და ქვეპროგრამების განხილვა. 15 ნოემბრამდე ქალაქის მერი ბათუმის 2018 წლის ბიუჯეტის პროექტს განსახილველად წარუდგენს საკრებულოს. ბიუჯეტის პროექტთან ერთად, საკრებულოს წარედგინება 2018-2021 წლების პრიორიტეტების დოკუმენტი. თუ გაქვთ იდეა ან ინიციატივა, რომლის გათვალისწინებაც გსურთ ბიუჯეტში, 10 ნოემბრამდე მიმართეთ ბათუმის მერიას ბიუჯეტის შემუშავების პროცესში მონაწილეობის მისაღებად.

თბილისი. 2017 წლის 10 ნოემბერს, თბილისში, სასტუმრო „რადისონ ბლუ ივერიაში" დისტანციური ზონირებისა და გეოინფორმაციული სისტემების მომზმარებელთა XVIII საერთაშორისო კონფერენცია გაიმართება. კონფერენციას გის და დზ საკონსულტაციო ცენტრი „გეოგრაფიკი" უძღვება. კონფერენციაზე დასწრების მსურველებმა რეგისტრაცია უნდა გაიარონ ვებგვერდზე - www.geographic.ge სრულად  წყარო: CENN

თბილისი. 3 ნოემბერს ფონდი "ღია საზოგადოება-საქართველოს" საგამოფენო სივრცეში, "ღია გალერეაში" ზემო აჭარისა და პანკისის ფოტოკლუბების გამოფენა გაიხსნება. ფოტოგრაფი ნათელა გრიგალაშვილი ამ ორ რეგიონში მცხოვრები ნიჭიერი ახალგაზრდების ძალიან საინტერესო ფოტოებს წარმოადგენს. ეს ფოტოკლუბები არის გაგრძელება სოფლის ფოტოკლუბების იმ პროექტისა, რომელიც ნათელა გრიგალაშვილმა პირველად ჯავახეთში, სოფელ გორელოვკაში ფონდ "ღია საზოგადოება-საქართველოს" მხარდაჭერით წამოიწყო. სრულად  წყარო: ორგანიზაციის ვებგვერდი

თბილისი. საქართველოს უსაფრთხოებისა და განვითარების ცენტრმა (GCSD) ფონდი „ღია საზოგადოება-საქართველოს" მხარდაჭერით გამოსცა ანგარიში კვლევა, რომელიც საქართველო-ევროკავშირის ურთიერთობების განვითარების ძირითადი ეტაპებს, მთავარ მთავარ მიღწევებს, არსებულს გამოწვევებს და პერსპექტივებს ეხება. ნაშრომი იძლევა პრაქტიკულ რეკომენდაციებსაც, როგორც ევროკავშირთან თანამშრომლობის არსებული ფორმატების განვითარების, ასევე ქვეყნის საგარეო და შიდაპოლიტიკური ამოცანების დასახვისა და გადაწყვეტის მიმართულებით. სრულად  წყარო: ორგანიზაციის ვებგვერდი

თბილისი. ადამიანის უფლებების სწავლებისა და მონიტორინგის ცენტრი (EMC) აქვეყნებს ეროვნული და საერთაშორისო სტანდარტებისა და პრაქტიკის კვლევას - „დედობის, მამობის და მშობლის შვებულების უფლება თანასწორობის ფონზე". კვლევის მიზანია, გამოავლინოს დედობის, მამობის და მშობლის შვებულების უფლებასთან დაკავშირებული ხარვეზები საქართველოს კონსტიტუციასა და საერთაშორისო სამართლებრივ აქტებთან თავსებადობის კუთხით. კვლევა ასევე მიზნად ისახავს, შეისწავლოს ეროვნული კანონმდებლობის ის რეგულაციები, რომლებიც დედობის, მამობისა და მშობლის შვებულების უფლებას აწესრიგებენ კერძო და საჯარო სექტორში და შეაფასოს მათი შინაარსი ადამიანის უფლებათა დაცვის მინიმალური საერთაშორისო სტანდარტების შუქზე, მათ შორის, თანასწორობის კონტექსტში. სრულად  წყარო: ორგანიზაციის ვებგვერდი

აჭარა. 25 ოქტომბერს, ასოციაცია „ღირსეული სიბერის” ოფისში, მინი საჭადრაკო ტურნირი გაიმართა. „ტურნირი ოლიმპიური სისტემით ჩატარდა და მასში ყველა თაობის 18 მოჭადრაკეე მონაწილეობდა. დაძაბული ბრძოლის შემდეგ ტურნირის გამარჯვებული 25 წლის ამირან მალანია გახდა, მეორე და მესამე ადგილები 8 წლის მარი ცეცხლაძემ და 13 წლის ნოდარ მამულაძემ გაიყვეს. გამარჯვებულებს სპეციალური პრიზები გადაეცათ. სამახსოვრო საჩუქრებით კი ტურნირის ყველა მონაწილე დაჯილდოვდა”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საქართველოს სახალხო დამცველის თბილისისა და ბათუმის ოფისებში შრომის უსაფრთხო და ჯანსაღი პირობების მონიტორინგი ჩატარდება. ამის შესახებ სახალხო დამცველის აპატარის ვებგვერდი იტყობინება. „სახალხო დამცველი უკვე არაერთი წელია რეკომენდაციით მიმართავს საქართველოს მთავრობას, შეიქმნას შრომის პირობების მონიტორინგის ეფექტური მექანიზმი და ხაზს უსვამს მსგავსი მონიტორინგის აუცილებლობას არა მარტო მავნე და საშიშპირობებიან, არამედ სხვა, მათ შორის, საჯარო სამსახურებში. ამავდროულად, მნიშვნელოვანია ინსპექტირების მექანიზმს, მონიტორინგის მიზნით შეეძლოს ყველა ობიექტზე წინასწარი შეტყობინებისა და ნებართვის, მათ შორის, სასამართლოს ნებართვის გარეშე შესვლა. დღეს მოქმედი საკანონმდებლო ჩარჩო არ ავალდებულებს დაწესებულებებს დაუშვან შრომის ინსპექტირების დეპარტამენტის წარმომადგენლები ობიექტის შესამოწმებლად, რაც აკნინებს მექანიზმის ეფექტურობას. შესაბამისად, სხვა საჯარო სამსახურებისთვის მაგალითის მიცემის მიზნით, საქართველოს სახალხო დამცველმა თანხმობა განაცხადა საქართველოს სახალხო დამცველის თბილისის ოფისში შრომის პირობების ინსპექტირების დეპარტამენტის მიერ ინსპექტირების ჩატარებაზე და შესაბამისი წერილით საქართველოს შრომის, ჯანმრთელობისა და სოციალური დაცვის სამინისტროს უკვე მიმართა. დამატებით, სახალხო დამცველმა შემოწმების ჩატარება ბათუმის ოფისშიც მოითხოვა", - ნათქვამია განცხადებაში. სრულად  წყარო: ორგანიზაციის ვებგვერდი

თბილისი. 2017 წლის 26 ოქტომბერს ფონდ "ღია საზოგადოება-საქართველოს" ოფისში (მის: ჭოველიძის #10) კონსულტაციის დღე იმართება. დაინტერესებული პირების შეკითხვებს ფონდის პროგრამების მენეჯერები უპასუხებენ. კონსულტაციები, პროგრამების მიხედვით, შემდეგ საატებში ჩატარდება: ეროვნული ინტეგრაცია - 11:00 სთ; საზოგადოებრივი ჯანმრთელობა - 12:00 სთ; მონაწილეობითი დემოკრატიის პროგრამა - 14:00 სთ; ადამიანის უფლებები - 16:00 სთ; ევროინტეგრაცია - 17:00 სთ. სრულად  წყარო: ორგანიზაციის ვებგვერდი

თბილისი. 13 სექტემბრიდან 5 ოქტომბრის ჩათვლით, ტოლერანტობის და მრავალფეროვნების ინსტიტუტმა (TDI) გამართა რელიგიური გაერთიანებების შეხვედრები 2017 წლის თვითმმართველობის არჩევნებში მონაწილე თბილისის მერობის შემდეგ კანდიდატებთან და პოლიტიკურ პარტიებთან. „შეხვედრების მიზანი იყო რელიგიურ გაერთიანებებს პარტიებისთვის/მერობის კანდიდატებისთვის გაეცნოთ რელიგიის თავისუფლებასთან დაკავშირებული პრობლემატიკა. პოლიტიკურ პარტიებსა და თბილისის მერობის კანდიდატებს კი წარმოედგინათ საკუთარი ხედვა საქართველოში რელიგიის თავისუფლების, თანასწორობის დაცვისა და დისკრიმინაციის აკრძალვის თაობაზე. შეხვედრებზე განხილული იყო რელიგიის თავისუფლებასა და რელიგიური გაერთიანებების თანასწორუფლებიანობასთან დაკავშირებული ის ძირითადი საკითხები, რომლებიც თვითმმართველობის კომპეტენციას განეკუთვნება", ნათქვამია ორგანიზაციის ვებგვერდზე. სრულად... წყარო: www.tdi.ge

csogeorgia.org საზოგადოებრივ ორგანიზაციებს, ნებისმიერ დაინტერესებულ პირს. ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საზოგადოებრივი ორგანიზაციების ნაწილი სახალხო დამცველის შერჩევასთან დაკავშირებულ განცხადებებს ეხმაურება და საქართველოს პარლამენტს მოუწოდებს, ქვეყნის მთავარი უფლებადამცველის შერჩევისაში სამოქალაქო საზოგადოების მონაწილეობა უზრუნველყოს. „ყველასთვის ცნობილია, რომ კანონმდებლობის მიხედვით, საქართველოს სახალხო დამცველის კანდიდატურის ფორმალური დასახელების უფლება მხოლოდ საპარლამენტო ფრაქციასა და ფრაქციებს მიღმა დარჩენილ არანაკლებ 6 დეპუტატს შეუძლია. ამის მიუხედავად, საზოგადოებრივი ორგანიზაციები ყოველთვის მონაწილეობდნენ იმ დისკუსიებსა და განხილვებში, რომლებიც სახალხო დამცველის არჩევას თან სდევდა," - ნათქვამია განცხადებაში, - „შესაბამისად, მოვუწოდებთ საქართველოს პარლამენტსა და, განსაკუთრებით, საპარლამენტო უმრავლესობას უზრუნველყოს უფლებადამცველი ორგანიზაციების, უნივერსიტეტებისა და სამოქალაქო საზოგადოების მონაწილეობა სახალხო დამცველის არჩევის პროცესში". სრულად  წყარო: ორგანიზაციის ვებგვერდი

აჭარა. ფოსტის საერთაშორისო დღესთან დაკავშირებით, თავისუფალ ჟურნალისტთა სახლის მოხალისეებმა ბათუმის მაშტაბით 100 პოზიტიური წერილი დაარიგეს. წერილის ადრესატები საზოგადოების სხვადასხვა სფეროს აქტიური წარმომადგენლები იყვნენ. პროექტს ახორცილებს თავისუფალ ჟურნალისტთა სახლი „ფონდი ღია საზოგადოება საქართველოს" ფინანსური მხარდაჭერით. სრულად... წყარო: ორგანიზაციის ვებგვერდი სოციალურ ქსელში

თბილისი. თეთრი ხელჯოხის საერთაშორისო დღესთან დაკავშირებით, 15 ოქტომბერს, გაიმართა ტრენინგი თემაზე „უსინათლოსთან ადეკვატური კომუნიკაციის ეტიკეტის ძირითადი პრინციპები". ტრენინგს ესწრებოდნენ როგორც ორგანიზაციის მოხალისეები ასევე სხვა დაინტერესებული პირები. სრულად... წყარო: ორგანიზაციის ვებ-გვერდი სოციალურ ქსელში

თბილისი. 11 ოქტომბერს, ომბუდსმენის აპარატის პრევენციის და მონიტორინგის დეპარტამენტმა ევროკავშირის ქვეყნების ტერიტორიაზე უნებართვოდ მცხოვრები საქართველოს მოქალაქეების დაბრუნების ერთობლივი ოპერაციის მონიტორინგი განახორციელეს. „დასაბრუნებელი პირების მიღების, შემოწმების და მგზავრობის პროცესის მონიტორინგი უწყვეტად მიმდინარეობდა. დაბრუნების ოპერაციის განმავლობაში რაიმე სახის ინციდენტს ადგილი არ ჰქონია, ძალისა და სპეციალური საშუალებების გამოყენება არ მომხდარა", ნათქვამია ომბუდსმენის ვებ-გვერდზე. სრულად... წყარო: www.ombudsman.ge

თბილისი. ფონდმა „ღია საზოგადოება საქართველომ" გამოქვეყნა კვლევის ანგარიში „თბილისის მოსახლეობის საჭიროებების ანალიზი". წარმოდგენილი რაოდენობრივი კვლევა თბილისის მოსახლეობის საჭიროებებს აფასებს. "თბილისში არსებული ვითარების ზოგადი შეფასებისას რესპონდენტების უმრავლესობა (56%) აცხადებს, რომ ბოლო სამი წლის განმავლობაში თბილისი არასწორად ვითარდება. აქედან 22 % ერთმნიშვნელოვნად ნეგატიურადაა განწყობილი", ნათქვამია ორგანიზაციის ვებ-გვერდზე. სრულად... წყარო: www.osgf.ge

თბილისი. კავშირი „საფარი" შშმ ქალთა მიმართ ძალადობის თემაზე ესმა გუმბერიძის ბლოგპოსტს აქვეყნებს. „რადგანაც ჩვენს კულტურაში გამჯდარია შშმ პირის ინფანტილიზაცია, ანუ მისი მუდმივ ბავშვად, არასრულწლოვნად აღქმა, შესაბამისად, მასზე ოჯახში ძალადობა, როგორც ბავშვზე, „აღზრდის", დასჯის, კონტროლისა და იძულების მიზნით, ზრდასრულობის პერიოდშიც ხშირად გრძელდება ხოლმე", ნათქვამია ბლოპოსტში. სრულად... წყარო: sapari.ge

თბილისი. 16 ოქტომბერს გაიმართება კვლევის „თბილისის მოსახლეობის საჭიროებები” საჯარო პრეზენტაცია. „კვლევა რამდენიმე თვის მანძილზე აქტიური საარჩევნო კამპანიების პარალელურად მიმდინარეობდა. ის რეალურ სურათს გვაძლევს მოქალაქეთა საჭიროებების შესახებ. გამოკითხულია 18 წელს გადაცილებული 3000 მოქალაქე. კვლევა ჩაატარა „სოციალური კვლევისა და ანალიზის ინსტიტუტმა” ფონდი „ღია საზოგადოება-საქართველოს" Open Society Georgia Foundation მხარდაჭერით. კვლევის შედეგებს წარმოადგენს იაგო კაჭკაჭიშვილი. სრულად... წყარო: ორგანიზაციის ვებ-გვერდი სოციალურ ქსელში

სამცხე-ჯავახეთი. არასამთავრობო ორგანიზაცია Talita Kum-ის ორგანიზებით, ქართულ–პოლონური პროექტის „ბედნიერები ერთად" ფარგლებში, ახალციხის ციხის ტერიტორიაზე, შშმ პირთა ფესტივალი „იცხოვრე ჩვენთან ერთად, გაერთე ჩვენთან ერთად" გაიმართა. „ფესტივალზე, მონაწილეობა, სამცხე–ჯავახეთში არსებულმა ქორეოგრაფიულმა და ფოლკლორულმა ანსამბლებმა მიიღეს. ფესტივალის დაგეგმვასა და განხორციელებაში, აქტიურად იყვნენ ჩართულები, დემოკრატ მესხთა კავშირის, და ტოლერანტობის სამოქალაქო ცნობიერებისა და ინტეგრაციის მხარდაჭერის (PITA), ასევე დემოკრატიული ჩართულობის მხარდაჭერის (FID) პროგრამების მონაწილეები", ნათქვამია ორგანიზაციის ვებ-გვერდზე სოციალურ ქსელში. სრულად...  წყარო: ორგანიზაციის ვებ-გვერდი სოციალურ ქსელში